Mardin Muzeyi

Mardin Muzeyi — Türkiyənin Mardin şəhərində yerləşən arxeologiya və etnoqrafiya muzeyi.

Mardin Muzeyi
Əsası qoyulub	1895
Açılış tarixi	2000
Ölkə	Türkiyə
Yerləşir	Mardin
Vikianbarda əlaqəli mediafayllar

Mardin vilayətinin tarixi təsirini özündə ehtiva edən Mardin muzeyi böyük tarixi təsiri olan yerlərdən biridir. Mardində Qədim Tunc dövründən Böyük Səlcuqlu dövrünə qədər bir çox sivilizasiyalar hökm sürürdü. Bu səbəbdən onun tarixi infrastrukturu güclüdür. Mardin vilayətinin ərazisində müxtəlif sivilizasiyalara aid tarixi əsərlər var. Bu əsərlər Mardin Muzeyində sərgilənir.

Tarixi

Muzey binası 1895-ci ildə Antakya Suriya Katolik Kilsəsi tərəfindən tikilmişdir.

XX-ci əsrdə bina təkcə dini qurum kimi deyil, həm də müxtəlif xidmətlər üçün istifadə edilmişdir. 1995-ci ildə bina Mədəniyyət Nazirliyi tərəfindən alınmış və bərpadan sonra 2000-ci ildə bəzi əsərlər də Zinciriyə mədrəsəsindən köçürüldükdən sonra "Mardin muzeyi" kimi istifadəyə verilmişdir.

Muzey bölgənin tarixi və mədəni zənginliyini əks etdirən arxeoloji və etnoqrafik kolleksiyalarına malikdir. Qədim Tunc dövründən Böyük Səlcuq İmperatorluğuna qədər bir çox sivilizasiyanın izlərinin qorunub saxlanıldığı tarixi abidədir.

Məryəm ana kilsəsi muzeyin şərq hissəsində yerləşir. Ətrafında Assuriya dövrünə aid evlər var.

Bina əhəndaşından tikilib, 3 mərtəbəlidir və ənənəvi Mardin ev memarlığının xüsusiyyətlərini daşıyır. Binanın hər mərtəbəsi və bölməsi fərqli dizayn edilib. Birinci mərtəbədə qəbul otağı, konfrans zalı, sərgi zalı və istirahət otağı, ikinci mərtəbədə etnoqrafik zal və kitabxana yerləşir, üst mərtəbə inzibati otaqlar və arxeologiya şöbəsi üçün ayrılmışdır.

Mardin Muzeyi tarixi dəyərləri qoruyan bir yerdir. O, təkcə muzey funksiyası ilə məşhur deyil. Eyni zamanda, hər il uşaqları əhatə edən hərtərəfli tədbirləri ilə təhsil aspektini ön plana çıxaran məkandır.

Eksponatları

Bina tarixi olsa da, orada nümayiş etdirilən əsərlərin tarixi dəyəri muzeyin özündən daha əhəmiyyətlidir.

Muzeyin arxeoloji kolleksiyalarına Tunc dövrünə, Assuriya, Urartu, Ellinizm, Əhəmənilər, Roma, Bizans, Səlcuq, Artuklu və Osmanlı sülalələrinə aid lövhələr, möhürlər, qablar, heykəlciklər, metal bayraqlar, zərgərlik məmulatları, keramika, dulusçuluq məmulatları, rəngli şüşələr, yağ lampaları, qızıl, gümüş və mis sikkələr daxildir .

Etnoqrafiya bölməsində boyunbağılar, sırğalar, bilərziklər, xalçalar, alınlıqlar, baş örtükləri, eləcə də Mardin və ətraf bölgələrinə aid gümüş tikmə nümunələri, qədim geyim və qılınclar nümayiş etdirilir. Muzeydə həmçinin qəhvə dəstləri (mirra), hamam aksesuarları, təsbehlər, qızdırıcı alətlər və mis qablar sərgilənir.

Ünvanı

Mardin Muzeyi şəhərin mərkəzində Cümhuriyyət meydanında Atatürk heykəlinin yanında yerləşir.

Muzey bazar ertəsi ziyarətçilər üçün bağlıdır. Digər günlərdə qış və yay vaxtları fərqlənir. Yay mövsümündə saat 08.00 — 17.00-ə, qışda 09.00— 19.00-a qədər fəaliyyət göstərir.

Qalereya

Eksponatları

• Bölgənin geyim və mədəniyyətini əks etdirən etnoqrafik sərgi otağı.
• Muzeydə yer alan bir qab.
• Yeni Assuriya İmperiyası dövrünə aid postamentli qab, e. ə. VII-ci əsr.
• Səlcuqlulara aid şirli qab, XIII-cü əsr.
• Qadın fiquru
• Heyvan fiqurları

Binası

• Binanın xarici görünüşü
• Binanın pilləkənləri
• Binanın yuxarı mərtəbəsindən aşağı mərtəbələrin görünüşü
• Binanın pəncərələrindən biri

İstinadlar

1. https://www.kulturportali.gov.tr/turkiye/mardin/gezilecekyer/mardin-muzesi.
2. "Arxivlənmiş surət". 2021-06-22 tarixində arxivləşdirilib. İstifadə tarixi: 2024-01-08.
3. "Arxivlənmiş surət". 2023-10-07 tarixində arxivləşdirilib. İstifadə tarixi: 2024-01-08.
4. "Arxivlənmiş surət". 2020-09-26 tarixində arxivləşdirilib. İstifadə tarixi: 2024-01-08.
5. "Arxivlənmiş surət". 2023-04-28 tarixində arxivləşdirilib. İstifadə tarixi: 2024-01-08.
6. "Arxivlənmiş surət". 2021-07-17 tarixində arxivləşdirilib. İstifadə tarixi: 2024-01-08.