Otto Henri alm Ottheinrich 10 aprel 1502 Amberq Yuxarı Pfalts 12 fevral 1559 Heydelberq Vittelsbax sülaləsindən alman za

Otto Henri (alm. Ottheinrich‎; 10 aprel 1502, Amberq, Yuxarı Pfalts – 12 fevral 1559, Heydelberq) — Vittelsbax sülaləsindən alman zadəgan. 1505–1559-cu illərdə Pfals-Noyburq hersoqu, 1556-cı ildən 1559-cu ilədək Pfals kürfürstü olmuşdur.

Otto Henri
alm. Ottheinrich von der Pfalz‎

Pfals-Noyburq hersoqu
1505 – 1557
Əvvəlki	Titul yaradıldı
Sonrakı	Volfqanq
Pfals kürfürstü
1556 – 1559
Əvvəlki	II Fridrix
Sonrakı	III Fridrix
Şəxsi məlumatlar
Doğum tarixi	10 aprel 1502
Doğum yeri	Amberq, Yuxarı Pfalts, Bavariya
Vəfat tarixi	12 fevral 1559(1559-02-12)(56 yaşında)
Vəfat yeri	Heydelberq, Pfals kürfürstlüyü
Dəfn yeri	Müqəddəs Ruh kilsəsi
Fəaliyyəti	rəsm kolleksioneri^[d]
Atası	Ruprext
Ailəsi	Vittelsbax sülaləsi
Vikianbarda əlaqəli mediafayllar

Bu məqalə Pfals kürfürstü haqqındadır. Pfals-Sulzbax hersoqu üçün Otto Henri (Pfals-Sulzbax hersoqu) səhifəsinə baxın.

Həyatı

O, 10 aprel 1502-ci ildə, Amberq şəhərində, Frayzinq yepiskopu Ruprextin oğlu (Pfals kürfürstü Səmimi Filippin üçüncü oğlu) və Landsxutlu Elizabetanın (Bavariya-Landsxut hersoqu I Georqun qızı) ailəsində doğulmuşdu. Otto Henri 2 yaşı olanda atasını itirdi, növbəti il isə Landsxut varislik müharibələri başladı. Müharibəni uduzan Pfals kürfürstlüyündə 1505-ci ildə Köln hökmündən (alm. Kölner Spruch‎) sonra Dunaydan şimalda yerləşən ərazilərdən Otto Henri və qardaşı Filipp üçün Pfals-Noyburq hersoqluğu yaradıldı. Onlar hələ yetkinlik yaşına çatmadığı ikən babaları Filipp 1508-ci ildə ölümünə qədər hersoqluğu onların yerinə idarə etdi, sonra isə onu oğlu II Fridrix əvəz etdi.

1541-ci ildə Otto Henri lüteranlığı qəbul etdi və onun Noyburq qəsrindəki saray ibadətgahı, islahatçı ilahiyyatçı Andreas Osiander tərəfindən 25 aprel 1543-cü ildə təqdis edilən ilk yeni tikilmiş protestant kilsəsinə çevrildi. Otto Henri Noyburq qəsrinin təkmilləşdirilməsi işləriylə məşğul olmuş, incəsənətə himayədarlıq etmişdi və bir sıra müharibələrdə iştirak etmişdi. Saraydakı xərclərin çox olması səbəbindən böyük borc yükünün altında əzilən Ottonun 1556-cı ildə Pfalsı miras alana qədər iflas olmuşdu.

Ottonun protestant liqasını dəstəkləməsi və Şmalkalden ittifaqına daxil olması 1546-cı ilin sentyabrında Noyburqun Müqəddəs Roma İmperatoru V Karlın qoşunları tərəfindən işğal edilməsi ilə nəticələndi. Ancaq 1552-ci ildəki Passau sülhündən sorna hersoq Noyburqa qayıda bildi. 1556-cı ildən kürfürst olaraq o, yenidən Reformasiyanı dəstəkləməyə başladı.

Ailəsi

Otto Henri 1529-cu il oktyabrın 16-da paytaxtı Noyburq an der Donau şəhərində Bavariya hersoqu IV Albertin qızı Bavariyalı Süzanna (1502–43) ilə evləndi. Otto, Brandenburq-Bayroyt markqrafı Kasimirdən sonra onun ikinci əri idi. Onların öz övladları olmasa da Kazimirin uşaqları Otto Henrinin sarayında böyüdülər. Süzanna bu evlilikdən 14 il sonra 1543-cü ildə vəfat etdi. Otto Henri özü də 1559-cu ildə Heydelberqdə vəfat etdi və Müqəddəs Ruh kilsəsində basdırıldı.

İstinadlar

Otto Heinrich (Otto) // Brockhauz Ensiklopediyası (alm.).
Deutsche Nationalbibliothek Record #118738712 // Ümumi tənzimləmə nəzarəti (GND) (alm.). 2012—2016.
Andreas Edel (1999), "Ottheinrich 2023-08-07 at the Wayback Machine", Neue Deutsche Biographie (almanca), cild. 19, Berlin: Duncker & Humblot, səh. 655–656
Schreiber, KH. . Genealogie Mittelalter (alman). self. 2010-09-29 tarixində orijinalından arxivləşdirilib. İstifadə tarixi: 2009-10-22.

[_f5e916e52dcf8bee-1] Otto Heinrich (Otto) // Brockhauz Ensiklopediyası (alm.).

[_421bd643e1f5c2d0-2] Deutsche Nationalbibliothek Record #118738712 // Ümumi tənzimləmə nəzarəti (GND) (alm.). 2012—2016.

[3] Andreas Edel (1999), "Ottheinrich 2023-08-07 at the Wayback Machine", Neue Deutsche Biographie (almanca), cild. 19, Berlin: Duncker & Humblot, səh. 655–656

[ottoheinrich_GM-4] Schreiber, KH. . Genealogie Mittelalter (alman). self. 2010-09-29 tarixində orijinalından arxivləşdirilib. İstifadə tarixi: 2009-10-22.