Vikipediyada bu adlı digər şəxslər haqqında da məqalələr var bax Anar ad Anar tam adı Anar Rəsul oğlu Rzayev 14 mart 193

Anar (tam adı: Anar Rəsul oğlu Rzayev; 14 mart 1938, Bakı) — azərbaycanlı yazıçı, şair, tərcüməçi, ssenarist, Azərbaycan Yazıçılar Birliyinin sədri.

Anar
Anar Rəsul oğlu Rzayev

Azərbaycan Yazıçılar Birliyinin sədri
Vəzifədədir
1991-ci ildən
Azərbaycan Yazıçılar İttifaqı İdarə Heyətinin birinci katibi
18 iyun 1987 – 1991
Əvvəlki	İsmayıl Şıxlı
Şəxsi məlumatlar
Doğum tarixi	14 mart 1938(1938-03-14)(86 yaş)
Doğum yeri	Bakı, Azərbaycan SSR, SSRİ
Partiya	Sovet İttifaqı Kommunist Partiyası (1967–1991)
Təhsili	Azərbaycan Dövlət Universiteti (1955–1960)
Fəaliyyəti	kinorejissor, yazıçı, ssenarist, rejissor, siyasətçi, şair, dramaturq, tərcüməçi
Atası	Rəsul Rza
Anası	Nigar Rəfibəyli
Həyat yoldaşı	Zemfira Səfərova
Uşaqları	Günel Anarqızı Tural Rzayev

Təltifləri	1998 1980 1998 2013 2013 2023 2011 2010
anar.az
Vikianbarda əlaqəli mediafayllar

Ailəsi

Anarın atası şair Rəsul Rza, anası şairə Nigar Rəfibəylidir. Anar anası tərəfdən Azərbaycanın məşhur ictimai və dövlət xadimi, Azərbaycan Xalq Cümhuriyyətinin ilk səhiyyə naziri və Gəncə şəhərinin general-qubernatoru olan Xudadat bəy Rəfibəylinin nəvəsidir. Atası tərəfdən isə Məmmədxanlılar nəslindəndir. Soy adları ulu babası, Çiyni və bir para kəndlərin mülkədarı Məmmədyar oğlu Məmməd xanla bağlıdır. Bayat boyundan, Şahsevən tayfasından olan Məmməd xan XIX əsrin ortalarında rus əsgərləriylə toqquşmadan sonra zindana atılır və orda zəhərlənərək öldürülür. Məmmədxanın nəticəsi, Rəsulun atası İbrahim Məmmədxanlı Göyçayda mirzəlik edər və ticarətlə məşğul olarmış. 1915-ci ildə Bakıda vəfat etmiş və Çəmbərəkənddə dəfn edilmişdir.

1913-cü il iyunun 29-da Gəncədə anadan olmuş Nigar xanım Rəfibəyli məşhur Rəfibəylilər nəslindəndir. Ata tərəfdən babası Ələkbər bəy Rəfibəyli – el ağsaqqalı, maarifçi, Azərbaycanda ilk siyası partiya olan "Difai" partiyasının yaradıcılarındandır.

Ələkbər bəyin yeganə oğlu, Nigar xanımın atası Xudadat bəy ilk ali təhsilli cərrahlardandır. Xarkov Tibb Universitetini bitirdikdən sonra 17 il Gəncə xəstəxanasının baş həkimi və həkimlər cəmiyyətinin sədri kimi çalışmışdır.

1918-ci ildə Gəncədə müstəqil Azərbaycan Xalq Cümhuriyyəti qurulan zaman Xudadat bəy Rəfibəyli Fətəli xan Xoyskinin hökumətində ilk səhiyyə naziri olmuş, bir il sonra isə Gəncə general-qubernatoru vəzifəsinə təyin edilmişdir. 1920-ci il aprel bolşevik çevrilişindən sonra həbs edilmiş, Gəncə üsyanının təşkilində ittihamlandırılaraq güllələnmişdir.

Həyatı

*Azərbaycanın mədəniyyət və incəsənət xadimlərinin bir qrupunun Prezident İlham Əliyev və birinci xanım Mehriban Əliyeva ilə görüşü zamanı. 1 mart 2019-cu il*.

