Metyu Perri

Metyu Lenqford Perri (ing. Matthew Langford Perry; 19 avqust 1969^[…], Vilyamstaun^[d], Massaçusets, ABŞ – 28 oktyabr 2023, Los-Anceles, Los-Anceles dairəsi, Kaliforniya, ABŞ) — amerikalı-kanadalı aktyor, komik, icraçı prodüser, ssenarist və dramaturq. 1994–2004-cü illlərdə yayımlanan televiziya sitkomu Dostlar serialında canlandırdığı Çendler Binq roluna görə bütün dünyada şöhrət qazanmışdır.

Metyu Perri
ing. Matthew Perry
Doğum adı	Matthew Langford Perry
Doğum tarixi	19 avqust 1969(1969-08-19)^[…]
Doğum yeri	Vilyamstaun^[d], Massaçusets, ABŞ
Vəfat tarixi	28 oktyabr 2023(2023-10-28)(54 yaşında)
Vəfat yeri	Los-Anceles, Los-Anceles dairəsi, Kaliforniya, ABŞ
Vəfat səbəbi	boğulma, Həddindən artıq doza^[d]
Dəfn yeri	Hollivud-Hillz qəbiristanlığı^[d]
Vətəndaşlığı	ABŞ  Kanada
Fəaliyyəti	televiziya aktyoru, film prodüseri, kino aktyoru, ssenarist, aktyor
Fəaliyyət illəri	1979–2022
Təhsili	Bakli məktəbi^[d] (–1987)
Boyu	1,83 m
IMDb	ID0001612
Vikianbarda əlaqəli mediafayllar

Həyatı

Perri 19 avqust 1969-cu ildə Massaçusets ştatının Uilyamstoun şəhərində anadan olub. Anası Suzen Morrison kanadalı jurnalistdir. Atası amerikalı aktyor və keçmiş modeldir. Valideynləri onun bir yaşında ayrılıblar və anası onu Ottava şəhərində böyüdüb. Məktəb illərində tennisə maraq göstərdi və üst səviyyəli oyunçu oldu.

Perrinin həm Kanada, həm də Amerika vətəndaşlığı var.

Ulduz olmasına baxmayaraq, Metyu çoxlarının həsəd aparmayacağı bir həyat yaşayıb. Reaktiv xizək sürərkən keçirdiyi qəzadan sonra Perri həblərə aludə oldu. Çəkisi qarşıdan gələn bir neçə il ərzində şiddətli dərəcədə artıb-azaldı. 2000-ci ildə serialın 7-ci mövsümünün ilk bölümündə, 20 kilo çəki itirdiyinə görə xarici görkəminin dəyişməsi tamaşaçılarda xeyli təəccüb yaratdı. İzləyicilər üçün bu qədər gülüş mənbəyi olmasına baxmayaraq, Perrinin şəxsi həyatı heç də gülüş doğurmurdu. "Qıraqdan baxıldığında hər şeyə sahib olduğumu düşünürlər, amma alkoqolizmdən əziyyət çəkdiyim üçün, çox tənha zamanlar keçirdim" – deyə qeyd etmişdi. Perri daha sonralar BBC kanalına müsahibəsi zamanı, Dostlar serialında oynadığı üç ilini (üçüncü və altıncı sezonlar arasını) həmin vaxtlarda aludəçilik problemləri olması səbəbiylə xatırlamadığı dedi.

28 oktyabr 2023-cü il tarixində Los-Ancelesdə evinin hamam otağında meyidi tapılıb.

Karyerası

15 yaşında olarkən Perri aktyorluq etmək üçün Ottavadan Los-Ancelesə köçür. Bir neçə seriallarda kiçik rollarda və qonaq aktyor kimi oynayır. Daha sonra, 1994-cü ildə ABŞ sitkomu Dostlar serialında oynamağa başladı. Serial olduqca uğurlu alındı və aktyorların hər birinin şöhrətini artırdı. Metyu aktyor Mett LeBlenk ilə birlikdə "Komediya serialında ən yaxşı baş rol" nominasiyası üçün Emmi namizədliyi qazandı. İlk mövsümdə, baş rol ifaçıları bir seriya üçün 22.5 min dollar, üçüncü mövsümdə 75 min dollar qazandılar, 9 və 10-cu mövsümlərdə hər bölüm üçün gəlirləri 1 milyon dollara qədər yüksəldi.

