Musa bəy Rəfiyev tam adı Musa bəy Hacı Məmmədhüseyn oğlu Rəfiyev 1888 Yelizavetpol 1938 Təbriz azərbaycanlı ictimai siya

Musa bəy Rəfiyev (tam adı: Musa bəy Hacı Məmmədhüseyn oğlu Rəfiyev; 1888, Yelizavetpol – 1938, Təbriz) — azərbaycanlı ictimai-siyasi və dövlət xadimi. Zaqafqaziya Seyminin Müsəlman fraksiyasının və Azərbaycan Cümhuriyyəti Milli Şurasının üzvü olub. Azərbaycan Cümhuriyyətinin ikinci və beşinci hökumətlərində nazir vəzifəsini daşıyıb. Azərbaycan Cümhuriyyəti Parlamentinə Müsavat partiyasından seçilərək Maliyyə-büdcə komissiyasında fəaliyyət göstərib.

Musa bəy Rəfiyev
Musa bəy Hacı Məmmədhüseyn oğlu Rəfiyev

Azərbaycan Cümhuriyyətinin İctimai Təminat və Səhiyyə naziri
24 dekabr 1919 – 1 aprel 1920
Əvvəlki	vəzifə təsis edilib
Sonrakı	vəzifə ləğv olunub
Şəxsi məlumatlar
Doğum tarixi	1888
Doğum yeri	Yelizavetpol, Yelizavetpol quberniyası, Rusiya imperiyası
Vəfat tarixi	1938
Vəfat yeri	Təbriz, Təbriz şəhristanı, Şərqi Azərbaycan ostanı, İran
Partiya	Türk Ədəmi-Mərkəziyyət Firqəsi, Müsavat Partiyası
Təhsili	Gəncə Kişi Gimnaziyası, Taras Şevçenko adına Kiyev Milli Universiteti
Fəaliyyəti	siyasətçi
Atası	Hacı Məmmədhüseyn Rəfiyev

Aprel işğalına qarşı baş tutmuş Gəncə üsyanının iştirakçısı olub, üsyan məğlub olduqdan sonra mühacirət edib.

Həyatı

Musa Rəfiyev 1888-ci ildə Gəncə şəhərində anadan olub. İlk təhsilini Gəncənin Şah Abbas məscidinin nəzdində fəaliyyət göstərən mədrəsədə, daha sonra isə Gəncə Kişi Gimnaziyasında alıb.Gəncə Kişi Gimnaziyasını gümüş medalla bitirdikdən sonra Kiyev İmperator Universitetinə daxil olub. 1908-ci ildə Kiyev İmperator Universtitetinin tibb fakültəsini bitirdikdən sonra universitetin nəzdində olan klinikada ordinator kimi fəaliyyət göstərib. Həmin ilin noyabr ayında Gəncəyə qayıdaraq Yelizavetpol şəhər xəstəxanasında həkim kimi fəaliyyət göstərməyə başlayıb. Nümunəvi fəaliyyətinə görə 1913-cü ildə "Titulyar müşavir", 1914-cü ildə "Kollej assesoru", 1916-cı ildə isə "Saray müşaviri" çini alıb. 1914-cü ilin sonlarında Musa bəy Rəfiyev Həsən bəy Ağayev və Xudadat bəy Rəfibəyli ilə birlikdə Gəncədə ilk səhiyyə cəmiyyətini yaradıb.

Musa bəy Rəfiyev (mərkəzdə) və Kiyev İmperator Universitetinin tələbələri

Fevral inqilabından sonra Müvəqqəti hökumətin yaratdığı Xüsusi Zaqafqaziya Komitəsinin Yelizavetpol quberniyası üzrə müvəkkli olub.Nəsib bəy Yusifbəyli tərəfindən qurulmuş Türk Ədəmi-Mərkəziyyət Firqəsinin ilk üzvlərindən olub. 1917-ci ilin iyun ayının 17-də Müsavat partiyası ilə Türk Ədəmi-Mərkəziyyət Partiyasının Birləşmə qurultayı keçirilib. Musa bəy Rəfiyev bu qurultaydan sonra yaradılmış mərkəzi komitənin üzvlərindən biri olub.Zaqafqaziya Seyminin Müsəlman fraksiyasının, Zaqafqaziya Demokratik Federativ Respublikası dağıldıqdan sonra isə Azərbaycan Cümhuriyyəti Milli Şurasının üzvü olub.