Anar 1945-ci ildə 10 illik musiqi məktəbinə (indiki Bülbül adına məktəb) daxil olmuş və 1955-ci ildə həmin məktəbi gümüş medalla bitirmişdir. Birinci sinifdən onuncu sinifə qədər Zemfira Səfərovayla bir yerdə oxumuşlar.

1955-ci ildə Anar Azərbaycan Dövlət Universitetinin filologiya fakültəsinə, Zemfira konservatoriyaya daxil olsa da, yolları ayrılmamış, nişanlanmış, evlənmişlər. Toyları 1962-ci il yanvarın 27-də olmuşdur.

Anar və Zemfira xanımın iki övladları var. Böyük oğulları Tural ərəbşünas və diplomatdır, Azərbaycanın Misir Ərəb Respublikasındakı səfiridir, qızları Günel isə Bakı Dövlət Universitetinin şərqşünaslıq fakültəsini bitirib.

Fəaliyyəti

Anar 1991-ci ilin martında Yazıçıların IX Qurultayında yekdilliklə Azərbaycan Yazıçılar Birliyinin sədri seçilmişdir. 1997-ci il oktyabrın 30-da Yazıçıların X Qurultayında yekdilliklə yenidən Azərbaycan Yazıçılar Birliyinin sədri seçilmişdir.

1991-ci ildə Azərbaycan Respublikası Ali Soveti Milli Şurasının ilk iclasını Anar aparmışdır. Anar 1995-ci və 2000-ci illərdə Azərbaycan Republikasının Milli Məclisinin deputatı seçilmişdir. O, Milli Məclisin mədəniyyət komissiyasının sədri olmuşdur. Bu komissiyanın mədəniyyət, tarix və memarlıq abidələrinin qorunması, kinematoqrafiya haqqında və s. tərtib etdiyi qanunları parlament tərəfindən qəbul edilmişdır.

1995-ci ildə Azərbaycan Respublikası Konstitusiya Komissiyasının üzvü olmuşdur.

Anar 2014-cü ildə Türkiyənin Əskişəhər şəhərində keçirilən VI Türk Dünyası Ədəbiyyat Dərgiləri Konqresinin qərarı ilə Türk Dilində Danışan Ölkələrin Yazarlar Birliyinin ilk başqanı seçilib.

Mükafatları

Azərbaycan SSR əməkdar incəsənət xadimi —
Azərbaycan SSR Dövlət mükafatı —
Azərbaycan Respublikasının Xalq yazıçısı
Azərbaycan Respublikası Prezidentinin fərdi təqaüdü — 11 iyun 2002
"Heydər Əliyev Mükafatı"
"Humay" mükafatı
Azərbaycan Respublikası Prezidentinin fəxri diplomu
Beynəlxalq Türk Mədəniyyəti Təşkilatının (TÜRKSOY) "Şərəf" medalı
"Üzeyir Hacıbəyli" medalı
"Dostluq" ordeni (2023)
— 2024

Əsərləri

Povestləri

Ağ liman (1965)
Dantenin yubileyi
Macal
Dədə Qorqud
Əlaqə
Ömür yolu. Yaradıcılığı
Otel otağı

Romanları

Beşmərtəbəli evin altıncı mərtəbəsi
Kərəm kimi (sənədli roman)
Söz dünyası (5 cilddə)

Hekayələr və pyesləri

Sənin nəğmən yaxşıdır (pyes) (1952)
Keçən ilin son gecəsi (1960)
Bayram həsrətində (1958)
Asqılıqda işləyən qadının söhbəti (1959)
Sabah ayıq olacayıq (1959)
Yağışlı gecə (1960)
Taksi və vaxt (1961)
Vahimə
Əlifba (1967)
Yaxşı padşahın nağılı (1970)
Yağış kəsdi
Otel otağı
O gecənin səhəri
Mütləq görüşərik
Qırmızı "Limuzin"
Gürcü familyası (1967)
Sizi deyib gəlmişəm
Şəhərin yay günləri
Mən, sən, o və telefon (1967)
Sizsiz
Muhakkak görüşürüz — mütləq görüşərik
Ağ qoç, Qara qoç (2003)
Səhra yuxuları
Yaşamaq haqqı
Unudulmaz görüşlər
Qaragilə
Ləyaqət
Təhminənin son sirri (2021)

