Bu məqaləni vikiləşdirmək lazımdır Lütfən məqaləni ümumvikipediya və redaktə qaydalarına uyğun şəkildə tərtib edin Nazim

Nazim Abdullayev
Abdullayev Nazim Xanlar oğlu
Şəxsi məlumatlar
Doğum tarixi	10 noyabr 1967
Doğum yeri	Laçın
Vəfat tarixi	21 aprel 1994 (26 yaşında)
Vəfat yeri	Füzuli
Vəfat səbəbi	Şəhid
Dəfn yeri	II Fəxri xiyaban
Hərbi fəaliyyəti
Mənsubiyyəti	Daxili İşlər Nazirliyi
Rütbəsi	Polis Baş Serjantı
Döyüşlər	Birinci Qarabağ müharibəsi
Təltifləri

Nazim Abdullayev —Sağlığında " ilə təltif edilmiş döyüşçü, Birinci Qarabağ müharibəsi şəhidi.

Həyatı

Nazim Xanlar oğlu Abdullayev 10 noyabr 1967-ci ildə Laçın şəhərində doğulmuşdur. Laçın rayonu 1 saylı orta məktəbdə təhsil alıb.1983-cü ildə Laçın rayon 127 nömrəli Orta Texniki Peşə məktəbinin "Kənd tikinti ustası" ixtisasını qəbul olmuş və 1986-cı ildə bitirmişdir. Peşə məktəbini bitirdikdən sonra 1986–1988-ci illərdə Rusiyanın Vladivostok şəhərində hərbi xidmət keçmişdir.

Ermənilərin torpaqlarımıza göz dikdiyi andan silaha sarılaraq vətənimizin müdafiəsinə qalxmışdır.

1990-cı ildə Bakı Neft Kimya texnikumunun "Neft və qaz quyularının qazılması" ixtisasının əyani şöbəsinə qəbul olunmuşdur. Öz ərizəsi ilə 04 noyabr 1991-ci il tarixində "Neft və qaz quyularının qazılması" ixtisası üzrə qiyabi şöbəyə köçürülmüşdür və könüllü olaraq müharibəyə yollanmışdır ilk öncə 811 saylı Laçın alayının tərkibində daha sonra isə Laçın rayon Polis Şöbəsinə polis nəfəri kimi Serjant rütbəsində işə qəbul edilərək döyüşlərdə iştirak etmişdir.

Laçın rayonunun Zabux, Tığik, Cicimli, Güləbird, Zerti kəndləri və Kəlbəcər, Füzuli Horadiz-Cəbrayıl istiqamətində gedən döyüşlər zamanı qəhrəmanlıqla vuruşub.17 aprel 1994-cü ildə Polis Baş Serjantı rütbəsi almışdır.

1994-cü il aprelin 21-də Füzuli rayonunun Horadiz qəsəbəsi uğrunda gedən döyüşlərdə şücaət göstərərək döyüş yoldaşlarının mühasirədən çıxması üçün öz canını fəda etmiş, qəhrəmancasına həlak olmuşdur.

Bakı şəhərində II Fəxri xiyabanda dəfn edilib. Subay idi.

Təltifi

Horadiz qəsəbəsi döyüşlərində göstərdiyi şücaətə görə Azərbaycan Respublikası Prezidenti Heydər Əliyevin 18 dekabr 1993-cü il tarixli 77 saylı fərmanı ilə Azərbaycan Respublikasının müstəqilliyinin və ərazi bütövlüyünün qorunub saxlanmasında xüsusi xidmətlərinə görə Laçın rayon polis şöbəsinin polis nəfəri Abdullayev Nazim Xanlar oğlu ilə təltif edilmişdir.

Xatirəsi və İrsi

Təhsil aldığı hazırki Azərbaycan Dövlət Neft və Sənaye Universitetinin nəznində olan Bakı Neft Energetika Kollecində xatirəsi əbədləşdirilmiş adına sinif otağı verilmiş və xatirə löhvəsi qoyulmuşdur.

Ailəsi ilə birlikdə yaşadığı Qaradağ rayonu Müşfiqabad qəsəbəsinin mərkəzi küçələrindən biri Nazim Abdullayevin adını daşıyır.

Qaradağ rayonu Müşfiqabad qəsəbəsində xatirəsi əbədləşdirilərək yaşadığı binanın qarşısında xatirə Baralyef abidəsi qoyulmuşdur.

İstinadlar

"Laçın yurdu" jurnalı, № 2(9), Bakı, 2013, ("Şəhidlərimiz, and yerimiz" adlı xüsusi buraxılış))
http://karabakhmedia.az/main/6323-lachin-f edaisi.html ^{[ölü keçid]}
Ötərxan Eltac, "Tank-ovçusu" ^{[ölü keçid]}

[1] "Laçın yurdu" jurnalı, № 2(9), Bakı, 2013, ("Şəhidlərimiz, and yerimiz" adlı xüsusi buraxılış))

[2] ttp://karabakhmedia.az/main/6323-lachin-f edaisi.html ^{[ölü keçid]}

[3] Ötərxan Eltac, "Tank-ovçusu" ^{[ölü keçid]}