Seyiçi Morimura

Seyiçi Morimura (森村 誠一, Morimura Seyiçi, 2 yanvar 1933, Kumaqaya^[d], Saytama prefekturası – 24 iyul 2023, Tokio) – müəmma janrında yazmış Yaponiya yazıçısı. İkinci Dünya müharibəsi zamanı Yaponiyada insanlar üzərində təcrübələr aparmış 731-ci dəstə haqqında olan mübahisəli "" ("Akuma no hoşoku") trilogiyasına görə tanınır.

Seyiçi Morimura
yap. 森村誠一
Doğum tarixi	2 yanvar 1933(1933-01-02)
Doğum yeri	Kumaqaya^[d], Osato dairəsi^[d], Saytama prefekturası, Yaponiya
Vəfat tarixi	24 iyul 2023(2023-07-24)(90 yaşında)
Vəfat yeri	Tokio, Yaponiya
Təhsili	Aoyama Qakuin Universiteti^[d]
Fəaliyyəti	yazıçı, roman yazıçısı
Fəaliyyət illəri	1969–2023
Əsərlərinin dili	yapon dili
Janr	detektiv

Həyatı və karyerası

Seyiçi Morimura 1933-cü ildə Saytama prefekturasında doğulmuşdur. Kollecdən məzun olduqdan sonra 1964-cü ildə "Otani" hotelində işləməyə başlamış və növbəti 10 il oyunca burada işləmişdir. Hoteldə işləyərkən jurnal məqalələri yazmağa başlamışdır. İlk romanı "Böyük şəhər" ("Daytokay") 1967-ci ildə nəşr olunmuşdur. "Çoxmərtəbəli binada ölüm" ("Koso no şikaku") romanına görə 1969-cu ildə , 1973-cü ildə Yaponiya Müəmma Yazıçıları Mükafatını qazanmışdır.

1976-cı ildə yazdığı "" ("Ninqen no şomey") romanı qaradərili gəncin qətlindən bəhs edir və Yaponiyanın müharibədən sonrakı qaranlıq dövrünü işıqlandırır. Roman əsasında film çəkilmişdir. 1977-ci ildə nəşr olunmuş "" ("Yasey no şomey") romanı ucqar bir kənddə baş vermiş soyqırımdan bəhs edir. 731-ci dəstənin insan təcrübələrindən bəhs edən "" əsəri 1981-ci ildə qəzet seriyası kimi nəşr olunmağa başlamışdır. Əsər bestsellerə çevrilmişdir və Yaponiyada sensasiyaya səbəb olmuşdur.

2004-cü ildə Yaponiya Müəmma Ədəbiyyatı Mükafatını, 2011-ci ildə "Pis yol" ("Akudo") tarixi romanına görə qazanmışdır. Yazıçılıqla yanaşı hayku şairi olmuş, 2006-cı ildə Tokioda yerləşən KAVA hayku cəmiyyətinin üzvü olmuşdur. 24 iyul 2023-cü ildə ağciyər iltihabı səbəbilə Tokioda yerləşən bir xəstəxanada ölmüşdür.

Şəxsi həyatı

İkinci Dünya müharibəsi zamanı Morimuranın yaşadığı ərazi ABŞ tərəfindən bombalanmış və bu səbəbdən pasifist prinsipləri mənimsəmişdir. Nüvə silahlarına qarşı olmaq və sülhü dəstəkləmək haqqında kitab yazmışdır. 2015-ci ildə konstitusiyanın Şinzo Abe tərəfindən yenidən təfsirinə qarşı baş vermiş aksiyalarda iştirak etmişdir.

İstinadlar

1. Sandomir R. 日本作家森村诚一去世，作品曾揭露731部队暴行. 2023.
2. "Japanese novelist Seiichi Morimura, known for trilogy about wartime army unit's atrocities, dies". The Mainichi (ingiliscə). 25 iyul 2023. 30 sentyabr 2023 tarixində . İstifadə tarixi: 30 sentyabr 2023.
3. Gid Powers, Richard; Hidetoshi Katō; Bruce Stronach. Handbook of Japanese popular culture. Greenwood Press. 1989. səh. 283. ISBN . 2023-07-27 tarixində . İstifadə tarixi: 30 sentyabr 2023.
4. "Award-Winning Novelist Seiichi Morimura Dies at 90". The Japan News by the Yomiuri Shimbun (ingiliscə). 24 iyul 2023. 30 sentyabr 2023 tarixində . İstifadə tarixi: 30 sentyabr 2023.

Xarici keçidlər

• J'Lit | Müəlliflər : Seyiçi Morimura | Books from Japan