Aygün Bəylər

Aygün Aydın qızı Hümmətova və ya səhnə adı ilə Aygün Bəylər (22 avqust 1975, Bakı – 6 yanvar 2024, Ankara) — azərbaycanlı müğənni, Azərbaycan Respublikasının əməkdar artisti (2002).

Aygün Bəylər
Ümumi məlumatlar
Doğum tarixi	22 avqust 1975(1975-08-22)
Doğum yeri	Bakı, Azərbaycan SSR, SSRİ
Vəfat tarixi	6 yanvar 2024(2024-01-06)(48 yaşında)
Vəfat yeri	Ankara, Ankara ili, Türkiyə
Vəfat səbəbi	süd vəzi xərçəngi
Dəfn yeri	Yeni Suraxanı
Vətəndaşlığı	Azərbaycan
Musiqiçi məlumatları
Fəaliyyəti	aktrisa, müğənni, xanəndə
Təhsili	Azərbaycan Dövlət Uşaq Filarmoniyası, Bakı Musiqi Akademiyası
Mükafatları	2002
Vikianbarda əlaqəli mediafayllar

Həyatı

Aygün Hümmətova (Bəylər) 22 avqust 1975-ci ildə Bakıda anadan olub. Ailədə 6 uşaq olublar.

İlk musiqi təhsilini Səttar Bəhlulzadə adına mədəniyyət sarayının musiqi məktəbində nağara sinfi üzrə alıb. Uşaqlıq dostu olan Rəsul Vilayətlə nikahda olub. 2009-cu ildə Canan adlı qızı dünyaya gəlib.

Ölümü

6 yanvar 2024-cü ildə ölümü ilə bağlı xəbərlər yayılsa da, Mədəniyyət Nazirliyi bu xəbərləri təkzib edib. Vəziyyətinin ağır olduğu, saat 22:50-də Ankara-Bakı reysi ilə Azərbaycana gətiriləcəyi açıqlanıb. Bir neçə saat sonra Mədəniyyət Nazirliyi Aygün Bəylərin Ankara şəhərində vəfat etdiyini təsdiqləyib. Faktı Aygün Bəylərin prodüseri də qəbul edib. Müğənninin nəşi Bakıya 7 yanvar tarixində gətirildi.

8 yanvar, saat 11:00-da Əmircan qəsəbəsində yerləşən Səttar Bəhlulzadə adına Mədəniyyət evində vida mərasimi keçirilib. Mərhum vida mərasimindən sonra Suraxanı kənd qəbiristanlığında dəfn olunub.

O, uzun müddətdir onkoloji xəstəlikdən müalicə olunurdu.Süd vəzi xərçəngindən öldüyü bildirilir.

Fəaliyyəti

1988-ci ildə yaradılan Azərbaycan Dövlət Uşaq Filarmoniyası elə həmin ildə istedadlı uşaqların müsabiqə yolu ilə fiarmoniyaya qəbulunu keçirir və 13 yaşlı Aygün filarmoniyaya qəbul edilir. Peşəkar səhnəyə ilk gəlişi də elə bu dövrə təsadüf edir.

Müəllimi Bəylər Quliyevin adını özünə səhnə təxəllüsü götürmüşdü.

Filarmoniyanın uşaq musiqi kollektivləri ilə böyük səhnələrdə ilk peşəkar çıxışlar, xarici ölkələrə, müxtəlif şəhər və regionlara qastrol səfərləri bu zamandan başlayır.

1986-cı ildən Azərbaycan Televiziya və Radiosunun solisti olub. 1987-ci ildə sovet ifaçıları arasında keçirilən müsabiqədə birinci yeri tutub. Azərbaycanı İsveç, Avstriya, Almaniya, Böyük Britaniya, ABŞ və digər dövlətlərdə təmsil edib.

1995-ci ildə Şövkət Ələkbərova adına ilk peşəkar musiqi kollektivini yaradaraq geniş konsert fəaliyyətinə başlayıb. Televiziya, radio, böyük dövlət təbirləri və eləcə də, artıq ardıcıl şəkildə xaricdə Azərbaycan musiqi sənətini təmsil edib.

1998-ci ildə Azərbaycan Dövlət Konservatoriyasının xanəndəlik fakültəsinə daxil olan Aygün Bəylərin sənət taleyində yeni səhifə açılır. Görkəmli sənətkarlar — Arif Babayev, İslam Rzayev, Ağaxan Abdullayev, Elxan Müzəffərov, eləcədə Alim Qasımovdan muğamın incəliklərini öyrənib.

2002-ci ildə Azərbaycan Respublikasının Prezidenti Heydər Əliyevin imzası ilə Azərbaycan Respublikasının əməkdar artisti fəxri adına layiq görülüb.

2005-ci ildə Özbəkistanın Səmərqənd şəhərində keçirilən beynəlxalq folklor festivalında folk- muğam triosunun müşayiəti ilə çıxış edən Aygün Bəylər Azərbaycan muğam məktəbini uğurla təmsil edərək birincilik mükafatına layiq görülərək festivalın qalibi olub.

