Azərbaycanda bələdiyyə seçkiləri (2009)

Azərbaycanda bələdiyyə seçkiləri (2009) — Azərbaycanda yerli və seçkili idarəetmə orqanları olan bələdiyyələrə keçirilən seçkilər. Bu Azərbaycanda bələdiyyələr üçün keçirilmiş sayca 3-cü ümumrespublika seçkisidir. Seçkilər majoritar qaydada keçirilmiş və seçicilər tərəfindən seçkilərdə yalnızca bələdiyyə üzvləri seçilmişdir. Qüvvədə olan qanunlara əsasən bələdiyyə sədrləri seçkilər nəticəsində formalaşmış bələdiyyələrin ilk iclasında seçilmiş bələdiyyə üzvləri tərəfindən seçilir.

← 2004
Azərbaycanda bələdiyyə seçkiləri
23 dekabr 2009
Seçici fəallığı	32.04
Rəhbər	İlham Əliyev	Fəzail Ağamalı	Fazil Mustafa
Partiya	Yeni Azərbaycan Partiyası	Ana Vətən Partiyası	Böyük Quruluş Partiyası
Tutulan yerlər	10 431	214	142
Dəyişən yerlərin sayı		▲ 74	▲ 142
Əvvəlki yerlərin sayı		140	Yeni
Rəhbər	Xanhüseyn Kazımlı	Sabir Rüstəmxanlı	Qüdrət Həsənquliyev
Partiya	Azərbaycan Sosial Rifah Partiyası	Vətəndaş Həmrəyliyi Partiyası	Bütöv Azərbaycan Xalq Cəbhəsi Partiyası
Tutulan yerlər	133	115	95
Dəyişən yerlərin sayı		▲ 12	▲ 95
Əvvəlki yerlərin sayı		103	Yeni

Zəmin

Seçkilərdə öncə Azərbaycan Respublikası Prezidenti İlham Əliyevin 14 aprel 2009-cu il tarixli sərəncamına əsasən ölkə ərazisində fəaliyyət göstərən bələdiyyələrin bir çoxu birləşdirilərək yenidən təşkil olunmuşdur. Müvafiq sərəncamdan sonra bələdiyyələrin sayı 2757-dən 1718-ədək azaldılmışdır. Bu seçkilərdə, həmçinin, 6 oktyabr 2006-cı il tarixində Azərbaycanda keçirilmiş təkrar, əlavə və yəni bələdiyyə seçkilərində seçilmiş, səlahiyyətləri 2011-ci ildə bitməli olan 81 bələdiyyə də seçki qərarı alaraq Mərkəzi Seçki Komissiyasına müraciət etmiş və bu bələdiyyələrdə də seçkilər keçirilmişdir.

Naxçıvan Muxtar Respublikası üzrə isə 215 bələdiyyə birləşdirilərək 171-ə endirilmişdir.

Seçkilərə 1 ay qalmış, 29 noyabr 2009-cu il tarixində Mərkəzi Seçki Komissiyasının sədr müavini Svetlana Qasımova ölmüşdür.

Seçki sistemi

Azərbaycan Respublikasının Seçki Məcəlləsinə əsasən Azərbaycan Respublikasında yerli özünüidarəni həyata keçirən bələdiyyələrin üzvləri nisbi çoxluq sistemi əsasında çoxmandatlı seçki dairələri üzrə seçilir. Əhalisi 500-dən az olan ərazilərdə 5, 500-dən 999-dək olan ərazilərdə 7, 1000-dən 4.999-dək olan ərazilərdə 9, 5000-dən 9999-dək olan ərazilərdə 11, 10000-dən 19999-dək olan ərazilərdə 13, 20000-dən 49999-dək olan ərazilərdə 15, 50000-dən 99999-dək olan ərazilərdə 17, 100000-dən 299999-dək olan ərazilərdə 19 bələdiyyə üzvü seçilir.