1918-ci il iyunun 17-də Azərbaycan Cümhuriyyətinin ikinci hökumət kabinetində Musa bəy Rəfiyev portfelsiz nazir təyin olunub. 1918-ci ilin oktyabrın 6-da Nazirlər Şurasının Sədri Fətəli xan Xoyski kabinədaxili dəyişikliklər etdikdən sonra Musa bəy Rəfiyev Himayədarlıq və Dini Etiqad naziri təyin edilir. 1918-ci il noyabrın 14-də Vilyam Tomsonla danışıqlar aparmaq üçün Ənzəliyə göndərilmiş Azərbaycan nümayəndə heyətinin üzvü olub. 1918-ci ilin dekabrın 7-də fəaliyyətə başlayan Azərbaycan Cümhuriyyəti Parlamentinə Müsavat partiyasından seçilərək Maliyyə-büdcə komissiyasında fəaliyyət göstərib. Musa bəy Rəfiyev 22 dekabr 1919-cu ildə formalaşdırılmış beşinci hökumət kabinetində İctimai təminat və səhiyyə naziri vəzifəsinə təyin olunub. Bu vəzifəni 1920-ci il aprelin 1-nə qədər icra edib. Fəaliyyət göstərdiyi müddətdə onun rəhbərliyi altında Azərbaycanda 35 xəstəxana, 56 feldşer məntəqəsi açılıb.

Aprel işğalından sonra işğala qarşı baş tutmuş Gəncə üsyanının iştirakçılarından biri olub. Üsyan yatırıldıqdan sonra Türkiyəyə mühacirət edib.Məmməd Əmin Rəsulzadə Türkiyəyə gələnə qədər İstanbulda yaradılmış Azərbaycan Komitəsinə rəhbərlik edib. 1925-ci ildə ailəsi ilə birlikdə Təbrizə köçüb. Burada klinika açıb və özü də orada həkimlik edib. 1938-ci ildə Təbrizdə dünyasını dəyişib.

Həmçinin bax

Rəfibəylilər

İstinadlar

Yaqublu, Nəsiman. Cümhuriyyət qurucuları (PDF) (az.). Bakı: Nurlar. 2018. 317. ISBN . 2021-04-11 tarixində (PDF). İstifadə tarixi: 2024-05-29.
Azərbaycan Xalq Cümhuriyyəti Ensiklopediyası (PDF) (az.). II. Bakı: Lider nəşriyyat. 2005. 305. ISBN . 2015-10-18 tarixində (PDF). İstifadə tarixi: 2024-05-29.
Rəfiyev, Tofiq. "Муса Рафиев - один из создателей Азербайджанской Демократической Республики". 1news.az (rus). 2022-05-29. 2022-07-05 tarixində . İstifadə tarixi: 2024-05-29.
Azərbaycan Xalq Cümhuriyyətinin Gəncə Quberniyasından olan dövlət xadimləri (PDF) (az.). Gəncə: Elm nəşriyyatı. 2018. 190. 2022-12-19 tarixində (PDF). İstifadə tarixi: 2024-05-29.
Гаджиев, Н. "Как это было: Гянджа в начале ХХ века". azerhistory.com (rus). 2020-11-29. 2023-01-09 tarixində . İstifadə tarixi: 2024-05-29.
Yaqublu, Nəsiman. Cümhuriyyət qurucuları (PDF) (az.). Bakı: Nurlar. 2018. 81. ISBN . 2021-04-11 tarixində (PDF). İstifadə tarixi: 2024-05-29.
Azərbaycan Xalq Cümhuriyyəti: 100 sual, 100 cavab (PDF). Bakı: Mütərcim. 2018. səh. 40.
Azərbaycan Xalq Cümhuriyyəti Ensiklopediyası (PDF) (az.). I. Bakı: Lider nəşriyyat. 2004. 236. ISBN . 2022-03-06 tarixində (PDF). İstifadə tarixi: 2024-05-29.
Адрес-календарь Азербайджанской Республики на 1920-й год. Баку, 1920 (PDF) (rus). Bakı: Nağıl evi. 2011. 269. ISBN . 2021-01-31 tarixində (PDF). İstifadə tarixi: 2024-05-14.
Azərbaycan Xalq Cümhuriyyəti: 1918-1920: Parlament (stenoqrafik hesabatlar) (az.). I. Bakı: Azərbaycan nəşriyyatı. 1998. 139. 2024-05-29 tarixində . İstifadə tarixi: 2024-05-29.
Адрес-календарь Азербайджанской Республики на 1920-й год. Баку, 1920 (PDF) (rus). Bakı: Nağıl evi. 2011. 273. ISBN . 2021-01-31 tarixində (PDF). İstifadə tarixi: 2024-05-14.
Azərbaycan Xalq Cümhuriyyəti Ensiklopediyası (PDF) (az.). I. Bakı: Lider nəşriyyat. 2004. 124. ISBN . 2022-03-06 tarixində (PDF). İstifadə tarixi: 2024-05-29.
Azərbaycan Xalq Cümhuriyyəti Ensiklopediyası (PDF) (az.). I. Bakı: Lider nəşriyyat. 2004. 274. ISBN . 2022-03-06 tarixində (PDF). İstifadə tarixi: 2024-05-29.
Azərbaycan Xalq Cümhuriyyətinin Gəncə Quberniyasından olan dövlət xadimləri (PDF) (az.). Gəncə: Elm nəşriyyatı. 2018. 191. 2022-12-19 tarixində (PDF). İstifadə tarixi: 2024-05-29.
Azərbaycan Xalq Cümhuriyyəti Ensiklopediyası (PDF) (az.). II. Bakı: Lider nəşriyyat. 2005. 306. ISBN . 2015-10-18 tarixində (PDF). İstifadə tarixi: 2024-05-29.