Bu dövrdən başlayaraq 2005–2010 illər arası Aygün Bəylər dünyanın bir çox ölkələrində keçirilən musiqi festivallarının daimi iştirakçısı kimi solo konsertlərdə çıxışlar edib: Fransa, İspaniya, Mərakeş, ABŞ, İngiltərə, Rusiya, Türkiyə, Yunanıstan, Hollandiya, Almaniya, Cənubi Koreya, İsveç, Danimarka və s.

2012-ci ildə Aygün Azərbaycan Dövlət Musiqi Akademiyasının yeni açılan simfonik dirijorluq və bəstəkarlıq fakültəsinə daxil olub. 2013-cü ildən etibarən ATV telekanalı ilə müştərək olaraq Aygün "Yenə o bağ olaydı" adlı müəllif proqramıyla efirə çıxıb.

2015-ci ildə solo konsert təşkil etmək lazım olan məbləğə görə evini girov qoymuşdu. Konsert günü Günəşli neft yatağında yanğın hadisəsilə üst-üstə düşdüyünə görə konsert baş tutmamış, nəticədə Aygün Bəylər həmin məbləği itirmişdi. Özü də tutuduğu xəstəliyi bu hadisə ilə əlaqələndirdi. 2022-ci ildə Aygün Bəylərə ölkə başçısı tərəfindən ev hədiyyə olunmuşdu.

Filmoqrafiya

• Qış nağılı. I film (film, 2002)
• Bakı bağları. Buzovna (film, 2007)

İstinadlar

1. Əməkdar artist Aygün Bəylər vəfat edib - YENİLƏNİB.
2. "On beş yaşında evdən qaçdı, əmisi onu öldürmək istədi – Röya onu niyə məhkəməyə verdi?". Milli.Az (az.). 2023-04-22. 2024-01-06 tarixində . İstifadə tarixi: 2024-01-06.
3. Aygün Bəylərin son müsahibəsi (ingilis), 2024-01-09 tarixində , İstifadə tarixi: 2024-01-09
4. "Aygün Bəylərin həyat yoldaşı haralardadır... - Maraqlı məlumatlar". publika.az (az.). 2024-01-08. 2022-09-08 tarixində . İstifadə tarixi: 2024-01-08.
5. "Əməkdar artist Aygün Bəylərin ölüm xəbəri yayılıb, nazirlik isə təkzib edir". Report İnformasiya Agentliyi (az.). 6 yanvar 2024. 2024-01-06 tarixində . İstifadə tarixi: 2024-01-06.
6. modern.az. "Aygün Bəylərin ölüm xəbəri yayıldı – YENİLƏNİB". modern.az (az.). 2024-01-06 tarixində . İstifadə tarixi: 2024-01-06.
7. "Əməkdar artist Aygün Bəylər vəfat edib – YENİLƏNİB". Report İnformasiya Agentliyi (az.). 2024-01-06. 2024-01-06 tarixində . İstifadə tarixi: 2024-01-06.
8. "Aygün Bəylər vəfat etdi". Qafqazinfo (az.). 2024-01-07. 2024-01-06 tarixində . İstifadə tarixi: 2024-01-06.
9. "Aygün Bəylər dəfn olunub – YENİLƏNİB-2". Report İnformasiya Agentliyi (az.). 2024-01-08. 2024-01-08 tarixində . İstifadə tarixi: 2024-01-08.
10. "Aygün Bəylərlə vida mərasiminin keçiriləcəyi yer açıqlanıb". Report İnformasiya Agentliyi (az.). 2024-01-07. İstifadə tarixi: 2024-01-07.
11. "Aygün Bəylər bu xəstəlikdən vəfat edib". Axar.Az (az.). 2024-01-07. 2024-01-19 tarixində . İstifadə tarixi: 2024-01-19.
12. modern.az. "Aygün Bəylərin həyat yoldaşı kim idi.. - FOTOLAR". modern.az (az.). 2024-01-10 tarixində . İstifadə tarixi: 2024-01-10.
13. "Azərbaycan Respublikasının mədəniyyət xadimlərinə fəxri adların verilməsi haqqında". e-qanun.az. 2014-09-12 tarixində arxivləşdirilib. İstifadə tarixi: 13 yanvar 2024.
14. ""Şərq təranələri" Şərqin nüfuzlu musiqi Festivalında Azərbaycanı Sahib Paşazadə təmsil edəcəkdirv – Ümumi xəbərlər". Azərbaycan Respublikası Mədəniyyət Nazirliyi. 2017-08-24. 2017-09-01 tarixində . İstifadə tarixi: 2024-01-06.
15. "Əməkdar artist aparıcılıq edəcək, xeberler". BiG.Az (az.). 2024-01-06 tarixində . İstifadə tarixi: 2024-01-06.
16. "Aygün Bəylərin xərçəngə yoluxmasına səbəb olan hadisə bu imiş… - VİDEO". KONKRET (az.). 2024-01-08. İstifadə tarixi: 2024-01-10.
17. "Arxivlənmiş surət". 2024-01-10 tarixində . İstifadə tarixi: 2024-01-10.
18. "Prezidentdən öz ad günündə Aygün Bəylərə təsirli jest — Video". Qafqazinfo (az.). 2022-12-24. 2023-03-05 tarixində . İstifadə tarixi: 2024-01-10.

Xarici keçidlər

• Aygün və Bəylər EYNİ FOTODA