Bələdiyyələrin səlahiyyət müddəti 5 ildir. Seçkilərdə iştirak etmək hüququna malik olan və müvafiq seçki dairəsində daimi yaşayan Azərbaycan Respublikasının vətəndaşları bələdiyyələrə üzv seçilə bilərlər. Namizədlər əhalisi 99999-dan çox olan ərazidə 150, əhalisi 49999-dan çox olan ərazidə 100, əhalisi 19999-dan çox olan ərazidə 75, 9999-dan çox olan ərazidə 50, əhalisi 4999-dan çox olan ərazidə 30, əhalisi 4999-dan az olan ərazidə 15 seçici imzası toplamalıdır. Bir şəxs birdən çox namizəd üçün imza verə bilər.

Bələdiyyələrin səlahiyyət müddətinin hesablanması səsvermənin keçirildiyi gündən başlanır və yeni seçilən bələdiyyələrin birinci iclas günü başa çatır. Ölkə üzrə bələdiyyə seçkilərinin keçirilməsinə 6 aydan az müddət qalarsa, seçki nəticələri ləğv edilmiş bələdiyyələrdə, habelə yeni yaradılmış, birləşmiş, ayrılmış, yaxud vaxtından əvvəl buraxılmış bələdiyyələrə seçkilər ölkə üzrə bələdiyyələrə seçkilər zamanı keçirilir. Əgər ölkə üzrə bələdiyyə seçkilərinin keçirilməsinə 6 aydan çox qalmışsa həmin bələdiyyələrə keçirilən seçkilər nəticəsində formalaşan bələdiyyələrin səlahiyyət müddəti ölkə üzrə yeni bələdiyyə seçkiləri nəticəsində formalaşan bələdiyyələrin birinci iclas günü başa çatır.

Dairə seçki komissiyası qeydə alınmış namizədlərin lehinə verilən səslərin sayı bərabər olduqda, bələdiyyəyə seçkilərini baş tutmamış hesab edir. Dairə seçki komissiyası və ya Mərkəzi Seçki Komissiyası bələdiyyə üzrə səsvermə zamanı səsvermənin nəticələri etibarsız sayılmış seçki məntəqələrinin sayı həmin bələdiyyənin ərazisində olan seçki məntəqələrinin ümumi sayının 2/5 hissəsindən çoxunu təşkil etdikdə və ya ləğv edildikdə və həmin seçki məntəqələrində seçicilərin sayı bələdiyyə üzrə qeydə alınmış seçicilərin ümumi sayının 1/4-dən çoxunu təşkil etdikdə seçki nəticələri etibarsız sayılır.

Bələdiyyə seçkiləri baş tutmadıqda və ya etibarsız sayıldıqda, həmçinin "Bələdiyyələrin əraziləri və torpaqları haqqında" Azərbaycan Respublikasının Qanunu ilə bələdiyyə ərazilərinin dəyişdirilməsi nəticəsində müvafiq bələdiyyənin ərazisində yaşayan və səsvermə hüququna malik olan vətəndaşların sayı 25 faizdən artıq azaldıqda və ya çoxaldıqda təkrae seçkilər təyin olunur. Bələdiyyə üzvləri tam tərkibdə seçilmədikdə yaxud onların səlahiyyətlərinə vaxtından əvvəl xitam verildikdə və bunun nəticəsində bələdiyyənin tərkibi 2/3 hissədən az olduqda isə Mərkəzi Seçki Komissiyasının qərarı ilə əlavə seçkilər keçirilir. Bələdiyyə üzvü vəfat etdikdə və ya onun səlahiyyətlərinə vaxtından əvvəl xitam verildikdə dairə seçki komissiyasının təqdimatına əsasən Mərkəzi Seçki Komissiyasının qərarı ilə yeni seçkilər keçirilir.

Partiyalardakı vəziyyət

1995-ci ildə rəsmi dövlət qeydiyyatı ləğv olunmuş Azərbaycan İslam Partiyası üzvləri bu seçkilərə fərdi şəkildə qatılmışdır. Bu partiyadan 2004-cü il bələdiyyə seçkilərində 15 bələdiyyə üzvü seçilmişdir.

Azadlıq Partiyası 2009-cu ildə keçirilməli olan qurultayını bələdiyyə seçkiləri səbəbi ilə təxirə salmışdır.

