Neftçi

"Neftçi" bura istiqamətləndirir. Digər istifadə formaları üçün Neftçi (dəqiqləşdirmə) səhifəsinə baxın.

Neftçi PFK — Bakı şəhərini təmsil edən Azərbaycan futbol klubu. Azərbaycan Premyer Liqasında çıxış edir. Klubun müşahidə şurasının sədri Rövşən Nəcəfdir.

Neftçi PFK
Klubun tam adı	Neftçi Peşəkar Futbol Klubu
Ölkə	Azərbaycan
Ləqəb(lər)	"Flaqman" "Xalq komandası"' "Neftçilər" "Ağ-Qaralar"
Rəng(lər)	ağ-qara
Yaranma tarixi	18 mart 1937 (87 il əvvəl) (1937-03-18)
Stadionu	Neftçi Arena
Tutumu	11.000
Prezidenti	Fərrux Mahmudov
Baş məşqçisi	(30 iyun 2024-cü ilədək)
Kapitanı	Emin Mahmudov
Liqa	Azərbaycan Premyer Liqası
(2023-24)	5
Ev forması Səfər forması Üçüncü forma
Rəsmi saytı
Vikianbarda əlaqəli mediafayllar

"Neftçi" klubu "Qarabağ" klubu ilə yanaşı bütün Azərbaycan çempionatlarında iştirak edən iki komandadan biridir. "Neftçi" 9 dəfə Azərbaycan Premyer Liqasına, 6 dəfə Azərbaycan Kubokuna və 2 dəfə Azərbaycan Superkubokuna sahib olmuşdur. Həmçinin, komanda beynəlxalq miqyasda 1 dəfə Birlik Kubokuna sahib olmuşdur; bu Azərbaycan futbol klublarının beynəlxalq səviyyədə qazandığı ilk kubok olmuşdur.

2012-ci ildə, "Neftçi" UEFA Avropa Liqasının "play-off" mərhələsində Kiprin "APOEL" klubunu iki oyunun nəticəsinə görə 4–2 hesabıyla məğlub edərək yarışın qrup mərhələsinə vəsiqə qazanan ilk Azərbaycan komandası olmuşdur.

Tarixi

Sovet dövrü

1930-cu illər

1922-ci ildən SSRİ birincilikləri şəhərlərin yığma komandalarının iştirakıyla keçirilirdi. 1937-ci ildən isə qərara alındı ki, çempionat klub komandalarının iştirakıyla təşkil edilsin. Həmin vaxt Azərbaycan SSR-də bir neçə sahənin təmsilçisi olsa da, neft sahəsi sanki unudulmuşdu, halbuki həmin dövrdə Bakı artıq neft şəhəri kimi şöhrət qazanmışdı. Buna görə də "qara qızıl" sahəsində çalışanlar tezliklə 18 mart 1937-ci ildə futbol komandası yaratdılar. Ad üzərində də çox fikirləşmək lazım gəlmədi. Elə öz adlarını da komandaya verdilər, amma həmin dövrdə rus dili daha işlək olduğundan komanda əvvəlcə "Neftyannik" adlandırıldı. Komandanın geyimində və emblemində də onun neftçilərə məxsus olduğunu bildirən nişanələr əks olundu. Emblemdə neft buruğunun fonunda kiril əlifbasının "H" hərfi — "Neftyannik" sözünün birinci hərfi idi. Təbii ki, "qara qızıl"ın da rəngi formanın əsasını təşkil etdi. Həmin dövrdə neftlə bərabər "ağ qızıl" adlandırılan pambıq da Azərbaycan SSR-in şöhrətlənməsində neftdən az rol oynamadığından qərara alındı ki, pambığın rəngi də formada əks olunsun. O vaxtdan Azərbaycan futbolunun tarixinə çevrilən "Neftçi" ağ-qara rənglərə sadiq qaldı.

"Neftçi" ilk rəsmi matçını 24 may 1937-ci ildə keçirib. Bu həmçinin, komandanın debüt oyunu idi. SSRİ Kubokunun 1/64 finalında o zaman "Neftyannik" adlanan komanda Bakının "Dinamo" stadionunda 5 min azarkeşin izlədiyi matçda İrəvan "Dinamo"sunu 1:0 hesabı ilə məğlub etmişdir. 87-ci dəqiqə vurduğu qol "Neftçi"nin tarixində ilk qol idi. Həmin oyunun hakimi Tbilisidən olan olmuşdur. Komandanın baş məşqçisi Aleksandr Qnezdov, kapitanı isə heyətdəki yeganə azərbaycanlı idi.

Yarandığı ildən SSRİ çempionatının "Q" qrupunda çıxış edən komanda debüt ilində 12 komanda arasında 11-ci yeri tutdu. Həmin il SSRİ kuboku uğrunda yarışlarda isə "Neftçi" 1/64 finalda İrəvanın, 1/32 finalda isə Batuminin "Dinamo" komandalarına qalib gəlsə də, 1/16 finalda "Dinamo Tbilisi" klubuna uduzaraq mübarizəni dayandırdı. 1938–1941-ci illərdə "Neftçi" Azərbaycan və Zaqafqaziya birinciliklərində iştirak etdi. Müharibənin başlaması ilə əlaqədar olaraq, futbolçular da Böyük Vətən müharibəsinə yollandılar. Müharibədə həlak olanlar arasında müharibəyəqədərki dövrdə komandanın şərəfini qorumuş Mirmehdi Ağayev də vardı. 1938-ci ildə SSRİ kubokunda iştirak edən "Neftçi" zona yarışlarındaca yenildi.

1940–1960-cı illər

1949 SSRİ Kubokunun 1/4 final mərhələsinin afişası

Müharibə sona yaxınlaşdıqca artıq komanda da fəaliyyətini bərpa edirdi. 1944-cü ildə "Neftçi" yenidən Azərbaycan birinciliyinə qayıtdı və bir il sonra respublika çempionu oldu. 1946-cı ildə SSRİ çempionatının 2-ci Cənub yarımqrupunda çıxış edən "Neftçi" 1947-ci ildə ikinci qrupda 4-cü yerə yüksəldi. Növbəti mövsüm 17 yaşlı Ələkbər Məmmədovun debüt ili oldu.

1949-cu ildə güclülər dəstəsini genişləndirmək qərarı nəticəsində "Neftçi" də A qrupunda debüt etdi. Həmin heyətə sonralar tanınmış hakimə çevrilən Tofiq Bəhramov və məşhur Ələkbər Məmmədov da daxil idi. "Neftçi" A qrupu tarixində ilk oyununu o vaxt Lenininin adını daşıyan indiki "İsmət Qayıbov" stadionunda HHQ (Hərbi Hava Qüvvələri) ilə keçirib. Bu tarixi matçda komanda 1:0 hesabı ilə qalib gəlib. SSRİ çempionatının A qrupunda ilk qolu isə Viktor Anoşkin vurub.

Çempionatın startı sensasion oldu. Beş turdan sonra birinci pilləyə "Neftçi" yüksəlmişdi, lakin təcrübəsizlik tezliklə özünü göstərdi və yekunda komanda 14-cü oldu. "Neftyanik" sözünün "Neftçi"yə çevrilməsi Mərkəzi Komitədə ideoloji şöbənin katibi Cəfər Cəfərovun təşəbbüsü ilə olmuşdur.

"Neftçi" SSRİ çempionatlarında ən böyük uğurlarından birini 1966-cı ildə qazandı. Klub vaxtilə "kiçik Avropa çempionatı" adlanan SSRİ çempionatının güclülər dəstəsində fəxri kürsüyə yüksələn ilk və yeganə Azərbaycan klubudur. Əhməd Ələsgərovun başçılıq etdiyi "Neftçi" həmin il SSRİ çempionatının bürünc medalına sahib çıxdı.

1970–1980-ci illər

1971

Hələ ötən il mövsüm bitən kimi baş məşqçi Əhməd Ələsgərov, məşqçi Valentin Xlıstov və komandanın rəisi Rauf Adıgözəlov vəzifələrindən azad edildilər. Ələkbər Məmmədov baş məşqçi, 50-ci illərdə komandamızın həkimi olmuş, sonralar isə Futbol Federasiyasına rəhbərlik etmiş Kamal Axundov rəis təyin edildilər. Orconikidze "Spartak"ına rəhbərlik edən Tuayev isə futbolçu kimi heyətə qayıtdı. Əvəzində Markarov komandanı tərk etmişdi. Banişevski də artıq əvvəlki formasını yığmış və Şevçenko ilə birlikdə həm "Neftçi"nin hücum xəttini təşkil edirdi, həm də SSRİ yığmasına cəlb olunurdular. Hazırlıq prosesi də normal keçmiş və futbolçular mövsümə tam hazır idi. Hətta təlim-məşq toplanışları çərçivəsində komandamız Bakıda, Kislovodskda, Daşkənddə, Aşqabadda xeyli yoxlama oyunları keçirmiş və heç birində məğlub olmamışdı.

