Tikmə müxtəlif növ sap parça muncuq pilək və s bədii materiallardan istifadə edilməklə tikiş tikmək üsulu ilə toxuma Tar

Tikmə — müxtəlif növ sap, parça, muncuq, pilək və s. bədii materiallardan istifadə edilməklə tikiş tikmək üsulu ilə toxuma.

Tarixçə

Qədim ənənələrə malik olan Azərbaycan tikmə sənətinin təsvir vasitəsi olduqca zəngin və rəngarəngdir. Buraya müxtəlif növ sap, parça, muncuq, pilək və s. bədii materiallar daxildir. Tikmə sənətində ən çox rəngli ipək saplar işlədilir. Lakin keçmişdə bu məqsədlə qızıl və gümüşdən kəsilmiş incə tellərdən, ağac qabığı və fil sümüyündən hazırlanmış lövhəciklərdən, metal piləklərdən hətta qiymətli daşqaşdan da geniş istifadə edilmişdir.

Tikmə sənəti əsrlər boyu qadınların sevimli məşğuliyyəti olmuşdur. Yalnız xırda əmtəə istehsalı səviyyəsinə yüksələndən sonra onunla kişilər də məşğul olmağa başlamışdır.

Azərbaycan tikmələri barədə məlumata IX–XI əsr ərəb müəlliflərinin və klassik şairlərin (Nizami, Füzuli) əsərlərində rast gəlirik.

Orta əsr bədii tikmə sənətinin istehsal mərkəzləri arasında Təbriz, Ərdəbil, Gəncə, Şamaxı və s. şəhərlər mühüm yer tuturdu. Təbrizdə XVI əsrdə Səfəvi şahlarının xüsusi karxanaları var idi. 1530-cu ildə I Şah Təhmasibin kənizlərindən 20 nəfərinə Təbrizdəki xüsusi toxuculuq karxanasında güləbətin tikmə öyrədilmişdi.

XVIII–XIX əsrlərdə tikmə sənəti əvvəlki mövqeyini itirir, güləbətin, pilək, zərənduz və s. tikmə növləri tədricən aradan çıxmağa başlayır. Bunun müqabilində təkəlduz tikmə ənənələri hələ də davam edirdi.

XIX əsrdə bədii tikmənin müxtəlif növləri ilə evlərdə kənd və şəhər qadınları, dükanlarda isə kişilər məşğul olurdu. Təkəlduz dükanlarında peşəkar ustalar (tikməbəndlər) yalnız "təkəlduz"la; evlərdə isə qadınlar bədii tikmənin qalan növləri (güləbətin, xanduz, zərənduz, muncuq, pilək, oturtma, örtmə, cülmə və s.) ilə məşğul olurdu.

Təkəlduz tikmədə naxışlar "gozəmə və ya doldurma" usulu ilə icra olunurdu.

Bədii tikmə Azərbaycanda parça istehsalının tarixi çox qədimdir.16–17-ci əsrlərdə Azərbaycanda parçaların üzəri üç üsulla bəzədilərdi.

Tikmə növləri

Azərbaycan tikmə növləri

Texnikaya görə

Güləbətin (tikmə) — qızılı və gümüşü saplarla tünd rəngli parçalar üzərində tikilir
Təkəlduz tikmə — rəngli ipək saplarla tünd mahud üzərində tikilir
Saya tikmə — güləbətin və təkəlduzun tam əksi olaraq, burada rəngli ipək və yun saplarla pastelrəngli (açıqrəngli) parçaları işləyirlər
Xanduz tikmə — şəbəkəli parça üzərində tikilir.
— səhvən "krest" (xaçşəkilli tikmə) adlandırılır
Xovlu tikmə — tikişmiş (toxunulmamış) xalça texnikası

Materialına görə

Pilək tikmə — əlvan yastı pulcuqlu tikmə
- Çaxma pilək tikmə (zərənduz)
Muncuqlu tikmə
Örtmə tikmə
- Doldurma tikmə — ikitərəfli tikmə üsuludur
Qurama tikmə — müxtəlif parça hissələrinin bir-birinə pərçimlənməsi ilə başa gəlir
Oturtma tikmə (qondarma tikmə) — ayrıca parçalardan kəsilmiş bəzək başqa bir parça üzərinə qoyulur və bərkidilir.
qaragöz
sərmə

Naxışlarına görə bir neçə yerə bölünür

həndəsi
nəbati (bitki), heyvanlar
Məlilə (spiral, sarmal tikmə)
zəncirə

Digər türk xalqlarının tikmə növləri

Güləbətin, təkəlduz və s. tikmə növləri başqa adlar altında digər türk xalqlarında da yayğındır.

