Saleh Tağı oğlu Salahzadə 26 avqust 1953 Laçın 7 mart 2023 Bakı Azərbaycan idman jurnalisti ssenarist teatrşünas rejisso

Saleh Tağı oğlu Salahzadə (26 avqust 1953, Laçın – 7 mart 2023, Bakı) — Azərbaycan idman jurnalisti, ssenarist, teatrşünas, rejissor.

Saleh Salahzadə
Saleh Tağı oğlu Salahzadə
Doğum tarixi	26 avqust 1953(1953-08-26)
Doğum yeri	Laçın, Laçın rayonu, Azərbaycan SSR, SSRİ
Vəfat tarixi	7 mart 2023(2023-03-07) (69 yaşında)
Vəfat yeri	Bakı, Azərbaycan
Milliyyəti	azərbaycanlı
Təhsili	Azərbaycan Dövlət Mədəniyyət və İncəsənət Universiteti
Fəaliyyəti	jurnalist, ssenarist, teatrşünas, rejissor

Həyat və fəaliyyəti

Saleh Tağı oğlu Salahzadə 26 avqust 1953-cü ildə Laçında anadan olub. Orta təhsilini Xocalı və Ağdamda alıb. Hərbi xidmətdə ikən Leninqrad Xüsusi Hərbi Müxbirlər Məktəbini bitirib. 1975-ci ildən Bakı Dəniz Limanında doker-mexanizator, "Bakıbaştikinti"də nəqliyyat sxeminin ustası və texniki təchizat şöbəsinin rəisi, "Xəzərdənizneft" İstehsalat Birliyinin "Neft Daşları" DNQÇİ-də qazmaçı köməkçisi, tərbiyəçi müəllim kimi müxtəlif vəzifələrdə çalışıb.

1979–1983-cü illərdə Neft Daşlarında fəaliyyət göstərən "Xəzərfilm" kinostudiyasının rejissoru və bədii rəhbəri olmuşdur.

1989-cu ildən Azərbaycan Dövlət İncəsənət İnstitutunun teatrşünaslıq fakültəsini bitirib. 1991-ci ildən Azərbaycan Dövlət Teleradio Verilişləri Şirkətinin "Gənclik", "Tədris-maarifliçilik", "Hərbi vətənpərvərlik", "İctimai-siyasi" proqramlar redaksiyalarında müxbir, redaktor, şərhçi, böyük redaktor vəzifələrində çalışıb. "Azərbaycantelefilm" Yaradıcılıq Birliyinin böyük redaktoru olub.

ATƏT-lə və BBC-nin birgə layihəsi olan "Müharibə və seçkilər şəraitində jurnalist işi" xüsusi kursunu bitirib. Azərbaycan Dövlət Teleradio Verilişləri Şirkətinin İctimai-siyasi proqramlar və Hərbi vətənpərvərlik baş redaksiyalarında, eləcə də "Bakinski raboçi" qəzetinin cəbhə bölgəsi üzrə xüsusi müxbiri kimi döyüşlərdən proqramlar, materiallar hazırlayarkən dəfələrlə təhlükə ilə üzləşmiş və xəsarət alıb.

Azərbaycanda ilk müstəqil teleradio yayımı şirkətlərindən olan İCBC "SARA"-nın baş redaktoru, "Bakılı" PFK-nın vitse-prezidenti, "AssA-İrada" İnformasiya Agentliyində və "" qəzetinin redaktoru kimi çalışıb. Azərbaycanda ilk müstəqil idman jurnalı olan "Sportsman"ın baş redaktoru və direktoru vəzifələrində işləyib. "Yeni hakimiyyət" ictimai-siyasi hüquq qəzetinin ictimai əsaslarla baş məsləhətçisi, "Mədinə" ictimai-publisistik jurnalının baş redaktoru olub. Mütəmadi olaraq respublikanın kütləvi informasiya vasitələrində öz aktual yazıları ilə çıxış edib.

"Bakı", "Ədəbiyyat və incəsənət", "Xalq", "Ekran-efir", "Neft Daşları", "Azərbaycan gəncləri", "İlham", "Bakinski raboçi", "Vışka" qəzetlərində, "Açıq söz" , "Нефтянник" (Moskva), "Brend dünyası" jurnallarında , "Adi cinayət işi" , "Ləqəbi Lukaçdır", "Qərib cinlər diyarında", "And dağları üzərində zülmət", "Soyuq divarlar arasında iki saatlıq", "Qodo həsrəti", "Adını mən verdim" kinofilmlərinə resenziya, İsmayıl Dağıstanlı, Ağahüseyn Kərimov, Hacıməmməd Qafqazlı, Hamlet Xanızadə, Hacı İsmayılov, Rafiq Əzimov, Akif Əli, İlham Namiq Kamal və digər tanınmış kinoaktyorlar, sənət adamları haqqında portret oçerklərin, "Оглянись к истокам своим", "Bu sirli-sehrli qutu", "Мухаммед Физули, как театральный критик", "Охотник, поэт, Гражданин Самед" kimi analitik yazıların müəllifidir. Hal-hazırda "Brend dünyası" jurnalının baş redaktorudur.

