İlham Namiq Kamal

İlham Namiq Kamal oğlu Əhmədov (9 yanvar 1949, Bakı) — Azərbaycan aktyoru, teatr rejissoru, "İlham" Miniatür teatrının direktoru və bədii rəhbəri, ADMİU-nun "Musiqili teatr aktyoru" kafedrası kafedrasının müdiri, Azərbaycanın xalq artisti.

İlham Namiq Kamal
İlham Namiq Kamal oğlu Əhmədov
Doğum adı	İlham Əhmədov
Doğum tarixi	9 yanvar 1949(75 yaş)
Doğum yeri	Bakı, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Fəaliyyəti	aktyor
Fəaliyyət illəri	1968-ci ildən
Mükafatları	2002 2013 2023

Həyatı

İlham Namiq Kamal oğlu Əhmədov əslən Şamaxıdandır. 9 yanvar 1949-cu ildə Bakıda doğulub. Buradakı 31 saylı orta məktəbi 1966-cı ildə bitirərək Mirzəağa Əliyev adına Azərbaycan Dövlət Teatr İnstitutunun dram və kino aktyorluğu fakültəsinə daxil olub. SSRİ xalq artisti Adil İsgəndərovun və Azərbaycan artisti Rza Təhmasibin kursunda təhsil alıb. Tələbə vaxtı fransız ədibi Jan-Batist Molyerin "Jorj Danden" satirik komediyasının tamaşasında baş qəhrəman rolunu uğurla oynayıb. Onu institutun tədris teatrının aktyor truppasına qəbul ediblər (16 dekabr, 1968). Bu kollektivdə Mirzə Cavad ("Aydın", Cəfər Cabbarlı), Şvester ("Meteor" Fridrix Dürrenmatt), Lomov ("Elçilik", Anton Çexov), Rekrutçu ("Sahildə Bir Ev",Stefan Sveyq), Baş katib ("Sehirli Kreslo", ), Molla Səbzəli ("Üləma Məclisi" Mirzə Ələkbər Sabirin şerləri əsasında) rollarını oynayıb.

O, 1971-ci il noyabrın 25-dən 1972-ci il fevral ayının 2-dək Azərbaycan Dövlət Gənc Tamaşaçılar Teatrının aktyor truppasında olub. Fevral ayının 3-dən Akademik Milli Dram Teatrında aktyor işləyib. 20 mart 1989-cu ildə istedadlı gənc rejissor Hüseynağa Atakişiyevin təşkil etdiyi Gənclər Teatrında aktyorluğa başlayıb. Bu kollektiv 26 yanvar 1993-cü ildən kimi fəaliyyət göstərir. İlham Namiq Kamal bu gənc kollektivin səhnəsində dörd il çalışıb. Burada "Çarəsiz sərnişinlər" (Məsuliyyətsiz), Rəhman Əlizadənin "Dadaşbala əməliyyatı" (Dadaşbala), İsi Məlikzadənin "Sultanqulu Körpüsü" (Sultanqulu), "Arvadımın Qatili" (Daniel), Vaqif Səmədoğlunun "Dağ Tikirik" (Kələntər), "Arvadımın Əri Özüməm" (Kazbek) pyeslərinin səhnə təsfirində, "Gül, Sevin, Gül" (müxtəlif sifət-maskalar) şoutamaşasında baş rolları ifa edib.

Dövlət Gənclər Teatrında işləməklə yanaşı, eyni zamanda 1989–1991-ci illərdə paralel olaraq Azərbaycan Dövlət Musiqili Komediya Teatrında aktyorluq edib. Bu teatrda dramaturq Georgi Xuqayevin və bəstəkar Eldar Mansurovun "Sevgilimin Anası və yaxud Evlənmə Əhvalatı" (Albadam), Cahangir Aslanoğlu və Həsənağa Qurbanovun "Qarğa, Məndə Qoz var" (Adil, Farmazov, Aşıq, Professor və Əyyaş), rus bölməsində Eduardo de Filippov və Fərəc Qarayevin "Fulimeno Marturano" (Dominesko Soriano) musiqili komediyalarında oynayıb.

1993-cü il iyun ayının 14-də bu truppadan çıxıb və özünün yaradıb. Direktor və bədii rəhbər olduğu bu teatrda həm quruluşçu rejissor, həm də aktyor kimi çalışıb. Teatrda hazırlanan bütün tamaşalara quruluş verir və onların əksəriyyətində baş rollarda oynayır. 1995-ci ildən Azərbaycan Dövlət Mədəniyyət və İncəsənət Universitetində dərs deyir, "Estrada sənəti" kafedrasının müdiridir. 4 övladı var: qızları — Qumru, Qumral, oğlanları — Ülvi, Ziya.

25 iyun 2013-cü ildə ilə təltif edilmişdir. 10 mart 2014-cü ildə Azərbaycan Teatr Xadimləri İttifaqının təsis etdiyi layiq görülüb.

