Lion Feyxtvanger alm Lion Feuchtwanger 7 iyul 1884 Münxen 21 dekabr 1958 Los Anceles Kaliforniya yəhudi əsilli alman yaz

Lion Feyxtvanger (alm. Lion Feuchtwanger‎; 7 iyul 1884^[…], Münxen – 21 dekabr 1958^[…], Los-Anceles, Kaliforniya) — yəhudi əsilli alman yazıçı.

Lion Feyxtvanger
alm. Lion Feuchtwanger‎

Təxəllüsü	Jacob Arje, Sepp Trautwein, J. L. Wetcheek
Doğum tarixi	7 iyul 1884
Doğum yeri	Münhen, Almaniya
Vəfat tarixi	21 dekabr 1958 (74 yaşında)
Vəfat yeri	Los-Anceles, ABŞ
Vəfat səbəbi	mədə xərçəngi
Dəfn yeri	Vudlon xatirə qəbiristanlığı^[d]
Təhsili	Münhen Lüdviq-Maksimilian Universiteti, Humboldt adına Berlin Universiteti
Fəaliyyəti	yazıçı, dramaturq, tərcüməçi, jurnalist
Janrlar	teatr pyesi, nəsr
Mükafatları

Vikianbarda əlaqəli mediafayllar

Həyatı

Yəhudi əsilli alman yazıçısı Lion Feyxtvanger 1884-cü il iyulun 7-də Münhen şəhərində anadan olub. Berlin və Münhen şəhərlərində filoloji təhsil alıb. Jurnalistika və teatr tənqidi ilə məşğul olub. Fəlsəfə elmləri doktoru adını alıb.

1933-cü ildə faşistlərin Almaniyada hakimiyyətə gəlməsindən sonra Fransaya mühacirət edərək orada yaşayıb. Feyxtvanger beynəlxalq mədəniyyəti müdafiə hərəkatında iştirak edib, B.Brext və B.Bredel ilə birgə 1936-1939-cu illərdə Moskvada almanca nəşr olunan "Söz" (Das Vort) jurnalının redaktoru olub, "Moskva – 1937" kitabını yazıb.

1940-cı ildə Fransa hökumətinin mürtəce siyasətini tənqid etdiyinə görə həbs düşərgəsinə salınıb, alman qoşunları Fransanı işğal edərkən çətinliklə xilas olub.

Feyxtvangerin "Hərbi əsirlər" (1918), "Sülh" (1918) şeirlərində, həmçinin "Gözləmə zalı" trilogiyasında, "Müvəffəqiyyət" (1930) "Oppenheymlər ailəsi" (1933), "Sürgün" (1939), "Lautenzak qardaşları" (1943) romanlarında faşizm ifşa olunur. Yazıçının "Yəhudi Zyuss" (1925) pyesində, "Eybəcər hersoginya" (1923) və s. tarixi romanlarında xalq kütlələrinin rolu, sosial tərəqqinin inqilabi formaları şübhə altına alınır. "Yəhudi müharibələri" (1932), "Oğullar" (1935), "Gün gələcək" (1942) trilogiyası, "Yalançı Neron" (1936) dovrün mütərəqqi ictimai-siyasi ideyaları ilə səsləşirdi.

Yazıçının məşhur əsərləri sırasında böyük ispan rəssamına həsr olunmuş "Qoyya, yaxud idrakın məşəqqətli yolu" (1952), "Qəribə adamın müdrikliyi, yaxud Jan Jak Russonun ölümü və ölməzliyi" (1952) romanlarını qeyd etmək olar. Feyxtvangerin bir çox əsərləri ekranlaşdırılıb.

Ömrünün son illərini ABŞ-də keçirən yazıçı 1958-ci il dekabrın 21-də Los-Anceles şəhərində vəfat edib.

Xarici keçidlər

Feyxtvanger Xatirə Kitabxanası 2013-07-08 at the Wayback Machine
Beynəlxalq Feyxtvanger Cəmiyyəti 2013-08-02 at the Wayback Machine
Lionun həyat yoldaşı Marta Feyxtvangerlə müsahibə^{[ölü keçid]}
Lion Feyxtvanger — IMDb səhifəsi

İstinadlar

Çex Milli Hakimiyyət Məlumat bazası.
Краткая литературная энциклопедия (rus.). Москва: Советская энциклопедия, 1962. Т. 7.
Bibliothèque nationale de France BnF identifikatoru (fr.): açıq məlumat platforması. 2011.
Фейхтвангер Лион // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.

[_855d5797548f89c2-1] Çex Milli Hakimiyyət Məlumat bazası.

[_1cf4d63d0e0f15cc-2] Краткая литературная энциклопедия (rus.). Москва: Советская энциклопедия, 1962. Т. 7.

[_76ff1d3430caaef1-3] Bibliothèque nationale de France BnF identifikatoru (fr.): açıq məlumat platforması. 2011.

[_caadb0ca60024693-4] Фейхтвангер Лион // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.