Rejissor Vasif Babayevlə Amerika Hüquqşünaslar Assosiasiyasının sifarişi ilə çəkilmiş filmin ssenaristidir. Rejissor Yalçın Əfəndiyevlə Azərbaycan–Türkiyə diplomatik münasibətləri tarixindən bəhs edən "Dönüş" filminin, eləcə də Neftçilər Xəstəxanasının 50 illiyinə həsr olunmuş kinosalnamənin ssenari müəllifidir. Ssenari müəllifi və rejissoru olduğu "Sahil yaxınlaşır", "Dəniz üzərində bağ", "Müdhiş oyunlar" və "Bioenerji və kainatın sirləri" filmləri müxtəlif vaxtlarda "Kinomarina", UNİKA beynəlxalq festivallarının müxtəlif mükafatlarına layiq görülüb.

"Azərbaycan Xalq Cümhuriyyətini Yaradanların Varisləri" təşkilatının baş katibidir. Kinematoqrafçılar İttifaqları Konfederasiyasının, Azərbaycan Teatr Xadimləri İttifaqının, Azərbaycan İdman Jurnalistləri Assosiasiyasının, Siyasi-Məhbus Problemi üzrə vətəndaş Nəzarəti Şurasının və Azərbaycan "Bilik" cəmiyyətinin, 2006-cı ildən Azərbaycan Respublikası Əsilzadələr Məclisinin üzvüdür.

Mükafatları

2006, 2007, 2008-ci illərin yekunlarına görə Azərbaycan Milli Olimpiya Komitəsi, Azərbaycan Respublikası Gənclər və İdman Nazirliyi və Azərbaycan İdman Jurnalistləri Assosiasiyası tərəfindən fəxri fərman və diplomlarla təltif edilib.

2010-cu ildə "İlin ən yaxşı idman jurnalisti" adına layiq görülüb. 26 avqust 2013-cü ildə Azərbaycan Respublikası Gənclər və İdman Nazirliyinin Fəxri Fərmanı ilə təltif edilmişdir.

Filmoqrafiya

Xəzərin qara qızılı (film, 1981) — redaktor
Sahil yaxınlaşır (film, 1982) — redaktor
Dəniz üzərində bağ (film, 1983) — rejissor, ssenarist
Müdhiş oyunlar (film, 1983) — rejissor, ssenarist
Baykaldan Amura yol (film, 1984)
Səlim Həqqi Dünyası (film, 1991) — rejissor, ssenarist
Yuğ yuğlama (film, 1991) — ssenarist
Qəlbimizdə bir ad yaşar (film, 1992) — ssenarist
Hamı bəxtəvər sanır, amma… (film, 1992) — rejissor, ssenarist
Meydan (film, 1992) — rejissor, ssenarist (üç hissəli; İsmayıl Ömərov və Azad Məmmədovla)
Qarabağ şahinləri (film, 1992) — rejissor, ssenarist (Adil Əsədovla)
Onların suçu nədir? (film, 1992) — rejissor, ssenarist (Adil Əsədovla)
Buradan bir atlı keçdi (film, 1992) — ssenarist
Vətən mənə oğul desə (film, 1992) — ssenarist
Əgər yaşasaydı (film, 1992) — ssenarist
Son qumbara (film, 1992) — ssenarist
Bumeranq (film, 1992) — ssenarist
Pirlərə aparan yol (film, 1993) — redaktor
Atikva dostluq deməkdir (film, 1994) — redaktor
Dönüş (film) — ssenari müəllifi
Xocalının son günləri (film, 1999) — rejissor, ssenarist
Doktor Mahmudəli Çöhrəqani siz kimsiniz?! (film, 1999) — rejissor, ssenarist
Siz bunu bilmək istəyirsiniz (film, 1999) — rejissor, ssenarist
Bioenerji kainatın sirləri (film, 2001)
İşdə cinsəl zorakılıq (film, 2002) — ssenari müəllifi
Qız uşaqlarının təhsil problemləri (film, 2002) — ssenari müəllifi
Qadına qarşı şiddət (film, 2002) — ssenari müəllifi
Ailə tərbiyəsi, serebral iflic xəstəlikli uşaqlar və QHT (film, 2002) — ssenari müəllifi
Uşaqların bədii-estetik tərbiyəsi (film, 2002) — ssenari müəllifi