Banişevski və Şevçenko ilə yanaşı, komandanın əsas yükünü yarımmüdafiədə Tuayev, Hacıyev, Semiqlazov və Smolnikov, müdafiədə Bruxti, Y. Babayev, Quliyev və Lyoqki çiyinlərində daşımalı idi. Rəsmi oyunlara isə ölkə kuboku uğrunda mübarizə ilə start verildi. 1/16 finalda "Lokomotiv" (Moskva) səddini dəf edən (1:0; 0:0) "Neftçi" 1/8 finalda bütün ittifaqa səs saldı. Ötən çempionatın gümüş mükafatçısı və kubokun sahibi Moskva "Dinamo"su ilə Tbilisidə keçirilən ilk oyunda Smolnikov və Şevçenkonun qolları qələbəni (2:0) təmin etsə də, ruslar görəcəkləri günün Bakıda olduğundan xəbərsiz idilər. Cavab oyununda K. Beskov və L. Yaşinin rəhbərlik etdiyi "Dinamo"nun daşı-daş üstə qalmadı və Banişevskinin het-trikinə Smolnikovun daha bir qolu qoşulunca 4:0 hesablı qələbə hamını çaşdırdı. Çempionatın startında da uğurlu oyunlar davam etdi. Bakıda Kiyev "Dinamo"su ilə heç-heçəni "Karpatı" üzərində böyükhesablı qələbə, Moskvada "Torpedo" və OMİK-lə heç-heçələr izlədi. Bunun bir səbəbi də heyətdəki itkilərlə bağlı idi. "Torpedo"yla matçda yarımmüdafiəçi çatışmadığından 3 müdafiəçi orta sahədə oynamağa məcbur olmuşdu. Bununla belə, Bakıda "Spartak" (Moskva), "Dinamo" (Minsk) və "Paxtakor" üzərindəki qələbələr komandamızı çempionatın favoritləri arasına çıxardı. Xüsusilə də "Spartak" üzərində qələbə deyəsən Moskvada oturanlara xoş gəlmədi. Əvvəlki oyunlarda da hücum futbolu göstərən "Neftçi" moskvalıları 5:3 hesabı ilə darmadağın etdi. Belə qollu qarşılaşmalardan sonra 9 turun yekununa görə "Neftçi"dən Şevçenko, Banişevski və Tuayev hərəyə 5 qolla bombardirlər siyahısında idilər. Bakılı hücumçulara artıq SSRİ-nin yığma komandasında da ehtiyac duyulmuşdu. Banişevski ilə Şevçenko yığmanın heyətində Avropa çempionatının seçmə mərhələ oyunlarında çıxış etdilər. Birinci kiprlilərin, ikinci isə ispanların qapısına qol vurdu. Birinci dövrədə hər şey bakılıların istədiyi kimi gedirdi. "Neftçi" lider Kiyev "Dinamo"sundan 5 xal geri qalaraq 4-cü yeri tuturdu. Vurulan topların sayına görə isə komandamız hamını qabaqlayırdı. Baxmayaraq ki, R. Mirzəyev zədələnərək uzun müddətə sıradan çıxmış, Şevçenko, Smolnikov, Kramarenko və Y. Babayev zədə üzündən bəzi oyunları buraxmalı olmuşlar. Cərrahiyyə əməliyyatından yeni qayıtmış M. Zeynalov hələ həmişəki formasından uzaq idi. Ölkə kuboku uğrunda "Spartak"la yarımfinal oyununda 5:0 hesabı ilə məğlub olan "Neftçi" çempionatın ikinci dövrəsini olduqca zəif keçirməsinə baxmayaraq 9-cu yeri tutdu.

Müstəqillik dövrü

1990-cı illər

Azərbaycan müstəqilliyini bərpa etdikdən sonra da futbol həvəskarları "Neftçi"nin timsalında parlaq oyununun şahidi oldular. Təsadüfi deyil ki, 1992-ci ildə futbol üzrə ilk milli Azərbaycan çempionatında qızıl medallar məhz "Neftçi"yə qismət oldu. Paytaxt komandasına çempion titulunu Əhməd Ələsgərov qazandırdı. Növbəti nailiyyət bundan 3 il sonra əldə edildi. "Neftçi" (1995)-ci ildə Vaqif Sadıqovun rəhbərliyi altında ölkə kuboku uğrunda yarışda bütün rəqiblərini üstələdi. 1995/1996 mövsümünü isə "Neftçi" üçün unudulmaz çempionatlardan biri kimi xarakterizə etmək mümkündür. Çünki klub həmin mövsümü həm (ölkə çempionu), həm də (ölkə kubokunun) qalibi kimi "qızıl dubl"la başa vurdular. Çempionluqla yanaşı, ölkə kubokunun qazanılmasında 3 məşqçi — Vaqif Sadıqov, Asif Əliyev və Kazbek Tuayevin əməyi keçdi.^[]

Vaqif Sadıqov həmçinin "Neftçi" klubuna 1993 və -ci illərdə Azərbaycan Superkubokunu da qazandırmışdır.

"Neftçi" 3-cü dəfə (1997)-ci ildə çempion adına layiq görüldü, lakin AFFA yekunda əsas və yeniyetmə komandaların topladığı xalların cəmini əsas götürərək, qızıl medalları "Qarabağ"a verdi. Hər halda, ədalət öz yerini tapdı. UEFA çempion qismində "Neftçi"ni tanıdı və Çempionlar Liqasında iştirak hüququna da flaqman yiyələndi.^[]

(1999)-cu ildə növbəti dəfə "Neftçi" klubu ölkə kubokunu Kazbek Tuayevin sayəsində qazandı.^[]

2000-ci illər

2004-cü ildə ağ-qaralar ikinci dəfə "qızıl dubl"a imza atdılar. Kazbek Tuayevin yetirmələri 2004-cü ildə həm (milli çempionatda), həm də (ölkə kubokunda) hamıdan güclü oldular.^[]

(2005)-ci ildə Ağasəlim Mircavadovlu "Neftçi" çempionatın sonunda "Xəzər Lənkəran" klubu ilə eyni xal yığdığı üçün çempionu müəyyənləşdirmək üçün "Qızıl oyun" keçirildi. Gəncə şəhər stadionunda keçirilən oyunda ağ-qaralar "Xəzər-Lənkəran"ı 2:1 hesabı ilə üstələyərək, ardıcıl ikinci dəfə çempionluğu bayram etdi.

Bundan başqa, flaqman beynəlxalq turnirlərdə də ölkəmizi layiqincə təmsil edib. "Neftçi" avrokuboklarda ilk dəfə qələbə qazanıb (1996-cı ildə Bakıda Bolqarıstan "Lokomotiv"i üzərində 2:1 hesablı qələbə), Çempionlar Liqasında 2 il ardıcıl mərhələ adlayıb (2004/05 və 2005/06 mövsümlərində), avrokuboklarda ilk səfər qələbəsinə nail olub (2005-ci ildə İslandiyada "Hafnarfyordur" üzərində 2:1 hesablı qələbə), avrokuboklarda iki mərhələ adlayan ilk komanda olub (2008-ci ildə İntertoto Kubokunda).^[]

Flaqman, həmçinin "MDB və Baltikyanı ölkələrin çempionlarının Birlik kuboku" uğrunda yarışda ilk dəfə finala yüksələn (2005-ci il) və ilk dəfə baş mükafata sahib çıxan (2006-cı il) Azərbaycan klubudur.

2010-cu illər

Stamenkoviç Şükürov Yunuszadə Ramos Sadiqov İmamverdiyev Flavinyo Kanales

APOEL 1–3 Neftçi (UEFA Avropa Liqası Pley-of mərhələsi 30–08–2012).

(2011)-ci ildə flaqman Arif Əsədovun rəhbərliyi altında 6 ildən sonra sona 3 tur qalmış 6-cı dəfə Azərbaycan çempionu oldu.(2012)-ci ildə ardıcıl ikinci mövsüm çempion olan "Neftçi" bu dəfə bunu Böyükağa Hacıyevin başçılığı ilə əldə etdi.

2011–12-ci il mövsümünün qalibi kimi Çempionlar Liqasına vəsiqə qazanmış "Neftçi" mübarizəyə ikinci mərhələdən başladı. Flaqman bu mərhələdə Gürcüstan çempionu "Zestafoni"ni iki oyunun nəticəsinə görə mübarizədən kənarlaşdırdı. Bakıda keçirilmiş ilk matçda rəqibini 3–0 hesabı ilə məğlub etmiş komandamız səfərdə rəqibi ilə heç-heçə etdi. 2–2. Növbəti mərhələdə Flaqman İsrailin "Kiryat Şmona" klubuna uduzsa da, Avropa Liqasının pley-off mərhələsində çıxış etmək imkanı əldə etdi. Pley-off mərhələsində Kiprin "APOEL" klubunu iki oyunun nəticəsinə görə 4–2 (1–1,3–1) məğlub etmiş Flaqman Azərbaycan futbolu tarixində avrokuboklarda qrup mərhələsinə vəsiqə qazanmış ilk klub oldu.

"Neftçi" Avropa Liqasının qrup mərhələsində, qitənin ən güclü 10 klubundan biri hesab edilən İtaliya "İnter"i, eləcə də Rusiyanın "Rubin" və Serbiyanın "Partizan" klubları ilə qarşılaşdı. "Partizan"la hər iki oyunda heç-heçə etmiş "Neftçi", "İnter"lə "Cüzeppe Meazza" stadionunda sülh bağladı. 2–2

(2012/2013) mövsümündə Böyükağa Hacıyevin ardıcıl 2-ci çempionluğu, komandanın isə ardıcıl 3 mövsüm çempion olması, bununla yanaşı, həm də (ölkə kubokunu) qazanması "Neftçi"nin Azərbaycan futbol tarixi ərzində 3-cü dəfə "Qızıl dubl" edən ilk komanda olmasına səbəb olmuşdur.

UEFA Çempionlar Liqasının 2013–2014 mövsümündə 2-ci təsnifat mərhələsindən mübarizəyə başlayan "Neftçi" Albaniyanın "Skenderbeu" komandasına iki oyunun nəticəsinə görə ümumi hesabda 0–1 hesabıyla məğlub olaraq yarışı erkən tərk etməli oldu. Məhz bu uğursuzluqdan sonra Böyükağa Hacıyev istefa verdi və komanda müvəqqəti olaraq Tərlan Əhmədovun başçılıq etdiyi məşqçilər korpusuna həvalə edildi.

2013-cü ildə Azərbaycan Superkubokunda əzəli rəqibi "Xəzər Lənkəran"-a minimal hesabla məğlub olan "Neftçi" Tərlan Əhmədovu istefaya göndərdi. 2013-cü il oktyabrın 26-da "Neftçi" klubu Nazim Süleymanovu klubun baş məşqçisi təyin etdi. 2014-cü ilin yanvarın 8-də Nazim Süleymanov istefa verdi.

2014-cü il yanvarın 11-də yarım illik fasilədən sonra Böyükağa Hacıyev yenidən baş məşqçi təyin olundu. 2014-cü il mayın 22-də "Neftçi" klubu 6-cı dəfə Azərbaycan Kubokununa sahib oldu. Beləki, Böyükağa Hacıyevin yetirmələri ardıcıl olaraq 2-ci dəfə kuboku başı üzərinə qaldırdı.

