Firəngiz Rəhimbəyova

Vikipediyada bu soyadlı müxtəlif adamlar haqqında məqalələr var, bax: Rəhimbəyli.

Firəngiz Rəhimbəyli (5 avqust 1958, Bakı – 16 avqust 2022, Los-Anceles, Kaliforniya) — Azərbaycan müğənnisi, aktrisa.

Firəngiz Rəhimbəyli
Ümumi məlumatlar
Digər adı	Firəngiz Rəhimbəyova
Doğum tarixi	5 avqust 1958(1958-08-05)
Doğum yeri	Bakı, Azərbaycan SSR, SSRİ
Vəfat tarixi	16 avqust 2022(2022-08-16) (64 yaşında)
Vəfat yeri	Los-Anceles, Los-Anceles dairəsi, Kaliforniya, ABŞ
Vəfat səbəbi	ürək tutması
Musiqiçi məlumatları
Fəaliyyəti	aktrisa, müğənni

Həyatı

Firəngiz Rəhimbəyli 5 avqust 1958-ci ildə Bakının Lökbatan qəsəbəsində dünyaya gəlib. Anası Raisa çox erkən yaşda dünyasını dəyişir. Atası ikinci dəfə xalası qızı Sona adlı qadınla ailə həyatı qurur. Sona xanım AMEA-nın işçisi olub. Firəngizi, demək olar ki, ögey anası böyüdüb, boya başa çatdırır, ali təhsil alması üçün dəstək olur, toyunu edir. Hazırda uzun illərdir Bilgəhdə yerləşən qocalar evində yaşayır.

80-ci illərdə Azərbaycan müasir estradasının yaradıcılarından birinə çevrilir. 1986-cı ildə müğənni Azərbaycanı "Yurmala-86" mahnı yarışmasında təmsil edərək dördüncü yerə layiq görülür. Rafiq Babayev, Eldar Mansurov, Oqtay Kazımov, Siyavuş Kərimi, Faiq Sücəddinov, Cəmil Əmirov kimi bəstəkarlarla işləyən Firəngiz Rəhimbəyova "Əgər məni unutsan", "Bu sevgi", "İnanıram sevgiyə", "Səhra", "Uzaqlaşaq gəl", "Bir ümid", "Hifz eylə", "Uca dağlar", "Ana torpaq", "Məhəbbətim gələcək", "Qaragilə", xalq mahnıları "Gülə-gülə", "Bəri bax" və s. mahnılar ifa edir. Bir sıra filmlərdə aktrisa kimi özünü sınayan Rəhimbəyovaya ən böyük uğuru isə "Bəxt üzüyü" filmindəki Sevda rolu gətirir.

İlk həyat yoldaşından boşandıqdan sonra 1993-cü ildən qızı Raisa ilə ABŞ-nin Los-Anceles şəhərinə köçür. Amerikaya köçüdükdən sonra qızı adını dəyişərək Reyçel adını götürür. 1999-cu ildə orada amerikalı memar Reymond Antoni ilə ailə həyatı qurub. Əsasən Los-Ancelesdə yerləşən rus restoranlarında müğənnilik edir və kiçik bizneslə məşğul olurdu.

2017-ci ildə Tahir İmanovun dəvəti ilə Bakıya gələrək "Bəxt üzüyü 2" yenidən Seda roluna çəkilib.

O, 2022-ci il avqustun 16-sı ürək tutmasından vəfat edib. Sənətçi 6 sentyabr 2022-ci ildə Kaliforniyanın Westlake Village şəhərindəki "Valley Oaks Memorial Park" məzarlığında dəfn edilib.

Filmoqrafiya

1. Gümüşgöl əfsanəsi (film, 1984)
2. Bəyin oğurlanması (film, 1985)
3. Bəxt üzüyü (film, 1991)
4. Bəxt üzüyü 2 (film, 2017)

İstinadlar

1. https://kulis.az/xeber/media/firengiz-rehimbeyova-22-gun-sonra-defn-olunacaq-43504.
2. "Arxivlənmiş surət". 2023-08-16 tarixində . İstifadə tarixi: 2023-08-16.
3. Seymurqızı, Gülər. "Azərbaycanı tərk etdi, anası qocalar evinə düşdü... - Amerikada yaşayan "Bəxt üzüyü"nün Sevdası - FOTOLAR". Metbuat.az (az.). 2022-01-28 tarixində . İstifadə tarixi: 27 yanvar 2022.
4. "ABŞ-də yaşayan müğənni-aktrisa Firəngiz Rəhimbəyova: "Ürəyim Bakıda qalıb"". 2022-08-18 tarixində . İstifadə tarixi: 2018-01-24.
5. "Firəngiz Rəhimbəyli: "Vətənimdə unudulmadığımı bilirəm…"". 2022-08-18 tarixində . İstifadə tarixi: 2020-11-04.
6. ""Bəxt üzüyü"nün Sedası dünyasını dəyişdi". 2022-08-17 tarixində . İstifadə tarixi: 2022-08-16.
7. APA TV. "Müğənni Firəngiz Rəhimbəyli dünyasını dəyişdi" (az.). Youtube.com. 17.08.2022. 2022-08-17 tarixində . İstifadə tarixi: 2022-08-17.
8. "Firəngiz Rəhimbəyova ABŞ-də dəfn olundu". 2022-09-07 tarixində . İstifadə tarixi: 2022-09-07.
9. "Firəngiz Rəhimbəyovanın dəfn mərasiminin GÖRÜNTÜLƏRİ". 2023-07-20 tarixində . İstifadə tarixi: 2022-09-07.