Cavanşir Quliyev

Cavanşir Rəhim oğlu Quliyev (22 noyabr 1950, Nuxa) — Azərbaycan bəstəkarı, Azərbaycan Respublikasının əməkdar incəsənət xadimi (1992).

Cavanşir Quliyev
Ümumi məlumatlar
Doğum tarixi	22 noyabr 1950(1950-11-22) (73 yaş)
Doğum yeri	Nuxa, Nuxa rayonu, Azərbaycan SSR, SSRİ
Vətəndaşlığı	SSRİ  Azərbaycan
Musiqiçi məlumatları
Fəaliyyəti	bəstəkar
Musiqi alətləri	tar, piano
Təhsili	Azərbaycan Dövlət Konservatoriyası (1968–1975)
Üzvlüyü	Azərbaycan Respublikası Kinematoqrafçılar İttifaqı
Mükafatları	1992 1982 2021

Həyatı

Cavanşir Rəhim oğlu Quliyev 1950-ci il noyabrın 22-də Şəkidə doğulub. Orta rus məktəbini 1967-ci ildə, Şəki Musiqi Texnikumunu 1968-ci ildə bitirib. Həmin il Üzeyir Hacıbəyov adına Azərbaycan Dövlət Konservatoriyasının Xalq Çalğı Alətləri Fakültəsinin Tar Şöbəsinə daxil olub. İki ildən sonra Konservatoriyanın Bəstəkarlıq Fakültəsinə keçib və 1975-ci ildə görkəmli bəstəkar, professor Cövdət Hacıyevin sinfini bitirib.

Diplom işi — böyük simfonik orkestr üçün "Birinci Simfoniya" olub. Hələ tələbə ikən, C. Quliyev bəstəkarlıqda eksperimentlərinə başlamışdı. 2-ci kursda oxuyarkən yazdığı "Birinci Kvartetdə", gələcəkdə əsas yaradıcılıq prinsipi olan milli musiqinin çağdaş bəstəkarlıq texnikası ilə sintezləşdirərək, yeni musiqi tərzinin üzə çıxmasına nail olmuşdu. Əsər dinləyənlər tərəfindən böyük maraqla qarşılanmış, bəyənilmiş və uzun müddət "millilik və müasirlik" baxımından yaradıcı mübahisələrin səbəbi olmuşdur. Bir sıra Konservatoriyalararası konfranslarda, o zamanki SSRİ Bəstəkarlar İttifaqında (Moskva) səsləndirilmiş, və böyük maraq doğurmuşdur. Sonralar C.Quliyevin bu üslubda bəstələdiyi bir sıra başqa əsərləri Avropanın çeşidli ölkələrində və Amerikada ifa olunaraq, böyük rəğbət görmüşdür.

Cavanşir Quliyev müasir Azərbaycanın ilk hərbi marşının müəllifidir. C. Quliyev ilk dəfə sazı kamera musiqisində kamanla, violonçellə, fleyta ilə bərabər şəkildə tədbiq etmişdir. C.Quliyev ilk dəfə sazı və zurnanı simfonik və simfo-caz orkestrlərin tərkibinə daxil edərək, əsas alətlər şəklində işlətmişdir. Tələbəlik illərindən, yəni 1973-cü ildən Azərbaycan Dövlət Televiziya və Radio Verilişləri Komitəsində səs rejissoru işləməyə başlayıb və həmin vəzifədə 17 il çalışıb.

1990–1993 illərdə Azərbaycan Dövlət Konsert Birliyinin bədii rəhbəri olub. 1980–1998 illərdə Üzeyir Hacıbəyov adına Azərbaycan Dövlət Konservatoriyasında — Bakı Musiqi Akademiyasında, 1994–2003 illərdə Azərbaycan Dövlət Mədəniyyət və İncəsənət Universitetində müəllim işləyib. Paralel olaraq 1992-ci il sentyabr ayının 1-dən 2005 ilə qədər Akademik Milli Dram Teatrında musiqi hissə müdiri işləyib. 2003-cü ildən Azərbaycən Milli Konservatoriyasının dosenti, 2005-ci ildən professoru, 2005-ci ildən — Şimali Kipr Türk Respublikasının Yaxın Şərq (Yakın Doğu) Universitetinin Səhnə Sənətləri fakültəsinin professorudur.