Mətləb Mütəllimlinin sədrlik etdiyi Sosial Ədalət Partiyası qurultaya hazırlaşdığı üçün bələdiyyə seçkilərinə qatılmamaq qərarı almışdır.

Azərbaycan Demokrat Partiyası partiya şəkildə seçkilərdə iştirakdan imtina edərək üzvlərini fərdi təşəbbüslə namizəd olmağa səsləmişdir.

Müsavat Partiyası seçkilərdə həm partiya şəklində, həm də partiya üzvlərinin şəxsi təşəbbüsü ilə iştirakı haqqında qərar almışdır.

Qulamhüseyn Əlibəylinin sədrlik etdiyi Aydınlar Partiyası, rəsmi dövlət qeydiyatı olmayan Azərbaycan Yaşıllar Partiyası,Vəhdət Partiyası üzvlərini fərdi qaydada seçkiyə qatılmağa səsləmişdir.

Böyük Quruluş Partiyası 25 oktyabr 2009-cu il tarixində keçirilmiş sayca III qurultayında bələdiyyə seçkilərində iştirakla bağlı qərar almışdır.

Bütöv Azərbaycan Xalq Cəbhəsi Partiyası seçkilərdə partiya şəklində qatılmışdır və üzvlərinə fərdi şəkildə namizəd olma haqqı tanımışdır.

Seçkilərə 1 ay qalmış, 25 noyabr 2009-cu il tarixində Aydınlar Partiyası rəsmi dövlət qeydiyyatına alınmışdır.

Namizədlər

Bələdiyyə üzvlüyünə namizədlərin cinsiyyətə görə bölgüsü   Kişi (80,28 %)  Qadın (19,72 %)

Bələdiyyə seçkilərində namizədlərin irəli sürülməsi və qeydiyyatı prosesi 8 oktyabr 2009-cu ildə başlamış və 23 noyabr 2009-cu il tarixinədək davam etmişdir. 1718 bələdiyyənin 15682 üzv yeri üçün seçkilərdə 35 076 nəfər mübarizə aparmaq üçün namizədliyini irəli sürmüş, onlardan 31861 nəfərinin namizədliyi təsdiq edilmişdir. Ümumilikdə, dairə seçki komissiyaları 3215 nəfərin namizədliyini qeydə almaqdan imtina etmişdir. Seçki gününə olan məlumatlara əsasən namizədliyi qeydə alınan 30975 şəxsdən 14073 nəfərinin seçkilərə namizədliyini özü tərəfindən, 16755 nəfərinin namizədliyi siyasi partiyalar tərəfindən, 147 nəfərin namizədliyi isə təşəbbüs qrupları tərəfindən irəli sürülmüşdür. Seçkilərə partiya şəklində 18 siyasi partiya qatılmışdır. Siyasi partiyalardan Yeni Azərbaycan Partiyası 15 637, digər 17 siyasi partiya isə 3872 nəfərin namizədliyini irəli sürmüşdür. Seçkilərə qatılan 11147 nəfər bitərəf olmuş, 319 nəfəri isə partiya mənsubiyyətini göstərməmişdir. Namizədlərdən 15773-ü ali təhsilli olmuşdur. Həmçinin, onlardan 24867-si kişi, 6108-i isə qadın olmuşdur.

Naxçıvan Muxtar Respublikasında isə 171 bələdiyyədə 1437 yer üçün mübarizə getmişdir.

Namizədlərin namizədliyinin irəli sürülməsinə görə bölgüsü   Siyasi partiyalar tərəfindən (54,1 %)  Şəxsi təşəbbüslə (45,43 %)  Təşəbbüs qrupları tərəfindən (0,47 %)

Namizədlərin siyasi partiya mənsubiyyətinə görə bölgüsü   Yeni Azərbaycan Partiyası (57,1 %)  Bitərəf (35,99 %)  Böyük Quruluş Partiyası (1,23 %)  Azərbaycan Ümid Partiyası (1,12 %)  Vətəndaş Həmrəyliyi Partiyası (0,99 %)  Ana Vətən Partiyası (0,94 %)  Bütöv Azərbaycan Xalq Cəbhəsi Partiyası (0,85 %)  Azərbaycan Sosial Rifah Partiyası (0,53 %)  Demokratik Azərbaycan Dünyası Partiyası (0,43 %)  Müsavat Partiyası (0,42 %)  Azərbaycan Demokratik Sahibkarlar Partiyası (0,36 %)  Digər siyasi partiyalar (<100 namizəd) (1,4 %)  Partiya mənsubiyyətini göstərməyənlər (1,03 %)

