Uçida Kuiçi

Uçida Kuiçi (内田 九一, 1844, Naqasaki – 17 fevral 1875, Suruqaday^[d], Tokio) – Yaponiya portret və peyzaj fotoqrafı. Yaponiyada fotoqrafiyanın qabaqcıllarından biri olmuşdur. İmperator Meycinin ilk rəsmi fotoportretini çəkmişdir.

Uçida Kuiçi
yap. 内田九一
Doğum tarixi	1844^[…]
Doğum yeri	Naqasaki, Naqasaki prefekturası, Yaponiya
Vəfat tarixi	17 fevral 1875(1875-02-17)
Vəfat yeri	Suruqaday^[d], Çiyoda, Tokio, Yaponiya
Vəfat səbəbi	ağciyər iltihabı
Fəaliyyəti	fotoqraf
Fəaliyyət illəri	1860–1875
Vikianbarda əlaqəli mediafayllar

İlk illəri

İmperator Meycinin Uçida tərəfindən çəkilmiş fotoportreti (1873).

Uçida Kuiçi təxminən 1844-cü ildə doğulmuşdur. Atası vəba xəstəliyindən öldükdən sonra dayısı tərəfindən himayəyə götürülmüşdür. Yoşio hollandların Naqasakidə yerləşən tibb məktəbində təhsil alırdı və fotoqrafiyanı öyrənirdi. Uçida dayısının təsiri ilə holland dilinə və fotoqrafiyaya maraq göstərməyə başlamışdır.

Fotoqrafiya

Uçida hollandların tibb məktəbində şagirdi olmuş və Ueno Hikoma ilə tanış olmuşdur. O, 1863-cü ildə fotoqrafiya ləvazimatlarının idxalı biznesi qurmuş və 1865-ci ildə Kobeyə köçərək Ueno Hikomanın qardaşı ilə birlikdə fotostudiya açmışdır. 1865-ci ildə Osakaya köçmüş və Osakadakı ilk fotostudiyanı açmışdır.Osaka qəsrində Tokuqava şoqunluğuna xidmət edən samurayların fotoportretlərini çəkməyə başlamışdır. Okubo adlı yerli hakimə kömək edərək samuray statusu əldə etmişdir. 1868-ci ildə Yokohamaya köçərək samurayların fotoportretlərini çəkməyə davam etmişdir. 1869-cu ildə Tokionun bölgəsində fotostudiyasının yeni şöbəsini açmışdır.

Uçidan reputasiya getdikcə böyümüş və İmperator Evi Agentliyi tərəfindən fotolarını çəkməklə vəzifələndirilmişdir. 1872-ci ilin mayında İmperator və ilk rəsmi fotoportretlərini çəkmiş, 17 oktyabr onların 72 fotosunu təqdim etmişdir. Həmin il mərkəzi Yaponiya və Kyuşuya səfər edən imperatoru müşayiət etmək və səfərin fotolarını çəkməklə vəzifələndirilmişdir. İmperator birinci avtoportretdə ənənəvi geyimdə təsvir olunduğu üçün dövlət rəsmiləri bunun Yaponiyanı geridəqalmış ölkə kimi göstərəcəyindən narahat olmuşdurlar. Bu səbəbdən Uçida 8 oktyabr 1873-cü ildə növbəti dəfə İmperator Meycinin rəsmi fotoportretini hazırlamışdır. Bu avtoporetdə imperator Qərb geyimində və saç düzümündə çəkilmişdir.

Uçida portret və peyzaj fotoqrafı kimi tanınmış, dövrünün ən yaxşı yapon fotoqraflarından biri hesab olunmuşdur. Studiyası tez-tez xaricilər tərəfindən ziyarət olunurdu. O, 17 fevral 1875-ci ildə ağciyər iltihabı səbəbilə ölmüşdür. Ölümündən sonra neqativlərinin çoxu Kusakabe Kimbey tərəfindən, studiyası isə Kitaniva Tsukuba tərəfindən satın alınmışdır.

Qalereya

• İmperator Meycinin avtoportreti (1872)
• "Naqasakinin mənzərəsi" (1872)
• "Nakaşima çayı" (1870)
• "Decima adası" (1870)

Qeydlər

1. Uçidanın doğum ili mübahisəlidir. Bəzi müəlliflər 1843-cü ildə, bəziləri 1846-cı ildə doğulduğunu iddia edir.
2. Morita Reyzo ilə birlikdə açdığı iddia olunur.

İstinadlar

1. Uchida Kuichi // RKDartists (nid.).
2. Uchida Kuichi // Photographers’ Identities Catalog.
3. RKDartists (nid.).
4. Bennet, 2006. səh. 77
5. Bennet, 1996. səh. 54
6. Bennet, 2006. səh. 128
7. Bennet, 2006. səh. 317
8. Hannavy. səh. 1415
9. Keene, Donald. Emperor of Japan: Meiji and His World, 1852-1912. Columbia University Press. 2002. səh. 237, 773. ISBN . İstifadə tarixi: 22 noyabr 2024.
10. Bennet, 2006. səh. 16
11. Bennet, 2006. səh. 80
12. Bennet, 2006. səh. 195

Ədəbiyyat

• Bennett, Terry. Photography in Japan: 1853–1912 (ingiliscə). Tuttle Publishing. 2006. 76–81. ISBN . İstifadə tarixi: 22 noyabr 2024.
• Hannavy, John. Encyclopedia of Nineteenth-Century Photography (ingiliscə). Routledge. 2008. səh. 1415. ISBN . İstifadə tarixi: 22 noyabr 2024.
• Bennett, Terry. Early Japanese Images (ingiliscə). Kodansha International. 1996. 54–56. ISBN . İstifadə tarixi: 22 noyabr 2024.