İstinadlar

"Veteran jurnalistlər". 2019-11-15 tarixində . İstifadə tarixi: 2019-11-15.
Sportsmedia. "Veteran jurnalistlər. Saleh Salahzadə" (az.). Sportsmedia. 09.07.2018. İstifadə tarixi: 2022-09-25.^{[ölü keçid]}
Sevinc Mürvətqızı. "Bu yaşdan boylanıb geriyə baxanda". //525-ci qəzet.- 2008.- 30 avqust, səh. 21
Bayram Afurcalı. "Mənim tanıdığım Saleh". //Bütöv Azərbaycan.- 2012.- 24–31 oktyabr, səh. 12
Şəhla Bürcəliyeva. "Xəzərin sularından kino lentlərinə" (az.). Azərbaycan Milli Kitabxanası. 16.09.2011. İstifadə tarixi: 2022-09-25.
"Qaraçorludan Laçınadək". //Azad Azərbaycan.- 2009.- 3 fevral, səh. 7
İltifat Mirzəbəyli. "Adını mən verdim…" (Türkiyə Cümhuriyyətinin 75 illiyi ərəfəsində çəkilmiş bir film barədə). //Xalq.- 1998.- 29 iyul, səh. 4
Saleh Salehzadə. "Allahın bəxtəvər bəndəsi" (az.). 525-ci qəzet. 16.01.2014. İstifadə tarixi: 2022-10-01.
Saleh Salahzadə. "Allahın bəxtəvər bəndəsi". //Ulduz.- 2014.- № 1, səh. 50
Şahanə Müşfiq. ""Brend dünyası"nın yeni sayı" (#bad_url) (az.). 525-ci qəzet. 21.01.2018. 2013-07-25 tarixində . İstifadə tarixi: 2022-10-01.
"5 il sizinlə". //Sportsman.- 2009.- yanvar, səh. 33
Azərbaycan Respublikası Əsilzadələr Məclisini. Şəhadətnamə № 614
Azərbaycan Respublikası Gənclər və İdman Nazirliyi. "Milli Mətbuatın 140 illik yubileyinə həsr olunmuş stolüstü tennis üzrə turnir keçirilib" (az.). Gənclər və İdman Nazirliyi. 22.07.2015. İstifadə tarixi: 2022-10-06.
Futbolpress. "AİJA-ya görə ilin ən yaxşıları" (az.). Futbolpress. 25.12.2010. İstifadə tarixi: 2022-10-06.
Azərbaycan İdman Jurnalistləri Assosiasiyası. "İlin yekunları - 2010" (az.). AİJA. 25.12.2010. 2020-06-19 tarixində . İstifadə tarixi: 2022-10-06.

[:0-1] "Veteran jurnalistlər". 2019-11-15 tarixində . İstifadə tarixi: 2019-11-15.

[2] Sportsmedia. "Veteran jurnalistlər. Saleh Salahzadə" (az.). Sportsmedia. 09.07.2018. İstifadə tarixi: 2022-09-25.^{[ölü keçid]}

[salehs2-3] Sevinc Mürvətqızı. "Bu yaşdan boylanıb geriyə baxanda". //525-ci qəzet.- 2008.- 30 avqust, səh. 21

[salehs1-4] Bayram Afurcalı. "Mənim tanıdığım Saleh". //Bütöv Azərbaycan.- 2012.- 24–31 oktyabr, səh. 12

[5] Şəhla Bürcəliyeva. "Xəzərin sularından kino lentlərinə" (az.). Azərbaycan Milli Kitabxanası. 16.09.2011. İstifadə tarixi: 2022-09-25.

[salehs3-6] "Qaraçorludan Laçınadək". //Azad Azərbaycan.- 2009.- 3 fevral, səh. 7

[7] İltifat Mirzəbəyli. "Adını mən verdim…" (Türkiyə Cümhuriyyətinin 75 illiyi ərəfəsində çəkilmiş bir film barədə). //Xalq.- 1998.- 29 iyul, səh. 4

[8] Saleh Salehzadə. "Allahın bəxtəvər bəndəsi" (az.). 525-ci qəzet. 16.01.2014. İstifadə tarixi: 2022-10-01.

[9] Saleh Salahzadə. "Allahın bəxtəvər bəndəsi". //Ulduz.- 2014.- № 1, səh. 50

[10] Şahanə Müşfiq. ""Brend dünyası"nın yeni sayı" (#bad_url) (az.). 525-ci qəzet. 21.01.2018. 2013-07-25 tarixində . İstifadə tarixi: 2022-10-01.

[salehs2009-11] "5 il sizinlə". //Sportsman.- 2009.- yanvar, səh. 33

[12] Azərbaycan Respublikası Əsilzadələr Məclisini. Şəhadətnamə № 614

[13] Azərbaycan Respublikası Gənclər və İdman Nazirliyi. "Milli Mətbuatın 140 illik yubileyinə həsr olunmuş stolüstü tennis üzrə turnir keçirilib" (az.). Gənclər və İdman Nazirliyi. 22.07.2015. İstifadə tarixi: 2022-10-06.

[14] Futbolpress. "AİJA-ya görə ilin ən yaxşıları" (az.). Futbolpress. 25.12.2010. İstifadə tarixi: 2022-10-06.

[15] Azərbaycan İdman Jurnalistləri Assosiasiyası. "İlin yekunları - 2010" (az.). AİJA. 25.12.2010. 2020-06-19 tarixində . İstifadə tarixi: 2022-10-06.