Mikelancelo Antonioni

Mikelancelo Antonioni — italyan kinorejissoru.

Mikelancelo Antonioni
it. Michelangelo Antonioni
Doğum tarixi	29 sentyabr 1912
Doğum yeri	Ferrara, İtaliya krallığı
Vəfat tarixi	30 iyul 2007 (94 yaşında)
Vəfat yeri	Roma, İtaliya
Milliyyəti	İtalyan
Vətəndaşlığı	İtaliya  İtaliya krallığı
Fəaliyyəti	Rejissor
Fəaliyyət illəri	1950–2007
Təhsili	Boloniya Universiteti (bilinmir–1935), Eksperimental Kinematoqrafiya Mərkəzi^[d] (1940–1942)
Mükafatları
IMDb	ID0000774
michelangeloantonioni.it
Vikianbarda əlaqəli mediafayllar

Həyatı

Mikelancelo Antonioni 30-cu illərdə kino tənqidçisi və ssenarist kimi fəaliyyətə başlamış, "Bianco e nero" və "Cinema jurnallarında işləyən antifaşist əhvali-ruhiyyəli gənc qrupuna daxil olmuşdur.

Yaradıcılığı

“Po çayı sahilində yaşayan adamlar” (1947) Antonioninin rejissor debütüdür. İnsanın tənhalığı, cəmiyyətin amansızlığı Antonioni filmlərinin əsas mövzusudur. “Süpürgəçilər” (1948), “Mövhumat”, “Eybəcərlər evi” və s. sənədli filmlər çəkmişdir. “Bir sevginin tarixçəsi” (1950) Antonioninin ilk bədii filmidir. “Rəfiqələr” (1955) “Qışqırıq” (1957), “Macəra” (1960), “Gecə” (1960), “Tutqunluq”(1961), “Qırmızı səhra” (1964), "Şəkilböyütmə" (1966), "Zabriski Poynt" (1970), “Peşəsi reportyordur” (1975), "Qadınların eyniləşməsi" (1982) Antonioninin məşhur filmləridir. Rəqəmli texnologiyadan istifadə edərək yeni bədii effektlərə nail olmağa can atmış və “Ober valdın sirri” adlı televiziya filmi çəkmişdir. Sevdiyi mövzulara qayıdaraq, rejissor “Qadınların eyniləşməsi” (1982) filmini yaratdıqdan sonra 1960-cı illərdəki estetik duyumunun tükəndiyini hiss edir. Ağır xəstəlik keçirdikdən sonra yalnız 1997-ci ildə V.Venderslə birlikdə “Buludlar arxasında”, 2004-cü ildə isə “Eros” filmlərini çəkmişdir. Mikelancelo Antonioni film çəkilişləri üçün 1976-ci ildə 10 günlük Azərbaycanda olub.

Mükafatları

Antonioninin filmləri yüksək rejissorluq sənəti nümunələridir. Bir çox filmi Beynəlxalq kino festivallarında mükafatlar almışdır. O, "Şəkilböyütmə" filminə görə Kann kinofestivalının baş mükafatına layiq görülmüşdür. 1997-ci ildə isə kino fəaliyyətinə görə “Oskar” mükafatına layiq görülmüşdür.
, ,

Filmoqrafiya

• "Po çayı sahilində yaşayan adamlar" (1947)
• "Süpürgəçilər" (1948)
• "Müvhumat"
• "Eybəcərlər evi"
• "Bir sevginin tarixçəsi" (1950) / Cronaca di un amore
• "Rəfiqələr" (1955)
• "Qışqırıq" (1957) / Il grido
• "Macəra" (1960) / L’avventura
• "Gecə" (1960) / La notte
• "Tutqunluq" (1961) / L’eclisse
• "Qırmızı səhra" (1964) / Il deserto rosso
• "Şəkilböyütmə" (1966) / Blowup
• "Zabriski Poynt" (1970) / Zabriskie Point
• "Peşəsi reportyordur" (1975)
• "Ober valdın sirri" (1980)
• "Qadınların eyniləşməsi" (1982)

İstinadlar

1. "Bakıda portağal yağı axtaran dünya şöhrətli rejissorun sərgüzəştləri". 2020-09-21 tarixində . İstifadə tarixi: 2015-01-31.
2. Mikelancelo Antonioni — IMDb səhifəsi
3. Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 554. ISBN .

Xarici keçidlər

• Michelangelo Antonioni
• Kinorejissor Mikelancelo Antonioni 94 yaşında dünyasını dəyişib^{[ölü keçid]}