2013–2014-cü il mövsümündə Kubokun qalibi olan komanda UEFA Avropa Liqasının II təsnifat mərhələsindən yarışa başladı. Neftçi ilk öncə Sloveniyanın Koper komandasını iki oyunun nəticəsinə görə mübarizədən kənarlaşdırdı. Bakıdakı ilk matçda rəqibinə 1–2 hesabıyla məğlub olan komandamız səfərdə bunun əvəzini çıxdı. 2–0. Növbəti mərhələdə komandamız Gürcüstanın Çikura komandası ilə mübarizəyə davam etdi. Bakıdakı ilk oyunda qolsuz bərabərlik olsa da, komandamız səfərdə 3–2 hesabıyla layiqli qələbə qazandı və tarixində ikinci dəfə UEFA Avropa Liqasının Pley-Of mərhələsinə adladı. Bu dəfə komandamızın bəxtinə 2 il öncə qrup mərhələsindən bizə tanış olan Serbiyanın Partizan klubu düşdü. İlk oyun səfərdə keçirildi. Səfərdəki oyunda komandamız 2 erkən qol vursa da sonrada 3 qol buraxdı və qələbəni əldən verdi. Cavab qarşılaşması da uğurlu alınmadı və komandamız 1–2 hesabı ilə məğlub olub Avropa macərasını Pley-Of mərhələsində başa vurdu. İkinci dəfə qrupa vəsiqə qazana bilməyən Böyükağa Hacıyev bundan sonra istefa verdi.

2014-cü il sentyabrın 4-də 3 illik fasilədən sonra Arif Əsədov yenidən baş məşqçi təyin edildi. Qeyri-stabil nəticələr artıq növbəti mövsümlər üçün həyəcan siqnalı demək idi. Klubun idarəetmə sistemində dəyişikliklərə gedildi və Müşahidə Şurası yaradıldı. Şuranın rəhbəri dünya şöhrətli azərbaycanlı yazıçı Çingiz Abdullayev seçildi. Yeni sistem, ümumiyyətlə şura rəhbəri və digər şura üzvlərinin təyinatı azarkeşlər arasında heç də birmənalı qarşılanmadı.

Həmin mövsüm Neftçi ölkə çempionatında 4-cü yeri tutdu. Kubokun finalına vəsiqə qazandığı üçün klub artıq Avropa Liqasına vəsiqəni təmin etmişdi. 3 iyun 2015-ci ildə ölkə kubokunun finalı Qəbələ Şəhər Stadionunda keçirildi. Finalda Qarabağla üz-üzə gələn Neftçi 1:3 hesabı ilə rəqibinə məğlub oldu.

2015/2016 mövsümünün əvvəlində komandada bir çox dəyişikliklər həyata keçdi. Yeni rəhbərliyinin verdiyi vədlər, edilən bəzi dəyişiklilər azarkeşlərə az-çox nələrinsə düzələcəyinə ümid verirdi. Mövsümün əvvəlində bəzi oyunçular ilə yollar ayrıldı. Saşa Stamenkoviç, Flavinyo, Julius Vobay, Nikolas Kanales, Ernest Nfor, Elvin Yunuszadə, Denis Silva Kruz, Mirhüseyn Seyidov kimi aparıcı oyunçular komandanı tərk etdilər. Bu oyunçuların klubdan getməsi azarkeş və ictimaiyyət arasında dilemma yaradırdı. Bəziləri oyunçuların qalmasının tərəfdarı idi və bu oyunçular getsə belə onların yerinə daha yaxşı legionerlərin gəlməsinin vacib olduğunu bildirirdi. Neftçi kimi köklü klubda gəncləşdirmənin xeyirli olmayacağını fikrini müdafiə edirdilər. Bir qism də artıq bu oyunçuların uğurlardan doyduğunu, gənclərə yer vermənin faydalı olduğunu söyləyərək komandanı tərk etmiş futbolçuların getməsinin daha faydalı olacağını düşünürdü. Komandanın heyəti demək olar ki, gəncləşdirilmişdi. Mövsümlərarası fasilədə Peskoviç, Jairo, Melli, Ailton, Anete kimi legionerlər komandaya qoşuldu. Xüsusən də Anetenin gəlişi böyük səs-küy doğurdu. Çünki Anete əvvəlki mövsümdə Levski Sofiyanın heyətində Bolqarıstan çempionatının bombardiri olmuşdu. Yerli oyunçulardan Cavid İmamverdiyev Elağızspordan, Ruslan Qurbanov isə Hajdukdan icarədən qayıtdı. Məhəmməd Qurbanov isə Sumqayıtdan transfer edildi. Komandanın baş məşqçi postu isə komandanın keçmiş hücumçusu olmuş Samir Əliyevə həvalə edildi.

Neftçi yeni mövsümdə mübarizəsinə Avropa Liqasında başladı . Püşk Neftçiyə Çernoqoriyanın Mladost komandasını rəqib gətirdi. Neftçinin asanlıqla mərhələ keçəcəyini hamı təxmin edirdi. İlk oyun Bakıda , Bakcell Arenada baş tutdu. Oyun 2:2 hesabı ilə bitsə də, cavab oyununda səfərdə Neftçinin rəqibini üstələyəcinə hər kəs inanırdı, amma əksi baş verdi. Rəqibi ilə 1:1 hesablı heç-heçə edən Neftçi səfər qolu qaydasına görə mübarizəni erkən dayandırdı. Komandanın ilk mərhələdəcə mübarizəni dayandırması ictiamiyyət və azarkeşlər arasında haqlı narazılığa səbəb oldu. Bəziləri hətta Samir Əliyevin indidən istefasını tələb edirdilər.

Azərbaycan Çempionatının yeni mövsümü başlamamış Neftçi artıq əvvəlki illərdə olduğu qədər favorit göstərilmirdi. Mübarizənin əsasən Avropa Liqasının qrupuna vəsiqə qazanan 2 klub — Qarabağ və Qəbələ arasında gedəcəyi gözlənilirdi. İlk turda uzun illərdən sonra tarixi derbi baş tutdu. Neftçi öz meydanında Gəncənin Kəpəz komandasını qəbul etdi. Bu oyunda 0:0 hesabı qeydə alındı. 2-ci turda İnterə səfərdə 1–0 hesalı məğlubiyyət azarkeşləri özündən çıxardı. Hətta bir azarkeş meydana düşərək oyunçulara öz etirazını bildirmişdi. Neftçi daha sonra ardıcıl olaraq Sumqayıt, Rəvan üzərində qələbələr qazandı. Xəzər Lənkəranla isə 1–1 hesablı heç-heçə razılaşdı.

2015/2016 mövsümünün ən maraqlı və qalmaqallı oyunlarından biri 26 sentyabrda Suraxanıda baş tutdu. Qarabağın yeni stadionu — Azersun Arenanın açılış matçında Qarabağ Neftçini qəbul edirdi. Çoxları bu oyunda güclü Qarabağın rahat qələbəsini proqnoz etsə də, Samir Əliyev bəlkə də Neftçidə məşqçi olduğu müddətdə ən yaxşı oyununu keçirdi. Oyunda hesabı Neftçi açdı . 61-ci dəqiqədə Erik Ramos uzaqdan zərbə ilə rəqibin torunu silkələdi. Bu qol Azersun Arenada vurulan ilk qol kimi tarixə düşdü. Qoldan sonra da Neftçi üstünlüyünü davam etdirirdi. Bir neçə epizodda hesabı 0–2 etməyə yaxın olsalar da, bu baş vermədi. Əvəzində oyunun sonlarına yaxın bəlkə də mövsümün ən skandal hadisəsi baş verdi. 90-cı dəqiqədə Qarabağın oyunçusu Coşğun Diniyev adi oyun mübarizəsində Neftçinin cərimə meydançasında yerdə qaldı. Hakim Fariz Yusifov isə bu epizodu penalti kimi dəyərləndirdi. Topa yaxınlaşan Riçard Almeyda hesabı bərabərləşdirdi — 1:1 . Oyuna artırılan 4-cü dəqiqədə Neftçinin hücumçusu Anete qapıçı ilə təkbətəkə gedərkən Bədavi Hüseynov onun qarşısını kobudluqla alsa da, hakim davam dedi. Beləliklə, qərəzli hakim qərarları ilə keçən oyun 1:1 hesabı ilə başa çatdı.

Bu oyundan sonra azarkeşlərin komandaya olan ümidləri artsa da, Neftçi heç cür özünə gələ bilmirdi. Ardıcıl olaraq Zirə, Azal və İnterlə oyundakı uğursuzluqların fonunda Sumqayıt üzərində 1–2 hesablı qələbə qeydə alındı. Öz meydanında Rəvana 2–3 hesablı məğlubiyyət isə artıq azarkeşlərin səbirini bitirdi. Bu oyundan sonra Samir Əliyev istefa verdi. Samir Əliyevin istefasından sonra baş məşqçi postu Əsgər Abdullayevə həvalə olundu.

Abdullayevin gəlişindən sonra Neftçi 8 ildən sonra ilk dəfə Lənkəranda Xəzər Lənkəranı məğlub etdi — 2:0 . Ardınca isə Qarabağ və Qəbələ üzərində 1–0 hesablı qələbələr qazanıldı. Kubokda isə Qaradağ Lökbatan 8–0 hesabı ilə məğlub edildi, amma bu uğurlu qrafik çox da uzun sürmədi. Mart ayına qədər Neftçi qeyri-stabil çıxışını davam etdirirdi. Evdə Qəbələyə 1–2 hesablı məğlubiyyət Əsgər Abdullayevin son oyunu oldu. Onun əvəzinə isə komandanın idman direktoru olan, veteran futbolçu Vəli Qasımov gətirildi.

Qasımovun gəlişindən sonra ilk oyunu kubokun cavab matçı idi. Neftçi ilk oyunda Lənkəran 2–3 uduzduğu Xəzəri , Bakıdakı revanşda 2–0 məğlub edərək yarımfinala yüksəldi. Liqada qeyri-stabil çıxış davam etsə də, kubokda işlər yaxşı gedirdi. Qəbələ ilə hər ikisi 1–1 bitən yarımfinal oyununda qalib penaltilər seriyasında məlum oldu. Daha dəqiq olan Neftçi finala yüksəldi. Burada isə rəqib keçən il olduğu kimi yenə Qarabağ olacaqdı.

Neftçi çempionatı 6-cı yerdə başa vurdu. 2-ci yeri tutan Zirə hələ öz fəaliyyətinin 3 ilini başa vurmadığına görə, 4-cü yeri tutan İnter isə UEFA tərəfindən qoyulan qadağaya görə avrokuboklara buraxılmadı. Əvəzində isə 5-ci yeri tutan Kəpəz və 6-cı yeri tutan Neftçi Avropa Liqasına vəsiqəni təmin elədilər.

Mövsümün son oyunu, Azərbaycan Kubokunun finalı isə 25 may 2016-cı ildə Tofiq Bəhramov adına Respublika Stadionunda baş tutdu. Qarabağ-Neftçi finalında 90 dəqiqə ərzində qol olmadı. 120-ci dəqiqədə Qarabağın yarımmüdafiəçisi Miçel dəqiq baş zərbəsi ilə hesabı açdı. Oyunun sonunda Neftçidən Erik Ramos, Qarabağdan isə Reynaldo qırmızı alaraq meydandan qovuldular. Qarabağ isə ölkə kubokunun qalibi oldu.

