Campyero Boniperti it Giampiero Boniperti dʒamˈpjɛːro boniˈpɛrti 4 iyul 1928 18 iyun 2021 Turin italiyalı idman və siyas

Campyero Boniperti (it. Giampiero Boniperti [dʒamˈpjɛːro boniˈpɛrti]; 4 iyul 1928 – 18 iyun 2021, Turin) — İtaliyalı idman və siyasi xadim. Keçmiş futbolçu. Mövqeyi hücumçu olub. "Yuventus" və İtaliya milli komandasının oyunçusu olub.

Campyero Boniperti
it. Giampiero Boniperti

Ümumi məlumatlar
Ləqəbi	Marisa
Doğum tarixi	4 iyul 1928(1928-07-04)
Vəfat tarixi	18 iyun 2021(2021-06-18)(92 yaşında)
Vəfat yeri	Turin, Pyemont, İtaliya
Vətəndaşlığı	İtaliya
Boyu	175 sm
Çəkisi	76 kq
Mövqeyi	cinah yarımmüdafiəçisi^[d]
Vikianbarda əlaqəli mediafayllar

Karyera

Klub

Futbol karyerasına 1946-cı ildə başlayıb. Karyerası ərzində ancaq bir klubun, Turinin "Yuventus" klubunun şərəfini qoruyub. 1954-cü ildə "Yuventus"un kapitanı olub. Karyerası boyunca "Yuventus"un heyətində 182 qol vurub. 40 il ərzində "Yuventus"un ən məhsuldar oyunçusu olub. 2006-cı ildən bəri Alessandro Del Pyerodan sonra, "Yuventus"un heyətində ikinci ən çox qol vurmuş oyunçudur.

Karyerasını 1961-ci ildə bitirib. Karyerasını bitirdikdən sonra "Yuventus"da işləyib və 1971-ci ildə "Yuventus"un prezidenti seçilib. 1990-cı ilə kimi bu vəzifədə çalışıb.

Milli komanda

1947-ci ildə Milli komandaya dəvət alıb. Debüt oyunu 9 noyabr 1947-ci ildə Avstriya millisinə qarşı olub. 1952-ci ildə Milli komandanın kapitanı olub. Milli komandada 38 oyun keçirib 8 qol vurub. Milli komandada son oyununu 1960-cı ildə keçirib.

Karyerasını bitirdikdən sonra

Klub Prezidenti

1971-ci ildə "Yuventus"un prezidenti seçilib. Bu vəzifədə 1990-cı ilə kimi işləyib. Onun rəhbərliyi altında komanda 9 dəfə A Seriyasının qalibi olaraq 9 skudetto qazanır. İtaliya kubokunda "Yuventus" 4 dəfə qalib olur. Avrokubpklarda isə mümkun olan bütun turnirlərdə klub qalib olur və Avropa Çempionlar kuboku, qitələrarası kubok, kuboklar kuboku, UEFA kuboku və UEFA Superkubokunu qazanır. Hal hazırda "Yuventus"un Fəxri Prezidentidir.

Siyasət

1990-cı ildə "Yuventus"un prezidentlik postunu tərk etdikdən sonra siyasət ilə məşğul olur. 1994–1999 — Forza Italia hərəkatından Avropa Parlamentinin üzvü seçilir.

Uğurları

Komanda

İtaliya çempionu (5): 1949/50, 1951/52, 1957/58, 1959/60, 1960/61
İtaliya Kubokunun qalibi (2): 1958/59, 1959/60

Fərdi

İtaliya çempionatının bombardiri: 1947/48
İtalyan Futbol Şöhrət Salonunun üzvu: 2012
Böyük Zabit (30 sentyabr 1991)
İtaliya Respublikasının xidmətlərinə görə ordeni komandiri (2 iyun 1975)

Pele tərəfindən, hal hazırda həyatda olan 125 futbolçunun daxil olduğu FIFA 100 siyahısına daxil edilib.

İstinadlar

Giampiero Boniperti // Transfermarkt (çd.). 2000.
https://www.ilgiorno.it/cronaca/giampiero-boniperti-morto-1.6497249.
Olympedia (ing.). 2006.
Дель Пьеро обогнал Бониперти, Роберто Карлос — Ди Стефано ^{[ölü keçid]}
Grande Ufficiale Ordine al Merito della Repubblica Italiana Geom. Giampiero Boniperti (ital.)
Commendatore Ordine al Merito della Repubblica Italiana Geom. Giampiero Boniperti (ital.)

Xarici keçidlər

Tərcümeyi-hal: footballplayers.ru 2021-01-17 at the Wayback Machine
Giampiero Boniperti — Beynəlxalq Maçlarda Qollar (ing.) )
Campyero Boniperti National-Football-Teams.com'da

[_a8658e0bf6298186-1] Giampiero Boniperti // Transfermarkt (çd.). 2000.

[_cfbe5d15377a0b2f-2] ttps://www.ilgiorno.it/cronaca/giampiero-boniperti-morto-1.6497249.

[_e7f583a2210967c3-3] Olympedia (ing.). 2006.

[4] Дель Пьеро обогнал Бониперти, Роберто Карлос — Ди Стефано ^{[ölü keçid]}

[5] Grande Ufficiale Ordine al Merito della Repubblica Italiana Geom. Giampiero Boniperti (ital.)

[6] Commendatore Ordine al Merito della Repubblica Italiana Geom. Giampiero Boniperti (ital.)