Molla Nəsrəddin — 66

Zarafatsız
Məlumat
Gülməşəkər kəndinin sabahı
Zəncir
Rəng
Başımızın ağası
Əl əli yuyar və yaxud bozbaş dəstgahı
Sayların sərgüzəşti
Bir stəkan su
Maraqlı tədqiqat
Marallarım
Molla Nəsrəddin — 86

"Molla Nəsrəddin" yüz on il sonra

"Molla Nəsrəddin" yüz on il sonra (2016)
Heç məni demirsən… (2015)
Futbol reportajı (2013)
Bir güllə bahar olmaz (2013)
Sürüş Suruş
Naqqal Nağı və Əzizənin ərizəsi
Burda… Orda… Burda…

Tərcümələri

Filmoqrafiya

	Filmin adı	İl	Ssenari müəllifi	Əsər müəllifi	Quruluşçu rejissor	Aktyor	Filmin növü
		1965	Y				Qısametrajlı sənədli film
	Torpaq. Dəniz. Od. Səma	1967	Y				Tammetrajlı bədii film
	Qobustan	1967	Y				Qısametrajlı sənədli film
	Hər axşam on birdə	1968		Y			Tammetrajlı bədii film
	Bu, Səttar Bəhlulzadədir	1969	Y				Qısametrajlı sənədli televiziya filmi
	Gün keçdi	1971	Y				Tammetrajlı bədii film
	Nəsimi	1971	Y				Qısametrajlı sənədli film
	Gecə işıqları	1972	Y		Y		İki hissəli bədii film
	Yığıncaq	1972				Y
-->	Xatirələr sahili	1972				Y	Tammetrajlı bədii film
-->	Var olun, qızlar…	1972				Y	Tammetrajlı bədii film
-->	Dədə Qorqud	1975	Y				Tammetrajlı bədii film
	Daş saat	1975	Y				qısametrajlı sənədli film
	Daşlar danışanda	1976	Y				Qısametrajlı sənədli film
	İşgüzar adamlar (film, 1977)	1977	Y				"Mozalan" süjeti
	Dantenin yubileyi	1978	Y				Tammetrajlı bədii film
	Ötən ilin son gecəsi	1978		Y			Tammetrajlı televiziya tamaşası
	Üzeyir ömrü	1981	Y		Y		Tammetrajlı bədii film
	Yeni Qədim Gəncə	1981	Y				Qısametrajlı sənədli film
	Evləri köndələn yar	1982	Y				Tammetrajlı bədii film
	Ötən ilin son gecəsi	1983	Y				Tammetrajlı bədii film
	Aşıqlar	1983	Y				Tammetrajlı sənədli film
	Daş saatın səsi	1985	Y				Qısametrajlı sənədli film
	Qəm pəncərəsi	1986	Y		Y		Tammetrajlı bədii film
	Bu, Mircavaddır	1987	Y				Qısametrajlı bədii televiziya filmi
	Gün keçdi	1971	Y				Tammetrajlı bədii film
	Nəsimi	1971	Y				Qısametrajlı sənədli film
	Gecə işıqları	1972	Y		Y		İki hissəli bədii film
	Yığıncaq	1972				Y
	Xatirələr sahili	1972				Y	Tammetrajlı bədii film
	Var olun, qızlar…	1972				Y	Tammetrajlı bədii film
	Dədə Qorqud	1975	Y				Tammetrajlı bədii film
	Daşlar danışanda	1976	Y				Qısametrajlı sənədli film
	İşgüzar adamlar (film, 1977)	1977	Y				"Mozalan" süjeti
		1978	Y				Tammetrajlı bədii film
		1978		Y			Tammetrajlı televiziya tamaşası
	Üzeyir ömrü	1981	Y		Y		Tammetrajlı bədii film
	Ötən ilin son gecəsi	1983	Y				Tammetrajlı bədii film
	Qəm pəncərəsi	1986	Y		Y		Tammetrajlı bədii film