23 dekabr 2009-cu ildə keçirilən bələdiyyə seçkilərində qeydə alınmış namizədlərin partiya mənsubiyyəti aşağıdakı kimi olmuşdur:

Siyasi partiya	Namizəd sayısı
Yeni Azərbaycan Partiyası	17688
Böyük Quruluş Partiyası	381
Azərbaycan Ümid Partiyası	348
Vətəndaş Həmrəyliyi Partiyası	306
Ana Vətən Partiyası	292
Bütöv Azərbaycan Xalq Cəbhəsi Partiyası	264
Azərbaycan Sosial Rifah Partiyası	164
Demokratik Azərbaycan Dünyası Partiyası	134
Müsavat Partiyası	130
Azərbaycan Demokratik Sahibkarlar Partiyası	112
Azərbaycan Demokratik İslahatlar Siyasi Partiyası	75
Azərbaycan Kommunist Partiyası	74
Klassik Xalq Cəbhəsi Partiyası	39
Azərbaycan Xalq Cəbhəsi Partiyası	38
Azərbaycan Milli İstiqlal Partiyası	35
Müasir Müsavat Partiyası	31
Ədalət Partiyası	28
Azərbaycan Demokrat Partiyası	26
Vətəndaş və İnkişaf Partiyası	25
Vətəndaş Birliyi Partiyası	17
Azərbaycan Vətənpərvərlər Partiyası	16
Milli Demokrat-İdrak Partiyası	10
Vəhdət Partiyası	8
Azərbaycan Liberal Demokrat Partiyası	4
Azərbaycan Yaşıllar Partiyası	3
Azərbaycan Sosial Demokrat Partiyası	2
Milli Vəhdət Partiyası	2
Azərbaycan Milli Demokrat Partiyası	1
Azərbaycan Tərəqqi Partiyası	1

Seçkilər

Bələdiyyə seçkiləri 118 seçki dairəsi və 4813 seçki məntəqəsi üzrə keçirilmiş, 15 min 682 bələdiyyə üzvünün seçilməsi üçün 1718 bələdiyyəni əhatə etmişdir. Ermənistan Respublikasının hərbi təcavüzü nəticəsində Azərbaycan Respublikasının işğal olunmuş ərazilərində — Dağlıq Qarabağ regionunda, Ağdərə, Kəlbəcər, Laçın, Zəngilan, Qubadlı, Cəbrayıl rayonlarında tam, Ağdam və Füzuli rayonlarının isə işğal altında olan hissəsində bələdiyyə seçkilərinin keçirilməsi qeyri-mümkün olmuşdur. Seçkilər zamanı aşkarlığın təmin olunması üçün qanuna müvafiq surətdə mövcud seçki məntəqələrinin 10 faizindən çoxunda veb-kameralar quraşdırılmış və səsvermə günü 52 beynəlxalq müşahidəçi, 28 informasiya agentliyi, 12 xarici KİV, 18 teleradio şirkəti, 39 yerli qəzet və jurnal nümayəndələri seçkilərin gedişini izləmişdir.

Quraşdırılmış veb-kameralardan 189-u Bakıda, 25-i Naxçıvan Muxtar Respublikasında, 289-u isə digər rayonlarda quraşdırılmışdır. Seçkiləri 48388 yerli müşahidəçi müşahidə etmişdir.

Seçki günü səsvermə Bakı saatı ilə 08:00-da başlamış, 19:00-da başa çatmışdır.

Azərbaycan Prezidenti İlham Əliyev, xanımı, deputat Mehriban Əliyeva, qızları Arzu Əliyeva və Leyla Əliyeva ilə birgə 29 saylı Səbail seçki dairəsinin 6 saylı məntəqəsi olan Bakı şəhəri 6 nömrəli məktəb-liseydə səs vermişdir.