O, 19 il Şimali Kipr Türk Respublikasında yaşadıqdan sonra Azərbaycana qayıdıb.

Şəxsi həyatı

2024-cü ildə Azərbaycanda prezident seçkiləri zamanı İlham Əliyevi dəstəklədiyini açıqlamışdır.

Mükafatları

• Azərbaycan SSR Lenin komsomolu mükafatı (1982)
• "Azərbaycan Respublikasının əməkdar incəsənət xadimi" fəxri adı (1992)
• (1993)
• Şəhriyar adına mükafat (1995)
• Avropa Türk-İslam birliyinin qızıl medalı- Almaniya (1997)
• (2000)
• (2001)
• Azərbaycan Kinematoqrafçılar İttifaqının "Milli Kinematoqrafiya qarşısında xidmətlərinə görə" mükafatı (2015)
• 2015-ci ildə "Sübhün səfiri" filminə görə "Ən yaxşı orijinal musiqi" nominasiyasında "Qızıl Pəri" mükafatına layiq görülmüşdür.

Əsərləri

• Baletlər: Oğuznamə, "Tufan (balet)", "Kitabi Dədə Qorqud (balet)"
• Zurna və orkestr üçün Üvertüra (1980);
• Fleyta, saz və violonçel üçün "Karvan" (2000);
• Simli orkestr üçün "Dastan" (2001);
• 4 simfoniya
• "Məhəbbət oyunu" Operettası /libretto — Q. Rəsulov/ (2001).
• Rəqs
• "Müşfiq ağıları" (oratoriya, 2020)

Mahnıları

Video

• C. Quliyevin musiqisinə Yallı rəqsi
• Yarım Gilə (feat Brilliant Dadaşova)Yarım Gilə (feat. Brilliant Dadaşova)
• Bəlkə bu təsadüf məhəbbət oldu (feat Aygün Bəylər)Aygün Bəylər - Bəlkə, bu təsadüf məhəbbət oldu | Ötən günlər
• Sevəcəyəm (feat Brilliant Dadaşova) Sevəcəyəm (feat. Brilliant Dadaşova)
• Vəfasızsan (feat Aygün Kazımova)Vəfasızsan (feat. Aygün Kazımova)
• Hər Şey Gözəldir Həyatda (feat Akif İslamzadə və Brilliant Dadaşova)- YouTube

Audio

• "Kim nə deyər bizdə olan qeyrətə" — sözləri: Mirzə Ələkbər Sabir
• "Bir uçaydım" — sözləri: Məhəmmədhüseyn Şəhriyar

