Azad Şükür

Azad Hətəm oğlu Şükürov (11 fevral 1959, Ağdam rayonu) — ADMİU-nun Musiqili teatr aktyoru kafedrasının müdiri, Azərbaycanın məşhur aktyoru və bədii qiraətçisi, Azərbaycan Respublikasının əməkdar artisti, 3-cü dərəcəli professor, laureatı.

Azad Şükürov
Azad Hətəm oğlu Şükürov
Doğum adı	Azad Hətəm oğlu Şükürov
Digər adı	Azad Şükür
Doğum tarixi	11 fevral 1959(1959-02-11) (65 yaş)
Doğum yeri	Ağdam rayonu, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ↔ Azərbaycan
Fəaliyyəti	aktyor
Fəaliyyət illəri	1981-bu günə qədər
Təhsili	Azərbaycan Dövlət Mədəniyyət və İncəsənət Universiteti
Tanınma səbəbi	aktyor, bədii qiraətçi, pedaqoq
Mükafatları	2002 Azərbaycan Respublikasının əməkdar artisti 2023

Həyatı və fəaliyyəti

Azad Şükürov 11 fevral 1959-cu ildə Ağdamın Muğanlı kəndində müəllim ailəsində dünyaya gəlmişdir. Hələ orta məktəbdə oxuduğu illərdə bədii özfəaliyyət dərnəyinin fəal üzvlərindən olub. Daha sonra Xətai adına mədəniyyət sarayının nəzdində fəaliyyət göstərən Azərbaycan xalq teatrına üzv yazılıb.

1977–1981-ci illərdə Azərbaycan Dövlət İncəsənət İnstitutunun aktyorluq fakültəsində — Rza Təhmasibin kursunda təhsil alaraq, İnstitutu fərqlənmə diplomu ilə bitirib. 1981–1984-cü illərdə Nəcəf bəy Vəzirov adına Lənkəran Dövlət Dram Teatrında, 1984–1990-cı illərdə Tədris Teatrında, 1990–1992-ci illərdə isə Şuşa Dövlət Musiqili Dram Teatrında çalışmışdır.1992–2009-cu illərdə Bakı Bələdiyyə Teatrında öz fəaliyyətini davam etdirmişdir.

1990-cı ildən Mədəniyyət və İncəsənət Universitetinin Səhnə danışığı kafedrasında müəllim işləyən Azad Şükürov 1996-2002, 2015-2022-ci illərdə həmin kafedranın müdiri vəzifəsində çalışmış, hal-hazırda Musiqili teatr aktyoru kafedrasının müdiridir. Həmçinin, müxtəlif ədəbi-dram verilişlərində, dublyaj redaksiyasında fəaliyyət göstərir, görkəmli qiraət ustasıdır.

1993-cü ildən BBT-da aktyor kimi çalışıb, bir neçə xarici ölkədə mükafatlar alıb, 2003-cü il oktyabr ayında I Tehran Beynəlxalq Komediya Festivalında qızıl medala layiq görülüb. Dövri mətbuatda, qəzet və jurnallarda, monoqrafiya xarakterli kitablarda 20-yə qədər elmi məqalələri çap edilib. "Televiziyada danışıq" proqramı (1990), "Danışıq texnikası" və "Televiziyada danışıq" fənninə dair tədris proqramı və metodik göstərişlərin müəllifidir.

Mükafatları

• 2002-ci ilin noyabr ayında Respublikanın Əməkdar artisti fəxri adına layiq görülüb.
• 2023-cü ilin dekabr ayında Azərbaycan Dövlət Mədəniyyət və İncəsənət Universitetinin 100 illiyi münasibətilə ilə təltif edilmişdir.
• 2024-cü ilin mart ayında Azərbaycan Teatr Xadimlər İttifaqının təsis etdiyi ilə təltif olunub.

Filmoqrafiya

1. Ah, ədalət!
2. Şirin bülbül (film, 2000)
3. Başmaq (film, 2001)
4. Atillanın atlıları (film, 2002)
5. Əsirin qayıtması (film, 2002)
6. Qeybdən gələn səs (film, 2002)
7. Bir anın həqiqəti (film, 2003)
8. Oyun (film, 2003)
9. Tənha durna uçuşu (film, 2003)
10. Akademik Yusif Məmmədəliyev (film, 2005)
11. Yeni həyat (2005)
12. Yalan (film, 2005)
13. Cavid ömrü (film, 2007)
14. Prokuror (2008)
15. Qovğalı kəndinin gecələri (film, 2008)
16. Tərsinə çevrilən dünya (film, 2011)
17. Mürafiə vəkillərinin hekayəti (film, 2011)
18. Sübhün səfiri (film, 2012)
19. Qağayı (2012)
20. Yazıçı (2013)
21. Fədakar (film, 2015)
22. Vicdan haqqı (teleserial, 2016)
23. Şərəfli ömür (film, 2016)

Həmçinin bax

• Azərbaycan Dövlət Mədəniyyət və İncəsənət Universiteti
• Azərbaycan Respublikasının əməkdar artistlərinin siyahısı

İstinadlar

1. "Azad Şükürov - 55" (az.). https://oxu.az. 11 fevral 2014. 5 iyul 2024 tarixində arxivləşdirilib. İstifadə tarixi: 5 iyl 2024.
2. "TANINMIŞ AKTYOR AZAD ŞÜKÜROV YÜKSƏK MÜKAFATA LAYİQ GÖRÜLÜB" (az.). 12 iyun 2023. 05 iyul 2024 tarixində arxivləşdirilib. İstifadə tarixi: 5 iyul 2024.
3. "Azərbaycan Dövlət Mədəniyyət və İncəsənət Universitetinin əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2023-12-13 tarixində . İstifadə tarixi: 2023-12-13.

Xarici keçidlər

• "Şərəfli ömür" poeması
• Mən Azad Şükürov
• Bədii qiraət ustası, görkəmli pedaqoq Ənvər Vəliyev