Mequro Parazitologiya Muzeyi

Mequro Parazitologiya Muzeyi (目黒寄生虫館, Mequro kiseyçukan) – Yaponiyanın Tokio şəhərinin Mequro rayonunda yerləşən tibbi muzey. Dünyada parazitlərə və parazitologiya elminə həsr olunmuş yeganə muzeydir.

Mequro Parazitologiya Muzeyi
Əsası qoyulub	1953
Ölkə	Yaponiya
Yerləşir	Mequro,  Tokio
Ziyarətçi sayı	57.300 nəf. (2017)
kiseichu.org
Vikianbarda əlaqəli mediafayllar

Tarixi

Mequro Parazitologiya Muzeyi 1953-cü ildə Satoru Kameqay tərəfindən Tokio şəhərinin Mequro rayonunda yaradılmışdır.

Xüsusiyyətlər

Muzeyin birinci mərtəbəsində müxtəlif parazit növlərini göstərən xəritələr və heyvan parazitləri nümayiş etdirilir. İkinci mərtəbə insan parazitlərinə həsr olunmuşdur. Muzeyin kolleksiyasına 45.000-dən çox parazit növü daxildir. Parazit növlərinin 300-dən çoxu formalinlə doldurulmuş şüşə qablarda saxlanılır. Muzeydə 92 yaşlı Satoru Kameqayın bədənində tapılmış parazit də nümayiş etdirilir.

Muzeyin əsas xüsusiyyətlərindən biri dünyanın ən böyük lentşəkilli qurd nümunəsinə (8,8 metr) ev sahibliyi etməsidir. Parazitin ölçüsünü daha rahat başa düşmək üçün yanına eyni uzunluqda ip qoyulub

Muzeyi ildə 70.000-ə yaxın şəxs ziyarət edir və onların yarısından çoxu gənclərdir. Muzeyə tez-tez məktəbli ekskursiyaları təşkil olunur.

Muzey maliyyə cəhətdən çətinliklə üzləşdiyi üçün muzey mağazası açılmışdır. Mağazada parazitlərə həsr olunmuş köynəklər, balıqlarda yaşayan parazitinin təsviri olan açar halqaları və ad günü açıqcaları satılır.

İstinadlar

1. "Strange world of parasites on display". Japan Times (ingiliscə). 11 mart 2001. (#archive_missing_date) tarixində . İstifadə tarixi: 15 sentyabr 2022.
2. "Meguro Parasitological Museum". Atlas Obscura (ingiliscə). 23 iyun 2016. 15 sentyabr 2022 tarixində . İstifadə tarixi: 15 sentyabr 2022.

Xarici keçidlər

• kiseichu.org — Mequro Parazitologiya Muzeyinin rəsmi saytı