Seçkilərdə seçki dairələri üzrə ən yüksək aktivlik 53 saylı Quba-Qusar seçki dairəsində 51,65%-lə qeydə alınmış, ən aşağı seçici aktivliyi isə 119 saylı Ağdam kənd seçki dairəsi üzrə 25,01%-lə qeydə alınmışdır.

Seçici aktivliyi

Saat	Ümumi	Gəncə
10:00	8.77%	7.38%
12:00	16.79%	15.41%
15:00	24.23%	23.39%
17:00	28.51%	28.59%
Yekun	31.86%	31.17%

Nəticələr

2009-cu il dekabrın 23-də keçirilmiş bələdiyyə seçkiləri baş tutmuşdur. Bələdiyyə seçkilərində ölkə üzrə seçicilərin ümumi sayının 32,4%-i səsvermədə iştirak etmiş və bunun nəticəsində də seçkilər baş tutmuş hesab olunmuşdur.

11 yanvar 2010-cu il tarixində Azərbaycan Respublikasının Mərkəzi Seçki Komissiyasının iclası baş tutmuş, iclasda 2009-cu il dekabrın 23-də keçirilmiş bələdiyyə seçkilərinin baş tutması, bu seçkilərin ümumən Azərbaycan Respublikası Konstitusiyasına, Seçki Məcəlləsinə və digər qanunvericilik aktlarına uyğun keçirilməsinin nəzərə alınması haqqında qərar qəbul edilmişdir. Eyni zamanda, 33 seçki məntəqəsindəki səsvermənin nəticələri və 9 bələdiyyəyə (Qusar rayonu Uluq, Quba rayonu Ağgül, Sabirabad rayonu Şəhriyar, Masallı rayonu Boradigah, İmişli rayonu Mərzəli, Qızılkənd və Sarxanlı, Şəfəq və Naftalan bələdiyyələri) seçkilərin etibarsız hesab edilməsi, seçkilərin ümumi yekunları rəsmi təsdiq edilmiş bütün 1709 bələdiyyə üzrə bələdiyyə üzvlərinin tam tərkibdə formalaşmasının nəzərə alınması haqqında qərar çıxarılmışdır. Komissiya bələdiyyələr üzrə seçilmiş üzvlərin siyahısının elan edilməsi barədə qərar qəbul etmişdir. Seçkilərin hazırlanması və keçirilməsi zamanı öz fəaliyyətində yol verdiyi ciddi nöqsanlara görə 50 saylı Qobustan-Quba-Xızı seçki dairəsi və 72 saylı Yardımlı-Masallı seçki dairəsinin sədrləri tutduğu vəzifəyə uyğunsuzluğu müəyyən edilmiş, eyni səbəbdən 70 saylı Masallı şəhər seçki dairəsi və 80 saylı İmişli-Beyləqan seçki dairəsinin komissiyaları buraxılmışdır.

Seçki nəticələri ləğv olunan bələdiyyələrə 3 ay ərzində seçkilərin keçirələcəyi elan edilmişdir. Mərkəzi Seçki Komissiyasında Azərbaycan Ümid Partiyasını təmsil edən seçkilərdə namizədlərin qeydə alınma, təbliğat-təşviqat, səsvermə və digər mərhələlərin ciddi qanun pozuntuları müşahidə olunmaqla keçirildiyini bildirmiş və yekun seçki protokoluna imza atmaqdan imtina etmişdir. Beləliklə, yekun protokol 15 üzvdən 14-nün imzası ilə təsdiqlənmişdir.