Ssenari müəllifi və quruluşçu rejissor olduğu bədii filmlər

Sözsüz mahnı (film, 1972) (ssenari müəllifi) (quruluşçu rejissor)
Evləri köndələn yar (film, 1982) (ssenari müəllifi)
İmtahan (film, 1987) (ssenari müəllifi);
Əlaqə (film, 1989) (ssenari müəllifi);
Təhminə (film, 1993) (ssenari müəllifi);
Otel otağı (film, 1998) (ssenari müəllifi);
Nigarançılıq (film, 1998) (ssenari müəllifi)
Cavid ömrü (film, 2007) (ssenari müəllifi)
Sübhün səfiri (film, 2012) (ssenari müəllifi)

Əsərləri əsasında çəkilmiş bədii filmlər

Beşmərtəbəli evin altıncı mərtəbəsi (film, 1996) (Anarın eyniadlı romanı əsasında);
Sizə məktub var (film, 1998) (Anarın "Mən, sən, o və telefon" əsəri əsasında)
Aktyorun əsgisi (film, 2004) TRT. Türkiyə. (Anarın "Dantenin yubileyi" povesti əsasında) (ssenari müəllifi Atilla Engin, quruluşçu rejissor Feyzi Tuna, operator Koksan Kolkal, bəstəkar İlyas Mirzəyev. Rollarda Fərhan Şensoy, Suna Kesgin, Rasim Öztəkin və b.);
Tilsim (film, 2005) (Anarın "Vahimə" hekayəsi əsasında).
"Ve telefon". Türkiyə. (Anarın "Mən, sən, o və telefon" əsəri əsasında); rejissor Nuran Evren.
Mən, sən, o və telefon (film, 2014) (Anarın eyniadlı əsəri əsasında)

Ssenariləri əsasında çəkilmiş sənədli filmlər

Dədə Qorqud dühası (film, 1999) (ssenari müəllifi);
Dağ dağa rast gəlməz. (Mozalan süjeti) (ssenari müəllifi).

Ssenariləri əsasında çəkilmiş televiziya filmləri

Ssenariləri əsasında çəkilmiş cizgi filmləri

Basatın igidliyi (film, 1988) (ssenari müəllifi).

İdeyası əsasında çəkilmiş filmlər

Evləri göydələn yar (film, 2010) (ideya və süjet)

Haqqında çəkilmiş sənədli filmlər

Anarla üz-üzə (film, 1988) — (Mərkəzi Televiziyanın sifarişi ilə Anar haqqında çəkilmiş iki hissəli sənədli film. Azərbaycantelefilm. Ssenari müəllifi , rejissor Ramiz Mirzəyev (Həsənoğlu), operator Adil, bəstəkar Cavanşir Quliyev. Bəstəkarın ifasında səslənən mahnının sözləri Rəsul Rzanındır).
Anarın anları (film, 2008) — Azərbaycan televiziyasında istehsal edilmiş tammetrajlı sənədli televiziya filmi. Rejissor: Ramiz Həsənoğlu.

Maraqlı faktlar

Azərbaycanda Anar adını daşıyan ilk şəxs yazıçı Anardır. Sonralar valideynlər bu adı öz övladlarına çox vermişlər. Hazırda Anar Azərbaycanda ən çox yayılmış kişi adlarından biridir. Adın açıqlanmasında da bir-birindən fərqli 2 versiya mövcuddur. 1-ci versiyaya görə "Anar" "anmaq" ("xatırlamaq", "yada salmaq") feilindən düzəldilmişdir. 2-ci versiyaya görə Anası Nigar Atası Rəsul sözlərinin baş hərflərindən ad yaradılmışdır.
Kinoşünas Ayaz Salayevin iddiasına görə, rejissor Nora Efronun çəkdiyi və baş rolda məşhur Hollivud kinoulduzu Tom Henksin oynadığı "Sizə məktub var" (You've Got Mail) filminin ssenarisi Anarın "Mən, sən, o və telefon" əsəri əsasında qurulub. Kinoşünasın bu fikrə gəlməsinə adıçəkilən hekayənin Amerikada çap olunması da əsas verib.