2016/2017 mövsümü üçün Avropa Liqasına vəsiqə qazanan Neftçidən azarkeşlər daha yaxşı transfer gözləyirdi. Bu mövsüm Neftçi tarixinin 80-ci sezonu olacaqdı. 80-ci ildə Neftçidən azarkeşlər ən yaxşı nəticələri gözləyirdilər. Bu səbəbdən azarkeşlərin rəhbərlikdən tələbi o idi ki, Vəli Qasımov öz postundan ayrılmalı və daha iddialı baş məşqçi ilə yola davam edilməlidir. Daha səviyyəli yerli və legionerlər alınmalı, komandaya qatqı verməyən bütün oyunçular isə göndərilməlidir.

Qarabağla kubok finalından sonra legionerlərdən Juan Alberto Melli, Ailton, Erik Ramos, Nikolas Kanales, Anete komandanı tərk etdi. Yerli oyunçulardan isə Aqil Məmmədov Azala, Məhəmməd Qurbanov Sumqayıta, Elşən Rzazadə Mil-Muğana keçdilər. Dauqavplisdən icarədən qayıdan Mirabdulla Abbasov isə Sumqayıta icarəyə verildi. Gedən oyunçuların yerinə bir sıra transferlər edildi. Qapıçı mövqeyinə xorvat Krsevan Santini, müdafiə üçün Dario Melnyak, Vançe Şikov transfer edildi. Sonuncunun transferi daha çox səs-küy doğurdu. Çünki Şikov 2013/2014 mövsümündə Austria Vyananın heyətində ÇL qruplarında oynamış, Makedoniya millisinin əsas üzvü olan təcrübəli bir ad idi. Bundan başqa avrokuboklar başlamamış Venesuelalı Edson Kastilyo , Sumqayıtdan isə yarımmüdafiəçi Murad Ağayev komandaya cəlb olundu.

Avropa Lİqasının 1-ci təsnifat mərhələsinin püşkü Neftçi üçün uğurlu sayıla bilərdi. Rəqib Maltanın Balzan klubu idi. İlk oyunda Neftçi səfərdə Rəhman Hacıyev və Ruslan Qurbanovun qolları ilə 2:0 hesablı qələbə qazandı. Cavab oyununda isə Neftçi azarkeşlərinə şok yaşatdı. Hesabı Jairo açdı. İkinci hissədə Balzan 2 qol vurdu, hətta 1 penaltini boşa verdi. Neftçi çox çətinliklə mərhələni keçdi. İkinci mərhələdə Neftçinin rəqibi Makedoniyanın Şkendiya klubu oldu. İlk oyun Bakıda oldu və 0:0 hesabı ilə başa çatdı . Cavab oyununda isə Şkendiya 1:0 hesabı ilə qalib gəldi. Neftçinin avrokuboklara erkən vida etməsi azarkeşlərin səbir kasasını daşdırdı. Oyundan bir gün sonra axşam Neftçi azarkeşləri hava limanında komandanı qarşılayaraq onlardan hesabat tələb etdilər. Bir çox Neftçi azarkeşi aeroportda klub rəhbərliyi və məşqçilər heyətini istefaya çağırdı.

Çempionat başlamamış Neftçi daha bir neçə transfer etdi. Orxan Qurbanlı Daugavplisdən icarədən qayıtdı. Eltun Yaqublu Qarabağdan icarə alındı. Hücumçu mövqeyinə isə Rapid Buxarestdən Katalin Tira transfer edildi. Bu transfer heç də birmənalı qarşılanmadı. Professional karyerası ərzində qolu olmayan bir oyunçunu transfer edərək ona 9 nömrəni vermək azarkeş tərəfindən normal qarşılana bilməzdi.

2016/2017-ci illər mövsümü üzrə Azərbaycan Çempionatı 8 komanda ilə keçiriləcəkdi. Ötən mövsüm sonuncu olub diviziona düşən "Xəzər Lənkəran" fəaliyyətini dondurmuş, I Divizionun çempionu olmuş "Neftçala" isə yüksək liqaya buraxılmadığına görə klub dağıdılmışdı. Ötən mövsüm 9-cu yeri tutan "Rəvan" isə maliyyə problemlərini əsas gətirərək iştirakını I Divizionda davam etdirəcəyini bildirdi. AFFA Lisenziyalaşdırma Komitəsi isə I Diviziondan yüksək liqaya vəsiqə üçün heç bir kluba lisenziya vermədikdən sonra , növbəti çempionatın 8 klubla keçiriləcəyi dəqiqləşdi. Neftçi mövsümün ilk oyununda AZAL komandası ilə səfərdə qarşılaşdı və 2:0 hesabı ilə qalib gəldi. Azarkeşlər isə hələ liqa başlamamış ilk 3 turu boykot edəcəyini bildirərək , oyunlara gəlmədilər.

Neftçi 2-ci turda Zirəyə 0:1 , 3-cü turda isə Qarabağa 0:3 hesabı ilə məğlub oldu. Azarkeşlərin səbir kasası daşmışdı. Onlar dərhal rəhbərliyin və baş məşqçi Vəli Qasımovun istefasını tələb edirdilər. 3-cü turdan sonra milli fasilə yarandı və bu fasilə zamanı Neftçidə ötən mövsüm bütün turnirlər daxil 18 qol vuran (Liqada 13 + Kubokda 5) , komandanın əsas qol silahı sayılan və azarkeşlərin sevimlisinə çevrilən Ruslan Qurbanov klubu tərk etdi. Klub onu Qəbələyə satmışdı. Bu gediş əsl şok effekti yaşatdı. Rəhbərliyə olan etirazlar daha da genişləndi.

Çempionatın 4-cü turunda Neftçi Masazırdakı Əlincə Arenada Qəbələni qəbul edəcəkdi. Oyundan bir gün əvvəl azarkeşlər oyuna qayıdacaqlarını, 90 dəqiqə baş məşqçi və rəhbərliyi istefaya göndərəcəklərini bildirdilər. Oyun günü baş məşqçi Vəli Qasımovun vəziyyətinin pisləşərək xəstəxanaya yerləşdirildiyi bildirildi. Oyuna gəldikdə isə, bu matç Neftçi tarixinin ən böyük hesablı ev məğlubiyyəti oldu — 0:8 .

Uğurları

Ölkədaxili turnirlərdə

• Azərbaycan çempionatı
  • Qızıl medal (9): 1992, (1995/1996), (1996/1997), (2003/2004), (2004/2005), (2010/2011), (2011/2012), (2012/2013), (2020/2021)
  • Gümüş medal (5): (2000/2001), (2006/2007), (2018/2019,2019/2020), (2021–2022)
  • Bürünc medal (7): (1994/1995), (1998/1999), (1999/2000), (2005/2006), (2007/2008), (2017/2018), (2022/2023)
• Azərbaycan Kuboku
  • Qalib (6): (1994/1995), (1995/1996), (1998/1999), (2003/2004), (2012/2013), (2013/2014)
  • Finalçı (4): (2000/2001), , (2014/2015), (2015|2016)
• Azərbaycan Superkuboku
  • Qalib (2) (Rekord): 1993, 1995
  • Finalçı (1): 2013
• SSRİ çempionatı:
  • Bürünc medal (1): 1966
• SSRİ Kuboku:
  • 1/2 finalçı (4): 1967, 1968, 1970, 1971
• SSRİ Futbol Federasiyasının Kuboku:
  • Finalçı (1): 1988

Beynəlxalq arenada

• UEFA Avropa Liqası
  • Qrup (1): (2012/2013)
• UEFA İntertoto Kuboku
  • Finalçı (1): 2008
• Birlik Kuboku
  • Qalib (1): 2006
  • Finalçı (1): 2005

Azərbaycan çempionatında yubiley qolları

yubiley qolu	tarix	oyun	müəllif
1	08.05.1992	Neftçi – Xəzər S.	Yunis Hüseynov
100	13.10.1992	İnşaatçı S — Neftçi	Samir Ələkbərov
200	22.10.1994	Xəzər L. – Neftçi	Mais Əzimov
300	18.09.1996	Fərid Bakı — Neftçi	Yaşar Vahabzadə
400	27.09.1997	Neftçi – Dinamo Bakı	Qurban Qurbanov
500	31.10.1999	Neftçi – Kəpəz	Aleksey Stukas
600	25.11.2001	Xəzər Universiteti – Neftçi	Vadim Vasilyev
700	13.12.2004	Neftçi – Kəpəz	Stenli Udenkvor
800	10.11.2006	Bakı — Neftçi	Aqil Məmmədov
900	22.08.2009	Neftçi — Turan	Adrian Neaqa
1000	04.12.2011	Neftçi — Simurq	Araz Abdullayev
1100	12.09.2013	Neftçi — İnter	Melvin Platye
1200	01.05.2016	Qəbələ — Neftçi	Elşən Abdullayev
1300	03.11.2018	Keşlə — Neftçi	Mirabdulla Abbasov
1400	17.04.2021	Neftçi — Zirə	Namiq Ələsgərov
1500	05.03.2023	Neftçi – Turan Tovuz	Emin Mahmudov

