Tbilisi Milli Parkı

Tbilisi Milli Parkı (gürc. თბილისის ეროვნული პარკი) — Gürcüstanın milli parkı.

Tbilisi Milli Parkı
gürc. თბილისის ეროვნული პარკი
Borjomi-Xaraquli Milli Parkı
BTMB kateqoriyası — II (Milli park)
Sahəsi	23.218 ha
Mütləq hündürlüyü	600 — 1800 m
Yaradılma tarixi	1973
Yerləşməsi
Ölkə	Gürcüstan
Vilayət	Msxeta-Mtianeti
Yaxın şəhər	Msxeta
Tbilisi National Park Administration
Tbilisi Milli Parkı
Vikianbarda əlaqəli mediafayllar

Tiflisdən 25 kilometr şimalda,Mtsxeta şəhəri yaxınlığındakı Saquramo-İalno silsiləsində, dəniz səviyyəsindən 600–1800 metr yüksəklikdə yerləşən milli parkın sahəsi 23218 hektardır.

Təsviri

Park Saquramo, Qldani, Martkopi, Qulelebi və Qardabani adlı beş hissəyə bölünür. Ərazinin 90%-i meşələrlə örtülüdür. Milli parkdakı ağaclar arasında: palıd, vələs, fıstıq, Adi armud, ağcaqayın, çinaryarpaq ağcaqayın, quşarmudu və başqa ağaclar var. Ümumilikdə, parkda təxminən 700 bitki növü vardır(onlardan 675-i çoxillik bitkilərdir). Parkda olan ağac növlərindən ən çox yayılanı fıstıq, palıd və vələsdir. Yaratdıqları stend 16 122 hektar ərazini və ya meşə sahəsinin 92,9%-ni tutur, iynəyarpaqlı ağaclar — 256 hektar (1,52%), qalan 5,7%-i göyrüş, ağcaqayın, cökə, yabanı armud, vələs və başqa digər növlərin növlərin payına düşür.

Parkdakı qorunan məməlilər arasında maral, vaşaq, qonur ayı, adi tülkü və çaqqal da vardır. Parkın faunası Qafqaz maralları da daxil olmaqla bir neçə böyük heyvan növü ilə təmsil olunur.

Bir çox çaylar Kür çayının hövzəsinə aid olan parkdan (Qldanula, Tedzami, Loçini, Alixevi və Norio) axır. Həmçinin parkın ərazisində Nakerala və Mamkodi gölləri də yerləşir. Burada içməli suyu olan 76 bulaq vardır.

Tbilisi Milli Parkı ərazisində yerləşən görməli yerlərə qeyd olunan yerlər: Cvari monastırı, Zedazeni monastırı, Mamkod monastırı, Martkop monastırı, Müqəddəs Qriqola kilsəsi, Asur Sakdari kilsəsinin xarabalıqları, dağılmış Vecini sarayı, həmçinin Saquramo kənddəki İlya Çavçavadzenin Ev-Muzeyi daxildir.

Parkın infrastrukturu digər Gürcüstan milli parklarına nisbətən daha az inkişaf etmişdir. Onun əhatə dairəsinə Tiflisə yaxın olan bir neçə açıq piknik sahəsi də daxildir. Milli Parkda üç velosiped yolu var.

Tarixi

1973-cü ildə əvvəllər mövcud olan Saquramo Milli Qoruğu bazasında (1946-cı ildə yaradılıb) yaradılmış və Gürcüstanın ən qədim milli parkıdır. 2000-ci illərin əvvəllərində, milli park statusu qoruqdan alınır. 2007-ci ildə Saquramovski Dövlət Qoruğu bazasında fəaliyyətini bərpa edilir. Turizm infrastrukturunun olmamasına baxmayaraq, 2013-cü ildə parkda velosiped yollarının işarələnməsi işləri aparılır. İş İsveçrə missiyasının maliyyə dəstəyi ilə "Green Borjomi" qeyri-hökumət təşkilatı tərəfindən həyata keçirilib.

Qalereya

İstinadlar

1. Sputnik. "Национальные парки Грузии" (rus). Sputnik Грузия. 2019-07-04 tarixində . İstifadə tarixi: 2019-07-04.
2. "Tbilisi". Protected Planet. 2019-07-04 tarixində . İstifadə tarixi: 2019-07-04.
3. "Грузия для Вас, Заповедники и парки Грузии, главные и самые посещаемые" (rus). Грузия для Вас Каталог туристических ресурсов и событий Грузии. 2019-07-04 tarixində . İstifadə tarixi: 2019-07-04.
4. "Тбилисский национальный парк. Отдых в Грузии". www.bibliotekar.ru. 2019-07-04 tarixində . İstifadə tarixi: 2019-07-04.
5. "Парки Тбилиси - на карте, путеводитель и фотографии с названием и описанием популярных". www.openarium.ru. 2019-05-25 tarixində . İstifadə tarixi: 2019-07-04.

Xarici keçidlər

• Официальный сайт