Filmoqrafiya

1. Ac həriflər (film, 1993)
2. Ağ atlar üçün vals
3. Ağ dünya (film, 1995)
4. Anarla üz-üzə (film, 1989)
5. Araqarışdıran (film, 1987)
6. Arxada qalmış gələcək (film, 2004)
7. Astana (film, 1986)
8. Aşıq Qərib (film, 1988)
9. Azərbaycan milli qəhrəmanları. Albert Aqarunov. Dostuma məkub... (film, 2010)
10. Beşmərtəbəli evin altıncı mərtəbəsi (film, 1996)
11. Bəxtiyar Vahabzadə (film, 1987)
12. Buta (film, 2011)
13. Canavar balası
14. Cavid ömrü (film, 2007)
15. Çalalar (film, 2000)
16. Çətin məsələ (film, 1988)
17. Daş yaddaş (film, 1986)
18. Dirsə xan oğlu Buğac boyu (film, 2000)
19. Dünya bir pəncərədir (film, 1990)
20. Etiraf (film, 1992)
21. Fatehlərin divanı
22. Fəryad (film, 1993)
23. Girişmə, öldürər! (film, 1990)
24. Günahsız Abdulla (film, 1984)
25. Güzgü (film, 1990)(II)
26. Haray (film, 1990)
27. Həqiqətin anı (film, 1984)
28. Xeyir və Şər (film, 1980)
29. İtkin gəlin (film, 1994)
30. Kəndlərin harayı (film, 1987)
31. Qayıdış (film, 1992)
32. Qəm pəncərəsi (film, 1986)
33. Qırmızı qar (film, 1998)
34. Qocalar, qocalar... (film, 1982)
35. Lətifə (film, 1989)
36. Mirzə Kazım bəy (film, 1983)
37. Nigarançılıq (film, 1998)
38. Salur Qazanın evi talandığı boy (film, 2001)
39. Sonuncu məhəbbət (film, 1985)
40. Sovet Azərbaycanı (film, 1982)
41. Sübhün səfiri (film, 2012)
42. Süd dişinin ağrısı (film, 1987)
43. Şirbalanın məhəbbəti (film, 1991)
44. Topal Teymur (film, 1983)
45. Yarımştat (film, 1996)
46. Yaşıl eynəkli adam (film, 1987)
47. Yaşıl eynəkli adam-2 (film, 1999)
48. Yaşıl eynəkli adam-3 (film, 2002)
49. Yeniləşmiş diyar (film, 1984)
50. Yumurta (film, 2003)

Teatr tamaşalarına musiqi

• M. F. Axundov "Xırsquldurbasan" /rejissor: Cahangir Novruzov/Şəki D. D. Teatrı/"
• "Hərənin bir ulduzu" /rej: H. Atakişiyev/Şəki D. D. Teatrı/"
• "Evlərin axşamları"/Şəki D. D. Teatrı/"
• "Sevgililərin cəhənnəmdə vüsalı" /müəllif — İ. Əfəndiyev/ (1991);
• "İydə ağacı" /müəllif — İ. Əfəndiyev/ (1992);
• "Özümüzü kəsən qılınc" /müəllif — B. Vahabzadə/ (1999);
• "Dar ağacı" /müəllif — B. Vahabzadə/, "Aydın" /müəllif — C. Cabbarlı/ (2000).

Məqalələri

• "Azərbaycan mahnısı: Yol ayrıcında". "Musiqi dünyası" jurnalı, № 1, 1999; Musiqili kompüter proqramları. "Musiqi dünyası", № 2, 2000.

Həmçinin bax

• Oğuznamə (balet)

İstinadlar

1. "Məşhur bəstəkar Cavanşir Quliyev 19 ildən sonra xaricdən Azərbaycana köçüb". 2022-10-18 tarixində . İstifadə tarixi: 2022-10-16.
2. ""İlham Əliyevi favorit görürəm və ona səs verməyi düşünürəm" — Cavanşir Quliyev". Qafqazinfo. 21 dek 2023. 2023-12-24 tarixində . İstifadə tarixi: 2023-12-25.
3. Kulis. (az.). kulis.az. 31.07.2015 10:47. 2015-08-03 tarixində orijinalından arxivləşdirilib. İstifadə tarixi: 2015-08-03.
4. Report. ""Qızıl Pəri" mükafatları təqdim olunub" (az.). Report.az. 29 dekabr 2015. 2016-03-05 tarixində . İstifadə tarixi: 2015-12-30.
5. Azərbaycan Kinematoqrafçılar İttifaqı. "Cavanşir Quliyevdən "Müşfiq ağıları" oratoriyası" (az.). AKİ.az. 14.06.2020. 2022-03-26 tarixində . İstifadə tarixi: 2020-06-14.

Xarici keçidlər

• Samirə Behbudqızı — 12 günlük balet 2013-09-02 at the Wayback Machine
• Turqay Musayev. "İlham Əliyevi favorit görürəm və ona səs verəcəm - Tanınmış bəstəkar". modern.az (az.). İstifadə tarixi: 2023-12-21.
• Məktəblərimizin problemlərindən bəhs edən film 2016-06-13 at the Wayback Machine