Patimat Aydəmirməhəmmədovna Bəhəmmədova 6 avqust 1993 Mahaçqala Azərbaycanı təmsil edən qadın güləşçi Patimat Bəhəmmədov

Patimat Aydəmirməhəmmədovna Bəhəmmədova (6 avqust 1993, Mahaçqala) — Azərbaycanı təmsil edən qadın güləşçi.

Patimat Bəhəmmədova

Şəxsi məlumatlar

Tam adı

Patimat Bəhəmmədova

Vətəndaşlığı

Rusiya →

Azərbaycan

Doğum tarixi

6 avqust 1993(30 yaş)

Doğum yeri

Mahaçqala, Rusiya

Boyu

155 sm. (5 ft 6 in)

İdman növü

Güləş

Karyera illəri

2003—2016

Məşqçisi

Məhəmməd Əliömərov

Medallar



Bürünc		-51 Kq.
Avropa Çempionatı
Bürünc		-48 Kq.

Karyerası

Patimat Bəhəmmədova 2008-ci ildə Latviyanın Dauqavpils şəhərində yeniyetmələr arasında Avropa Çempionatını gümüş medalla başa vurdu. 2010-cu ildə Azərbaycan Güləş Federasiyası (AGF) tərəfindən Patimat Bəhəmmədova qadın güləşi üzrə Azərbaycan yığmasının heyətinə cəlb edildi.

Patimat Bəhəmmədova 2010-cu ildə Bolqarıstanda yeniyetmələr arasında Avropa Çempionatının bürünc medalına sahib oldu. Həmin ilin avqustunda isə Patimat Bəhəmmədova Sinqapurda baş tutan Yeniyetmələrin I Yay Olimpiya Oyunlarında mübarizə apardı. -52 Kq. turnirində mübarizə aparan Patimat Bəhəmmədova qrup mərhələsinin birinci görüşdə Əlcəzair nümayəndəsi Sabrina Azzuz ilə üz-üzə gəldi. Həmin görüşdə Patimat Bəhəmmədova rəqibinə qalib gəldi — 2:0 (7:0, 6:0). Növbəti görüşdə isə onun rəqibi Özbəkistan nümayəndəsi Nilüfər Qadayeva oldu. Bu görüşdə Patimat Bəhəmmədova rəqibi üzərində təmiz qələbə qazandı. Qrup mərhələsinin sonuncu görüşündə isə Patimat Bəhəmmədova Quam nümayəndəsi Arianna Estaquo ilə üz-üzə gəldi və rəqibinə 2:0 (6:0, 7:0) hesabı ilə qalib gəldi. Bununla da Patimat Bəhəmmədova qrup mərhələsini birinci pillədə başa vurdu və Sinqapur Olimpiadasının final görüşnə vəsiqə qazandı. Həlledici görüşdə onun rəqibi Çin nümayəndəsi Yuan Yuan oldu. Gərgin idman mübarizəsi şəraitində baş tutan final görüşündə də qalib gələn tərəf Patimat Bəhəmmədova oldu — 2:0 (4:2, 1:1). Bununla da Patimat Bəhəmmədova Yeniyetmələrin I Yay Olimpiya Oyunlarının qızıl medalına sahib oldu. Həmin ilin sentyabrında Patimat Bəhəmmədova Rusiyada Dünya Çempionatında mübarizə apardı və debüt Dünya Çempionatını beşinci pillədə başa vurdu.

2011-ci ildə İsveçdə Klippan Lady Openi bürünc medalla, Serbiyada isə gənclər arasında Avropa Çempionatını gümüş medalla başa vuran Patimat Bəhəmmədova 2011-ci ilin sentyabrında İstanbul şəhərində baş tutan Dünya Çempionatının bürünc medalına sahib oldu. 2012-ci ildə Kiyev şəhərində Kiyev Turnirinin qalibi, Almaniyada isə Almaniya Qran-Prisinin bürünc medalına sahib olan Patimat Bəhəmmədova iyunda Xorvatiyada gənclər arasında Avropa Çempionatını gümüş medalla başa vurdu. Həmin ilin sentyabrında Patimat Bəhəmmədova həm də Kanadada Dünya Çempionatını beşinci pillədə başa vurdu.

