Azərbaycan Dövlət informasiya Agentliyi və ya qısaca AZəRTAC Azərbaycanın milli informasiya agentliyi yerli və xarici Ki

Azərbaycan Dövlət İnformasiya Agentliyi və ya qısaca AZƏRTAC — Azərbaycanın milli informasiya agentliyi; yerli və xarici KİV-lər üçün yeganə rəsmi dövlət informasiya mənbəyi. İdarə Heyətinin sədri Vüqar Əliyevdir.

Azərbaycan Dövlət İnformasiya Agentliyi

Ümumi məlumatlar
Ölkə	Azərbaycan
Yaradılma tarixi	1 mart 1920
Ünvan	Bakı Ağasadıq Gəraybəyli, 63
Rəhbərlik
Rəhbər	Vüqar Əliyev
Müavin	Dağbəyi İsmayılov

Rəsmi saytı	azertag.az
Vikianbarda əlaqəli mediafayllar

Tarixi

1920-ci il martın 1-də Azərbaycan Xalq Cümhuriyyəti hökuməti tərəfindən yaradılıb. Agentlik sovet hakimiyyəti illərində müxtəlif adlarla fəaliyyət göstərib.

Azərbaycan yenidən dövlət müstəqilliyi əldə etdikdən sonra agentlik özünün tarixi adını bərpa edib. 1995-ci il martın 3-dən Nazirlər Kabineti yanında Dövlət Teleqraf Agentliyi, 2000-ci il yanvarın 17-dən Azərbaycan Dövlət Teleqraf Agentliyi adlandırılıb.

AZƏRTAC rəsmi dövlət xəbərləri ilə yanaşı, ictimai-siyasi, iqtisadi mövzularda, elm, təhsil, mədəniyyət, səhiyyə, idman, ətraf mühit və s. haqqında fasiləsiz olaraq sutka ərzində Azərbaycan, rus, ingilis, alman, fransız, ərəb və Çin dillərində dəqiq və operativ informasiya buraxır.

AZƏRTAC İTAR-TASS (Rusiya), Anadolu agentliyi (Türkiyə), Sinxua (Çin), Rompress 2019-11-02 at the Wayback Machine (Rumıniya), Ukrinform (Ukrayna), BTA (Bolqarıstan), (İtaliya), İRNA (İran), TANYUQ (Serbiya), BELTA (Belarus), (Moldova), ATA (Albaniya), MTI (Macarıstan), MENA (Misir), PETRA (İordaniya), ANTARA (İndoneziya), Bernama (Malayziya), MONTSAME (Monqolustan), Yonhap (Koreya Respublikası), LETA (Latviya), Kabar (Qırğızıstan), Kazinform (Qazaxıstan), KUNA (Küveyt), Xovar (Tacikistan), KYODO (Yaponiya), BuaNews (Cənubi Afrika Respublikası), AGI (İtaliya), QNA (Qətər), ELTA (Litva), TELAM (Argentina), PAP (Polşa), SPA (Səudiyyə Ərəbistanı), Asia Pulse Ltd. (Avstraliya), VNA (Vyetnam), BERNAMA (Malayziya), WAM (Birləşmiş Ərəb Əmirlikləri), WAFA (Fələstin), TDX (Türkmənistan), STA (Sloveniya), JİJİPRESS (Yaponiya), EFE (İspaniya), IP (Paraqvay), BNA (Bəhreyn) informasiya agentlikləri ilə əməkdaşlıq haqqında sazişlər imzalayıb.

V Bakı Beynəlxalq Kitab Sərgi-Yarmarkasında

2004-cü ildə Asiya və Sakit Okean Ölkələri İnformasiya Agentlikləri Təşkilatına (OANA) üzv qəbul edilib.

AZƏRTAC Müstəqil Dövlətlər Birliyinin üzvü olan ölkələrin Milli İnformasiya Agentlikləri Assosiasiyasının (ANİA), Türkdilli Ölkələrin Xəbər Agentlikləri Birliyinin (TKA), Qara Dəniz İqtisadi Əməkdaşlıq Təşkilatının üzvü olan ölkələrin milli informasiya agentlikləri assosiasiyasının (PANİA) təsisçilərindən biridir.

