Byenxoa

Byenxoa,Benxoa və ya Byenhoa — Vyetnamda şəhər. Donqnay əyalətinin inzibati mərkəzi.

Şəhər
Byenxoa
ing. Biên Hòa
Ölkə	Vyetnam
Region
Tarixi və coğrafiyası
Sahəsi	264,08 km²
Mərkəzin hündürlüyü	4 m, 6 m
Saat qurşağı
Əhalisi
Əhalisi	1,104,495 nəfər (2015)
Sıxlığı	4,182 nəf./km²
Digər
bienhoa.dongnai.gov.vn
Xəritəni göstər/gizlə Byenxoa
Vikianbarda əlaqəli mediafayllar

Byenxoada məbəd

Əhalisi

2006-cı ilin məlumatına görə, əhalisi 417,5 min nəfərdir.

Coğrafiyası

Ölkənin cənubunda Donqnay çayı sahilindədir (Xoşimin aqlomerasiyasına daxildir), Xoşimin şəhərindən 30 km şimal-şərqdədir. Nəqliyyat qovşağı Çay portu. Aeroport.

Tarixi

Müstəmləkə dövründə Sayqonun şəhərətrafı sənaye qəsəbəsi kimi inkişaf etmişdi. Vyetnam müharibəsi dövründə ABŞ-nin ən iri hərbi-hava bazalarından biri Byenxoada yerləşirdi.

Sənayesi

Ölkənin cənubunda formalaşan iri sənaye rayonunun mərkəzidir. 1980-ci illərin sonundan, Vyetnamın "iqtisadi islahat" proqramı qəbul edildikdən sonra sürətlə inkişaf edir. Xarici investisiya axını nəticəsində xüsusi sənaye zonalarında yerləşdirilmiş bir sıra yeni müəssisələr (xarici və qarışıq kapitalla) meydana gəldi.

Qara (polad təbəqələrin, boruların, tikinti metal konstruksiyaların istehsalı – "Bi-Eyçstil faktori" və s.) və əlvan (mis məftil, alüminium profillər və s.) metallurgiya; kimya, o cümlədən fosfor, azot və kompleks gübrələr ("Vyetnam-Capan fertilayzers" və s.); neft-kimya – avtomobil təkərləri ("Yokohama-Vyetnam Ci-Bi"), polivinilxlorid, plastik kütlə, boyalar və yuyucu vasitələr; neft emalı ("Şell-Vyetnam"); mikrobiologiya – insektisidlər, herbisidlər, fungisidlər ("MAP Pasifik- Vyetnam" və s.); əczaçılıq; maşınqayırma: avtomobil və motosikllərin quraşdırılması və təmiri, dizel mühərrikləri, avtomobil detal və hissələri, kənd təsərrüfatı texnikası üçün ehtiyat hissələri istehsalı; elektronika sənayesi, o cümlədən çap sxemləri, ofis avadanlıqları və kompüterlər ("Fucitsu" və s.), radioqəbuledicilər, televizorlar, telekommunikasiya avadanlıqları ("Donako"); elektrotexnika sənayesi – transformatorlar, elektrik motorları ("Mabuçimotor-Vyetnam"), paltaryuyan maşınlar, soyuducular ("Sano" və s.), elektrik kabelləri və s. Sement, şüşə və çini sənayesi müəssisələri fəaliyyət göstərir. Yeyinti sənayesi inkişaf etmişdir; həll olan qəhvə, toz halında süd ("Nestle"), köpüklənən şərab ("Moskva Şampan şərabları zavodu"), tütün məmulatları istehsal olunur.

İstinadlar

1. "Xalqa həsr olunmuş ömür (1981-1990)". metro.gov.az. 2023-07-09 tarixində . İstifadə tarixi: 2023-07-09. (#redundant_parameters)
2. "AZƏRBAYCAN XALQININ ÜMUMMİLLİ LİDERİ HEYDƏR ƏLİRZA OĞLU ƏLİYEVİN HƏYAT VƏ FƏALİYYƏTİNİN XRONOLOGİYASI" (PDF). Azərbaycan Respublikası Prezidentinin İşlər İdarəsi PREZİDENT KİTABXANASI. 2023-07-09 tarixində (PDF). İstifadə tarixi: 2023-07-09 – Azərbaycan Respublikası Daxili İşlər Nazirliyinin Daxili Qoşunları vasitəsilə.
3. ƏLİYEV, İlham. ""Asiya Avtomobil Yolları Şəbəkəsi haqqında" Hökumətlərarası Sazişin təsdiq edilməsi barədə AZƏRBAYCAN RESPUBLİKASININ QANUNU". Azərbaycan Respublikası Prezidentinin Aparatı. 5 aprel 2005. 2023-07-09 tarixində . İstifadə tarixi: 2023-07-09 – e-qanun.az vasitəsilə.
4. Vyetnam Sosialist Respublikası // Coğrafiya ensiklopediyası (az.). II kitab. Çaşıoğlu Multimedia. 2012. səh. 206. ISBN .
5. Byenxoa // Azərbaycan Milli Ensiklopediyası (25 cilddə). 5-ci cild: Brüssel – Çimli-podzol torpaqlar (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2014. səh. 158. ISBN .

Xarici keçidlər

• Byenxoa şəhərinin rəsmi iternet səhifəsi