Patimat Bəhəmmədova 2013-cü ildə ərzində Bolqarıstanda D. Kolov - N. Petrov Turnirinin və KYRM-da gənclər arasında Avropa Çempionatının qızıl medallarına sahib oldu. Həmin il Patimat Bəhəmmədova həm də Tbilisi şəhərində (Gürcüstan) baş tutan Avropa Çempionatını bürünc medalla, Kazan şəhərində (Rusiya) baş tutan Universiada Oyunlarını isə gümüş medalla başa vurdu.

2014-2016-cı illərdə beynəlxalq turnirlərdə ciddi uğurlara imza ata bilməyən Patimat Bəhəmmədova 2016-cı ildə idmanla vidalaşdı.

Nəticələri

Sıra	İl	Yarış	Ev sahibi	Nəticə
Rusiya
1	2008	Yeniyetmələrin Avropa Çempionatı	Latviya	2.
Azərbaycan
2	2010	Gənclərin Avropa Çempionatı	Bolqarıstan	3.
3		Yeniyetmələrin Olimpiya Oyunları	Sinqapur	1.
4		Dünya Çempionatı	Rusiya	5.
5	2011	Klippan Lady Open	İsveç	3.
6		Gənclərin Avropa Çempionatı	Serbiya	2.
7		Gənclərin Dünya Çempionatı	Macarıstan	8.
8		Dünya Çempionatı	Türkiyə	3.
9	2012	Kiyev Turniri	Ukrayna	1.
10		Avropa Çempionatı	Serbiya	5.
11		Almaniya Qran-Prisi	Almaniya	3.
12		Gənclərin Avropa Çempionatı	Xorvatiya	2.
13		Gənclərin Dünya Çempionatı	Tailand	7.
14		Dünya Çempionatı	Kanada	5.
15	2013	D. Kolov - N. Petrov Turniri	Bolqarıstan	1.
16		A. Medvedv Turniri	Belarus	5.
17		Avropa Çempionatı	Gürcüstan	3.
18		Gənclərin Avropa Çempionatı	KYRM	1.
19		Universiada Oyunları	Rusiya	2.
20		Gənclərin Dünya Çempionatı	Bolqarıstan	5.
21	2014	Klippan Lady Open	İsveç	14.
22		Avropa Çempionatı	Finlandiya	5.
23		Qızıl Qran-Pri	Azərbaycan	5.
24	2015	U23 Avropa Çempionatı	Polşa	10.
25	2016	Qızıl Qran-Pri	Azərbaycan	8.

İstinadlar

International Wrestling Database. "PATIMAT BAGOMEDOVA". www.iat.uni-leipzig.de (ingilis). 2022-08-04. 2022-05-15 tarixində . İstifadə tarixi: 04.08.2022.
Azerisport.com idman portalı. "Патимат Багомедова начнет с алжирки". www.azerisport.com ( (rus.)). 01.11.2022. 2022-10-31 tarixində . İstifadə tarixi: 01.11.2022.
Azerisport.com idman portalı. "Патимат Багомедова приносит Азербайджану третье «золото» Олимпиады (ОБНОВЛЕНО)". www.azerisport.com ( (rus.)). 01.11.2022. 2022-10-31 tarixində . İstifadə tarixi: 01.11.2022.

[:PRO-1] International Wrestling Database. "PATIMAT BAGOMEDOVA". www.iat.uni-leipzig.de (ingilis). 2022-08-04. 2022-05-15 tarixində . İstifadə tarixi: 04.08.2022.

[:W04-2] Azerisport.com idman portalı. "Патимат Багомедова начнет с алжирки". www.azerisport.com ( (rus.)). 01.11.2022. 2022-10-31 tarixində . İstifadə tarixi: 01.11.2022.

[:W05-3] Azerisport.com idman portalı. "Патимат Багомедова приносит Азербайджану третье «золото» Олимпиады (ОБНОВЛЕНО)". www.azerisport.com ( (rus.)). 01.11.2022. 2022-10-31 tarixində . İstifadə tarixi: 01.11.2022.