Ümumi

	Etibarlı	Etibarsız	Ümumi
Bələdiyyə sayı	1709	9	1718
Üzv sayı	15 591	91	15 682
Dairə sayı	118	0	118
Seçici sayı	-	-	4 612 727
Səslər	1 466 734	11 452	1 478 186
Seçici fəallığı	-	-	32.04%

Statistik məlumatlar

Seçilmiş bələdiyyə üzvlərinin cinsiyyətə görə bölgüsü   Kişi (73,87 %)  Qadın (26,13 %)

Seçilmiş bələdiyyə üzvlərinin 9 min 979-u ali, 2711-i orta ixtisas, 2825-i orta, 76-sı isə natamam ali təhsillidirlər. Bələdiyyə üzvlərinin 11517-ni kişilər, 4074-nü qadınlar təşkil edirlər. Bələdiyyə üzvlərinin 4243-ü 21–30, 2615-i 31–40, 4781-i 41–50, 3293-ü 51–60 yaş qrupuna daxildirlər. 659 nəfərinin yaşı 60-dan yuxarıdır. Ümumilikdə isə 15 min 591 nəfər bələdiyyə üzvü seçilmişdir.

Partiyalara görə

2009-cu il dekabrın 23-də keçirilmiş seçkilərində bələdiyyə üzvü seçilmiş şəxslərdən 10 min 705-nin namizədliyi siyasi partiyalar, 77-nin namizədliyi təşəbbüs qrupları, 4809 nəfərin namizədliyi isə özləri tərəfindən irəli sürülmüşdür.

Bələdiyyələrə üzv seçilmiş şəxslərdən 10 min 290-ı Yeni Azərbaycan Partiyası, 132-si Böyük Quruluş Partiyası, 81-i Bütöv Azərbaycan Xalq Cəbhəsi Partiyası, 62-si Ana Vətən Partiyası, 61-i Vətəndaş Həmrəyliyi Partiyası, 41-i Azərbaycan Ümid Partiyası, 15-i Azərbaycan Demokratik İslahatlar Siyasi Partiyası, 14-ü Vətəndaş Birliyi Partiyası, 5-i Azərbaycan Sosial Rifah Partiyası, 4-ü isə Müsavat Partiyası tərəfindən namizədliyi irəli sürülmüş şəxslər olmuşdur. Həmçinin seçilmiş üzvlərdən 4157-si bitərəf, 157-si isə partiya mənsubiyyətini göstərməmiş şəxs olmuşdur.

Mərkəzi Seçki Komissiyasının verdiyi məlumata görə seçilmiş üzvlərin siyasi partiyalara görə bölgüsü aşağıdakı kimi olmuşdur:

Siyasi partiya		Sədr	Bələdiyyə üzvü sayı
			Partiya namizədi	Şəxsi təşəbbüs	Ümumi
	Yeni Azərbaycan Partiyası	İlham Əliyev	10.290 / 15.591	141 / 15.591	10.431 / 15.591
	Ana Vətən Partiyası	Fəzail Ağamalı	62 / 15.591	152 / 15.591	214 / 15.591
	Böyük Quruluş Partiyası	Fazil Mustafa	132 / 15.591	10 / 15.591	142 / 15.591
	Azərbaycan Sosial Rifah Partiyası	Xanhüseyn Kazımlı	5 / 15.591	128 / 15.591	133 / 15.591
	Vətəndaş Həmrəyliyi Partiyası	Sabir Rüstəmxanlı	61 / 15.591	54 / 15.591	115 / 15.591
	Bütöv Azərbaycan Xalq Cəbhəsi Partiyası	Qüdrət Həsənquliyev	81 / 15.591	14 / 15.591	95 / 15.591
	Azərbaycan Ümid Partiyası	İqbal Ağazadə	41 / 15.591	2 / 15.591	43 / 15.591
	Azərbaycan Kommunist Partiyası	Ələsgər Xəlilov	0 / 15.591	25 / 15.591	25 / 15.591
	Azərbaycan Demokratik İslahatlar Siyasi Partiyası	Asim Mollazadə	15 / 15.591	3 / 15.591	18 / 15.591
	Azərbaycan Milli İstiqlal Partiyası	Fuad Muxtarov	0 / 15.591	15 / 15.591	15 / 15.591
	Vətəndaş Birliyi Partiyası	Sabir Hacıyev	14 / 15.591	14 / 15.591	14 / 15.591
	Ədalət Partiyası	İlyas İsmayılov	0 / 15.591	13 / 15.591	13 / 15.591
	Müasir Müsavat Partiyası	Hafiz Hacıyev	0 / 15.591	5 / 15.591	5 / 15.591
	Müsavat Partiyası	İsa Qəmbər	4 / 15.591	3 / 15.591	3 / 15.591
	Demokratik Azərbaycan Dünyası Partiyası	Məmməd Əlizadə	0 / 15.591	3 / 15.591	3 / 15.591
	Azərbaycan Demokrat Partiyası	Sərdar Cəlaloğlu	0 / 15.591	2 / 15.591	2 / 15.591
	Klassik Xalq Cəbhəsi Partiyası	Mirmahmud Mirəlioğlu	0 / 15.591	2 / 15.591	2 / 15.591
	Milli Vəhdət Partiyası	Yunus Oğuz	0 / 15.591	2 / 15.591	2 / 15.591
	Azərbaycan Xalq Cəbhəsi Partiyası	Əli Kərimli	0 / 15.591	1 / 15.591	1 / 15.591

