Hüseynbala Ağaverdi oğlu Ağaverdiyev 1888 Kürdəxanı Bakı 3 oktyabr 1937 Azərbaycan inqilabçısı dövlət xadimi Hüseynbala

Hüseynbala Ağaverdi oğlu Ağaverdiyev (1888, Kürdəxanı, Bakı – 3 oktyabr 1937) — Azərbaycan inqilabçısı, dövlət xadimi.

Hüseynbala Ağaverdiyev

Azərbaycan SSR xalq yerli sənaye komissarı
1935 – iyul 1937
Sonrakı	Zəkəriyyə Balaxlinski
Azərbaycan SSR Xalq Komissarları Soveti sədrinin müavini
1935 – 16 may 1936
Sədr	Hüseyn Rəhmanov
Azneft Birliyi rəisinin müavini
1929 – 1934
Azərbaycan Xalq Təsərrüfatı Şurasının sədri
1927 – 1929
Azərbaycan Kommunist Partiyası Mərkəzi Komitəsinin I həmkatibi
21 yanvar 1926 – 1927
Əvvəlki	Ruhulla Axundov
Sonrakı	Nikolay Gikalo
(Əliheydər Qarayev və Levon Mirzoyanla birlikdə)
Şəxsi məlumatlar
Doğum tarixi	1888
Doğum yeri	Kürdəxanı, Bakı, Bakı quberniyası, Rusiya imperiyası
Vəfat tarixi	3 oktyabr 1937(1937-10-03)

Həyatı

1888-ci ildə Bakının Kürdəxanı qəsəbəsində doğulmuşdur. 1901-ci ildə atasının ölümündən sonra Balaxanıda alman milyoner Riderlin mədənlərində işləməyə başlayıb. 1917-ci ilin əvvəllərindən fəhlə hərəkatına qoşulmuş, Binəqədidə fəhlələr arasında inqilabi iş aparmışdır. Həmin ilin may ayında isə bolşevik hərəkatına qoşulmuşdur. Azərbaycanda sovet hakimiyyətinin qələbəsindən sonra Binəqədi RİK tərkibinə daxil olmuşdur. 1922–26-cı illərdə respublika Mədən Fəhlələri Həmkarlar İttifaqı Mərkəzi İdarə Heyətinin sədrinin müavini olmuşdur. 1926-cı ildə Azərbaycan Kommunist Partiyasının birinci katibi vəzifəsinin icrası Əliheydər Qarayev, Hüseynbala Ağaverdiyev və Levon Mirzoyandan ibarət katibliyə həvalə edilmişdi. 1927–29-cu illərdə Azərbaycan SSR XTŞ-sədri, 1929–34-cü illərdə Azneft Birliyi rəisinin müavini işləmişdir. 1933-cü ildə ABŞ-yə işgüzar səfər etmişdir. 1935-ci illərdən Azərbaycan SSR XKS sədrinin müavini, həmçinin Xalq Yerli Sənaye komissarı vəzifəsində çalışmışdır. 1934-cü ildə Zaqafqaziya partiya təşkilatlarının VII qurultayında ÜİK(b) Zaqafqaziya Ölkə Komitəsinə, 1935-ci ildə isə Zaqafqaziya mərkəzi icraiyyə komitəsinə üzv seçilib.

Həbsi və ölümü

17 iyul 1937-ci ildə "Trotski-Zinovyevçi əksinqilabi təşkilatın fəaliyyətində iştirak" etməyə görə həbs edilmiş, 766-cı əmrlə I kateqoriya ilə güllələnməyə məhkum olunmuşdur. 3 oktyabr 1937-ci ildə edam olunmuş, 24 dekabr 1956-cı ildə bəraət verilmişdir.

Ailəsi

Ağaverdiyeva Xədicəxanım Xudaverdi qızı (d. 1902 — ö. 13 fevral 1944) ilə evlənmişdir. SSRİ MİK-nin 4 iyul 1934-cü il tarixli qərarına əsasən vətən xaininin həyat yoldaşı kimi 24 oktyabr 1937-ci il tarixdə saxlanılmış və 9 dekabr 1937-ci il tarixdə XDİK-in qərarına əsasən 8 il müddətinə azadlıqdan məhrum edilmişdir. Xədicəxanım Ağaverdiyeva 19 oktyabr 1956-cı il tarixdə Zaqafqaziya Hərbi Dairəsi Hərbi Tribunalının qərarına əsasən bəraət almışdır. Övladları:

Sara Ağaverdiyeva (d.1922)
Törə Ağaverdiyeva (d.1925)
Lətifə Ağaverdiyeva (d.1929)
Şükufə Ağaverdiyeva (d.1934)

İstinadlar

Эльдар ИСМАИЛОВ - Очерки по истории Азербайджана , Москва, 2010, Флинта ^{[ölü keçid]}
Azərbaycan Tarixi (VI cild) , Bakı, Elm, 2008
. 2016-03-04 tarixində orijinalından arxivləşdirilib. İstifadə tarixi: 2015-03-05.
Kürdəxanı, Qarabağ nəşriyyatı, Bakı, 2008. səh. 360
"Azerbaijan Gender Information Center". 2021-09-22 tarixində . İstifadə tarixi: 2015-03-05.

[1] Эльдар ИСМАИЛОВ - Очерки по истории Азербайджана , Москва, 2010, Флинта ^{[ölü keçid]}

[2] Azərbaycan Tarixi (VI cild) , Bakı, Elm, 2008

[3] . 2016-03-04 tarixində orijinalından arxivləşdirilib. İstifadə tarixi: 2015-03-05.

[4] Kürdəxanı, Qarabağ nəşriyyatı, Bakı, 2008. səh. 360

[5] "Azerbaijan Gender Information Center". 2021-09-22 tarixində . İstifadə tarixi: 2015-03-05.