Azərbaycan Çempionatında və Kubokunda

Mövsüm	Liqa	Yer	O	Q	H	M	VT	BT	X	Kubok	Avropa		Qolçular	Baş məşqçi
1992	APL	1	36	30	2	4	104	23	62	1/4	-		Ələkbərov (36)	Ələsgərov Kramarenko
1993		5	18	11	5	2	39	11	27	1/4	-		Ələkbərov (16)	Sadıqov
1993–94		8	30	11	7	12	37	11	29	1/4	-		Ələkbərov (12)	Sadıqov
1994–95		3	24	17	4	3	67	15	38	Qalib	-		Əliyev (26)	Sadıqov
1995–96		1	20	11	6	3	42	17	39	Qalib	UKK	I t/m	Əliyev (16)	Sadıqov Tuayev
1996–97		1	30	23	5	2	98	20	74	1/4	UK	I t/m	Qurbanov (34)	Tuayev
1997–98		6	26	13	4	9	43	23	43	1/2	UÇL	I t/m	Qurbanov (9)	Tuayev
1998–99		3	26	15	4	4	57	18	52	Qalib	-		Kalfa (15)	Tuayev
1999–2000		3	22	13	4	5	35	17	43	1/2	UK	I t/m	Vasilyev (8)	Ələsgərov
2000–01		2	20	16	3	1	57	11	51	Finalçı	UK	I t/m	İsmayılov (11)
2001–02		3	22	13	5	4	34	7	44	Qalib	UK	I t/m	Qurbanov (9)	Tuayev
2003–04		1	26	22	3	1	66	15	69	Qalib	-		Vasilyev (17)	Tuayev
2004–05		1	34	24	6	4	52	18	78	1/4	UÇL	II t/m	Tağızadə (14)	Mircavadov
2005–06		3	26	15	9	2	51	16	54	1/2	UÇL	II t/m	Nəbiyev (12)	Mircavadov
2006–07		2	24	17	3	4	47	15	44	1/2	-		Adamiya (10)	Qurbanov
2007–08		6	26	16	7	3	42	18	55	1/2	UK	I t/m	Subaşiç (14)	Petrjela Demyanenko
2008–09		8	26	9	9	8	30	21	36	1/4	UİK	III t/m	Niyaqa (5)	Demyanenko Yurgen Gede
2009–10		5	42	13	19	10	31	26	58	1/4	-		Niyaqa (11)	Sadıqov
2010–11		1	32	19	10	3	53	17	67	1/4	-		Nəsimov (15)	Əsədov
2011–12		1	32	20	3	9	55	30	63	Finalçı	UÇL	II t/m	Nəsimov (16)	Hacıyev
2012–13		1	32	19	5	8	59	32	62	Qalib	UÇL UAL	III t/m Qrup m.	Kanales (26)	Hacıyev
2013–14		4	36	17	9	10	48	42	60	Qalib	UÇL	II t/m	Nəsimov (7)	Əhmədov Süleymanov Hacıyev
2014–15		4	32	13	10	9	38	33	49	Finalçı	UAL	Pley-off	Kanales (11)	Hacıyev Əsədov
2015–16		6	36	13	10	13	41	41	49	Finalçı	UAL	I t/m	Qurbanov (13)	Əliyev Abdullayev Qasımov
2016–17		7	28	9	2	17	24	45	29	1/2	UAL	II t/m	(4)	Qasımov Abdullayev
2017–18		3	28	14	4	10	39	28	46	1/2	-		(8)	Abdullayev E. Əhmədov T. Əhmədov
2018–19		2	28	17	7	4	52	26	58	1/4	UAL	I t/m	Dabo (14)	Bordin

Klubun rəngləri və loqosu

"Neftçi"nin keçmiş və yeni loqoları

1949-cu il "Neftçi"nin tarixində yaranış ili qədər böyük yer tutur. O zaman "Neftyanik" adı altında çıxış edən komanda məhz bu il ilk dəfə olaraq SSRİ-nin güclüləri ilə bir qrupa daxil oldu. Azərbaycanın futbol tarixində düz 11 il əvvəl 1-ci qrupda cəmi bir il çıxış etmiş "Temp"dən sonra komanda respublikasının bu səviyyədə ikinci təmsilçisi oldu. apardığı islahat nəticəsində hər respublikadan ən azı bir komandanın 1-ci qrupa buraxılmasına qərar verildi. Azərbaycan SSR-in iqtisadiyyatında həmin dövrdə neft aparıcı yer tutduğundan məhz Neftçilərin Həmkarlar İttifaqının komandasının bu şərəfə layiq görülməsi qərara alındı. Qərarın verilməsində bilavasitə Respublika rəhbərliyi əsas rol oynadı. "Neftçi"nin futbol elitasında zəif təsir bağışlamaması üçün heyətdə köklü dəyişikliklər edildi. Üstəlik, komandanın loqosu tərtib edildi. İlk loqoda üzərində kiril əlifbası ilə yazılmış "H" hərfinin arxa planında neft buruğu əks olunub. Bundan sonra "Neftçi"nin loqosu üç dəfə – 1977, 1997 və 2004-cü ildə dəyişdirilib. 2005-ci ildə klubun loqosuna ulduz əlavə edilib. Buna səbəb Neftçinin 5-ci çempionluğu qazanması idi.

Neftçi klubun doğma rəngləri ağ-qara hesab olunur. Klub yarandığı 1937-ci ildən etibarən əsas forma rəngi kimi qara rəngdən istifadə edirdi, amma 50-ci illərdə klubun formasına ağ rəng də əlavə edildi. Bu da səbəbsiz deyildi. Azərbaycan bütün ittifaqda neft qədər pambıq bitkisi ilə də tanınırdı. Bu səbəbdən həm "qara qızıl", həm də "ağ qızıl"ın rəngləri klubun formasında əks olunurdu.

Forma sponsorları və istehsalçıları

Klubun futbolçularının müxtəlif illərdə geyindiyi formalar Neftçi muzeyində.

"Neftçi"nin ənənəvi forması qara köynək, ağ şort və eyni rəngli corabdan ibarət idi, lakin illər ərzində qara köynək ağ və qara zolaqlarla əvəz olunmuşdur. Klubun forması müxtəlif illərdə müxtəlif idman firmaları tərəfindən hazırlanıb. Hal-hazırda klubun formaları Nike tərəfindən istehsal olunur.2004–2006-cı illərdə klubun titul sponsoru Heydər Əliyev adına Bakı Neft Emalı Zavodu (Klub formasında BNEZ olaraq qeyd edilmişdi), 2006–2015-ci illərdə SOCAR, 2015–2017-ci illərdə olmuşdur. 2017–2019-cu illərdə klubun forması üzərində heç bir sponsorun adı olmamışdır. 2019/2020-ci illər mövsümündən etibarən isə Türk Hava Yolları şirkəti klubun forma sponsoruna çevrilmişdir.

Ləqəbləri

Klub əsas "neftçilər" ləqəbindən başqa, "flaqman" və "xalq komandası" kimi də tanınır.

Stadionu

Əsas məqalə: Bakcell Arena

"Neftçi" Premyer Liqanın ev oyunlarını Bakcell Arenada keçirir. Son illər klub bəzi seçmə və hazırlıq matçlarını , Bayıl stadionu və Tofiq Bəhramov adına Respublika Stadionunda keçirir.

Azarkeşləri

"Neftçi" Azərbaycanda ən çox dəstəklənən klublardan biridir. Ölkənin ən çılğın azarkeşləri Neftçi azarkeşləri hesab olunur. Neftçi azarkeşləri Azərbaycana ilk dəfə Ultras Mədəniyyətini gətirmiş azarkeşlərdir. Müxtəlif illərdə Neftçinin bir sıra azarkeş qrupları olmuşdur. Onlar arasında "Flaqman" , "Ultra Neftçi" , "Neftçimania" və qeyd edə bilərik. Hal-hazırda klubun ən böyük azarkeş qrupu . 2009-cu ildə yaranmışdır və Azərbaycanda ən güclü və ən çılğın azad azarkeş qruplarından biri hesab olunur. Bakcell Arenada kluba dəstəyini 1A sektorundan verir. Neftçini dəstəkləyən digər azarkeş qrupu isə "Neftçimania" adlanır. Neftçimania 2011-ci ildə yaranmışdır və ilk fəaliyyəti 2015-ə qədər olmuşdur. Sonradan bir müddət tribunalardan uzaqlaşdığını bildirən qrup "Köhnə 13" adı ilə 2017-də tribunaya qayıtsa da, 2019-cu ildə yenidən köhnə adı ilə tribunaya qayıtmışdır. Hal-hazırda Bakcell Arenada 4A sektorundan Neftçiyə dəstək olurlar. Klubun azarkeşləri ABŞ, Böyük Britaniya, Türkiyə, Rusiya, Almaniya, Hollandiya və digər böyük azərbaycanlı icması olan ölkərdə var, lakin 2010-cu illərdə Neftçi öz mövqeyini təkmilləşdirilmişsəni baxmayaraq, klubun orta tamaşaçı sayısı aşağı səviyyəyə düşmüşdür.

Klubun ən məşhur tərəfdarlarına aktyorlar Bəhram Bağırzadə, Bəşir Səfəroğlu, Lütfəli Abdullayev, bəstəkarlar Qara Qarayev, Fikrət Əmirov və Niyazi, cüdoçu İlham Zəkiyev, repçi Anar Nağılbaz və alim Mirəli Qaşqay daxildir.

Rəqabətləri

Neftçi — Kəpəz rəqabəti

Neftçi

Kəpəz

Hər iki komandanın xəritədə yeri

Azərbaycan futbol tarixinin ən köklü və ən rəqabətli derbisi olaraq bilinən bu derbi Bakı və Gəncə kimi Azərbaycanın ən böyük iki şəhərindən çıxan və ölkənin ən müvəffəqiyyətli və təsirli iki futbol klubu arasında oynanılmaqdadır. Həmçinin bu iki komandanın qarşılaşmaları ölkənin ilk paytaxtı ilə hazırkı paytaxtı olan Bakı və Gəncə şəhərləri arasındakı tarixi rəqabət xüsusiyyətini də özlüyündə əks etdirməktədir. Neftçi'nin tərəfdarları ümumiliktə paytaxt Bakı və Abşeron yarımadasından olan insanlardan ibarətdirsə, Kəpəz'in tərəfdar kütləsi daha böyük bir xəritəyə sahibdir. Klub Gəncə şəhərini təmsil etsə də , Azərbaycanın bütün Qərb bölgəsi , Aran bölgəsi və bir çox rayon və əyalət şəhərlərindəki insanlarda Neftçi — Kəpəz qarşılaşmalarında Kəpəz'ə tərəfdarlıq edir. Hələ Sovet dövründəykən də Kəpəz'in tərəfdar kütləsi böyük əksəriyyətlə xalqın işçi təbəqəsindən ibarət idi. Buna görə də Qərblilər hər zaman Azərbaycanda və Qafqazda ən çox tərəfdara sahib futbol klubu olmuşdur. Rəqabətin kökü SSSR zamanlarına dayanır. Beləki Kəpəz azarkeşləri hər zaman bildirirlər ki, Kəpəzin SSSR dönəmində Neftçi qədər uğurlu olmamasının ən böyük səbəbi məhz Neftçinin paytaxt təmsilçisi olduğu üçün, ölkənin əsas komandası hesab edilərək, Azərbaycanın ən istedadlı futbolçularını ənəlxüsus Gəncə futbolunun yetirmələrini hər zaman Kəpəz'dən "qopararaq" Neftçi'yə aparılmaları olubki buda Kəpəzin uğurlarına əngəl olub. Azərbaycan futbol ictimaiyyəti tərəfindən "Tarixi Derbi" olaraq adlandırılan bu rəqabət 20-ci əsrin 90-cı illərində MDB ölkələri arasında ən rəqabətli derbilər sırasında belə adı çəkilmişdir. İlk qarşılaşma 1962-ci il 26 iyunda SSSR kubokunun 1/8 mərhələsinə təsadüf edir. Klubların o zaman ki adları ilə "Dinamo Kirovabad"-"Neftyanik Baku" qarşılaşması 1–0 hesabı ilə gəncəlilərin qələbəsi ilə nəticələnib. Ümumilikdə isə o zamandan indiyədək bu komandalar 45 dəfə üz-üzə gəliblərki bu görüşlərdə paytaxt təmsilçisinin üstünlüyü nəzərə çarpır. Belə ki, bakılıların aktivində 20, gəncəlilərin aktivində isə 18 qələbə vardır.

