Anna Koulman Led ing Anna Coleman Ladd 15 iyul 1878 Filadelfiya Pensilvaniya 3 iyun 1939 Santa Barbara Kaliforniya Ameri

Anna Koulman Led (ing. Anna Coleman Ladd; 15 iyul 1878, Filadelfiya, Pensilvaniya – 3 iyun 1939, Santa-Barbara, Kaliforniya) — Amerikalı heykəltaraş. O, həyatının bir hissəsini I Dünya Müharibəsində üzlərindən zədə almış əsgərlərə maskalar hazırlamağa həsr etmişdir.

Anna Koulman Led
ing. Anna Coleman Ladd

Doğum tarixi	15 iyul 1878(1878-07-15)
Doğum yeri	Filadelfiya, Pensilvaniya, ABŞ
Vəfat tarixi	3 iyun 1939(1939-06-03)(60 yaşında)
Vəfat yeri	Santa-Barbara, Santa-Barbara qraflığı, Kaliforniya, ABŞ
Fəaliyyəti	incəsənət xadimi, heykəltaraş
Mükafatları
Vikianbarda əlaqəli mediafayllar

Həyatı

Anna Koulman Led 15 iyul 1878-ci ildə Pensilvaniyada anadan olmuşdur. Orta məktəbi burada bitirdikdən sonra o, ali təhsil almaqdan ötrü Avropaya yola düşmüşdür. Paris və Roma şəhərlərində heykəltaraşlıq təhsili aldıqdan sonra 1905-ci ildə Maynar Led adlı bir həkimlə evlənmiş və Boston şəhərinə köçərək burada yaşamağa başlamışdır. Anna burada Bela Prat ilə birlikdə 3 il təhsil almışdır. Onun “Triton körpələri” adlı əsəri 1915-i ildə "Panama-Sakit Okean" sərgisində göstərilmişdir. 1914-cü ildə Anna Boston Rəssamlar Gildiyasının üzvlərindən biri oldu və Bostonda bir sıra sərgilərdə onun əsərləri nümayiş etdirildi. Bostonda yaşayarkən o, mifiolojik qəhrəmanlarla bağlı olan çalışmalarını tamamladı. Bu əsərlər günümüzdə də auksionlarda satılmaqdadır. Anna Koulmanın portreti Elanora Dyus tərəfindən rəsm edilmişdir. 1917-ci ildə Anna və yoldaşı, yoldaşının işi ilə bağlı Fransaya köçdülər. Fransa da o sonralar sənət fəaliyyətlərinin axışını dəyişdirəcək la tanış olmuşdur. Vudla tanış olduqdan sonra Led “Amerikan Qızıl Xaç Cəmiyyəti Portret-Maskalar Studiyası”nı yaratmışdır. Studiyanın əsas fəaliyyəti I Dünya müharibəsində üzlərindən zədə almış əsgərlər üçün kosmetik maskaların hazırlanması idi. Müharibədən sonra Annaya Massaçuest şəhərində sərgilənəcək müharibə ilə bağlı bir heykəl yaratması tapşırıldı. 1936-cı ildə Anna yoldaşı ilə birlikdə Kaliforniyaya köçdü və 1939-cu ildə burada vəfat etdi. Onun "Triton körpələri" adlı əsəri hal hazırda Boston şəhərində nümayiş etidirlməkdədir.

"Cəsur simasızlar" studiyası

Anna müharibədə yaralanmış əsgərlərə yaşamaq həvəslərini yenidən qaytarmaq məqsədilə "Cəsur simasızlar" studiyasını yaratmışdır. Burada o və həmkarları əsgərlər üçün yeni protez-maskalar hazırlayırdılar. İşə başlayarkən ilk əvvəl üzün xələl görmüş hissəsinin gips qəlibini götürür sonra da eyni üzün fotoşəkildəki əslinə baxaraq yeni bir gips qəlibi hazırlayırdı. Hazırladığı qəlib arasında xələl gəlmiş olan yerlərə əlavələr edərək yeni qəlibə Sumatra ağacının şirəsini töküb elastik bir maska hazırlayırdı. Maskanı mislə örtərək daha yüngül və rahat bir hala gətirir və onları əsgərlərin dəri rənginə uyğun formada rəngləyirdi. Beləliklə Anna 100-ə yaxın üzü parçalanmış insana kömək etmiş və onları yenidən cəmiyyətə qazandırmışdır.

Kitabları

Hieronymus Rides
The Candid Adventurer

İstinadlar

Anna Coleman Ladd // SNAC (ing.). 2010.
"Anna Coleman Ladd". Fine Art May 2007. Rago Arts and Auction Center. 2011-07-15 tarixində . İstifadə tarixi: 2019-04-04.
"Heykeltıraş Anna Coleman Ladd ve onun yüz maskeleri". 2021-10-18 tarixində . İstifadə tarixi: 2019-04-04.
"Women in World War I - Anna Coleman Ladd". National Museum of American History. Smithsonian. 14 November 2018 tarixində . İstifadə tarixi: 1 March 2018.

[_ff79fa4c96093422-1] Anna Coleman Ladd // SNAC (ing.). 2010.

[2] "Anna Coleman Ladd". Fine Art May 2007. Rago Arts and Auction Center. 2011-07-15 tarixində . İstifadə tarixi: 2019-04-04.

[3] "Heykeltıraş Anna Coleman Ladd ve onun yüz maskeleri". 2021-10-18 tarixində . İstifadə tarixi: 2019-04-04.

[:0-4] "Women in World War I - Anna Coleman Ladd". National Museum of American History. Smithsonian. 14 November 2018 tarixində . İstifadə tarixi: 1 March 2018.