Qanun pozuntuları və etirazlar

Azərbaycan Respublikasının Mərkəzi Seçki Komissiyasının 29 dekabr 2009-cu il tarixli iclasında Naftalanda seçki prossesinə Nafatalan Rayon İcra Hakimiyyətinin başçısı Musa Musayev tərəfindən müdaxilələr olduğu elan edilmişdir. Azərbaycan Respublikasının Prezidenti İlham Əliyevin 25 yanvar 2010-cu il tarixli 695 saylı sərəncamı ilə Musa Musayev vəzifəsindən azad edilmişdir.

İstinadlar

1. "AZƏRBAYCAN RESPUBLİKASI BƏLƏDİYYƏ SEÇKİLƏRİ 23 dekabr 2009-cu il Səsvermənin ümumi yekunlarına dair MƏRKƏZİ SEÇKİ KOMİSSİYASININ PROTOKOLU" (PDF). 2022-07-22 tarixində (PDF). İstifadə tarixi: 2023-04-25.
2. "Azərbaycanda seçkiyə qoşulmaq istəyən səlahiyyətləri başa çatmamış bələdiyyələrin sayı 81-ə çatıb". 2020-11-25 tarixində . İstifadə tarixi: 2023-05-07.
3. "MDB PAA DİMBİ-nin Bakı filialının 2009-cu il Azərbaycanda Bələdiyyə seçkiləri haqqında ümumi məlumatı". 2022-01-30 tarixində . İstifadə tarixi: 2020-07-04.
4. "NAXÇIVANDA DA BƏLƏDİYYƏ SEÇKİLƏRİ BOYKOT EDİLƏ BİLƏR". 2023-06-29 tarixində . İstifadə tarixi: 2023-05-07.
5. "Bu, bizim üçün ağır itkidir."
6. "AZƏRBAYCAN RESPUBLİKASININ SEÇKİ MƏCƏLLƏSİ". 2022-11-29 tarixində . İstifadə tarixi: 2023-05-07.
7. İslamçılar seçkilərə fərdi şəkildə qatılacaqlar
8. "Azadlıq"ın qurultayı gələn ilə qaldı
9. "Sosial Ədalət" bələdiyyə seçkilərinə qatılmayacaq
10. ADP qərarını verdi
11. "Azərbaycanın müxalifət partiyası bələdiyyə seçkilərində partiyanın ümumi və fərdi namizədləri ilə iştirak edəcək". 2023-06-29 tarixində . İstifadə tarixi: 2023-05-07.
12. "Azərbaycanın müxalifətyönlü partiyasının üzvləri bələdiyyə seçkilərində fərdi şəkildə iştirak edəcəklər". 2022-01-20 tarixində . İstifadə tarixi: 2023-05-07.
13. "Azərbaycan Yaşıllar Partiyasının üzvləri bələdiyyə seçkilərində fərdi qaydada iştirak edəcəklər". 2023-06-29 tarixində . İstifadə tarixi: 2023-05-07.
14. "Azərbaycanın müxalifət partiyaları bələdiyyə seçkilərində fərdi namizədlər irəli sürülməsinə daha çox üstünlük verirlər". 2022-01-24 tarixində . İstifadə tarixi: 2023-05-07.
15. "Azərbaycanda bələdiyyə seçkilərində Böyük Quruluş Partiyasının 500-dən çox namizədi iştirak edəcək". 2022-01-16 tarixində . İstifadə tarixi: 2023-05-07.
16. "Azərbaycanın müxalifət partiyasının mindən artıq üzvü bələdiyyələrə namizədliyini irəli sürüb". 2021-04-21 tarixində . İstifadə tarixi: 2023-05-07.
17. "Azərbaycanda müxalifət partiyası dövlət qeydiyyatına alınıb". 2021-04-19 tarixində . İstifadə tarixi: 2023-05-07.