Oyunların ümumi statistikası

Yarış	Oyun	Neftçi Bakı	Heç-heçə	Kəpəz Gəncə	Top fərqi
Azərbaycan Premyer Liqası	44	21	7	16	69–41
Azərbaycan Kuboku	14	8	2	4	18–11
	2	1	0	1	2–3
SSRİ Kuboku	1	0	0	1	0–1
Cəmi	61	30	9	22	89–56

Neftçi — Xəzər Lənkəran rəqabəti

Əsas məqalə: Böyük Oyun (Neftçi - Xəzər Lənkəran)

Azərbaycan futbolunun ən maraqlı oyunlarından biri olan "Neftçi — Xəzər Lənkəran" rəqabəti ilk dəfə 8 dekabr 2004-cü ildə Lənkəran şəhər stadionunda başladı. Bu oyundan tərəflər 1–1 hesablı bərabərliklə ayrıldı. Bu matçlarda ilk qələbəni 11 may 2005-ci ildə Tofiq Bəhramov adına Respublika Stadionunda keçirilən oyunda "Neftçi" komandası 2–1 hesablı qələbəylə əldə etdi. "Xəzər Lənkəran" isə əzəli rəqibi üzərində ilk qələbəsini 11 avqust 2006-cı ildə rəqibini 2–1 hesabıyla məğlub etməklə qazandı. Azərbaycan futbolunda ən böyük azarkeş marağına səbəb olan bu rəqabət "Böyük Oyun" adlanır. Böyük oyunlarda ən böyük hesablı qələbə "Neftçi" komandasına məxsusdur. Beləki, 6 noyabr 2011-ci ildə "İsmət Qayıbov" adına stadionda keçirilən çempionat oyununda "Neftçi" rəqibini 5–0 hesabıyla darmadağın etmişdir. "Neftçi — Xəzər Lənkəran" oyunlarında ən çox rəqib qapısına qol vurmuş oyunçu, "Neftçi" klubunun futbolçusu Flavinyodur. O rəqib komandanın qapısından 7 qol keçirtmişdir.

Qarabağ — Neftçi rəqabəti

Əsas məqalə Qarabağ — Neftçi rəqabəti

Neftçi Bakı

Qarabağ

Hər iki komandanın xəritədə yeri

Azərbaycan futbolunda digər vacib oyunlardan biri də "Neftçi — Qarabağ" rəqabətidir. Bu matçları prinspial edən səbəblərdən ən başlıcası hər iki komandanın 1992-ci ildən indiyədək təşkil olunan bütün çempionatlarda iştirak etməsidir. "Neftçi — Qarabağ" rəqabəti ilk dəfə 26 sentyabr 1992-ci ildə Tofiq Bəhramov adına Respublika Stadionunda başladı. Bu oyundan tərəflər 1–1 hesablı bərabərliklə ayrıldı. Bu oyunlarda ilk qələbəni 20 oktyabr 1992-ci ildə Ağdamın "İmarət" stadionunda keçirilən oyunda "Qarabağ" komandası 2–1 hesablı qələbəylə əldə etdi. Bu tərəflərin çempionatda "İmarət" stadionunda baş tutdan yeganə oyunu oldu. "Neftçi" komandası isə əzəli rəqibi üzərində ilk qələbəsini 1994/1995 mövsümündə evdə 3:2-lik qələbəylə əldə etdi. Azərbaycan futbolunda böyük marağa səbəb olan bu rəqabət "Azərbaycan derbisi" olaraq tanınır. Bu derbilərdə ən böyük hesablı qalibiyyət "Qarabağ" komandasına məxsusdur. Beləki, 8 noyabr 2020-ci ildə "Bakcell Arena''da baş tutan oyunda "Qarabağ" rəqibini 0:6 hesabıyla məğlub etmişdir. Neftçinin ən böyükhesablı qələbəsi isə 4 noyabr 2000-ci ildə qeydə alınıb — 0:4.

Şəxsi oyunların statistikası

04.05.2024 ilə olan məlumat.

Azərbaycan Premyer Liqası
Klub	O	Q	Н	M	QV	QB	±
«Qarabağ»	95	41	31	23	129	84	+45
«Neftçi»	95	23	31	41	84	129	−45
Azərbaycan Kuboku
	O	Q	Н	M	QV	QB	±
«Qarabağ»	23	12	5	6	23	22	+1
«Neftçi»	23	6	5	12	22	23	-1
Bütün turnirlərdə
	O	Q	Н	M	QV	QB	±
«Qarabağ»	118	53	36	29	152	106	+46
«Neftçi"	118	29	36	53	106	152	-46

Jurnalı

2009-cu ilin aprelindən etibarən "Neftçi"nin klub jurnalı nəşr olunur. Jurnalın ilk sayında "Tamaşaçısız teatr olmaz", "Əvəzedilməz simalar", "Bir ömrün nəğməsi" və s. başlıqlı yazıları dərc olunub.

Xarici keçidlər

• neftchi.az — Neftçi PFK rəsmi saytı
• Neftçi PFK — Instagram səhifəsi
• Neftçi PFK — Facebook səhifəsi
• Neftçi PFK — X səhifəsi
• Neftçi PFK kanalı — YouTube
• Neftçi PFK — Telegram səhifəsi
• "Neftçi" national-football-teams.com saytında  (ing.)

Komandanın heyəti

Mənbə: Neftçi PFK-nın heyəti

28 avqust 2023 tarixində yenilənib

Nömrə Ölkə Mövqeyi Futbolçu 1 GK İvan Brkiç 2 MF Qara Qarayev 3 DF Höccət Haqverdi 4 DF Mark Tamaş 6 MF 7 DF Azər Əliyev 8 MF Emin Mahmudov 9 FW Andre Şinyaşiki 10 MF Filip Ozobiç 11 MF Kilan Lebon 12 GK Emil Balayev 14 MF Eddi İsrafilov 17 MF Rəhman Hacıyev

Nömrə Ölkə Mövqeyi Futbolçu 19 DF Azər Salahlı 21 MF İsmayıl Zülfüqarlı 23 MF Ataa Caber 26 DF Ömər Buludov 27 MF Fərid Yusifli 30 GK Aqil Məmmədov 44 DF Yuri Matias 73 MF Ramin Nəsirli 77 FW Yeqor Boqomolski 82 DF Rüfət Abbasov 93 GK Rza Cəfərov 99 DF Ervin Koffi

İcarəyə verilənlər

Nömrə Ölkə Mövqeyi Futbolçu MF Xəyal Nəcəfov (Turan Tovuz) MF Turan Vəlizadə (Turan Tovuz) MF Vüsal Əsgərov

UEFA turnirlərində

Əsas məqalə: Neftçi PFK Avropa yarışlarında

Birlik Kubokunda

Əsas məqalə: Azərbaycan Birlik Kubokunda

Neftçi klubu Birlik Kubokunda 5 dəfə iştirak etmişdir. Ardıcıl olaraq iki il "Birlik Kuboku"nun finalına yüksələn komanda 2006-cı ildə bu kuboku başı üzərinə qaldırmışdır. Bununla da "Neftçi" Beynəlxalq arenada ilk çempionluq qazanan Azərbaycan futbol klubu kimi tarixə düşmüşdür.

Birlik Kubokundakı nəticəsi

İl	Yer	O	Q	H	M	T/F	B
1993	-	2	0	0	2	0–9	-9
1995	-	3	1	0	2	1–6	-5
1997	-	3	0	0	3	6–11	-5
2005	Finalçı	5	4	0	1	10–4	+6
2006	Qalib	6	4	2	0	13–6	+7
5 turnir	Cəmi	19	9	2	8	30–34	−4

Birlik Kubokundakı bütün oyunları

№	Tarix	Mərhələ	Rəqib	Hesab
1-ci Birlik Kuboku – Moskva 1993
1	25.01.1993	Qrup	Skonto (Latviya)	0:1
2	27.01.1993	Qrup	Spartak Moskva (Rusiya)	0:8
3-cü Birlik Kuboku – Moskva 1995
3	29.01.1995	Qrup	Jalgiris Vilnus (Litva)	0:1
4	30.01.1995	Qrup	Spartak Moskva (Rusiya)	0:5
5	31.01.1995	Qrup	Sitora (Tacikistan)	1:0
5-ci Birlik Kuboku – Moskva 1997
6	25.01.1997	Qrup	Spartak Moskva (Rusiya)	2:4
7	26.01.1997	Qrup	Zimbru Kişinyov (Moldova)	1:2
8	28.01.1997	Qrup	Novbahor (Özbəkistan)	3:5
13-cü Birlik Kuboku – Moskva 2005
9	15.01.2005	Qrup	Şerif Tiraspol (Moldova)	1:0
10	16.01.2005	Qrup	Nebitçi (Türkmənistan)	4:1
11	19.01.2005	1/4	Pünik (Ermənistan)	2:0
12	21.01.2005	1/2	Dinamo Kiyev (Ukrayna)	2:1
13	23.01.2005	Final	Lokomotiv Moskva (Rusiya)	1:2
14-cü Birlik Kuboku – Moskva 2006
14	14.01.2006	Qrup	Vaxş (Tacikistan)	3:0
15	15.01.2006	Qrup	Metallurq (Latviya)	2:1
16	17.01.2006	Qrup	Aktobe (Qazaxıstan)	1:1
17	18.01.2006	1/4	Paxtakor Daşkənd (Özbəkistan)	p. 4:2
18	20.01.2006	1/2	Pünik (Ermənistan)	+:-(3:0)
19	22.01.2006	Final	Kaunas (Litva)	4:2

SSRİ çempionatında və kuboklarında

SSRİ çempionatında

İştirakçısı olduğu 27 çempionatda 253 qələbə, 270 bərabərlik, 361 məğlubiyyəti var.

