Eldar Xəlilov

Eldar Xəlil oğlu Xəlilov (19 avqust 1976, Zəngilər, Zəngibasar rayonu – 17 mart 1995, Bakı) — Azərbaycanın Milli Qəhrəmanı, Mart hadisələri şəhidi.

Eldar Xəlilov
Eldar Xəlil oğlu Xəlilov
Şəxsi məlumatlar
Doğum tarixi	19 avqust 1976(1976-08-19)
Doğum yeri	Zəngilər, Zəngibasar rayonu, Ermənistan SSR, SSRİ
Vəfat tarixi	17 mart 1995(1995-03-17) (18 yaşında)
Vəfat yeri	Bakı, Azərbaycan
Vəfat səbəbi	döyüşdə ölüm
Dəfn yeri	Şəhidlər Xiyabanı
Vətəndaşlığı	SSRİ→ Azərbaycan
Hərbi fəaliyyəti
Təltifləri

Həyatı

Eldar Xəlilov 19 avqust 1976-cı il Qərbi Azərbaycanın Zəngibasar rayonunun Zəngilər kəndində anadan olmuşdur.

1983-cü ildə Zəngilər kəndində ibtidai təhsilinə başlamış, 1988-ci ildə Ermənistanda yaşayan azərbaycanlıların deportasiyası nəticəsində ailəsi ilə birlikdə Bakı şəhərində məskunlaşmışdır. Ardınca təhsilini 96 və 252 saylı tam orta məktəblərdə davam etdirmiş, Bakıda yerləşən 10 saylı texniki-peşə məktəbini bitirmişdir.

Subay idi.

Hərbi xidməti

29 sentyabr 1994-cü ildə Sabunçu rayon Hərbi Komissarlığı tərəfindən Milli Ordu sıralarına çağırılmışdır.

Mart hadisələri

1995-ci il mart hadisələri zamanı dövlətə tabe olmayan silahlı dəstənin zərərsizləşdirilməsi zamanı qəhrəmancasına şəhid olmuşdur. Eldar Xəlilov Şəhidlər xiyabanında dəfn edilmişdir.

Təltifləri

• Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Xəlilov Eldar Xəlil oğlu ölümündən sonra "Azərbaycanın Milli Qəhrəmanı" adına layiq görülmüşdür.

İrsi

Bakının Bakıxanov qəsəbəsindəki küçələrdən biri Milli qəhrəmanın adını daşıyır.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 132.

İstinadlar

Xarici keçidlər

• Xəlilov Eldar 2014-10-22 at the Wayback Machine
• Eldar Xəlilov 2011-11-17 at the Wayback Machine