Müseyib Əmirov

Müseyib Arif oğlu Əmirov (24 dekabr 1963, Bakı) — Azərbaycan boyakarı, Azərbaycan Respublikasının əməkdar rəssamı (2006).

Müseyib Əmirov
Doğum tarixi	24 dekabr 1963(60 yaş)
Doğum yeri	Bakı, Azərbaycan SSR, SSRİ
Vətəndaşlığı	Azərbaycan
Fəaliyyəti	rəssam
Təhsili	Əzim Əzimzadə adına Azərbaycan Dövlət Rəssamlıq Məktəbi, Azərbaycan Dövlət İncəsənət İnstitutu
Mükafatları	2006

Həyat və yaradıcılığı

Müseyib Əmirov 1963-cü ildə Bakıda rəssam Arif Əmirovun ailəsində dünyaya gəlmişdir. 1979-cu ildə Əzim Əzimzadə adına Azərbaycan Dövlət Rəssamlıq Məktəbini, 1987-ci ildə isə Azərbaycan Dövlət İncəsənət İnstitutunu bitirmişdir. 1996-cı ildən Azərbaycan Rəssamlar İttifaqının üzvüdür. Rəssam müəyyən müddət Azərbaycan Rəssamlıq Akademiyasında "Eksperimental rəsm" sinfi üzrə dərs demişdir.

Rəssam bir çox beynəlxalq layihələrdə, eləcə də Parisdə, Vaşinqtonda, Lüksemburqda keçirilmiş sərgilərdə iştirak etmişdir. Onun bir sıra fərdi sərgiləri keçirilmişdir. Bunlardan 2014-cü ildə Bakıda , 2015-ci ildə Müasir İncəsənət Muzeyində, həmçinin 2019-cu ildə Moskvada təşkil olunmuş sərgiləri qeyd etmək olar.

Rəssamın əsərləri bir sıra muzey və qalereyalarda, Azərbaycan, Rusiya, ABŞ, İsveç, Fransa, Almaniya, Litva, Böyük Britaniya, Türkiyə, İtaliya, Danimarka və Norveçdə şəxsi kolleksiyalarda saxlanılır.

Müseyib Əmirov Azərbaycan təsviri sənətinin inkişafındakı xidmətlərinə görə 29 dekabr 2006-cı ildə "Azərbaycan Respublikasının əməkdar rəssamı" fəxri adına layiq görülmüşdür.

Azərbaycan SSR xalq maarifi komissarı Müseyib Şahbazovun nəvəsidir.

İstinadlar

1. "YAY qalereyasında Müseyib Əmirovun fərdi sərgisi açılıb". trend.az. 3 mart 2014. 2 iyul 2021 tarixində . İstifadə tarixi: 2 iyul 2021.
2. "Müseyib Əmirov". nar-gallery.com. 2 iyul 2021 tarixində . İstifadə tarixi: 2 iyul 2021.
3. ""YAY!" Qalereyasında Azərbaycanın Əməkdar Rəssamı Müseyib Əmirovun fərdi sərgisi açılacaqdır". azertag.az. Azərbaycan Dövlət İnformasiya Agentliyi. 21 fevral 2014. 2 iyul 2021 tarixində . İstifadə tarixi: 2 iyul 2021.
4. "YAY qalereyasında Müseyib Əmirovun fərdi sərgisi". yarat.az. . 2021-07-09 tarixində . İstifadə tarixi: 2 iyul 2021.
5. "Müasir İncəsənət Muzeyində əməkdar rəssam Müseyib Əmirovun fərdi sərgisi açılıb". sesqazeti.az. "Səs" qəzeti. 15 yanvar 2015. 2 iyul 2021 tarixində . İstifadə tarixi: 2 iyul 2021.
6. "Moskvada azərbaycanlı rəssam Müseyib Əmirovun sərgisi". medeniyyet.az. "Mədəniyyət" qəzeti. 26 aprel 2019. səh. 8. 2 iyul 2021 tarixində . İstifadə tarixi: 2 iyul 2021.
7. "Müasir İncəsənət Muzeyində əməkdar rəssam Müseyib Əmirovun fərdi sərgisi açılacaq". apa.az. 8 yanvar 2015. 2 iyul 2021 tarixində . İstifadə tarixi: 2 iyul 2021.
8. "Azərbaycan rəssamlarına Azərbaycan Respublikasının fəxri adlarının verilməsi haqqında Azərbaycan Respublikası Prezidentinin Sərəncamı". e-qanun.az. 29 dekabr 2006. 2 iyul 2021 tarixində . İstifadə tarixi: 2 iyul 2021.