Herman Yuli Obert alm Hermann Julius Oberth 25 iyun 1894 Sibiu 28 dekabr 1989 Nürnberq Bavariya Almaniya mühəndisi və al

Herman Yuli Obert (alm. Hermann Julius Oberth‎; 25 iyun 1894^[…], Sibiu – 28 dekabr 1989, Nürnberq, Bavariya) — Almaniya mühəndisi və alimi. Raket texnikası pionerlərindən biridir.

Herman Obert
alm. Hermann Julius Oberth‎

Doğum tarixi	25 iyun 1894(1894-06-25)^[…]
Doğum yeri	Sibiu, Sibiu^[d], Rumıniya
Vəfat tarixi	28 dekabr 1989(1989-12-28)(95 yaşında)
Vəfat yeri	Nürnberq, Mərkəzi Frankoniya, Bavariya, Qərbi Almaniya
Dəfn yeri	Nürnberq
Təhsili	Babeş-Boyyay Universiteti^[d]
Fəaliyyəti	fizik, ixtiraçı, esseist, ssenarist, mühəndis
Vikianbarda əlaqəli mediafayllar

Həyatı

Herman Yuli Obert 25 iyun 1894-cü ildə o vaxtlar Avstriya-Macarıstan imperiyasının bir parçası olan Rumıniyanın Sibiu şəhərində anadan olmuşdur. 1938–1940-cı illərdə Avstriyada, 1940–1945-ci illərdə Almaniyada raket texnikası sahəsində tədqiqatlar aparmışdır. 1950–1953-cü illərdə İtaliyada, 1955–1958-ci illərdə ABŞ-də raketlərin hazırlanması ilə bağlı işlərdə iştirak etmişdir. Raket mühərrikləri, raketlərin uçuş nəzəriyyəsi və atmosferin tədqiqi üçün raketlərdən istifadə sahəsində çalışmışdır. O, Raket Texnikası və Kosmik Uçuş üzrə Alman Cəmiyyətinin təşkilatçılarından biridir. Herman Yuli Obert 28 dekabr 1989-cu il tarixində, 95 yaşında Qərbi Almaniyanın Nürnberq şəhərində vəfat etmişdir.

İrsi

1951-ci ildə Raket Texnikası və Kosmik Uçuş üzrə Alman Cəmiyyəti raket texnikası və kosmonavtika sahəsində əsaslı tədqiqatlar və görkəmli xidmətlər üçün Obert medalı təsis etmişdir. 1963-cü ildən həmin cəmiyyət Obertin adını daşıyır.

İstinadlar

Hermann Oberth // Internet Speculative Fiction Database (ing.). 1995.
Prof. Hermann Oberth // filmportal.de. 2005.
Deutsche Nationalbibliothek Record #118589229 // Ümumi tənzimləmə nəzarəti (GND) (alm.). 2012—2016.
Оберт Һерман // Azərbaycan Sovet Ensiklopediyası: [10 ҹилддә]. VII ҹилд: Мисир—Прадо. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1983. С. 314.

Xarici keçidlər

Herman Obert Kosmos Muzeyi (ing.)

[_f2eebdf81964ec43-1] Hermann Oberth // Internet Speculative Fiction Database (ing.). 1995.

[_6f3033faf87fc60f-2] Prof. Hermann Oberth // filmportal.de. 2005.

[_e2710a4467037cda-3] Deutsche Nationalbibliothek Record #118589229 // Ümumi tənzimləmə nəzarəti (GND) (alm.). 2012—2016.

[ASE-4] Оберт Һерман // Azərbaycan Sovet Ensiklopediyası: [10 ҹилддә]. VII ҹилд: Мисир—Прадо. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1983. С. 314.