Hacı Şahin Həsənli

Hacı Şahin (tam adı: Şahin Hüseyn oğlu Həsənli; 7 iyul 1974, Bakı – 2 mart 2023, Bakı) — azərbaycanlı ilahiyyatçı, xeyriyyəçi, din xadimi, ictimai xadim; Məşədi Dadaş məscidinin sabiq axundu, imam-camaatı, imam-cüməsi; "Mənəvi Dünya" Milli-Mənəvi Dəyərlərimizin Təbliği İctimai Birliyinin təsisçisi və sədri (2007–2023); Qafqaz Müsəlmanları İdarəsinin Nəsimi rayonu üzrə nümayəndəsi (2014–2023); QMİ-nin Qazilər şurasının sabiq üzvü.

Hacı Şahin
Şahin Hüseyn oğlu Həsənli
Qafqaz Müsəlmanları İdarəsinin nümayəndəsi
2014 – 2023
Şəxsi məlumatlar
Doğum tarixi	7 iyul 1974(1974-07-07)
Doğum yeri	Bakı, Azərbaycan SSR, SSRİ
Vəfat tarixi	2 mart 2023(2023-03-02)(48 yaşında)
Vəfat yeri	Bakı, Azərbaycan
Vəfat səbəbi	ürək çatışmazlığı
Dəfn yeri	Yasamal qəbiristanlığı
Milliyyəti	Azərbaycanlı
Təhsili	Bakı şəhəri 189-190 nömrəli tam orta məktəb^[d], Azərbaycan Texniki Universiteti, Bakı Dövlət Universitetinin Tarix fakültəsi
Fəaliyyəti	ilahiyyatçı, din xadimi^[d]

Erkən həyatı

Şahin Hüseyn oğlu Həsənli 7 iyul 1974-cü ildə Bakı şəhərində dünyaya gəlib.

1981-ci ildə Bakı şəhəri, Səbail rayonu 189 saylı orta məktəbin (indiki 189–190 №-li məktəb) rus bölməsinə daxil olub, 1991-ci ildə həmin məktəbi bitirib.

1991-ci ildə Azərbaycan Texniki Universitetinin Maşınqayırma fakültəsinə daxil olub. 1995–1997-ci illərdə hərbi xidmətdə olub. 1999-cu ildə ADTU-dakı təhsilini bitirib.

2001–2004-cü illərdə Bakı Dövlət Universitetinin Tarix fakültəsində ikinci ali təhsil alıb.

İctimai fəaliyyəti

1998–2001-ci illərdə təsisçilərindən olduğu "İkmal" Gənclər Birliyinə sədrlik edib. Rəhbərlik etdiyi qurum ölkənin müxtəlif rayonlarında nümayəndəliklər açıb, ümumrespublika miqyasında müxtəlif tədbirlər keçirib. Fəaliyyətinin əsas istiqaməti milli-mənəvi dəyərlərin, sağlam həyat tərzinin və vətənpərvərlik hissinin gənclər arasında təbliği olub.

2001-ci ildən Bakı şəhəri Nəsimi rayonunda yerləşən "Məşədi Dadaş" məscidində imam-camaat idi.

Bu və öncəki illərdə müstəqil şəkildə dini mütaliə ilə məşğul olub, dini mövzularda dərs tədris edib. Xüsusilə Əqaid, fəlsəfə, əxlaq, təfsir dərslərini tədris edib. 2007-ci ildə "Mənəvi Dünya" Milli-Mənəvi Dəyərlərimizin Təbliği İctimai Birliyini təsis edib, o zamandan quruma rəhbərlik edib.

2013-cü ildə "Məşədi Dadaş" məscidinə axund, 2014-cü ildə Qafqaz Müsəlmanları İdarəsinin (QMİ) Nəsimi rayonu üzrə səlahiyyətli nümayəndəsi, 2021-ci ildə isə QMİ Qazilər Şurasının üzvü təyin olunub.

2016–17-ci illərdə Darul Hikmət Elm və Tədris Mərkəzində "Əxlaq Fəlsəfəsi" və "İslam tarixi (təhlil)" dərslərini tədris edib.

Heç bir siyasi partiyaya üzv deyildi.

Azərbaycan, ərəb, fars və rus dillərini bilirdi.

Uzun illərdir ki, Həcc karvanına rəhbərlik edir və Həcc zəvvarlarına xidmət göstərirdi.

"Haradan başlamalı", "Yaradılışın hədəfi" və "Xoşbəxt ailə modeli" adlı kitabların müəllifidir.

