iohan şöner alm Johannes Schöner 16 yanvar 1477 Karlştad 16 yanvar 1547 Nürnberq bir çox sahədə iz qoymuş alman alimi Ke

İohan Şöner (alm. Johannes Schöner‎; 16 yanvar 1477, Karlştad – 16 yanvar 1547, Nürnberq) — bir çox sahədə iz qoymuş alman alimi. Keşiş, astronom, , , , , riyaziyyatçı, qlobusların və elmi alətlərin istehsalçısı, elmi kitabların redaktoru və naşiri. 1543-cü ildə Nürnberqdə Şöner Kopernikin məşhur "Göy cisimlərinin fırlanması haqqında" kitabının nəşr olunmasında mühüm rol oynamışdır.

İohan Şöner
alm. Johannes Schöner‎

Doğum tarixi	16 yanvar 1477
Doğum yeri	Karlştad^[d], Karlştad^[d], Almaniya Federativ Respublikası
Vəfat tarixi	16 yanvar 1547 (70 yaşında)
Vəfat yeri	Nürnberq Azad İmperiya şəhəri, Müqəddəs Roma imperiyası
Elm sahələri	astronomiya, riyaziyyat, kartoqrafiya
Vikianbarda əlaqəli mediafayllar

Şönerin adına Marsda krater adlandırılmışdır.

Həyatı

O, Erfurt Universitetində ilahiyyat təhsili almış, daha sonra Bamberqdə katolik keşişi olaraq işləmişdir. Orada, öz evində o, çap mağazası yaradaraq astroloji ədəbiyyat çap etməyə başladı. Şöner həm göy, həm də yer qlobuslarının yaradıcısı kimi tanınır, həmçinin yeni kəşf edilmiş Amerika materikinin təsvir edildiyi ilk yer qlobusunun. Şönerin qlobusu Nürnberq şəhər kitabxanasında saxlanılır. 1526-cı ildən, Nürnberqdə Melanxton Gimnaziyasının açılışından sonra Şöner orada riyaziyyat müəllimi oldu və 20 il bu vəzifədə qaldı. O lüteranlığı qəbul etdi və 7 avqust 1527-ci ildə Anna Selerinlə evləndi. Şönerin xidmətləri arasında əsas yeri Georq fon Purbax, Bernhard Valter (1430–1504), İohan Regiomontan və Nikolay Kopernikin astroloji və astronomik əsərlərinin nəşri tutur. Bundan əlavə, o efemeridləri və əbədi planet cədvəllərini, həmçinin astrologiya üzrə böyük dərslik sayılan "De judiciis nativitatum"u (1545) nəşr etdirmişdir. Bu kitabların hər ikisi Melnxtonun ön sözü ilə nəşr edilmişdir. Şöner öz dərsliyində astrologiyanın Kopernik astronomik sistemi ilə tam uyğun olduğunu inandırıcı şəkildə müdafiə edirdi. Bundan əlavə o, astrologiya, astronomiya, xronologiya və riyaziyyat mövzusunda bir sıra başqa əsərlər də yazmışdır.

Şönerin Veymar qlobusu. Amerika və Uzaq Şərq bir-birinə bitişik göstərilib.

Seçilmiş əsərləri

Horari cylindri canones - Bamberq, 1515
Horoscopium generale, omni regioni accomodum. - Nürnberq, 1535
Opus astrologicum etc. - Nürnberq, 1539
De judiciis nativitatum etc. - Nürnberq, 1545

Şöner qlobusları

Şöner qlobusu (1515) – 1515-ci ildə yaradılmış bu qlobusda rəsmi olaraq 1520-ci ildə kəşf edilən Magellan boğazı göstərilmişdir. Boğaz 53 dərəcə cənub enliyindədir. Qlobusda isə o, 40-cı paraleldə göstərilib.
Şönerin 1520-ci ildə yaradılan qlobusunda o dövrdə mövcudluğu sübut olunmamış Antarktika qitəsi göstərilmişdir.
Şönerin Veymar qlobusu (1533) – 1533-cü ildə yaradılmış bu qlobusda Şimali Amerika Asiyanın bir hissəsi olaraq verilmiş və Antarktika əks olunmuşdur.

İstinadlar

Deutsche Nationalbibliothek Record #118795341 // Ümumi tənzimləmə nəzarəti (GND) (alm.). 2012—2016.
Шенер, Иоганн // Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890–1907.

Xarici keçidlər

Vikianbarda İohan Şöner ilə əlaqəli mediafayllar var.

Ədəbiyyat

Шенер, Иоганн // Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890–1907.
Rosen E. Schoner. / / Elmi tərcümeyi-hal lüğəti
Becker U. Lexicon der Astrologie / Astroloji İzahlı Lüğət
Ebertin R. Astroloji Şəfa
Schöner J. Opusculum Astrologicum
Poggendorff JC Biographisch-literarisches Handwörterbuch zur geschichte der aniqen Wissenschaften.

[_c91f7d7159fb364a-1] Deutsche Nationalbibliothek Record #118795341 // Ümumi tənzimləmə nəzarəti (GND) (alm.). 2012—2016.

[ЭСБЕ-2] Шенер, Иоганн // Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890–1907.