çərpələng uçuran ing The Kite Runner əfqan əsilli amerikalı yazıçı Xalid Hüseyninin 2003 cü ildə çapdan çıxmış ilk roman

Çərpələng uçuran (ing. The Kite Runner) — əfqan əsilli amerikalı yazıçı Xalid Hüseyninin 2003-cü ildə çapdan çıxmış ilk romanı.

Çərpələng uçuran
ing. The Kite Runner
Çərpələng uçuran kitabının azərbaycanca tərcüməsinin üz qabığı.
Müəllif	Xalid Hüseyni
Janr	Roman
Orijinalın dili	İngiliscə
Ölkə	ABŞ
Orijinalın nəşr ili	29 may 2003
Tərcüməçi	Xədicə İsmayıl
Rəssam	Böyükağa Mirzəzadə
Nəşriyyat
Səhifə	448
Tiraj	2000
Sonrakı	Min möhtəşəm günəş
ISBN

Məzmun

Xəbərdarlıq: Yazının davamı əsərin məzmunu haqqında məlumat ehtiva edir.

Xalid Hüseyninin bu debüt romanını artıq yeni əsrin baş romanı, müəllifini isə canlı klassik hesab edirlər. “Çərpələng uçuran” bu an yaşanan müstəmləkəçilik sonrası yeni müstəmləkəçilik (neokolonial), qloballaşma, mədəniyyətlərarası müharibə, vətəndaş müharibəsi və miqrasiya kimi mövzulara bədii baxış bucağı gətirir. Bundan əlavə, müəllif xatirələr, aydınlaşdırma, cinsi münasibətlər kimi qavrayışlara da toxunur. Kitab sözün əsl mənasında dostluq, sədaqət, xəyanət, günahlardan təmizlənmə haqqındadır və Xalid Hüseyninin bu incə, canayaxın, ironik və sözün yaxşı mənasında sentimental romanı doymadan və göz çəkə bilmədən baxdıqca baxılan möhtəşəm bir rəsm əsərinə bənzəyir. Müəllif, əsərin adından da göründüyü kimi, Əfqan uşaqlarının çərpələng uçurmaq əyləncəsini yada salır. Bu yarışlardan birində əsərin qəhrəmanlarından biri – Həzara (Xəzər) oğlu Həsənin başına dəhşətli hadisə gəlir, o bu hadisəyə dostu bildiyi Əmirin naminə razı olur, ancaq onu kədərləndirmək haqda düşünmür. Həmin dost isə bu dəhşəti kənardan görür, lakin gizlənib səsini çıxarmır. Bununla da faciə böyüyür, getdikcə davam edir. Öz qorxaqlığından dəli olan Əmir ayılanda artıq gec olduğunu düşünür...

Xəbərdarlığın sonu.

Tərcüməsi

Roman azərbaycan dilinə ilk dəfə ABŞ-nin Azərbaycandakı səfirliyi ilə arasında bağlanmış qrant sazişinə əsasən maliyyələşdirilmiş layihə əsasındaXədicə İsmayıl tərəfindən orginal dili olan ingilis dilindən tərcümə olunmuş, tərəfindən 2011-ci ildə Bakıda nəşr olunmuş və 27 may 2011-ci ildə Qız Qalasının yanında yerləşən Ali & Nino kitab mağazasında təqdimatı keçirilmişdir.

İstinadlar

"Dünya bestselleri Azərbaycan dilində" (az.). milli.az. 2010-11-02. 2022-01-17 tarixində . İstifadə tarixi: 2014-04-18.
(az.). trend.az. 2011-05-27. 2011-05-30 tarixində orijinalından arxivləşdirilib. İstifadə tarixi: 2014-04-18.

Xarici keçidlər

Xalid Hüseyninin rəsmi veb-saytı (ing.)
Rəsmi facebook səhifəsi (ing.)
"Çərpələng Uçuran" (az.). alinino.az. İstifadə tarixi: 2014-05-07.^{[ölü keçid]}
Xalid Hüseyni Çərpələng uçuranı^{[ölü keçid]} BBC-nin World Book Club verilişində müzakirə edir

[1] "Dünya bestselleri Azərbaycan dilində" (az.). milli.az. 2010-11-02. 2022-01-17 tarixində . İstifadə tarixi: 2014-04-18.

[2] (az.). trend.az. 2011-05-27. 2011-05-30 tarixində orijinalından arxivləşdirilib. İstifadə tarixi: 2014-04-18.