Yoşida Hideo

Yoşida Hideo (吉田 秀雄, 9 noyabr 1903, Kokura, Fukuoka prefekturası – 27 yanvar 1963, Tokio) – "" reklam agentliyinin dördüncü prezidenti. Yaponiyada reklam biznesinin inkişafı üçün işlər görmüşdür.

Yoşida Hideo
yap. 吉田 秀雄
Doğum tarixi	9 noyabr 1903(1903-11-09)
Doğum yeri	Kokura, Fukuoka prefekturası, Yaponiya
Vəfat tarixi	27 yanvar 1963(1963-01-27) (59 yaşında)
Vəfat yeri	Tokio, Yaponiya
Vəfat səbəbi	mədə xərçəngi
Təhsili	Tokio Universiteti
Fəaliyyəti	iş adamı
Mükafatları
Vikianbarda əlaqəli mediafayllar

Həyatı və karyerası

İlk illəri

Yoşida Hideo 1903-cü ildə Yaponiyanın Fukuoka prefekturasının Kokura şəhərində doğulmuşdur. Ailəsinin maddi vəziyyəti pis olduğu üçün iki dəfə övladlığa verilmişdir. 1928-ci ildə Tokio Universitetinin iqtisadiyyat fakültəsindən məzun olmuş və Yaponiya Teleqraf Kommunikasiyasının nəzdində olan "Dentsu" reklam agentliyinə qoşulmuşdur. Burada Qərb ədəbiyyatını oxuyaraq reklam sahəsini öyrənməyə başlamışdır.

Müharibədən sonra

İkinci dünya müharibəsindən sonra agentlik cavan kadrları idarəçiliyə cəlb etmək siyasətini izləməyə qərar vermiş və o, 1947-ci ildə prezident seçilmişdir. Həmin il əsasını qoymuşdur. Yaponiyada kommersiya məqsədli radio və televiziya yayımının başlamasında vacib rolu olmuşdur.NHK direktoru, eləcə də, Tokio Ticarət və Sənaye Palatasının üzvü olmuşdur. 1956-cı ildə xaricə səyahət etmiş, müxtəlif ölkələrin reklam biznesini müşahidə etmiş, xüsusilə, ABŞ-nin reklam agentliyi biznesindən təsirlənmişdir. ABŞ-nin Dövriyyə üzrə Audit Bürosu sistemini Yaponiyaya tanıtmış və Yaponiyada Dövriyyə üzrə Audit Bürosu Assosiasiyasını yaratmışdır. Yaponiyada ictimai əlaqələr sisteminin əsasını qoymuşdur. 1958-ci ildə ABŞ-nin "" jurnalı onun uğurlarını işıqlandırmışdır. 1962-ci ildə onun təşəbbüsü ilə Ümumyapon Reklam Şurası yaradılmış və Yoşida şuranın direktoru təyin olunmuşdur.

Yoşida 27 yanvar 1963-cü ildə ölmüşdür. Ölümündən iki gün sonra – 29 yanvarda Yaponiya hökuməti tərəfindən ilə təltif olunmuşdur.

İrsi

1965-ci ildə təsis olunmuşdur. 2002-ci ildə bu fond tərəfindən Yoşida Hideonun 100 illik yubileyi münasibətilə Yaponiyada reklamçılığa həsr olunmuş yeganə muzey olan Tokio Reklam Muzeyi yaradılmışdır. 1966-cı ildə Yoşida Hideo Memorial Zalının Reklam Kitabxanası adı ilə qurulmuş muzey kitabxanası isə Yaponiyada reklam kommunikasiyası sahəsində ixtisaslaşmış yeganə kitabxanadır.

İstinadlar

1. The Japan Biographical Encyclopedia & Who's Who. səh. 1924
2. "The life of Yoshida Hideo". Tokio Reklam Muzeyinin rəsmi saytı (ingiliscə). 25 iyul 2023 tarixində . İstifadə tarixi: 25 iyul 2023.
3. Kodansha Encyclopedia of Japan. səh. 341
4. "Museum Overview". Tokio Reklam Muzeyinin rəsmi saytı (ingiliscə). 25 iyul 2023 tarixində . İstifadə tarixi: 25 iyul 2023.
5. "Library". Tokio Reklam Muzeyinin rəsmi saytı (ingiliscə). 25 iyul 2023 tarixində . İstifadə tarixi: 25 iyul 2023.

Ədəbiyyat

• The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1924. İstifadə tarixi: 25 iyul 2023.
• Kodansha Encyclopedia of Japan (ingiliscə). VIII cild (Temp–Z). Tokio: Kodansha. 1983. səh. 341. ISBN . İstifadə tarixi: 25 iyul 2023.