Mehmet Tefik Bıyıklıoğlu 1 yanvar 1891 çanaqqala 24 noyabr 1961 Ankara türk Tevfik Bıyıklıoğlu Türkiyə siyasətçisi diplo

Mehmet Tefik Bıyıklıoğlu (1 yanvar 1891, Çanaqqala – 24 noyabr 1961, Ankara; türk. Tevfik Bıyıklıoğlu) — Türkiyə siyasətçisi, diplomatı,Türk Tarix Qurumunun ilk prezidenti və qurucu üzvü.

Mehmet Tefik Bıyıklıoğlu
türk. Mehmet Tevfik Bıyıklıoğlu

Türkiyə prezidenti katibliyinin rəhbəri
4 noyabr1928 – 4 mart 1932
Əvvəlki	Yusif Hikmət Bayur
Sonrakı	Ərcümən Əkrəm Talu
Türkiyə Respublikasının RSFSR-də səfiri
1927 – 1928
Əvvəlki	Zəkayi Apaydın
Sonrakı	Hüseyn Yusif Çınar
Türkiyə Tarix Qurumu rəhbəri
14 aprel 1931 – 8 aprel 1932
Əvvəlki	Post yaradılmışdır
Sonrakı	Yusif Akçura
Şəxsi məlumatlar
Doğum tarixi	1 yanvar 1891(1891-01-01)
Doğum yeri	Çanaqqala, Osmanlı imperiyası
Vəfat tarixi	24 noyabr 1961(1961-11-24) (70 yaşında)
Vəfat yeri	Ankara, Ankara ili, Türkiyə
Partiya	Cümhuriyyət Xalq Partiyası
Təhsili	Türkiyə Quru Qoşunları Hərbi Məktəbi
İxtisası	hərbçi, tarixçi
Fəaliyyəti	Hərbçi, diplomat, dövlət quluqçusu
Hərbi xidmət
Xidmət illəri	1905-1926
Mənsubiyyəti	Osmanlı imperiyası Türkiyə
Qoşun növü	quru qoşunları
Rəhbərlik edib	Türkiyə İstiqlaliyyət müharibəsində Qərb Cəbhəsinin Əməliyyatlar Şöbəsinin Müdiri
Döyüşlər	İtaliya-Osmanlı müharibəsi Birinci Dünya müharibəsi Türkiyə İstiqlaliyyət müharibəsi
Rütbəsi	miralay

Təltifləri
Vikianbarda əlaqəli mediafayllar

Həyatı

Tefik Bıyıklıoğlu 1905-ci ildə Hərbi Məktəbə daxil olub. 1908-ci ildə artilleriya zabiti rütbəsi ilə məktəbi yüksək nəticələrlə bitirdi. 1911-ci ildə İtaliya-Osmanlı müharibəsində iştirak edib. 1914-cü ildə Hərbi Akademiyanı yüksək nəticələrlə başa vurub. Bıyıklıoğlu 1915-ci ildə peşəkar zabit oldu. Birinci Dünya müharibəsində müxtəlif vəzifələrdə xidmət edib. 1920-ci ilin iyulunda Anadoluya gedib Türkiyə İstiqlaliyyət müharibəsi qatıldı. Qərb Cəbhəsinin Əməliyyatlar Şöbəsinin Müdiri vəzifəsinə təyin edildi. O, bu vəzifəni müharibənin sonuna qədər davam etdirdi. O, 1923-cü ildə qazandığı nailiyyətlərə görə kaymakam rütbəsinə yüksəlib. Dövlət xidmətində naliyyətlərinə görə “Qırmızı zolaqlı İstiqlal” medalı ilə təltif edilib. Lozanna Sülh Konfransında iştirak edən nümayəndə heyətində hərbi məsləhətçi vəzifəsində çalışıb.

1924-cü il martın 18-də Baş Qərargahda Baş katib vəzifəsinə təyin edildi. 1924-cü il mayın 1-də o, Baş Qərargahın Baş Katibliyi rəhbəri vəzifəsində qalmaq şərti ilə Prezident Katibliyinin rəhbəri vəzifəsinə təyin edildi. 1926-cı ildə Miralay rütbəsi aldıqdan sonra hərbi xidmətdən təqaüdə çıxdı. 1927-ci il noyabrın 9-dək Prezident Katibliyinin rəhbəri vəzifəsini davam etdirdi. Bu vəzifəsindən sonra Moskva şəhərinə TÜrkiyə Respublikasının səfiri vəzifəsinə təyin olundu. 4 noyabr 1928-ci ildə ikinci dəfə Prezidentliyin Baş katibi vəzifəsinə təyin edildi. 1932-ci il martın 4-də bu vəzifədə fəaliyyəti başa çatdı.

Türk Tarix Qurumunun ilk prezidenti oldu.

1961-ci il noyabrın 24-də vəfat edib.

Əsərləri

Hindistan tarixi (türk. Hint Tarihi), 1931.
Trakiyada Milli mübarizə (türk. Trakya'da Milli Mücadele), 2 cild, 1956.
Atatürk Anadoluda (türk. Atatürk Anadolu'da), 1959,
Türk İstiqlaliyyət Müharibəsi (türk. Türk İstiklâl Harbi), 2 cild, 1962.

İstinadlar

"M. Tevfik Bıyıklıoğlu". www.biyografya.com. 2023-01-06 tarixində . İstifadə tarixi: 2023-01-06.
"Tevfik BIYIKLIOĞLU". kaynakca.hacettepe.edu.tr. 2023-01-06 tarixində . İstifadə tarixi: 2023-01-06.
Walter F. Weiker. Political Tutelage and Democracy in Turkey: The Free Party and Its Aftermath. E.J. Brill. 1973. ISBN . 2023-01-06 tarixində . İstifadə tarixi: 2023-01-06.

Xarici keçidlər

Mehmet Tevfik Bıyıklıoğlu (Türkiye Cumhurbaşkanlığı)
Mehmet Tevfik Bıyıklıoğlu (Türk Tarih Kurumu)

[1] "M. Tevfik Bıyıklıoğlu". www.biyografya.com. 2023-01-06 tarixində . İstifadə tarixi: 2023-01-06.

[2] "Tevfik BIYIKLIOĞLU". kaynakca.hacettepe.edu.tr. 2023-01-06 tarixində . İstifadə tarixi: 2023-01-06.

[3] Walter F. Weiker. Political Tutelage and Democracy in Turkey: The Free Party and Its Aftermath. E.J. Brill. 1973. ISBN . 2023-01-06 tarixində . İstifadə tarixi: 2023-01-06.