Karl Dalhauz

Karl Dalhauz (Carl Dahlhaus) — alman musiqişünası və musiqi filosofu.

Karl Dalhauz
Carl Dahlhaus
Ümumi məlumatlar
Doğum tarixi	10 iyul 1928
Doğum yeri	Hannover, Hannover^[d], Prussiya^[d], Veymar Respublikası
Vəfat tarixi	13 mart 1989 (60 yaşında)
Vəfat yeri	Berlin, ADR
Vətəndaşlığı	Almaniya Federativ Respublikası
Musiqiçi məlumatları
Fəaliyyəti	Musiqişünas, musiqi filosofu
Təhsili	Göttingen Universiteti
Mükafatları
Vikianbarda əlaqəli mediafayllar

Həyatı

1947–52-ci illərdə Frayburqda V. Qurlittdən və Göttingendə R. Herberdən dərs almışdır. Harmonik tonallığın genezisi problemləri üzrə professorluq dissertasiyası (1966) və musiqi ritminin tarixinə dair bir sıra araşdırmaları Dalhauza beynəlxalq şöhrət gətirmişdir. 1967–89-cu illərdə Texniki Universitetin (Qərbi Berlin) musiqişünaslıq fakültəsinin professoru olmuşdur.

Fəaliyyəti

H. Rimanın musiqi lüğətinin 3-cü nəşrinin hazırlanmasında H.H. Eggebrextlə əməkdaşlıq etmişdir; terminoloji hissənin bir sıra məqalələrinin müəllifi (1967), personalilərə həsr olunmuş əlavə cildlərin redaktoru (1972–75); R.Vaqnerin əsərlərinin tam külliyyatının baş redaktoru (1970–; nəşri davam edir). Alman Musiqişünaslıq Cəmiyyətinin prezidenti (1977–79); “Musiqişünaslıq üzrə yeni dərslik” seriyasının (c.1–13, 1980–95) və “Musiqili teatr ensiklopediyası”nın (c. 1–16, 1989–97) redaktoru olmuşdur.

Əsərləri

Ensiklopedik təhsilli alim olan Dalhauz kitablarında və çoxsaylı məqalələrində (“Analiz və dəyərlilik mülahizəsi”, 1970; “Musiqi tarixinin əsasları”, 1977; “Mütləq musiqi ideyası”, 1978;, “Şönberq və başqaları”, 1978; “Musiqi realizmi”, 1982 və s.) Avropa musiqi nəzəriyyəsi, tarixi və estetikası problemlərini başlanğıc mərhələsindən müasir dövrədək araşdırmışdır.  

İstinadlar

1. Deutsche Nationalbibliothek Record #118523341 // Ümumi tənzimləmə nəzarəti (GND) (alm.). 2012—2016.
2. Dalhauz// Azərbaycan Milli Ensiklopediyası (25 cilddə). — VI cild. Bakı, 2009. — Səh.: 262.