SSRİ kuboklarında

Mövsüm	Turnirlər	Nəticə	O	Q	H	M	T/F	X
1937	SSRİ Kuboku	1/16	3	2	0	1	2–3	4
1938	SSRİ Kuboku	1/64	2	1	0	1	5–3	2
1947	SSRİ Kuboku	1/128	1	0	0	1	2–3	0
1949	SSRİ Kuboku	1/4	3	2	0	1	8–5	4
1950	SSRİ Kuboku	1/32	2	1	0	1	3–4	2
1951	SSRİ Kuboku	1/16	1	0	0	1	0–2	0
1952	SSRİ Kuboku	1/8	4	2	1	1	9–6	5
1953	SSRİ Kuboku	1/32	4	2	1	1	13–12	5
1954	SSRİ Kuboku	1/32	2	1	0	1	3–5	2
1955	SSRİ Kuboku	1/8	5	4	0	1	16–6	8
1957	SSRİ Kuboku	1/128	1	0	0	1	1–2	0
1958	SSRİ Kuboku	1/256	1	0	0	1	1–2	0
1959/60	SSRİ Kuboku	1/16	3	2	0	1	5–3	4
1961	SSRİ Kuboku	1/4	5	3	1	1	7–4	7
1962	SSRİ Kuboku	1/16	1	0	0	1	0–1	0
1963	SSRİ Kuboku	1/16	1	0	0	1	1–3	0
1964	SSRİ Kuboku	1/8	2	1	0	1	4–5	2
1965	SSRİ Kuboku	1/16	1	0	0	1	0–1	0
1965/66	SSRİ Kuboku	1/16	1	0	0	1	0–1	0
1966/67	SSRİ Kuboku	1/2	5	3	1	1	7–5	7
1967/68	SSRİ Kuboku	1/2	4	3	0	1	9–5	6
1969	SSRİ Kuboku	1/16	1	0	0	1	0–2	0
1970	SSRİ Kuboku	1/2	6	3	1	2	9–6	7
1971	SSRİ Kuboku	1/2	6	4	1	1	10–7	9
1972	SSRİ Kuboku	1/16	26	1	0	1	1–3	2
1973	SSRİ Kuboku	1/8	4	0	2	2	2–5	2
1974	SSRİ Kuboku	1/8	4	1	1	2	5–5	3
1975	SSRİ Kuboku	1/16	2	1	0	1	1–4	2
1976	SSRİ Kuboku	1/16	2	1	0	1	2–2	2
1977	SSRİ Kuboku	1/16	1	0	0	1	0–5	0
1978	SSRİ Kuboku	1/4	6	3	1	2	7–6	7
1979	SSRİ Kuboku, 5-ci zona	2	5	4	0	1	7–3	8
1980	SSRİ Kuboku, Final	1/8	6	5	0	1	14–4	10
1981	SSRİ Kuboku, 3-cü zona	3	5	2	2	1	9–8	6
1982	SSRİ Kuboku, Final	1/8	6	3	2	1	5–8	8
1983	SSRİ Kuboku	1/16	1	0	1	0	1–1	1
1984	SSRİ Kuboku	1/16	1	0	0	1	2–4	0
1984/85	SSRİ Kuboku	1/16	1	0	0	1	2–3	0
1985/86	SSRİ Kuboku	1/16	1	0	0	1	0–2	0
1986/87	SSRİ Kuboku	1/16	1	0	0	1	0–1	0
1987/88	SSRİ Kuboku	1/4	5	3	0	2	13–4	6
1988/89	SSRİ Kuboku	1/8	4	2	0	2	4–5	4
1989/90	SSRİ Kuboku	1/16	4	3	0	1	5–5	6
1990/91	SSRİ Kuboku	1/64	1	0	0	1	0–0	0

Reytinqi

UEFA reytinqində

Mənbə: kassiesa.home
Son yenilənmə: 24 iyul 2014

Sıra	Komanda	Xal
178	Zorya Luqansk	8.233
179	Arsenal Kiyev	8.233
180	Den Haaq	8.129
181	Neftçi Bakı	8.075
182	Slask Vroçlav	8.050
183	Videotan	7.875
184	Anortosis	7.860

Beynəlxalq Futbol Tarixi və Statistikaları Federasiyasının reytinq cədvəlində

2010-cu il noyabrın 26-da açıqlanan klublarının XXI əsr üçün reytinqində ilk onilliyi 380,5 xal ilə Azərbaycan klubları arasında 1-ci, dünyada isə 314-cü pillədə başa vurmuşdur.

2012-ci il sentyabrın 3-də açıqlanan klubların yeni reytinq cədvəlində 73 xalla Azərbaycan klubları arasında 1-ci, dünyada isə 305-ci pillədə başa vurmuşdur.

2013-cü il martın 4 açıqlanan reytinqdə 92,5 xalla Azərbaycan klubları arasında 1-ci olan "Neftçi" komandası, dünya klubları arasında isə 180-ci pillə qərarlaşmışdır.

Fərdi nəticələr

Ən çox qol vurmuş oyunçular

Oyunçular		Dövrlər	Oyun sayı	Qollar
1	Samir Ələkbərov	1987–94; 1995–98	251	138
2	Anatoli Banişevski	1964–1978	288	136
3	Yunis Hüseynov	1984–92; 1993–98	295	101
4	Eduard Markarov	1961–70	251	96
5	Vladimir Mikuçadze	1951–60	174	88
6	Nikolay Smolnikov	1967–79	338	86
7	İqor Ponomaryov	1978–81; 1983–88	226	70
8	Qurban Qurbanov	1996–98; 2001; 2004–05	80	69
9	Maşallah Əhmədov	1977–89	260	64
10	Əli Əbilzadə	1950–60	????	62

Ən çox oyun keçirən oyunçular

Oyunçular		Dövrlər	Oyun sayı	Qollar
1	Sergey Kramarenko	1964–1975; 1977–81	372	0
2	Nikolay Smolnikov	1967–79	338	86
3	Əsgər Abdullayev	1979–91	319	1
4	Yunis Hüseynov	1984–92; 1993–98	295	101
5	Anatoli Banişevski	1964–78	288	136
6	İsgəndər Cavadov	1977–82; 1983–88	277	53
7	Kazbek Tuayev	1961–70; 1971–72	277	58
8	Maşalla Əhmədov	1977–89	260	64
9	Arif Əsədov	1985–93; 1995–97; 2000–2002	258	5
10	Samir Ələkbərov	1987–94; 1995–98	251	138

Prezidentləri

Əvvəllər klubda belə Prezident vəzifəsi yox idi və komanda birbaşa olaraq, Mərkəzi Komitədən idarə olunurdu. 1988-ci ildə SSRİ-də yenidənqurmanın təsiri ilə "Neftçi" də digər klublar kimi peşəkar futbol klubu statusu aldı və kluba ilk prezident seçildi.

Adları İllər üzrə Aydın İbrahimov 1988–97 Aqil Paşayev 1997–01 2001–03 Rövnəq Abdullayev 2004–08 2008–10 Sadıq Sadıqov 2010–15 2017–18 Kamran Quliyev 2018–2023

Uğurlu məşqçiləri

Baş məşqçilər	Dövrlər	Kuboklar
Əhməd Ələsgərov	1992	Azərbaycan Premyer Liqası
Vaqif Sadıqov	1993–95	2 Azərbaycan Kuboku, 2 Azərbaycan Superkuboku
Kazbek Tuayev	1996–97, 1998–99, 2003–04	3 Azərbaycan Premyer Liqası, 2 Azərbaycan Kuboku
Ağasəlim Mircavadov	2004–06	Azərbaycan Premyer Liqası, Birlik Kuboku
Böyükağa Hacıyev	2011–13, 2014	2 Azərbaycan Premyer Liqası, 2 Azərbaycan Kuboku
Arif Əsədov	2010–11, 2014–2015	Azərbaycan Premyer Liqası

Rəhbərlik və məşqçilər

"Neftçi" klubunun ən uğurlu baş məşqçisi Böyükağa Hacıyev.

Rəhbərlik

Vəzifə	Adı
Prezident	–
Vitse-prezident	Elnur Eyvazov
İdman direktoru	Zaur Əziziov
Maliyyə və Mühasibatlıq Departamentnin rəisi	Qədim Əsgərli
Kadr, Hüquq və Lisenziyalaşdırma Departamentnin rəisi	Gülnarə Adıgözəlova
Baş menecer	Qədir Həsənov
Media, Marketinq və İctimaiyyətlə Əlaqələr Departamentinin rəisi	Rüstəm Allahverdiyev
İnfrastruktur və Nəqliyyat Departamentnin rəisi	Tələt Məmmədov
Təchizat Departamentnin rəisi	Tural Əliyev
Təşkilati İşlər Departamentnin rəisi	Erkin Qiyasi

Müşahidə Şurası

Vəzifə	Adı
Müşahidə Şurasının sədri	Rövşən Nəcəf
Müşahidə Şurasının üzvü	Emin Əmrullayev
Müşahidə Şurasının üzvü	Orxan Sultanov
Müşahidə Şurasının üzvü
Müşahidə Şurasının üzvü	Hafiz Zeynalov
Müşahidə Şurasının üzvü
Müşahidə Şurasının üzvü	Səməd Qurbanov

Məşqçilər heyəti

Vəzifə	Adı
Baş məşqçi	Laurentsiu Regekampf
Köməkçi məşqçi	Viorel Dinu
Qapıçılar üzrə məşqçi	Florin Tene
Fiziki hazırlıq üzrə məşqçi	Boqdan-Kornel Merişanu

Populyar mədəniyyətdə

Rusiyanın dövlət Bədən tərbiyəsi və İdman Komitəsi, "Rusiya peşəkarları" işçi jurnalının "Sovet futbolununu tarixi" layihəsi çərçivəsində "Peşəkar" nəşriyyatı tərəfindən nəşr olunmuş kitabda "Neftçi PFK" SSRİ çempionatlarının ən güclü komandaları siyahısında yer alıb. Kitabın "Neftçi" PFK-ya aid hissəsində, Azərbaycanda idmana eləcə də futbola dövlət səviyyəsində diqqət və qayğının göstərildiyi vurğulanıb. Məqalədə Azərbaycan Prezidenti cənab İlham Əliyev tərəfindən imzalanmış "Azərbaycan Respublikasında 2005–2015-ci illərdə futbolun inkişafına dair Dövlət Proqramı"nın uğurla icra edilməsi qeyd olunub.

