Avtovağzal metrostansiyası Bakı metrosunun 19 aprel 2016 cı ildə istifadəyə verilən stansiyası Stansiyaya daxil olan qat

Avtovağzal metrostansiyası — Bakı metrosunun 19 aprel 2016-cı ildə istifadəyə verilən stansiyası. Stansiyaya daxil olan qatarlarda Üzeyir Hacıbəyovun Koroğlu operasında Arazbarı zərbi muğamından fraqment səslənir.

Avtovağzal metrostansiyası

3-cü xətt

Bakı metrosu

Rayon

Binəqədi

Yerləşməsi

2-ci

Açılış tarixi

19 aprel 2016

İnşaat tipi

Yeraltı

Platformaların sayı

1

Çıxdığı küçələr

Sumqayıt magistralı

Nəqliyyat

102, 119, 117, 130, 134, 142, 158, 199, 511, 551, 553, 567, 569 nömrəli avtobuslar

İş rejimi

06:00—00:00

Qonşu stansiyalar

Xocəsən, Memar Əcəmi-2

  İnteraktiv sxem

Kiçilt

  İnteraktiv sxem

Vikianbarda əlaqəli mediafayllar

Bənövşəyi xətt

B-6

B-7 (Şah İsmayıl Xətai)

B-8 (Keşlə)

B-9

B-10

В-11 (Xalqlar Dostluğu)

В-12 (Qaraçuxur)

Tarixi

Bakı Beynəlxalq Avtovağzal Kompleksinə metro xəttinin çəkilməsi ilə bağlı tapşırığı Prezident İlham Əliyev 2008-ci ildə metronun "Nəsimi" stansiyasının açılışı zamanı vermişdi.

Stansiyanın tikintisinə 2009-cu ilin sentyabrında başlanılıb. Layihə işləri tərəfindən yerinə yetirilib.

Layihəyə əsasən, "Avtovağzal" stansiyası platformadan, 2 vestibüldən, 8 çıxışdan, havalandırma keçidindən, vestibüllərin üzərində quraşdırılmış iki piramidadan ibarətdir. Stansiya kompleksinin ümumi uzunluğu 560 metrə yaxındır. Yeni xətdə yaradılan həm "Avtovağzal", həm də "Memar Əcəmi" stansiyalarının platformalarının uzunluğu 144 metrdir. Bu isə platformaya əvvəlki stansiyalarda olduğu kimi 5 deyil, 7 vaqonun daxil olmasına imkan yaradır. Stansiya və keçidlərdə müxtəlif hündürlüklü 20 eskalator, çıxışlarda isə 8 travelator qoyulub. Fiziki imkanları məhdud insanların istifadəsi üçün burada lift quraşdırılıb.

Biləcəri qəsəbəsində yaşayan sakinlərin rahatlığını təmin etmək üçün Bakı-Sumqayıt avtomobil yolunun altından keçid inşa edilib. Bakı Beynəlxalq Avtovağzal Kompleksinə isə iki keçid quraşdırılıb. Digər beş çıxış isə "Avtovağzal" stansiyası kompleksinin ərazisində yerləşir.

Açılışı

19 aprel 2016-cı ildə Prezident İlham Əliyev və "Bakı Metropoliteni" QSC-nin sədri Zaur Hüseynov stansiyanın açılışında iştirak ediblər.

Bu stansiya gələcəkdə Azadlıq meydanına kimi uzadılacaq. Sərnişinlər buraya Cavad xan metrostansiyasından gələ biləcəklər. İndiyədək Bakıda tikilən ən böyük stansiyadır.

İstinadlar

"İlham Əliyev Bakı Metropoliteninin yeni xəttinin "Avtovağzal" və "Memar Əcəmi" stansiyalarının açılışında iştirak edib". president.az (az.). Azərbaycan Respublikası Prezidentinin rəsmi internet saytı. 19 aprel 2016. 2016-04-20 tarixində arxivləşdirilib. İstifadə tarixi: 19 aprel 2016.

Xarici keçidlər

Bakı Metropoliteni Rəsmi sayt

Bakı şəhəri ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[1] "İlham Əliyev Bakı Metropoliteninin yeni xəttinin "Avtovağzal" və "Memar Əcəmi" stansiyalarının açılışında iştirak edib". president.az (az.). Azərbaycan Respublikası Prezidentinin rəsmi internet saytı. 19 aprel 2016. 2016-04-20 tarixində arxivləşdirilib. İstifadə tarixi: 19 aprel 2016.