AZƏRTAC 2008-ci ildən "AsiaPulse" — üzvüdür.

2010–2013-cü illərdə agentlik PANİA-ya sədrlik edib.

2013-cü ilin sentyabrında OANA-nın Moskvada keçirilən XV Baş Assambleyasında təşkilatın vitse-prezidenti seçilib. Həmin toplantıda təşkilatın üzv dövlətlərinin milli informasiya agentlikləri rəhbərlərinin səsverməsi əsasında AZƏRTAC 2016–2019-cu illərdə bu beynəlxalq struktura sədrlik etmək hüququ qazanıb. 2016-cı il noyabrın 18-də OANA-nın Bakıda keçirilən XVI Baş Assambleyasında bu təşkilatda sədrlik vəzifələrinin icrasına başlayıb.

2013-cü il noyabrın 20-də Səudiyyə Ərəbistanı Krallığının paytaxtı Ər-Riyad şəhərində dünyanın 70-dən çox mötəbər xəbər agentliyinin, OANA, EANA, FANA, İİNA xəbər alyanslarının, "SKY Nyus Arabia", "Los-Anceles Tayms", "Guardian", BBC kimi aparıcı media qurumlarının və məşhur MSN, Google, Yahoo internet korporasiyalarının rəhbərlərinin iştirak etdikləri Dünya Xəbər Agentliklərinin IV Konqresində (NAWC) AZƏRTAC 2016–2019-cu illərdə Dünya Xəbər Agentlikləri Konqresinə 2016-12-20 at the Wayback Machine sədr seçilib və V Konqresin Azərbaycanda keçirilməsi ilə bağlı qərar qəbul olunub. 2014–2016-cı illərdə V Konqresə hazırlıq məqsədilə Konqresin icraedici orqanı olan Dünya Xəbər Agentlikləri Konqresi Şurasının (NACO) 5 iclası — 3-ü Bakıda, 2-si Londonda keçirilib. Bakıda keçirilən iclasların birində ilk dəfə olaraq Dünya Xəbər Agentlikləri Konqresi Şurasının sədri və sədr müavini vəzifələri təsis edilib.

2016-cı il noyabrın 16–17-də Heydər Əliyev Fondu və AZƏRTAC-ın birgə təşkilatçılığı ilə Bakıda Dünya Xəbər Agentliklərinin V Konqresi keçirilib. Noyabrın 16-da V Konqres və OANA-nın XVI Baş Assambleyasının birgə açılış mərasimində Azərbaycan Prezidenti İlham Əliyev iştirak edib.. Tədbirlərdə 80 ölkədən 100-ə yaxın xəbər agentliyinin 190-dək rəhbəri və təmsilçisi, media üzrə beynəlxalq ekspertlər, BMT — UNESCO-nun rəsmi nümayəndəsi, həmçinin regional media qurumlarının əməkdaşları iştirak ediblər. Konqresdə BMT-nin Baş katibi Pan Gi Munun məktubu oxunub və UNESCO-nun Baş direktoru İrina Bokovanın videomüraciəti təqdim edilib. Devizi "Xəbər agentlikləri üçün yeni çağırışlar" olan Bakı Konqresində "Xəbər istehlakının gələcəyi", "Xəbər agentlikləri – yeni texnologiyaların və sosial medianın çağırışları və imkanları", "Xəbər agentliklərinin innovasiyası", "Multimedianın gələcəyi üçün jurnalistlərin təlimi", "Jurnalistlərin missiyasının qorunması: azadlıq, çıxış imkanı, təhlükəsizlik və münaqişə zonaları" mövzularında məruzələr dinlənilib, diskussiyalar aparılıb.

AZƏRTAC-ın ABŞ, İngiltərə, Fransa, Almaniya, Avstriya, Latviya, Macarıstan, Rusiya, Ukrayna, Misir, Türkiyə, Gürcüstan, İran, Qazaxıstan, Özbəkistan, Rumıniya, İspaniya, İtaliya, İsveç, Çin və Yaponiyada, respublikanın bölgələrində müxbir məntəqələri fəaliyyət göstərir.