Aktyor Cəfər Namiq Kamalın qardaşıdır.

13 dekabr 2023-cü ildə Azərbaycan Dövlət Mədəniyyət və İncəsənət Universitetinin 100 illiyi münasibətilə Azərbaycan Respublikası Prezidentinin fəxri diplomu ilə təltif edilmişdir.

Filmoqrafiya

• Xatirələr sahili (film, 1972)-Aktyor: İşçi (Tammetrajlı Bədii Film)
• Qızıl qaz (film, 1972)-Aktyor: Əli (Tammetrajlı Bədii Film)
• Ağasadıq Gəraybəyli (film, 1974)-Filmdə iştirak edən: Xristakov ("Müfəttiş"), Mürşüd ("Xoşbəxtlər") (Qısametrajlı Sənədli-Bədii Film) (TV)
• -Aktyor: Mədətov ("Mozalan" süjeti)
• Bağçada Rahat Yer (1978)-Aktyor: MİS rəisi (Qısametrajlı Bədii Film)
• Qayınana (film, 1978)-Aktyor: İlqar (Tammetrajlı Bədii Film)
• -Aktyor: Markiz (Tammetrajlı Film-Tamaşa) (TV)
• 777 №-li sexdə (film, 1979) (qısametrajlı bədii süjet-Mozalan № 47)-aktyor: texnoloq İlham
• Qəribə adam (film, 1979)-Aktyor: Əbdürrəhman (Tammetrajlı Bədii Film)
• -Aktyor: Əziz ("Mozalan" süjeti)
• -Səs : "Jiquli" sahibi ("Mozalan" süjeti)
• Üzeyir ömrü (film, 1981)-Aktyor: Jurnalist (Tammetrajlı Bədii Film)
• Evləri köndələn yar (film, 1982)-Aktyor: Paşa Paşayeviç (Tammetrajlı Film-Tamaşa) (TV)
• -Aktyor: İşçi ("Mozalan" süjeti)
• -Aktyor: Yunusov ("Mozalan" süjeti)
• Musiqi müəllimi (film, 1983)-Aktyor: Rayon komsomol komitəsinin katibi (Tammetrajlı Bədii Film)
• Kişilər (film, 1979)-Aktyor: Hüseynağbacı (Tammetrajlı Film-Tamaşa) (TV)
• -Aktyor: Miriş ("Mozalan" süjeti)
• 100 (film, 1985) (qısametrajlı bədii film-Mozalan № 100)-aktyor: sərnişin
• Göz həkimi (film)-Aktyor: Talıbov (Tammetrajlı Film-Tamaşa) (TV)
• Bəyin oğurlanması (film, 1985)-Aktyor: Səs Operatoru (Tammetrajlı Bədii Film)
• -Aktyor: Nəzarətçi ("Mozalan" süjeti)
• Qəm pəncərəsi (film, 1986)-Səs: Həsənov (Tammetrajlı Bədii Film)
• Sehrli çıraq (film, 1987)
• -Aktyor: Müəllim ("Mozalan" süjeti)
• 777 №-li iş (film, 1992) (tammetrajlı bədii film)-aktyor: aktyor
• Nekroloq (film, 2001)-Aktyor: Sadıq Həsənov (Tammetrajlı Bədii Film) (TV)
• Güllələnmə təxirə salınır!... (film, 2002)-Səs: "Krasavçik" (Tammetrajlı Bədii Film)
• Şans (film, 2004)
• Adam ol! (film, 2005) (tammetrajlı bədii film)- rol: İlham
• (Tammetrajlı Film-Tamaşa) (TV)
• Bəylik dərsi (film, 2007)
• Evləri göydələn yar (film, 2010)

İstinadlar

1. Kamal, İ. Şanslı aktyoram…: İlham Namiq Kamal: "Bu sənətin qəddar tərəfləri də var": [Xalq artisti ilə müsahibə] /müsahibəni apardı Xədicə Qiyas //Ekspress.- 2015.- 24–26 yanvar.- S.15.
2. "Arxivlənmiş surət". 2024-01-26 tarixində . İstifadə tarixi: 2024-01-26.
3. Mədəniyyət TV. "Həmişə eyni yaşda olan 75 yaşlı İlham Namiq Kamal" (az.). Youtube.com. 10.01.2024. 2024-01-10 tarixində . İstifadə tarixi: 2024-01-10.
4. "Azərbaycan Dövlət Mədəniyyət və İncəsənət Universitetinin əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2023-12-13 tarixində . İstifadə tarixi: 2023-12-13.

Mənbə

• "Mən teatra hər zaman bir nağıl kimi baxmışam" //Odlar yurdu.- London, 2009, fevral.- səh. 16.

Xarici keçidlər

• İlham Namiq Kamalın doğum günüdür
• İlham Namiq Kamal ilk dəfə opera səhnəsində