Bu adın digər istifadə formaları üçün bax Rəşid Behbudov dəqiqləşdirmə Rəşid Məcid oğlu Behbudov 1 14 dekabr 1915 Tiflis

Rəşid Məcid oğlu Behbudov (1 (14) dekabr 1915, Tiflis – 9 iyun 1989, Moskva) — Azərbaycan müğənnisi, SSRİ xalq artisti (1959), SSRİ və Azərbaycan SSR Dövlət Mükafatları laureatı, Sosialist Əməyi Qəhrəmanı, Azərbaycan və Dağıstan MSSR-ın xalq artisti, Gürcüstan SSR-ın əməkdar incəsənət xadimi.

Rəşid Behbudov

Ümumi məlumatlar
Doğum tarixi	1 (14) dekabr 1915
Doğum yeri	Tiflis, Tiflis quberniyası, Rusiya imperiyası
Vəfat tarixi	9 iyun 1989(1989-06-09)(73 yaşında)
Vəfat yeri	Moskva, RSFSR, SSRİ
Dəfn yeri	Fəxri Xiyaban
Vətəndaşlığı	Rusiya imperiyası SSRİ
Uşağı	Rəşidə Rəşid
Atası	Məcid Behbudov
Musiqiçi məlumatları
Fəaliyyəti	opera müğənnisi, kino aktyoru, aktyor, siyasətçi, müğənni
Fəaliyyət illəri	1933–1989
Janrlar	xalq musiqisi, opera
Musiqi alətləri	piano, tar, fortepiano
Səs tembri	tenor, Tenor-altino
Mükafatları
Vikianbarda əlaqəli mediafayllar

Rəşid Behbudov Sevil operasında Balaş rolunda

Həyatı

Rəşid Behbudov 1915-ci il dekabrın 14-də Tiflisdə əslən Şuşalı xanəndə Məcid Behbudov Behbudalı oğlunun ailəsində dünyaya gəlmişdir. Anası Firuzə Vəkilova isə Qazax rayonunun Yuxarı Salahlı kəndinin Vəkilovlar nəslinə mənsub idi.

Uşaq yaşlarından məktəb xorunda oxuyan Rəşid 1933-cü ildə Dəmiryolu Texnikumuna daxil olmuşdur. Təhsili dövründə tələbə öz fəaliyyət orkestrində çalışmışdır.

Hərbi xidməti zamanı ordu ansamblının solisti olan Rəşid Behbudov hərbi xidmətdən sonra Tiflis estrada qruplarından birində solistlik edir və tezliklə bəstəkar A. Eyvazın rəhbərlik etdiyi Azərbaycan Dövlət Caz orkestrində solistliyə başlayır. 1930-cu illərdə Azərbaycan Dövlət Opera və Balet Teatrında klassik operaların xor səhnələrində solo oxuyur. 1939-cu ildə həmin teatrın truppası ilə birlikdə Moskvada Azərbaycan incəsənəti günlərində iştirak edir. 1942-ci ildə kollektivlə birgə Krım cəbhəsinə yollanır. Həmin il Azərbaycan dövlət caz orkestrinin tərkibində İranda qastrol səfərində olmuşdur.

1943-cü ilin sonunda Üzeyir Hacıbəyovun eyniadlı operettasının motivləri əsasında çəkilən "Arşın mal alan" filmində baş rola dəvət almışdır. 1944-cü ildə Azərbaycan Dövlət Filarmoniyasının yay salonunda konserti olmuşdur. 1945-ci ildə film efirə çıxır və çox tez bir zamanda nəinki Azərbaycanda, bütün Sovet İttifaqında böyük populyarlıq qazanır. 1946-cı ildə bu filmdəki Əsgər roluna görə Rəşid Behbudov ilə təltif olunur.

1949-cu ildə Budapeştdə keçirilən Gənclərin və tələbələrin Ümumdünya festivalında çıxış edir.