"Neftçi"nin tarixi uğurlarından bəhs olunan hissədə, klubun son illərdə qazandığı nailiyyətlər öz əksini tapıb. Sadıq Sadıqovun kluba prezident təyin edilməsindən sonra ardıcıl 3 dəfə ölkə çempionluğunu qazanmış "Neftçi PFK"-nın, Avrokuboklarda tarixi ilki gerçəkləşdirməsi haqqında geniş məlumat verilib. Bununla yanaşı kitabda komandamızın Avropa Liqasında "İnter", "Rubin" və "Partizan" kimi rəqiblərlə oyunlarından fotolar öz əksini tapıb.

Həmçinin bax

• Qafqaz derbisi (Neftçi-Ararat)
• Neftçi - Kəpəz rəqabəti
• Neftçi - Xəzər Lənkəran rəqabəti
• Neftçi - Qarabağ rəqabəti

İstinadlar

1. . 2021-10-23 tarixində orijinalından arxivləşdirilib. İstifadə tarixi: 2017-11-02.
2. "Neftchi Baku - Current and former staff | Transfermarkt". 2016-05-03 tarixində . İstifadə tarixi: 2024-06-01.
3. "«Нефтчи» стал первым азербайджанским футбольным клубом, вышедшим в групповой этап еврокубков - ФОТО". 1news.az.
4. "Neftçi" tarixi uğuru yenə təkrarlayacaq. sport.sia.az". 2014-01-10 tarixində . İstifadə tarixi: 2013-12-05.
5. "Neftçi"nin tarixi. neftchimedia.az 2013-12-28 at the Wayback Machine  (az.)
6. ""Neftçi" – 75 il əvvəl və indi. apasport.az". 2014-01-10 tarixində . İstifadə tarixi: 2012-05-24.
7. Кубок СССР 1937. 1/64 финала. 24 мая 1937. Нефтяник (Баку) — Динамо (Ереван) 1:0 2012-11-13 at the Wayback Machine. fc-dynamo.ru  (rus.)
8. Кубок СССР 1936–1939 (Травкин Н., Добронравов И.) & Ткачук И.А.  (rus.)
9. Кубок СССР 1949. 1–4. 25 октября 1949. Торпедо (Москва) — Нефтяник (Баку) 2022-03-28 at the Wayback Machine. fc-dynamo.ru  (rus.)
10. "Supersport.az". supersport.az. 2015-10-04 tarixində . İstifadə tarixi: 2024-03-05.
11. ""Neftçi" – SSRİ. apasport.az". 2014-01-10 tarixində . İstifadə tarixi: 2013-12-05.
12. "Arxivlənmiş surət". 2019-03-26 tarixində . İstifadə tarixi: 2017-10-27.
13. "Superkubok xatirələri. apasport.az". 2014-01-10 tarixində . İstifadə tarixi: 2013-12-06.
14. "Sportal.az xəbər protalı". www.sportal.az. 2013-12-04 tarixində . İstifadə tarixi: 2013-12-06.
15. "Neftçi" "Birlik Kuboku"nu qazandı. azadliqradiosu.az 2014-01-10 at the Wayback Machine  (az.)
16. "Arif Əsədov tarixə düşdü. apasport.az". 2011-07-22 tarixində . İstifadə tarixi: 2013-12-05.
17. "Neftçi take title honours in Azerbaijan. uefa.com". 2016-04-16 tarixində . İstifadə tarixi: 2013-12-06.
18. "Neftchi are Azerbaijani champions. news.az". 2011-05-29 tarixində . İstifadə tarixi: 2013-12-06.
19. "Neftçi take honours in Azerbaijan. uefa.com". 2014-01-08 tarixində . İstifadə tarixi: 2013-12-07.
20. "Нефтчи — чемпион второй год подряд. azerifootball.com". 2017-10-14 tarixində . İstifadə tarixi: 2013-12-07.
21. "TARİX YAZILDI!!!! NEFTÇİ QRUP MƏRHƏLƏSİNDƏ!!! korner.az". 2014-01-10 tarixində . İstifadə tarixi: 2013-12-05.
22. "History: APOEL-Neftçi | UEFA Europa League 2012/13". UEFA.com. 2023-01-27 tarixində . İstifadə tarixi: 2024-03-05.
23. "«Neftçi» Avroliqada özünü necə göstərdi?". 7 dek 2012. 2023-05-15 tarixində . İstifadə tarixi: 2024-03-05 – www.azadliq.org vasitəsilə.
24. "Neftçi"nin Avropa macərası bitdi. zaman.az 2014-01-10 at the Wayback Machine  (az.)
25. Böyükağa Hacıyev Mehman Allahverdiyevə çatdı. apasport.az 2014-01-10 at the Wayback Machine  (az.)
26. Neftçi qızıl dubl etdi. azefutbol.com 2015-02-15 at the Wayback Machine  (az.)
27. "Skënderbeu strike late to end Neftçi resistance | UEFA Champions League". UEFA.com. 23 iyul 2013. 2023-06-24 tarixində . İstifadə tarixi: 2024-03-05.
28. "Ayna.az". Ayna.az. 2024-03-05 tarixində . İstifadə tarixi: 2024-03-05.
29. "Neftçi Tərlan Əhmədova 5 turluq şans verdi". www.azerisport.com. 2022-08-16 tarixində . İstifadə tarixi: 2022-10-01.
30. "Tərlan Əhmədov istefaya göndərildi. futbolmedia.az". 2016-03-04 tarixində . İstifadə tarixi: 2013-12-07.
31. Nazim Süleymanov "Neftçi"də! avrofutbol.com 2016-03-05 at the Wayback Machine  (az.)
32. "Nazim Süleymanov istefa verdi. qol.az". 2016-03-15 tarixində . İstifadə tarixi: 2014-01-08.  (az.)
33. Bu gün klubdaxili iclas keçirilib. neftchipfk.com 2015-10-04 at the Wayback Machine  (az.)
34. "Neftçi Kubokun altıqat qalibidir". www.azerisport.com. 2022-11-27 tarixində . İstifadə tarixi: 2022-10-01.
35. "Böyükağa Hacıyev rəsmən istefa verdi. rekord.az". 2014-09-10 tarixində . İstifadə tarixi: 2014-09-13.
36. ""Neftçi"nin yeni baş məşqçisinin adı məlum oldu. rekord.az". 2014-09-10 tarixində . İstifadə tarixi: 2014-09-13.
37. "MİNə 3 qol qaldı — STATİSTİKA. apasport.az". 2021-04-17 tarixində . İstifadə tarixi: 2011-11-18.
38. "1100-cü qol və 200-cü ev qələbəsi. qol.az". 2016-03-21 tarixində . İstifadə tarixi: 2013-12-07.
39. "Neftçi"nin loqosu. neftchipfk.az 2014-01-13 at the Wayback Machine  (az.)
40. . 2016-03-15 tarixində orijinalından arxivləşdirilib. İstifadə tarixi: 2015-02-19.
41. ""Neftçi"nin vitse-prezidenti "Qarabağ"ın "xalq komandası" adlandırılmasına münasibət bildirib". 2016-03-10 tarixində . İstifadə tarixi: 2015-02-19.
42. Neftçi "8 km stadionu"nu 8 qolla açdı. azefutbol.com ^{[ölü keçid]}  (az.)
43. ""Neftçi" "İsmət Qayıbov"a nə vaxt köçəcək?". 2022-03-28 tarixində . İstifadə tarixi: 2015-02-19.
44. . 2014-10-28 tarixində orijinalından arxivləşdirilib. İstifadə tarixi: 2015-02-19.
45. . www.olimpiya.az (Azerbaijani). 8 November 2014 tarixində orijinalından arxivləşdirilib. İstifadə tarixi: 8 November 2014.
46. "Keçmişə Salam 08.04.2013". ANS TV (Azerbaijani). 8 April 2013. 28 March 2022 tarixində . İstifadə tarixi: 16 April 2013.
47. "Дело — за первой сборной". 2021-09-22 tarixində . İstifadə tarixi: 2015-02-19.
48. . 2015-03-10 tarixində orijinalından arxivləşdirilib. İstifadə tarixi: 2015-02-23.
49. ""Xəzər Lənkəran" — "Neftçi" rəqabəti — STATİSTİKA. rekord.az". 2013-10-25 tarixində . İstifadə tarixi: 2013-12-30.
50. "Modern.az İnformasiya Agentliyi". modern.az. 2023-03-20 tarixində . İstifadə tarixi: 2022-10-01.
51. "Neftçi" — "Qarabağ": Derbinin tarixi və tarixlərdə derbi. avrofutbol.com 2016-03-05 at the Wayback Machine  (az.)
52. "Fanat.az". fanat.az. 2024-01-01 tarixində . İstifadə tarixi: 2024-03-05.
53. Azərbaycan futbolu: "Neftçi" PFK". inaz.az 2014-07-10 at the Wayback Machine  (az.)
54. "Reytinqə sözardı, yaxud "Neftçi" "Qarabağ"ı necə keçdi? apasport.az". 2022-02-18 tarixində . İstifadə tarixi: 2013-12-06.
55. "Neftçi" iri addımlarla irəliləyir. apasport.az". 2021-04-17 tarixində . İstifadə tarixi: 2012-09-03.
56. "Neftçi" dünya klublarının reytinq siyahısında irəliləyib. az.apa.az 2013-03-07 at the Wayback Machine  (az.)
57. Ağ-qara film 2015-04-02 at the Wayback Machine. topsport.az, 31.03.2015  (az.)
58. ""Neftçi" son 10 ildə — ARAŞDIRMA. apasport.az". 2021-04-17 tarixində . İstifadə tarixi: 2012-08-10.
59. "Neftçi" PFK-nın Rəhbərliyi. 2022-08-14 at the Wayback Machine neftchi.az  (az.)
60. "Neftçi" PFK-nın Müşahidə Şurası. 2022-08-15 at the Wayback Machine neftchi.az  (az.)
61. Məşqçilər heyəti neftchi.az 2021-12-05 at the Wayback Machine  (az.)
62. "Neftçi SSRİ çempionatının ən güclü komandaları siyahısında (FOTO)" (az.). azerisport.com. 2013-09-30. 2021-09-22 tarixində . İstifadə tarixi: 2014-10-29.