Tikmə janrları

Portret, miniatür, qrafika, mənzərə, siluet, hüsnxət, həndəsi və nəbati naxış kompozisiyaları.

Tikmə sənəti UNESCO-da

Çinin Haynan əyalətində yaşayan Li etnik qrupunun tikmə növləri 2009-cu ildə UNESCO-nun Təcili Qorumaya Ehtiyacı Olan Mədəni İrs Listəsinə, Əlcəzairin və Macarıstanın tikmə sənəti 2012-ci ildə UNESCO-nun Bəşəriyyətin Toxunulmaz Mədəni İrsi Listəsinə daxil olub.

Qalereya

Tikməçi-rəssamlar

Mehriban Xəlilzadə
Rəhman Yunusov
Haşım Hacıyev

İstinadlar

Savalan Fərəcov — Lifli rəssamlıq sənəti: tikmələr 2020-07-31 at the Wayback Machine. Mədəniyyət.- 2011.- 28 yanvar.- S. 15.
. 2014-09-17 tarixində orijinalından arxivləşdirilib. İstifadə tarixi: 2013-11-14.
. 2014-04-28 tarixində orijinalından arxivləşdirilib. İstifadə tarixi: 2013-11-14.
"Azərbaycan Respublikası Mədəniyyət və Turizm Nazirliri — Azərbaycanda bədii tikmələr". 2015-03-16 tarixində . İstifadə tarixi: 2013-11-15.
"Günay Qafarova, sənətşünaslıq namizədi. Azərbaycanın el sənətinin maraqlı nümunələri". 2013-12-10 tarixində . İstifadə tarixi: 2013-11-24.
. 2013-09-21 tarixində orijinalından arxivləşdirilib. İstifadə tarixi: 2013-11-14.
"2009 List of Intangible Cultural Heritage in Need of Urgent Safeguarding. Traditional Li textile techniques: spinning, dyeing, weaving and embroidering". 2015-11-05 tarixində . İstifadə tarixi: 2013-11-15.
"2012 Representative List of the Intangible Cultural Heritage of Humanity. Rites and craftsmanship associated with the wedding costume tradition of Tlemcen". 2015-11-05 tarixində . İstifadə tarixi: 2013-11-15.
"2012 Representative List of the Intangible Cultural Heritage of Humanity. Folk art of the Matyó, embroidery of a traditional community". 2015-11-05 tarixində . İstifadə tarixi: 2013-11-15.

Filmoqrafiya

Həmçinin bax

Ədəbiyyat

"Naxçıvan tikmələri" kitabı.

Video

Lider Tv Online — Bədii Tikmə Sənəti Müasir Texnologiyada
Traditional Li textile techniques: spinning, dyeing, weaving and embroidering
Folk art of the Matyó, embroidery of a traditional community
UNESCO-UNEVOC — Needle and thread

[1] Savalan Fərəcov — Lifli rəssamlıq sənəti: tikmələr 2020-07-31 at the Wayback Machine. Mədəniyyət.- 2011.- 28 yanvar.- S. 15.

[2] . 2014-09-17 tarixində orijinalından arxivləşdirilib. İstifadə tarixi: 2013-11-14.

[3] . 2014-04-28 tarixində orijinalından arxivləşdirilib. İstifadə tarixi: 2013-11-14.

[4] "Azərbaycan Respublikası Mədəniyyət və Turizm Nazirliri — Azərbaycanda bədii tikmələr". 2015-03-16 tarixində . İstifadə tarixi: 2013-11-15.

[5] "Günay Qafarova, sənətşünaslıq namizədi. Azərbaycanın el sənətinin maraqlı nümunələri". 2013-12-10 tarixində . İstifadə tarixi: 2013-11-24.

[6] . 2013-09-21 tarixində orijinalından arxivləşdirilib. İstifadə tarixi: 2013-11-14.

[7] "2009 List of Intangible Cultural Heritage in Need of Urgent Safeguarding. Traditional Li textile techniques: spinning, dyeing, weaving and embroidering". 2015-11-05 tarixində . İstifadə tarixi: 2013-11-15.

[8] "2012 Representative List of the Intangible Cultural Heritage of Humanity. Rites and craftsmanship associated with the wedding costume tradition of Tlemcen". 2015-11-05 tarixində . İstifadə tarixi: 2013-11-15.

[9] "2012 Representative List of the Intangible Cultural Heritage of Humanity. Folk art of the Matyó, embroidery of a traditional community". 2015-11-05 tarixində . İstifadə tarixi: 2013-11-15.