Mənbə

Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 4.
Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 814.
Anara kino fenomeni demək olarmı? TƏHLİL 2016-02-14 at the Wayback Machine

İstinadlar

Anar // Internet Speculative Fiction Database (ing.). 1995.
İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər 2023-06-28 at the Wayback Machine. president.az, 01.03.2019 (az.)
. 2014-03-09 tarixində orijinalından arxivləşdirilib. İstifadə tarixi: 2014-02-25.
Respublika kino sənəti işçilərinə Azərbaycan SSR fəxri adlarının verilməsi haqqında Azərbaycan SSR Ali Soveti Rəyasət Heyətinin 23 dekabr 1976-cı il tarixli Fərmanı 2020-01-16 at the Wayback Machine — anl.az saytı
Ədəbiyyat, incəsənət və arxitektura sahəsində 1980-ci il Azərbaycan SSR Dövlət mükafatlarının verilməsi haqqında Azərbaycan KP MK-nın və Azərbaycan SSR Nazirlər Sovetinin 1980-ci il tarixli Qərarı 2020-01-16 at the Wayback Machine — anl.az saytı
"Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 07.09.2022 tarixində . İstifadə tarixi: 05.10.2023.
"Bəstəkarlar İttifaqı Anarı "Üzeyir Hacıbəyli" medalı ilə təltif edib". 2022-03-25 tarixində . İstifadə tarixi: 2018-09-21.
""Kaspi"nin əməkdaşına mükafat verilib" (az.). www.kaspi.az. 2021-12-28. 2022-07-08 tarixində . İstifadə tarixi: 2022-07-08.
"Özbəkistan prezidentindən xalq yazıçısına yüksək mükafat". www.ayb.az. 2023-06-19 tarixində . İstifadə tarixi: 2023-06-19.
AzərTAc. "Деятелям культуры и искусства вручена юбилейная медаль «100-летие Гейдара Алиева (1923–2023)»" (Turoyo). AzərTAc. 07.05.2024. İstifadə tarixi: 2024-05-08.
"525-ci qəzet", 7 oktyabr, 1999

Xarici keçidlər

İzlə
Anar 78 yaşını qeyd edir (14. mart 2016)
Anarın əsərləri 2007-01-25 at the Wayback Machine

[_751df10c8e8db684-1] Anar // Internet Speculative Fiction Database (ing.). 1995.

[2] İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər 2023-06-28 at the Wayback Machine. president.az, 01.03.2019 (az.)

[3] . 2014-03-09 tarixində orijinalından arxivləşdirilib. İstifadə tarixi: 2014-02-25.

[23.12.1976-4] Respublika kino sənəti işçilərinə Azərbaycan SSR fəxri adlarının verilməsi haqqında Azərbaycan SSR Ali Soveti Rəyasət Heyətinin 23 dekabr 1976-cı il tarixli Fərmanı 2020-01-16 at the Wayback Machine — anl.az saytı

[dm1980-5] Ədəbiyyat, incəsənət və arxitektura sahəsində 1980-ci il Azərbaycan SSR Dövlət mükafatlarının verilməsi haqqında Azərbaycan KP MK-nın və Azərbaycan SSR Nazirlər Sovetinin 1980-ci il tarixli Qərarı 2020-01-16 at the Wayback Machine — anl.az saytı

[6] "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). e-qanun.az. 07.09.2022 tarixində . İstifadə tarixi: 05.10.2023.

[7] "Bəstəkarlar İttifaqı Anarı "Üzeyir Hacıbəyli" medalı ilə təltif edib". 2022-03-25 tarixində . İstifadə tarixi: 2018-09-21.

[8] ""Kaspi"nin əməkdaşına mükafat verilib" (az.). www.kaspi.az. 2021-12-28. 2022-07-08 tarixində . İstifadə tarixi: 2022-07-08.

[9] "Özbəkistan prezidentindən xalq yazıçısına yüksək mükafat". www.ayb.az. 2023-06-19 tarixində . İstifadə tarixi: 2023-06-19.

[10] AzərTAc. "Деятелям культуры и искусства вручена юбилейная медаль «100-летие Гейдара Алиева (1923–2023)»" (Turoyo). AzərTAc. 07.05.2024. İstifadə tarixi: 2024-05-08.

[11] "525-ci qəzet", 7 oktyabr, 1999