1946–1956-cı illərdə Azərbaycan Dövlət Filarmoniyasının, 1953–1960-cı illərdə fasilələrlə M. F. Axundov adına Azərbaycan Dövlət Opera və Balet Teatrının solisti, 1957–1959-cu illərdə Azərbaycan Dövlət Konsert Ansamblının təşkilatçısı və rəhbəri olmuşdur. 1966-cı ildən musiqi və estrada sənətinin caz, balet, pantomim kimi müxtəlif janrlarını üzvi surətdə birləşdirən Azərbaycan Dövlət Mahnı Teatrını təşkil etmiş və ömrünün sonunadək onun solisti və bədii rəhbəri olmuşdur.

Bütün Sovet respublikaları ilə yanaşı Argentina, Bolqarıstan, Belçika, Çili, Çin, Efiopiya, Finlandiya, Hindistan, İran, İraq, İtaliya, Misir, Türkiyə və s. ölkələrdə geniş repertuarla çıxış edən Rəşid Behbudov, Azərbaycan xalq mahnılarının və Azərbaycan bəstəkarlarının vokal əsərlərinin xarici ölkələrdə populyarlaşmasında çox böyük rol oynamışdır. Rəşid Behbudov Hindistana səfəri haqqında "Uzaq Hindistanda" kitabını yazmışdır.

Rəşid Behbudov 1989-cu il iyunun 9-da Moskva şəhərində vəfat etmişdir.

2015-ci il 14 dekabrda Heydər Əliyev Sarayında 100 illik yübileyi qeyd olunub.

Ailəsi

Ceyran Behbudovanın (1935–2017) həyat yoldaşı, müğənni Rəşidə Rəşidin atası, Ənvər Behbudov və Nəcibə Behbudovanın qardaşıdır.

Təltif və mükafatları

Sosialist Əməyi Qəhrəmanı — 23 aprel 1980
"SSRİ xalq artisti" fəxri adı — 9 iyun 1959
"Azərbaycan SSR xalq artisti" fəxri adı — 20 iyun 1951
"Azərbaycan SSR əməkdar artisti" fəxri adı — 1946
"Gürcüstan SSR əməkdar incəsənət xadimi" fəxri adı — 11 dekabr 1977
"Dağıstan MSSR xalq artisti" fəxri adı
(2-ci dərəcə) — 1946 (Arşın mal alan filmindəki Əsgər roluna görə)
Azərbaycan SSR Dövlət mükafatı — 1978 (konsert proqramları üçün)
2 dəfə — 6 yanvar 1976; 23 aprel 1980
— 1 fevral 1966
— 13 dekabr 1985

Xatirəsi

1975-ci ildə Nazim Abbas tərəfindən çəkilmiş Azərbaycantelefilm istehsalı Rəşid Behbudov adlı qısametrajlı sənədli televiziya filmi həsr olunmuşdur.
1985-ci ildə Davud İmanov tərəfindən çəkilmiş Azərbaycantelefilm istehsalı Rəşid Behbudov adlı qısametrajlı sənədli televiziya filmi həsr olunmuşdur.
1991-ci ildə, Bakı şəhərində, keçmiş adı "Leytenant Şmidt küçəsi" və uzunluğu 2,16 km olan mərkəzi küçələrdən biri, Rəşid Behbudovun adına adlandırılmışdır.
19 oktyabr 1995-ci ildə, Rəşid Behbudovun 80 illiyi ilə əlaqədar qərar qəbul edilmişdir.
4 oktyabr 2016-cl ildə, adını daşıdığı küçədə və adını daşıdığı mahnı teatrının qarşısında abidəsi ucaldılıb.
18 noyabr 2016-cı ildə, Azərbaycan Respublikasının Prezidenti İlham Əliyevin iştirakı ilə Azərbaycan Xəzər Dəniz Gəmiçiliyi tərəfindən "Rəşid Behbudov" sürətli sərnişin gəmisi istismara verilmişdir.