Şəxsi həyatı

Ailəli idi. 4 övladı, iki qızı və iki oğlu var.

Vəfatı

2023-cü il martın 2-də Bakıda ürək çatışmazlığından vəfat etmişdir.Yasamal qəbiristanlığında dəfn olunmuşdur.

Azərbaycan Respublikası Milli Məclisinin deputatı; Sosial Tədqiqatlar Mərkəzinin İdarə Heyətinin sədri Zahid Oruc 4 aprel 2023-cü ildə Milli Məclisin iclasında Hacı Şahinin ölümünü müəmmalı adlandırıb.

Kitabları

• Haradan başlamalı. Bakı. İrşad nəşriyyatı, 2020.
• Yaradılışın hədəfi. Bakı. İrşad nəşriyyatı, 2021.
• Xoşbəxt ailə modeli. Bakı. İrşad nəşriyyatı, 2022.

Məqalələri

• "Həqiqət və ədalət". hacishahin.az (az.). İstifadə tarixi: 2023-11-26.

Xatirəsi

2023-cü ildə azərbaycanlı yazıçı və psixoloq Hacı Şahin haqda "Kostyumlu övliya" adlı kitab yazıb.

2024-cü ildə doğulub böyüdüyü binaya onun barelyefi vurulub.

Həmçinin bax

• Məşədi Dadaş məscidi
• Hacı Ramil
• Hacı Əhliman

İstinadlar

1. https://oxu.az/society/702378.
2. https://oxu.az/society/702386.
3. "İTV-dən cümə xütbəsi ilə bağlı müzakirələrə - Cavab". 2023-03-21 tarixində . İstifadə tarixi: 2023-03-17.
4. "Hacı Şahin Həsənli". 2023-03-06 tarixində . İstifadə tarixi: 2023-03-06.
5. Hacı Şahin Həsənli dünyasını dəyişib
6. "Hacı Şahin vəfat etdi". 2023-03-02 tarixində . İstifadə tarixi: 2023-03-02.
7. Hacı Şahin dəfn edilir
8. "Hacı Şahin dəfn olundu". 2023-03-07 tarixində . İstifadə tarixi: 2023-03-03.
9. ""Hacı Şahinin müəmmalı ölümü, hipermarketə hücum və deputata sui-qəsd..."". 2023-04-09 tarixində . İstifadə tarixi: 2023-04-07.
10. ""Hacı Şahinin müəmmalı ölümü və sonrakı hadisələr bir zəncirdə birləşir"". 2023-04-07 tarixində . İstifadə tarixi: 2023-04-07.
11. "Arxivlənmiş surət". 2021-12-22 tarixində . İstifadə tarixi: 2020-09-03.
12. "Hacı Şahin Həsənlinin ikinci kitabı nəşr olundu". 2023-03-06 tarixində . İstifadə tarixi: 2023-03-06.
13. "Hacı Şahin Həsənlinin yeni kitabı – ailə haqda". 2023-03-06 tarixində . İstifadə tarixi: 2023-03-06.
14. "Hacı Şahin haqqında kitab yazıldı". Kulis.az (az.). 2023-11-11 tarixində . İstifadə tarixi: 2023-11-11.
15. BestApp.az. "Hacı Şahin haqqında kitab yazıldı - Fotolar". -Yeni Sabah- (az.). 2023-11-09. 2023-11-11 tarixində . İstifadə tarixi: 2023-11-11.
16. "Hacı Şahin haqqında kitab YAZILDI - FOTO". Azərbaycanın xəbər saytı - NEWS24.AZ (az.). 2023-11-11 tarixində . İstifadə tarixi: 2023-11-11.
17. demokrat.az. "Hacı Şahin Həsənlinin yaşadığı binada barelyefinin açılışı olub — FOTOLAR". demokrat.az (ingilis). İstifadə tarixi: 2024-01-21.

Mənbə

• Haqqında

Xarici keçidlər

• hacishahin.az — Hacı Şahin rəsmi saytı
• Hacı Şahin — Instagram səhifəsi
• Hacı Şahin kanalı — YouTube
• MƏŞƏDİ DADAŞ MƏSCİDİ 2012-11-14 at the Wayback Machine
• Atasını 12 yaşında itirdi, KVN komandasında çıxış etdi, xalq hərəkatına qoşuldu – Hacı Şahin haqqında maraqlı faktlar
• Ruhani şairlərimiz; Soltan Əlizadə, Şahin Həsənli, Azər Sani…(Şeirlər)