AZƏRTAC foto və yazılı informasiyalarla yanaşı, ölkənin sosial, siyasi, iqtisadi, idman həyatından videoxəbərlər hazırlayır, onları internet resursunda və sosial şəbəkələrdə yayır. Agentliyin multimedia və videoxəbər xidməti "Gəzdim Azərbaycanı", "Abidələrimiz", "Dünya şəhərləri", "Sənət korifeylərimiz" və digər bir sıra layihələr həyata keçirir.

2013-cü ilin sentyabrından AZƏRTAC-ın Uşaq Bilik Portalı, 2014-cü ildən yenilənmiş Videosaytı fəaliyyət göstərir.

26 fevral 2015-ci ildə Azərbaycan Respublikasının Prezidenti İlham Əliyevin sərəncamı ilə Azərbaycan Dövlət Teleqraf Agentliyinin (AzərTAc-ın) adı dəyişdirilərək Azərbaycan Dövlət İnformasiya Agentliyi (AzərTAc) adlandırılıb.

24 noyabr 2016-cı ildə "Dövlət orqanı" hüquqi statusuna malik Azərbaycan Dövlət İnformasiya Agentliyi (AZƏRTAC) əsasında "Azərbaycan Dövlət İnformasiya Agentliyi (AZƏRTAC)" publik hüquqi şəxs yaradılıb.

19 dekabr 2017-ci ildə Prezident İlham Əliyevin "Azərbaycan Dövlət İnformasiya Agentliyinin (AZƏRTAC-ın) fəaliyyətinin təmin edilməsi haqqında" Fərmanı ilə publik hüquqi şəxs olaraq AZƏRTAC-ın Nizamnaməsi təsdiq edilib.

2023-cü ilin avqustunda agentliyin veb-saytının yeni dizaynı və yeni loqosu təqdim edilib.

Loqoları

2016-cı ilə qədər
2023-cü ilə qədər
2023-cü ildən

Rəhbərləri

Qubad Qasımov — 14.07.1921–1928
— 1928–1930
— 1937–1938
Yefim Qurviç — 23.05.1942–1958, 1962–26.12.1986
Xasay Vəzirov — 07.1958–09.1962
Rafiq Zeynalov — 26.12.1986–06.26.1988
Azad Şərifov — 10.10.1988–03.04.1992
— 03.04.1992–06.08.1992
— 06.08.1992–26.08.1994
Şamil Şahməmmədov — 22.01.2000-30.10.2002
Aslan Aslanov — 30.10.2002-19.11.2022
Vüqar Əliyev (28.11.2022–h.h.)

