Kamal Xodov 26 yanvar 1941 Batako d şimali Osetiya MSSR 24 iyun 2021 Sovet şairi tərcüməçi və ədəbiyyatşünas şimali Oset

Kamal Xodov (26 yanvar 1941, Batako^[d], Şimali Osetiya MSSR – 24 iyun 2021) — Sovet şairi, tərcüməçi və ədəbiyyatşünas. Şimali Osetiya Muxtar Sovet Sosialist Respublikasının xalq şairi.

Kamal Xodov
oset. Ходы Хазбийы фырт Камал
Doğum tarixi	26 yanvar 1941(1941-01-26)
Doğum yeri	Batako^[d], Pravoberejnı rayonu, Şimali Osetiya MSSR, RSFSR, SSRİ
Vəfat tarixi	24 iyun 2021(2021-06-24) (80 yaşında)
Təhsili	Maksim Qorki adına Ədəbiyyat İnstitutu
Fəaliyyəti	şair, tərcüməçi, ədəbiyyat tənqidçisi
Fəaliyyət illəri	1962-ci ildən
Üzvlüyü	SSRİ Yazıçılar İttifaqı

Bioqrafiyası

1970-ci ildə Kamal Xodov M. Qorki adına Ədəbiyyat İnstitutunu bitirir. Regional qəzetlərin redaksiyaları ilə əməkdaşlıq edir, Şimali Osetiya televiziya studiyasının baş redaktoru, on ildən çox Max duq jurnalının tənqid və jurnalistika şöbəsinə rəhbəri, sonra redaktor vəzifələrində çalışır. "İr" kitab nəşriyyatının müdiri işləyir. 1985-ci ildən Kamal Xodovv Şimali Osetiya Dövlət Dram Teatrının direktoru, eyni zamanda ədəbi Osetiya almanaxının baş redaktoru olur. 1989-1990-cı illərdə Kamal Xodov Şimali Osetiya Muxtar Sovet Sosialist Respublikası Dövlət Nəşriyyat, Çap və Kitab Ticarəti Komitəsinin sədri işləyir. 1990-cı ildə Şimali Osetiya MSSR Yazıçılar Birliyinin sədri olur. 1966-cı ildən Sovet İttifaqı Kommunist Partiyası, 1972-ci ildən isə SSRİ Yazıçılar Birliyinin üzvü olur

1962-ci ildə Kamal Xodovun şeirlərindən ibarət "Səhər ulduzu" adlı gənc müəlliflər toplusu nəşr olunur və 1966-cı ildə "Çörək və duz" adlı ilk poetik kitabı işıq üzü görür. 1970-ci ildə Xodovun "Osetin mahnısı eşidilir" adlı ikinci şeirlər toplusu dərc olunur.

Əsrin narahat edici ritmləri, bugünkü düşüncələri yenidən düşünmə ehtiyacı, vətənpərvərlik Kamal Xodovun yaradıcılığı üçün ən xarakterik mövzulardır. Özündən razılıq, reallığa əks düşüncəli münasibət ona yaddır və bu şeirlərinə xüsusi bir temperament, polemika və həyəcan qatır. Kamal Xodovun bir çox əsərləri rus oxucusuna da tanışdır. Onlar “Gənc qvardiya” kollektiv toplusunda, mərkəzi jurnal və qəzetlərdə nəşr olunur. 1976-cı ildə rus dilinə tərcümə olunan "Ağ qığılcımlar" şeirlər toplusu "Sovremennik" nəşriyyatında, "Öz növbəsində" poetik kitabı isə "Sovet yazıçısı" nəşriyyatında 1988-ci ildə nəşr edilmişdir. Covanni Bokkaçço, Henrix Heyne, Endre Adi, Lope de Veqa, Aleksandr Ostrovski, İvan Vazov kimi yazıçı və dramaturqların əsərlərini osetin dilinə tərcümə etmişdir.

Kamal Xodov oxuculara osetin ədəbiyyatının aktual məsələlərinə dair ədəbi-tənqidi məqalələrin müəllifi kimi yaxşı tanışdır.

Yazıcı 24 iyun 2021 -ci ildə dünyasını dəyişir.

Ailəsi

Üç övladı və dörd nəvəsi vardır.

Mükafatları

Dostluq ordeni (31 may 2001) - çoxmillətli rus ədəbiyyatının inkişafına verdiyi böyük töhfəyə görə.

SSRİ xalq şairi.

K. Xetaqurov adına dövlət mükafatı.

İstinadlar

"На 81-м году жизни скончался Камал Ходов | ГТРК Алания". Россия-Алания / ГТРК (rus). 2021-06-24. 2021-06-28 tarixində . İstifadə tarixi: 2021-06-24.
"Указ Президента Российской Федерации от 31 мая 2001 года № 614 «О награждении орденом Дружбы Ходова К. Х.»". 2021-10-22 tarixində . İstifadə tarixi: 2021-10-20.

[1] "На 81-м году жизни скончался Камал Ходов | ГТРК Алания". Россия-Алания / ГТРК (rus). 2021-06-24. 2021-06-28 tarixində . İstifadə tarixi: 2021-06-24.

[2] "Указ Президента Российской Федерации от 31 мая 2001 года № 614 «О награждении орденом Дружбы Ходова К. Х.»". 2021-10-22 tarixində . İstifadə tarixi: 2021-10-20.