Ramiz Əhmədov

Ramiz Əhmədov (6 mart 1939, Zizik, Quba rayonu – 10 sentyabr 2007) — azərbaycanlı jurnalist və siyasətçi; Azərbaycan Kommunist Partiyası Mərkəzi İcraiyyə Komitəsinin 1-ci sədri; Azərbaycan Respublikası Milli Məclisinin I çağırış deputatı, Yevlax Rayonu İcra Hakimiyyətinin başçısı, Kirovabad şəhər Gəncə rayon, Qutqaşen rayon partiya təşkilatlarının birinci katibi, "Kommunist" qəzetinin baş redaktoru.

Ramiz Əhmədov
Azərbaycan Respublikası Milli Məclisinin II çağırış deputatı
2000 – 2005
Azərbaycan Kommunist Partiyası Mərkəzi İcraiyyə Komitəsinin sədri
17 avqust 2000 – 10 sentyabr 2007
Əvvəlki	vəzifə təsis edildi
Sonrakı	Rüstəm Şahsuvarov
27 noyabr 1993 – 20 oktyabr 1999
Əvvəlki	vəzifə təsis edildi
Sonrakı	vəzifə ləğv edildi
Rəsmi dövlət qeydiyyatlı
Yevlax Rayonu İcra Hakimiyyətinin başçısı
– 10 iyun 1992
Sonrakı
"Kommunist" qəzetinin baş redaktoru
1987 – 1988
Əvvəlki	Rəşid Mahmudov
Sonrakı	Cəmil Əlibəyov
Şəxsi məlumatlar
Doğum tarixi	6 mart 1939(1939-03-06)
Doğum yeri	Zizik, Quba rayonu, Azərbaycan SSR, SSRİ
Vəfat tarixi	10 sentyabr 2007(2007-09-10) (68 yaşında)
Partiya	Sovet İttifaqı Kommunist Partiyası (–1991), Azərbaycan Kommunist Partiyası

Həyatı

Ramiz Haşım oğlu Əhmədov 1939-cu il martın 6-da Quba rayonunun Zizik kəndində anadan olmuşdur. Azərbaycan Dövlət Universitetinin jurnalistika fakültəsini və Moskva İctimai Elmlər Akademiyasını bitirmişdir. Fəlsəfə elmləri namizədi olmuşdur.

Ramiz Əhmədov 10 sentyabr 2007-ci il tarixində vəfat edib.

Evli idi, 3 övladı var.

Siyasi-ictimai fəaliyyəti

"Kommunist" qəzetinin baş redaktoru, Kirovabad və Qutqaşen rayonlarının partiya komitələrinin katibi, Yevlax rayonunun icra başçısı olub.

1980-ci ildə o, Heydər Əliyevin göstərişi ilə yeni yaradılan Kirovabad şəhər, rayon partiya təşkilatının birinci katibi təyin olunmuşdur.

1988-ci ildə o, Əbdürrəhman Vəzirov tərəfindən Qutqaşen rayon partiya təşkilatının birinci katibi təyin olunmuşdur.

Ramiz Əhmədov Azərbaycan Kommunist Partiyası XXXII Qurultayında Mərkəzi Nəzarət-Təftiş Komissiyasının sədri seçilmişdir.

7 fevral 1991-ci il tarixində Dövlət idarəetmə sisteminin təkmilləşdirilməsi ilə əlaqədar Azərbaycan Respublikasının Konstitusiyasına (Əsas Qanununa) dəyişikliklər və əlavələr haqqında Qanun layihəsinin işlənib tamamlanması üzrə Redaksiya komissiyasının üzvü seçilmişdir.

1993-cü ildə Ramiz Əhmədov Azərbaycan Kommunist Partiyasını bərpa edərək onun sədri seçilib.Azərbaycan Kommunist Partiyasının ilk sədri olmuşdur. 2000-ci il noyabrın 5-də Azərbaycan Kommunist Partiyasının siyahısı üzrə deputat seçilmişdir. Milli Məclisin Hüquq siyasəti və dövlət quruculuğu məsələləri daimi komissiyasının üzvü olmuşdur.

İstinadlar

1. "Ramiz Əhmədovun anadan olduğu gün". 2023-06-30 tarixində . İstifadə tarixi: 2023-06-30.
2. "Arxivlənmiş surət". 2021-08-27 tarixində . İstifadə tarixi: 2021-08-27.
3. "Arxivlənmiş surət". 2021-08-27 tarixində . İstifadə tarixi: 2017-09-13.
4. "Arxivlənmiş surət". 2021-08-30 tarixində . İstifadə tarixi: 2021-08-30.
5. "Arxivlənmiş surət". 2022-04-20 tarixində . İstifadə tarixi: 2022-04-21.
6. "Arxivlənmiş surət". 2017-05-31 tarixində . İstifadə tarixi: 2017-09-13.

Mənbə

• Ramiz Əhmədov — 80 yaş

Xarici keçidlər

• Ramiz Əhmədovun dünyası — Asif Quliyev yazır