Mənbə

AZƏRTAC haqqında
Azərbaycanın ilk milli xəbər agentliyi 103 yaşında — FOTO

İstinadlar

"Asiya və Sakit Okean Ölkələri İnformasiya Agentlikləri Təşkilatının XVI Baş Assambleyası işini başa çatdırıb" (az.). azertag.az. 18.11.2016. 2022-03-21 tarixində . İstifadə tarixi: 9 iyun 2021.
"Bakıda Dünya Xəbər Agentliklərinin V Konqresinin, Asiya və Sakit Okean Ölkələri İnformasiya Agentlikləri Təşkilatının XVI Baş Assambleyasının birgə açılış mərasimi keçirilib Azərbaycan Prezidenti İlham Əliyev mərasimdə iştirak edib" (az.). azertag.az. 16.11.2016. 2022-07-07 tarixində . İstifadə tarixi: 9 iyun 2021.
"BMT-nin baş katibi Pan Gi Mun Dünya Xəbər Agentliklərinin V Konqresinə müraciət ünvanlayıb" (az.). azertag.az. 17.11.2016. 2022-03-21 tarixində . İstifadə tarixi: 9 iyun 2021.
"UNESCO-nun baş direktoru xanım İrina Bokovanın Bakıda Dünya Xəbər Agentliklərinin V Konqresinin iştirakçılarına videomüraciəti" (az.). azertag.az. 16.11.2016. 2020-10-27 tarixində . İstifadə tarixi: 9 iyun 2021.
"Dünya Xəbər Agentliklərinin V Konqresi işini sessiyalarla davam etdirib [YENİLƏNİB]" (az.). azertag.az. 16.11.2016. 2022-03-21 tarixində . İstifadə tarixi: 9 iyun 2021.
"Bakı Konqresinin ikinci gününün sessiyalarında xəbər agentliklərinin aktual problemləri müzakirə olunub" (az.). azertag.az. 17.11.2016. 2022-03-21 tarixində . İstifadə tarixi: 9 iyun 2021.
"Azərbaycan Dövlət Teleqraf Agentliyinin (AzərTAc-ın) Azərbaycan Dövlət İnformasiya Agentliyi (AzərTAc) adlandırılması haqqında Azərbaycan Respublikası Prezidentinin Sərəncamı" (az.). president.az. 26 fevral 2015. 2021-09-22 tarixində . İstifadə tarixi: 9 iyun 2021.
"Azərbaycan Respublikasında dövlət idarəçiliyinin təkmilləşdirilməsi ilə bağlı bəzi tədbirlər haqqında Azərbaycan Respublikası Prezidentinin Fərmanı" (az.). president.az. 24 noyabr 2016. 2021-09-29 tarixində . İstifadə tarixi: 9 iyun 2021.
"Azərbaycan Dövlət İnformasiya Agentliyinin (AZƏRTAC-ın) fəaliyyətinin təmin edilməsi haqqında Azərbaycan Respublikası Prezidentinin Fərmanı" (az.). president.az. 19 dekabr 2017. 2021-09-22 tarixində . İstifadə tarixi: 9 iyun 2021.
"Azərbaycan Dövlət İnformasiya Agentliyinin (AZƏRTAC-ın) NİZAMNAMƏSİ" (az.). azertag.az. 19.12.2017. 2022-03-21 tarixində . İstifadə tarixi: 16 iyun 2021.
AZƏRTAC loqosunu və veb-saytını yeniləyib
"V. Y. Rüstəmovun Azərbaycan Teleqraf Agentliyinin (AzərTAcın) baş direktoru vəzifəsindən azad edilməsi haqqında" Azərbaycan Respublikası Prezidentinin 25 avqust 1994-cü il tarixli, 191 nömrəli Fərmanı. ^{[ölü keçid]} e-qanun.az (az.)
"Ş. M. Şahməmmədovun Azərbaycan Dövlət Teleqraf Agentliyinin (AzərTAc-ın) baş direktoru təyin edilməsi haqqında" Azərbaycan Respublikası Prezidentinin 22 yanvar 2000-ci il tarixli, 263 nömrəli Fərmanı. ^{[ölü keçid]} e-qanun.az (az.)
"Ş. M. Şahməmmədovun Azərbaycan Dövlət Teleqraf Agentliyinin (AzərTAc-ın) baş direktoru vəzifəsindən azad edilməsi haqqında" Azərbaycan Respublikası Prezidentinin 30 oktyabr 2002-ci il tarixli, 807 nömrəli Fərmanı. 2018-06-05 at the Wayback Machine e-qanun.az (az.)
"A. Ə. Aslanovun Azərbaycan Dövlət Teleqraf Agentliyinin (AzərTAc-ın) baş direktoru təyin edilməsi haqqında " Azərbaycan Respublikası Prezidentinin 30 oktyabr 2002-ci il tarixli, 808 nömrəli Fərmanı. 2014-10-06 at the Wayback Machine e-qanun.az (az.)

Xarici keçidlər

azertag.az — Azərbaycan Dövlət İnformasiya Agentliyinin rəsmi saytı
AZƏRTAC Video
Uşaq Bilik Portalı
Azertac News Agency English
Azertag News Agency French
AZERTAC Arabic
АЗЕРТАДЖ Новости
AZERTAC Arabic

[1] "Asiya və Sakit Okean Ölkələri İnformasiya Agentlikləri Təşkilatının XVI Baş Assambleyası işini başa çatdırıb" (az.). azertag.az. 18.11.2016. 2022-03-21 tarixində . İstifadə tarixi: 9 iyun 2021.

[2] "Bakıda Dünya Xəbər Agentliklərinin V Konqresinin, Asiya və Sakit Okean Ölkələri İnformasiya Agentlikləri Təşkilatının XVI Baş Assambleyasının birgə açılış mərasimi keçirilib Azərbaycan Prezidenti İlham Əliyev mərasimdə iştirak edib" (az.). azertag.az. 16.11.2016. 2022-07-07 tarixində . İstifadə tarixi: 9 iyun 2021.