[:0-1] Yaqublu, Nəsiman. Cümhuriyyət qurucuları (PDF) (az.). Bakı: Nurlar. 2018. 317. ISBN . 2021-04-11 tarixində (PDF). İstifadə tarixi: 2024-05-29.

[:03-2] Azərbaycan Xalq Cümhuriyyəti Ensiklopediyası (PDF) (az.). II. Bakı: Lider nəşriyyat. 2005. 305. ISBN . 2015-10-18 tarixində (PDF). İstifadə tarixi: 2024-05-29.

[:1-3] Rəfiyev, Tofiq. "Муса Рафиев - один из создателей Азербайджанской Демократической Республики". 1news.az (rus). 2022-05-29. 2022-07-05 tarixində . İstifadə tarixi: 2024-05-29.

[:3-4] Azərbaycan Xalq Cümhuriyyətinin Gəncə Quberniyasından olan dövlət xadimləri (PDF) (az.). Gəncə: Elm nəşriyyatı. 2018. 190. 2022-12-19 tarixində (PDF). İstifadə tarixi: 2024-05-29.

[5] Гаджиев, Н. "Как это было: Гянджа в начале ХХ века". azerhistory.com (rus). 2020-11-29. 2023-01-09 tarixində . İstifadə tarixi: 2024-05-29.

[6] Yaqublu, Nəsiman. Cümhuriyyət qurucuları (PDF) (az.). Bakı: Nurlar. 2018. 81. ISBN . 2021-04-11 tarixində (PDF). İstifadə tarixi: 2024-05-29.

[7] Azərbaycan Xalq Cümhuriyyəti: 100 sual, 100 cavab (PDF). Bakı: Mütərcim. 2018. səh. 40.

[8] Azərbaycan Xalq Cümhuriyyəti Ensiklopediyası (PDF) (az.). I. Bakı: Lider nəşriyyat. 2004. 236. ISBN . 2022-03-06 tarixində (PDF). İstifadə tarixi: 2024-05-29.

[9] Адрес-календарь Азербайджанской Республики на 1920-й год. Баку, 1920 (PDF) (rus). Bakı: Nağıl evi. 2011. 269. ISBN . 2021-01-31 tarixində (PDF). İstifadə tarixi: 2024-05-14.

[10] Azərbaycan Xalq Cümhuriyyəti: 1918-1920: Parlament (stenoqrafik hesabatlar) (az.). I. Bakı: Azərbaycan nəşriyyatı. 1998. 139. 2024-05-29 tarixində . İstifadə tarixi: 2024-05-29.

[11] Адрес-календарь Азербайджанской Республики на 1920-й год. Баку, 1920 (PDF) (rus). Bakı: Nağıl evi. 2011. 273. ISBN . 2021-01-31 tarixində (PDF). İstifadə tarixi: 2024-05-14.

[12] Azərbaycan Xalq Cümhuriyyəti Ensiklopediyası (PDF) (az.). I. Bakı: Lider nəşriyyat. 2004. 124. ISBN . 2022-03-06 tarixində (PDF). İstifadə tarixi: 2024-05-29.

[13] Azərbaycan Xalq Cümhuriyyəti Ensiklopediyası (PDF) (az.). I. Bakı: Lider nəşriyyat. 2004. 274. ISBN . 2022-03-06 tarixində (PDF). İstifadə tarixi: 2024-05-29.

[:32-14] Azərbaycan Xalq Cümhuriyyətinin Gəncə Quberniyasından olan dövlət xadimləri (PDF) (az.). Gəncə: Elm nəşriyyatı. 2018. 191. 2022-12-19 tarixində (PDF). İstifadə tarixi: 2024-05-29.

[:02-15] Azərbaycan Xalq Cümhuriyyəti Ensiklopediyası (PDF) (az.). II. Bakı: Lider nəşriyyat. 2005. 306. ISBN . 2015-10-18 tarixində (PDF). İstifadə tarixi: 2024-05-29.