18. Ədalətli və şəffaf seçkilər
19. "Bələdiyyə seçkilərinə hazırlıqla bağlı məlumat". 2023-06-29 tarixində . İstifadə tarixi: 2023-05-07.
20. "Azərbaycanda bələdiyyə seçkilərinə səsvermə başlayıb". 2023-06-29 tarixində . İstifadə tarixi: 2023-05-07.
21. Bu gün bələdiyyə seçkiləridir
22. Prezident seçkilərdə səs verib
23. "Azərbaycanda bələdiyyə seçkisini baş tutmuş hesab etmək olar — MSK sədri Məzahir Pənahov (ƏLAVƏ OLUNUB — 2)". 2023-06-29 tarixində . İstifadə tarixi: 2023-05-07.
24. "Bələdiyyə seçkilərində saat 10:00-a olan məlumata görə, seçicilərin aktivliyi 8,77% təşkil edir". 2023-06-29 tarixində . İstifadə tarixi: 2023-05-07.
25. "Azərbaycanın Gəncə şəhərində saat 10:00-a olan məlumata görə, seçicilərin 7, 38 faizi səsvermədə iştirak edib". 2023-06-29 tarixində . İstifadə tarixi: 2023-05-07.
26. "Bələdiyyə seçkilərində saat 12:00-a olan məlumata görə, seçicilərin aktivliyi 16,79 % təşkil edir". 2023-06-29 tarixində . İstifadə tarixi: 2023-05-07.
27. "Azərbaycanın Gəncə şəhərində saat 12:00-a verilən məlumata görə, seçicilərin 15,41 faizi səsvermədə iştirak edib". 2020-10-28 tarixində . İstifadə tarixi: 2023-05-07.
28. "Bələdiyyə seçkilərində saat 15:00-a olan məlumata görə, seçicilərin aktivliyi 24,23% təşkil edir". 2020-10-21 tarixində . İstifadə tarixi: 2023-05-07.
29. "Azərbaycanın Gəncə şəhərində saat 15:00-a verilən məlumata görə, seçicilərin 23.39 faizi səsvermədə iştirak edib". 2023-06-29 tarixində . İstifadə tarixi: 2023-05-07.
30. "Saat 17.00-a olan məlumata görə, bələdiyyə seçkilərində seçicilərin aktivliyi 28,51% təşkil edir - MSK". 2020-10-22 tarixində . İstifadə tarixi: 2023-05-07.
31. "Azərbaycanın Gəncə şəhərində saat 17:00-a verilən məlumata görə, seçicilərin 28,59 faizi səsvermədə iştirak edib". 2023-06-29 tarixində . İstifadə tarixi: 2023-05-07.
32. "Azərbaycanda seçicilərin 31,86 faizi bələdiyyə seçkilərində iştirak edib – MSK". 2023-06-29 tarixində . İstifadə tarixi: 2023-05-07.
33. "Azərbaycanın Gəncə şəhərində seçicilərin 31,17 faizi səsvermədə iştirak edib". 2023-06-29 tarixində . İstifadə tarixi: 2023-05-07.
34. Seçkilərin nəticələri elan olunub
35. "Siyahıya YAP liderlik edir". 2021-11-14 tarixində . İstifadə tarixi: 2023-04-26.
36. İcra başçısının seçkiyə müdaxiləsi təsdiqlənib
37. "M. H. Musayevin Naftalan Şəhər İcra Hakimiyyətinin başçısı vəzifəsindən azad edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 2023-06-29 tarixində . İstifadə tarixi: 2023-05-06.