Cəlal Abad Vilayəti Qırğızıstanda vilayət 1939 cu il noyabrın 21 də təşkil edilmişdir 1959 cu ildə ləğv edilərək ərazisi

Cəlal-Abad Vilayəti — Qırğızıstanda vilayət. 1939-cu il, noyabrın 21-də təşkil edilmişdir (1959-cu ildə ləğv edilərək ərazisi Oş vilayətinə birləşdirilmiş, 1990-ci ildə yenidən bərpa olunmuşdur). Sahəsi 33,7 min km² . Əhalisi 1,1 milyon nəfərdir (2015). 8 rayonu, 5 şəhəri, 5 şəhər tipli qəsəbəsi var. Mərkəzi Cəlalabad şəhəridir. Etnik və iqtisadi baxımdan vilayət Oş və Batken vilayətləri ilə birlikdə Cənubi Qırğızıstana aiddir. Əhalisinə görə respublikada ikinci və sahəsinə görə isə üçüncü vilayətdir.

Vilayət

Cəlalabad vilayəti

qırğ. Жалалабат облусу


Bayraq	Gerb

Ölkə

Qırğızıstan

İnzibati mərkəz

Cəlalabad

Tarixi və coğrafiyası

Yaradılıb

21 noyabr 1939

Sahəsi

33 700 km²

Saat qurşağı

UTC + 6

Əhalisi

1 146 500 nəfər (2015)

Əhalinin sıxlığı

34,02 nəfər/km²

Rəqəmsal identifikatorlar

ISO kodu

KG-J

Telefon kodu

+996 3722

Avtomobil nömrəsi

D, 04

Vikianbarda əlaqəli mediafayllar

Təbiəti

Vilayətinin ərazisini Fərqanə vadisinin şimal-şərq kənarı və Qərbi Tyanşanın silsilələri (Talas Alatausu, Susamurtau, Pskem, Fərqanə, Çandalaş, Çatkal və s.) tutur. Ən yüksək nöqtəsi Çatkal silsiləsindədir (4503 m). Faydalı qazıntıları: neft, qaz, daş kömür, polimetal filizləri və s. İqlimi mülayim, kontinentaldır; vadilərdə quraqdır. Orta temperatur 1000–1100 metr yüksəklikdə yanvarda – 4 °C, iyulda 26 °C-dir. İllik yağıntı 400–1000 mm-dir. Daha yüksək rayonlarda iqlim soyuqdur. Ən böyük çayı Narındır (üzərində SES, Toktoqul su anbarı var). 1500 m yüksəkliyə qədər yerləşən sahələrdə boz torpaqlar və yarımsəhra tipli bitki örtüyü inkişaf etmişdir. 1500–3000 metr yüksəkdə quru dağ çölləri, çəmən-çöl bitkiləri, Çatkal və Fərqanə silsilələrinin yamaclarında yabanı meyvə ağaclarından ibarət meşələr yayılmışdır. 3000 m-dən yuxarıda subalp və Alp çəmənlikləri yerləşir. Tülkü, canavar, porsuq, oxlu kirpi, qonur ayı, çöl donuzu, cüyür, qayakeçisi, irbis və s. vilayətdə geniş yayılıb.

Təsərrüfatı

Neft, qaz, daş kömür (Kok-Yanqak, Taş-Kumır) və polimetal filizləri hasil olunur. Maşınqayırma, elektrotexnika, tikinti, pambıqtəmizləmə, yüngül və yeyinti sənayesi inkişaf etmişdir. Fərqanə dərəsində suvarma əkinçiliyi (dənli bitkilər, pambıq, tütün, üzüm), bağçılıq, heyvandarlıq, ipəkçilik, yamaclarda dəmyə əkinçiliyi, dağlarda qoyunçuluq; avtomobil, dəmir yolu, aviasiya və boru kəməri nəqliyyatı inkişaf etmişdir.

İnzibati ərazi bölgüsü

Cəlalabad vilayəti 8 rayondan təşkil olunub. Aksı rayonu (paytaxtı - Kerben), Ala-Bukin rayonu (paytaxtı - Ala-Buka), Bazar-Korqon rayonu (paytaxtı-Bazar-Korqon), Nooken rayonu (paytaxtı - Ması), Suzak rayonu (paytaxtı - Suzak), Toquz-Torous rayonu (paytaxtı - Kazarman), Toktolqul rayonu (paytaxtı - Toktoqul), Çatkal rayonu (paytaxtı - Kanış-Kıya).

Mənbə

Cəlalabad vilayəti // Azərbaycan Milli Ensiklopediyası (25 cilddə). 5-ci cild: Brüssel – Çimli-podzol torpaqlar (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2014. səh. 265. ISBN .

Xarici keçidlər

Информационный портал Джалал-Абадской областной государственной администрации 2013-10-06 at the Wayback Machine
Местное самоуправление Джалал-Абадской области 2009-08-30 at the Wayback Machine

İstinadlar

(PDF), Bishkek: National Committee on Statistics, 2010, 10 August 2011 tarixində orijinalından (PDF) arxivləşdirilib

Qırğızıstanın vilayətləri
Batkən • Çuy • İsıkgöl • Cəlalabad • Narin • Oş • Talas

[stat-1] (PDF), Bishkek: National Committee on Statistics, 2010, 10 August 2011 tarixində orijinalından (PDF) arxivləşdirilib