Rəşid Behbudova həsr olunmuş poçt markaları
Poçt markası
Poçt markası

Əsərləri

Aylı Gecələr
Alagöz
Anacan, Dostum Evlənir
Ayrılıq
Azərbaycan
Bakı Haqqında Mahnı
Bakının Ulduzları
Əlvida
Evləri Var Xana Xana
Əziz Şəhər
Gəlmədin
Gül Oğlan
Halvacı
Həzin Mahnı
Idet Vesna Po Apsheronu
Canım Bakı
Hardadır O Yar
Bakı 1
Bakı 2
Ey Sevincim
Gözəl Paytaxt
Ana
Azərbaycanım
Əhdimi İnan Var
Allegro
Amor Por Ti
Ariozo Lenskoqo
Əsgər'in mahnısı/aryası
Rudolf'un mahnısı/aryası
Azərbaycan 2
Badamlı
Bahar Sənsiz
Balaşın mahnısı/aryası
Bayatılar
Cvetok Ispanil
Djorona
Firuzə
Qalalı (Şuşalı)
Gözəlim Sənsən
Gülə Bilməz Bahar Sənsiz
İlk Görüş
Kəklik
Üzüyümün Qaşı
Vals
Can Bakı
Avara
Can Oyna
Əziz Surat
İnsan
Küçələrə su səpmişəm
Ləbu-ləb
Qızıl Üzük
Romeo Mənim Qonşumdur
Sənsiz
Sevgi Mahnısı
Sevgilim
Yadıma Sən Düşərsən

Filmoqrafiya

Arşın mal alan (film, 1945)
Doğma xalqıma (film, 1954)
Bəxtiyar (film, 1955)
Səadət yolu ilə (film, 1956) (sənədli film)
Romeo mənim qonşumdur (film, 1963)
Abşeron ritmləri (film, 1970) (tammetrajlı musiqili-bədii televiziya filmi)-filmdə iştirak edən
Toyda görüş (film, 1970) (sənədli film)
Ürəkdən-ürəyə (film, 1970) (sənədli film)
1001-ci qastrol (film, 1974)
Rəşid Behbudov (film, 1975) (sənədli film)
Azərbaycan elləri (film, 1976) (sənədli film)
Nəğməkar torpaq (film, 1981)
Rəşid Behbudov (film, 1985) (sənədli film)
Ürək nəğməsi (film, 1989) (sənədli film)
Absurdistan (film, 2008) (tammetrajlı bədii film)-ifasından istifadə edilən müğənni

İstinadlar

Музыкальная энциклопедия (rus.). / под ред. Ю. В. Келдыш Москва: Советская энциклопедия, Советский композитор, 1973. Т. 1.
Bibliothèque nationale de France Rašid Bejbutov // BnF identifikatoru (fr.): açıq məlumat platforması. 2011.
Бейбутов Рашид Маджид оглы // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.
"Kayzen.az – Böyük musiqiçilər: Rəşid Behbudov". 2011-12-02 tarixində . İstifadə tarixi: 2011-09-10.
AzərTAc. "Rəşid Behbudovun xatirəsi anılıb" (az.). Youtube.com. 09.06.2018. 2021-08-10 tarixində . İstifadə tarixi: 2018-06-09.
"Arxivlənmiş surət". 2016-12-16 tarixində . İstifadə tarixi: 2018-01-25.
"Arxivlənmiş surət". 2021-08-10 tarixində . İstifadə tarixi: 2018-01-25.
"Arxivlənmiş surət". 2021-08-10 tarixində . İstifadə tarixi: 2018-01-25.
SSRİ Xalq artisti R. M. Behbudova Sosialist Əməyi Qəhrəmanı adı verilməsi haqqında SSRİ Ali Soveti Rəyasət Heyətinin 23 aprel 1980-ci il tarixli Fərmanı 2020-01-16 at the Wayback Machine — anl.az saytı
"Указ Президиума Верховного Совета Грузинской ССР о присвоении почетного звания заслуженного деятеля искусств Грузинской ССР тов. Бейбутову Р.М." (PDF) (rus). 1977. 10 iyun 2021 tarixində (PDF). İstifadə tarixi: 10 iyun 2021.
Ədəbiyyat, incəsənət və arxitektura sahəsində 1978-ci il Azərbaycan SSR Dövlət mükafatlarının verilməsi haqqında Azərbaycan KP MK-nın və Azərbaycan SSR Nazirlər Sovetinin 1978-ci il tarixli Qərarı 2020-01-16 at the Wayback Machine — anl.az
Rəşid Behbudovun anadan olmasının 80 illik yubileyinin keçirilməsi haqqında Azərbaycan Respublikası Prezidentinin 19 oktyabr 1995-ci il tarixli Qərarı 2020-01-16 at the Wayback Machine — anl.az saytı
"Arxivlənmiş surət". 2016-12-07 tarixində . İstifadə tarixi: 2018-01-25.
İlham Əliyev Xəzər Dəniz Gəmiçiliyinin yeni gəmilərinin istismara verilməsi mərasimində iştirak edib 2016-11-19 at the Wayback Machine. president.az, 18.11.2016 (az.)