[3] "BMT-nin baş katibi Pan Gi Mun Dünya Xəbər Agentliklərinin V Konqresinə müraciət ünvanlayıb" (az.). azertag.az. 17.11.2016. 2022-03-21 tarixində . İstifadə tarixi: 9 iyun 2021.

[4] "UNESCO-nun baş direktoru xanım İrina Bokovanın Bakıda Dünya Xəbər Agentliklərinin V Konqresinin iştirakçılarına videomüraciəti" (az.). azertag.az. 16.11.2016. 2020-10-27 tarixində . İstifadə tarixi: 9 iyun 2021.

[5] "Dünya Xəbər Agentliklərinin V Konqresi işini sessiyalarla davam etdirib [YENİLƏNİB]" (az.). azertag.az. 16.11.2016. 2022-03-21 tarixində . İstifadə tarixi: 9 iyun 2021.

[6] "Bakı Konqresinin ikinci gününün sessiyalarında xəbər agentliklərinin aktual problemləri müzakirə olunub" (az.). azertag.az. 17.11.2016. 2022-03-21 tarixində . İstifadə tarixi: 9 iyun 2021.

[7] "Azərbaycan Dövlət Teleqraf Agentliyinin (AzərTAc-ın) Azərbaycan Dövlət İnformasiya Agentliyi (AzərTAc) adlandırılması haqqında Azərbaycan Respublikası Prezidentinin Sərəncamı" (az.). president.az. 26 fevral 2015. 2021-09-22 tarixində . İstifadə tarixi: 9 iyun 2021.

[8] "Azərbaycan Respublikasında dövlət idarəçiliyinin təkmilləşdirilməsi ilə bağlı bəzi tədbirlər haqqında Azərbaycan Respublikası Prezidentinin Fərmanı" (az.). president.az. 24 noyabr 2016. 2021-09-29 tarixində . İstifadə tarixi: 9 iyun 2021.

[9] "Azərbaycan Dövlət İnformasiya Agentliyinin (AZƏRTAC-ın) fəaliyyətinin təmin edilməsi haqqında Azərbaycan Respublikası Prezidentinin Fərmanı" (az.). president.az. 19 dekabr 2017. 2021-09-22 tarixində . İstifadə tarixi: 9 iyun 2021.

[10] "Azərbaycan Dövlət İnformasiya Agentliyinin (AZƏRTAC-ın) NİZAMNAMƏSİ" (az.). azertag.az. 19.12.2017. 2022-03-21 tarixində . İstifadə tarixi: 16 iyun 2021.

[11] AZƏRTAC loqosunu və veb-saytını yeniləyib

[12] "V. Y. Rüstəmovun Azərbaycan Teleqraf Agentliyinin (AzərTAcın) baş direktoru vəzifəsindən azad edilməsi haqqında" Azərbaycan Respublikası Prezidentinin 25 avqust 1994-cü il tarixli, 191 nömrəli Fərmanı. ^{[ölü keçid]} e-qanun.az (az.)

[13] "Ş. M. Şahməmmədovun Azərbaycan Dövlət Teleqraf Agentliyinin (AzərTAc-ın) baş direktoru təyin edilməsi haqqında" Azərbaycan Respublikası Prezidentinin 22 yanvar 2000-ci il tarixli, 263 nömrəli Fərmanı. ^{[ölü keçid]} e-qanun.az (az.)

[14] "Ş. M. Şahməmmədovun Azərbaycan Dövlət Teleqraf Agentliyinin (AzərTAc-ın) baş direktoru vəzifəsindən azad edilməsi haqqında" Azərbaycan Respublikası Prezidentinin 30 oktyabr 2002-ci il tarixli, 807 nömrəli Fərmanı. 2018-06-05 at the Wayback Machine e-qanun.az (az.)

[15] "A. Ə. Aslanovun Azərbaycan Dövlət Teleqraf Agentliyinin (AzərTAc-ın) baş direktoru təyin edilməsi haqqında " Azərbaycan Respublikası Prezidentinin 30 oktyabr 2002-ci il tarixli, 808 nömrəli Fərmanı. 2014-10-06 at the Wayback Machine e-qanun.az (az.)