Robert Solou ing Robert Solow 23 avqust 1924 Bruklin Nyu York ştatı 21 dekabr 2023 Leksinqton d Massaçusets xüsusilə iqt

Robert Solou (ing. Robert Solow) (23 avqust 1924, Bruklin, Nyu-York ştatı – 21 dekabr 2023, Leksinqton^[d], Massaçusets) — xüsusilə iqtisadi inkişafla bağlı tədqiqatları ilə tanınan amerikalı iqtisadçı. 1961-ci ildə Con Beyts Klark medalı, 1987-ci ildə İqtisadiyyat üzrə Nobel mükafatı və 1999-cu ildə Beynəlxalq Elm medalına layiq görülmüşdür.

Robert Solou
ing. Robert Merton Solow

Doğum tarixi	23 avqust 1924(1924-08-23)
Doğum yeri	Bruklin, Nyu-York, Nyu-York ştatı, ABŞ
Vəfat tarixi	21 dekabr 2023(2023-12-21)(99 yaşında)
Vəfat yeri	Leksinqton^[d], Midlseks^[d], Massaçusets, ABŞ
Elm sahələri	makroiqtisadiyyat, iqtisadiyyat, İqtisadi artım
İş yerləri	Massaçusets Texnologiya İnstitutu
Təhsili	Harvard Universiteti (–1951), Ceyms Medison Ali Məktəbi^[d]
Elmi rəhbəri	Vasili Leontyev
Üzvlüyü	Dei Linçei Akademiyası, ABŞ Milli Elmlər Akademiyası, Amerika İncəsənət və Elmlər Akademiyası, Amerika Fəlsəfə Cəmiyyəti^[d], Ekonometrik Cəmiyyət (1957–2023)
Mükafatları
Vikianbarda əlaqəli mediafayllar

Həyatı

Robert Solou 23 avqust 1924-cü ildə Nyu York şəhərində yəhudi ailəsində anadan olub. Evlərinin yaxınlığında yerləşən dövlət məktəbində oxumuş, uğurlu bir şagirdlik keçirmişdi.

Robert Solou 1940-cı ilin sentyabr ayında təqaüdlə Harvard Universitetində təhsilə başladı. Sosiologiya və antropologiya üzrə təhsil almaqla yanaşı eyni zamanda iqtisadiyyat təhsili də almağa başlamışdı.

1942-ci ilin sonlarına yaxın qoşulmaq üçün universitetdən ayrılan Robert Solou Şimali Afrika və Siciliyada xidmət keçdi. Sonra isə ordudan tərxis olunana qədər İtaliyada xidmət keçmişdi.

1945-ci ildə yenidən Harvard Universitetinə qayıtdı. Vasili Leontyevin rəhbərliyində tədqiqatlara başladı və giriş-çıxış hesabları üçün ilk maliyyə əmsallarını hazırladı. Daha sonra marağı ehtimal nəzəriyyəsi və statistikaya meylləndi.

1949–1950-ci illərdə Kolumbiya Universitetindən təqaüd qazanaraq intensiv şəkildə statistik işlərə başladı. Eyni zamanda işsizlik və əmək haqqı nisbətləri üçün gəlir paylanmasında Markov müddətini istifadə edərək yeni göstəricilər əldə etməyə çalışdı.

1949-cu ildə Kolumbiya Universitetinə getməmişdən əvvəl köməkçi professorluq üçün Massaçusets Texnologiya İnstitutunun iqtisadiyyat bölməsinə müraciət etdi və qəbul edildi. Massaçusets Texnologiya İnstitutunda statistika və ekonometrika üzrə tədqiqatlar apardı. Robert Solounun marağı getdikcə makroiqtisadiyyata meyllənməyə başladı. Təqribən 40 il bir yerdə işlədiyi Pol Samuelsonla birlikdə bir çox nəzəriyyə meydana gətirdilər: fon Neyman böyümə nəzəriyyəsi (1953), kapital nəzəriyyəsi (1956), xətti proqramlaşdırma (1958), Filips əyrisi (1960) və s.

Robert Solou bir çox ABŞ Federal hökumət layihələrində işlədi. Xüsusilə işsizlik, inkişaf siyasətləri və pul nəzəriyyəsi istiqamətlərinə diqqət göstərdi.

1961-ci ildə Amerikan İqtisadi Birliyinin (ing. American Economic Association) 40 yaşdan kiçik ən yaxşı iqtisadçılara verilən Con Beyts Klark medalına layiq görüldü. 1987-ci ildə iqtisadi inkişafla bağlı tədqiqatlarına görə İqtisadiyyat üzrə Nobel mükafatına layiq görüldü. 1999-cu ildə isə Beynəlxalq Elm medalı ilə mükafatlandırıldı.

Əsərləri

1956. "A Contribution to the Theory of Economic Growth." Quarterly Journal of Economics 70: 65–94.
1957. "Technical Change and the Aggregate Production Function"; Review of Economics and Statistics 39: 312–20.
1958. Linear Programming and Economic Analysis. McGraw Hill, New York (Robert Dorfman ve Pol Samuelsonla birlikdə).
1962. "Technical Progress, Capital Formation, and Economic Growth"; The American Economic Review '52 (2): 76–86.
1963. Capital Theory and the Rate of Return.
1964. Sources of Unemployement in the United States.
1965. "A Contribution to the Theory of Economic Growth"; Quarterly Journal of Economics 70: 65–94.
1967. "The New Industrial State or Son of Affluence"; The Public Interest 108.
1970. Price Expectations and the Behavior of the Price Level.
1974. "The Economics of Resources or the Resources of Economics"; The American Economic Review 64: 1–14.
1980. On Theories of Unemployment.
1997. What is Labor Market Flexibility: What is it good for?.
1997. The Nature of Consumer Price Indices.
2000. Neoclassical Growth Theory.
2000. Growth Theory: An Exposition, Oxford University Press.
2007. "The Last 50 years in Growth Theory and the Next 10." Oxford Review of Economic Policy 23 (1): 3–14.

Həmçinin bax

Xarici keçidlər

Robert Solou haqqında Nobel mükafat e-muzeyində məlumat
Robert Solou haqqında faktlar
Robert Solounun İqtisadiyyat üzrə Nobel mükafatının təqdim olunma mərasimindəki çıxışı
Robert Solounun müsahibəsi
Robert Solounun şəkilləri

İstinadlar

Çex Milli Hakimiyyət Məlumat bazası.
Robert Merton Solow // Brockhauz Ensiklopediyası (alm.).
Robert M. Solow // Munzinger Personen (alm.).
Robert Solow, Nobelist who tied technology to economic growth, dies at 99.
NNDB (ing.). 2002.
Fellows of the Econometric Society. Ekonometrik Cəmiyyət.
Mathematics Genealogy Project (ing.). 1997.

[_fdf7bdedce983691-1] Çex Milli Hakimiyyət Məlumat bazası.

[_fd0e63b8edb61409-2] Robert Merton Solow // Brockhauz Ensiklopediyası (alm.).

[_8edc88f964ce2b19-3] Robert M. Solow // Munzinger Personen (alm.).

[_c29977da2720b51d-4] Robert Solow, Nobelist who tied technology to economic growth, dies at 99.

[_2ad5f8ab60c30310-5] NNDB (ing.). 2002.

[_3b7bf9410489a54a-6] Fellows of the Econometric Society. Ekonometrik Cəmiyyət.

[_40b381f971b7126d-7] Mathematics Genealogy Project (ing.). 1997.