Xarici keçidlər

İzlə
Rəşid Behbudovun sirli ölümü
Səda — Rəşid Behbudovun anım günüdür (09.06.2016)

Kitablar

Babayeva Məryəm. Rəşid Behbudovun sənətkarlığı (ali musiqi məktəbləri üçün dərs vəsaiti). Bakı: "Xəzər Universiteti", 2012.
. "Virtual Qarabağ" İKT Mərkəzinin rəsmi portalı (az.). virtualkarabakh.az. 2013. 2017-12-22 tarixində orijinalından arxivləşdirilib. İstifadə tarixi: 2014-10-14.

[_c4f4a00dfa343644-1] Музыкальная энциклопедия (rus.). / под ред. Ю. В. Келдыш Москва: Советская энциклопедия, Советский композитор, 1973. Т. 1.

[_39203a5b222b88b5-2] Bibliothèque nationale de France Rašid Bejbutov // BnF identifikatoru (fr.): açıq məlumat platforması. 2011.

[_b689cbaea0477ce2-3] Бейбутов Рашид Маджид оглы // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.

[4] "Kayzen.az – Böyük musiqiçilər: Rəşid Behbudov". 2011-12-02 tarixində . İstifadə tarixi: 2011-09-10.

[5] AzərTAc. "Rəşid Behbudovun xatirəsi anılıb" (az.). Youtube.com. 09.06.2018. 2021-08-10 tarixində . İstifadə tarixi: 2018-06-09.

[6] "Arxivlənmiş surət". 2016-12-16 tarixində . İstifadə tarixi: 2018-01-25.

[7] "Arxivlənmiş surət". 2021-08-10 tarixində . İstifadə tarixi: 2018-01-25.

[8] "Arxivlənmiş surət". 2021-08-10 tarixində . İstifadə tarixi: 2018-01-25.

[23.04.1980-9] SSRİ Xalq artisti R. M. Behbudova Sosialist Əməyi Qəhrəmanı adı verilməsi haqqında SSRİ Ali Soveti Rəyasət Heyətinin 23 aprel 1980-ci il tarixli Fərmanı 2020-01-16 at the Wayback Machine — anl.az saytı

[10] "Указ Президиума Верховного Совета Грузинской ССР о присвоении почетного звания заслуженного деятеля искусств Грузинской ССР тов. Бейбутову Р.М." (PDF) (rus). 1977. 10 iyun 2021 tarixində (PDF). İstifadə tarixi: 10 iyun 2021.

[dm1978-11] Ədəbiyyat, incəsənət və arxitektura sahəsində 1978-ci il Azərbaycan SSR Dövlət mükafatlarının verilməsi haqqında Azərbaycan KP MK-nın və Azərbaycan SSR Nazirlər Sovetinin 1978-ci il tarixli Qərarı 2020-01-16 at the Wayback Machine — anl.az

[19.10.1995-12] Rəşid Behbudovun anadan olmasının 80 illik yubileyinin keçirilməsi haqqında Azərbaycan Respublikası Prezidentinin 19 oktyabr 1995-ci il tarixli Qərarı 2020-01-16 at the Wayback Machine — anl.az saytı

[13] "Arxivlənmiş surət". 2016-12-07 tarixində . İstifadə tarixi: 2018-01-25.

[president.az-14] İlham Əliyev Xəzər Dəniz Gəmiçiliyinin yeni gəmilərinin istismara verilməsi mərasimində iştirak edib 2016-11-19 at the Wayback Machine. president.az, 18.11.2016 (az.)