Şarl Longe

Şarl Feliks Sezar Longe (14 fevral 1839, Kann^[d] – 5 avqust 1903, Paris) — jurnalist, Fransa işçi sinfi hərəkatının, o cümlədən 1871-ci il Paris kommunasının görkəmli nümayəndəsi, Baş Şurasının prudonist üzvü (1866–1867, 1871–1872).

Şarl Longe
Doğum tarixi	14 fevral 1839(1839-02-14)
Doğum yeri	Kann^[d]
Vəfat tarixi	5 avqust 1903(1903-08-05)(64 yaşında)
Vəfat yeri	Paris, Paris
Dəfn yeri	Per-Laşez qəbiristanlığı
Həyat yoldaşı	Cenni Longe (1872–bilinmir)
Uşaqları	Jan Longe, Edqar Longe
Fəaliyyəti	siyasətçi, jurnalist, tərcüməçi
Üzvlüyü	Birinci İnternasional^[d]
Vikianbarda əlaqəli mediafayllar

Həyatı

Şarl Longe 14 fevral 1839-cu ildə Fransanın Kann şəhərində dünyaya gəlmişdir. O, siyasi fəaliyyətə başladıqdan sonra Birinci İnternasionalın Belçika üzrə müxbir katibi (1866), eləcə də Lozanna (1867), Brüssel (1868) və London konfranslarında (1871) nümayəndə kimi çalışmışdır. O, həmçinin "Journal Officiel" nəşrinin redaktoru olub.

Longe 1871-ci ildə Paris Kommunasında iştirak etmiş və cari hökumət məğlub olduqdan sonra qaçqın kimi İngiltərəyə köçmüş, burada isə Karl Marksla tanış olmuşdu. Longe 2 oktyabr 1872-ci ildə Londonda Marksın böyük qızı Cenni ilə evləndi. Cütlüyün bu nikahdan altı övladı dünyaya gəldi; onlardan ilk beşi oğlan, sonuncusu isə qız idi. Şarlın iki oğlu körpə ikən dünyasını dəyişmişdi. Şarlın jurnalist oğlu Jan və həkim oğlu Edqar sonralar Fransada tanınmış sosialist fəallara çevrildilər.

1880-ci ilin iyulunda Fransa hökuməti tərəfindən verilən siyasi amnistiyadan sonra Longe Fransaya qayıtdı. Burada o, Jorj Klemanso tərəfindən təsis edilmiş radikal gündəlik qəzet olan "Ədalət" (fr. La Justice) qəzetinin redaktoru vəzifəsini tutdu. Həyat yoldaşı və uşaqları 1881-ci ilin fevralında ona qoşuldular və ailə Paris yaxınlığındakı Arjantöy qəsəbəsində məskunlaşdı. Burada Cenni 1883-cü ilin yanvarında, ehtimal ki, vəfat etdi. İki ay sonra Cenninin atası Karl Marks da öldü; Longe onun dəfn mərasimində çıxış edənlərdən biri idi.

Şarl Longe 5 avqust 1903-cü ildə 64 yaşında Parisdə vəfat etdi. O, Per-Laşez qəbiristanlığında dəfn edilib.

İstinadlar

1. Bibliothèque nationale de France BnF identifikatoru (fr.): açıq məlumat platforması. 2011.
2. Ouest-France (fr.). Rennes: 2013. ISSN 0999-2138; 2262-4279
3. Лонге Шарль // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.
4. Belgian section International Working Men's Association Collection. 2012-02-04 tarixində . İstifadə tarixi: 2024-02-25.
5. . 8 // History of The First International. 2007-09-26 tarixində . İstifadə tarixi: 2024-02-25.
6. Francis Wheen. Karl Marx: A Life. London: WW Norton & Company. 1999. səh. 326.
7. Saul K. Padover. Karl Marx: An Intimate Biography. New York: McGraw-Hill Book Co. 1978. səh. 479-480.
8. "A Darwinian Gentleman at Marx's Funeral - E. Ray Lankester" (ingilis). 2012-03-05 tarixində . İstifadə tarixi: 25 fev 2024.

Xarici keçidlər

Vikianbarda Şarl Longe ilə əlaqəli mediafayllar var.

• Şarl Longenin tərcümeyi-halı