Perri 2011-ci il fevral ayından aprel ayına qədən yayımlanan ABC sitkomu "Cənab Sanşayn" serialının həmmüəllifi, icraçı produseri və aktyoru idi.

Aktyor bir neçə ekran işində atası ilə birlikdə işləmişdir. Atası Con Perri Axmaqlar tələsir (1997) filmində və Ağ xalatlılar serialının 4-cü mövsümünün "Mənim təkbuynuzum" adlı 11-ci bölümündə (2004) onun atası xarakterini canlandırmışdı. Həmçinin, Dostlar serialında 4-cü mövsümün "Reyçelin yeni geyimi" adlı 18-ci bölümündə qonaq aktyor rolu ifa etmişdir.

2018-ci ildə Business Insider Perrinin sərvətinin təxminən 80 milyon olduğunu bildirdi.

İstinadlar

1. Matthew Perry // L'Encyclopédie canadienne, The Canadian Encyclopedia (ing.).
2. Matthew Perry // filmportal.de. 2005.
3. TMZ. / red. H. Levin 2005.
4. Los Angeles Times (ing.). LA: 1881. ISSN 0458-3035; 2165-1736
5. Μάθιου Πέρι: Ατύχημα που προκλήθηκε από κεταμίνη η επίσημη αιτία θανάτου του.
6. Η ιατροδικαστική έκθεση αποκαλύπτει την αιτία θανάτου του ηθοποιού Μάθιου Πέρι, που οφείλεται σε ατύχημαΠηγή.
7. They Live Among Us! 10 Canadians Who Became Americans. Time, 2013.
8. Movies.msn.com.
9. https://archive.today/20130125135926/http://www.hollywood.com/celebrity/191213/Matthew_Perry_Credits Hollywood.com.
10. https://www.tvguide.com/celebrities/matthew-perry/bio/165367 2020-11-27 at the Wayback Machine TV Guide
11. http://www.filmreference.com/film/19/Matthew-Perry.html 2019-03-01 at the Wayback Machine Filmreference.com.
12. https://news.google.com/newspapers?nid=2194&dat=19680923&id=lboyAAAAIBAJ&sjid=5ewFAAAAIBAJ&pg=4626,2377310 2020-01-24 at the Wayback Machine Ottawa Citizen.
13. http://articles.orlandosentinel.com/1995-10-15/entertainment/9510090598_1_matthew-perry-noah-wyle-sliders 2018-12-05 at the Wayback Machine Orlando Sentinel. 15 oktyabr, 1995
14. https://www.biography.com/news/matthew-perry-addiction-friends#:~:text=In%20May%202000%2C%20he%20was,as%20a%20wake%2Dup%20call 2022-07-16 at the Wayback Machine.
15. https://www.biography.com/news/matthew-perry-addiction-friends#:~:text=In%20May%202000%2C%20he%20was,as%20a%20wake%2Dup%20call 2022-07-16 at the Wayback Machine.
16. "Arxivlənmiş surət". 2022-03-22 tarixində . İstifadə tarixi: 2020-10-29.
17. "'Friends' star Matthew Perry dead at 54, found in hot tub at L.A. home". Los Angeles Times (ingilis). 2023-10-29. 2023-10-29 tarixində . İstifadə tarixi: 2023-10-29.
18. http://www.eonline.com/news/58519/my-reunion-with-matthew-perry 2019-03-27 at the Wayback Machine E! Online. 21 may, 2007
19. http://www.emmys.com/celebrities/matthew-perry 2013-06-05 at the Wayback Machine Television Academy.
20. https://www.businessinsider.com/cast-of-friends-ranked-by-net-worth-2018-9 2019-04-14 at the Wayback Machine Business Insider.
21. TV by the Numbers. 6 dekabr, 2010
22. Yahoo! Movies.
24. "Arxivlənmiş surət". 2019-03-29 tarixində . İstifadə tarixi: 2020-10-29.
25. https://www.digitalspy.com/tv/ustv/a28196577/friends-matthew-perry-real-life-dad-starred-show/ 2020-09-03 at the Wayback Machine 26 iyun, 2019
26. https://www.businessinsider.com/cast-of-friends-ranked-by-net-worth-2018-9 2019-04-14 at the Wayback Machine Business Insider.

Həmçinin bax

• Cennifer Eniston