Feysəl ibn Hüseyn (I Hüseynin oğlu)

Feysəl ibn Hüseyn (ərəb. الأمير نايف بن عبدالله‎; 11 oktyabr 1963, Amman) — III İordaniya kralı I Hüseynin oğullarından biri, taxt vəliəhdi.

Feysəl ibn Hüseyn
ərəb. فيصل بن الحسين‎
Şəxsi məlumatlar
Doğum tarixi	11 oktyabr 1963(1963-10-11) (61 yaş)
Doğum yeri	Amman, İordaniya
Təhsili	Braun Universiteti
Atası	Hüseyn ibn Təlal
Anası	Princess Muna Al-Hussein
Ailəsi	Haşimilər
Rütbəsi	general
Vikianbarda əlaqəli mediafayllar

1963-cü ildə Ammanda dünyaya gəldi. Atası İordaniya kralı I Hüseyn, anası isə onun ingilis əsilli ikinci xanımı kraliça Muna əl-Hüseyndir. İlk təhsilini Ammanda aldıqdan sonra 1970-ci ildə Birləşmiş krallığa, ertəsi il isə ABŞ-a göndərildi. 1978-ci ildə Vaşinqtondakı Müqəddəs Alba liseyinə daxil oldu və 1981-ci ildə məzun oldu. 1985-ci ildə isə Rod-Aylenddəki Braun Universitetinin elektrik mühəndisliyi ixtisasını tamamladı. Eyni zamanda 1988-ci ildə London Biznes Məktəbində menecment üzrə magistr dərəcəsi aldı. Təhsil həyatı illərində uçuş dərsləri aldı və xüsusi uçuş lisenziyası qazandı.

İordaniya Kral Hava Qüvvələrində xidmət edən Feysəl 2004-cü ilin sentyabrında general-leytenant rütbəsinə yüksəldi. 2017-ci ilin dekabrında İordaniya Kral Ordusundan təqaüdə ayrıldı.

2003-cü ildən etibarən İordaniya Olimpiya Komitəsinin rəhbəri, 2010-cu ildən isə Beynəlxalq Olimpiya komitəsinin üzvüdür.

Ailəsi

İlk evliliyi 1987-ci ilin avqustunda İordaniya Kral Hava Yollarının prezidenti Seyid Tofiq əl-Tabbahın qızı Aliyə Tabbahla baş tutdu. Cütlüyün 4 övladı doğulsa da, 2008-ci ilin aprelində boşandılar.

• Əyyah bint Feysəl (11 fevral 1990-), 22 may 2014-cü ildə Ammanda Məhəmməd Təlal əl-Halavaniylə evləndi və 3 övladı doğuldu.
  • Rayihə əl-Halavani (2 may 2016-)
  • Nəsma əl-Halavani (19 oktyabr 2019-)
  • Hüseyn əl-Halavani (12 mart 2022-)
• Ömər ibn Feysəl (22 oktyabr 1993-)
• Sara bint Feysəl (27 mart 1997-)
• Ayşə bint Feysəl (27 mart 1997-)

İkinci evliliyi 24 may 2010-cu ildə Sara Bəssam Qabbaniylə baş tutdu. Övladı olmayan cütlük 14 sentyabr 2013-cü ildə boşandılar.

Üçüncü evliliyi isə 4 yanvar 2014-cü ildə İordaniyalı biznesmen fariz Lübbadehin qızı radio müxbiri Zeyna Lübbadehlə baş tutdu. Cütlüyün bu nigahdan 2 övladı var.

• Abdullah ibn Feysəl (17 fevral 2016-)
• Məhəmməd ibn Feysəl (8 aprel 2017-)

İstinadlar

1. "Statement from the Royal Hashemite Court". rhc.jo (ingilis). 2023-06-01. İstifadə tarixi: 2024-12-28.
2. "Jordan News Agency (Petra) - Prince Faisal sworn in as Regent". petra.gov.jo
3. "Regent visits army, air force units". Jordan Times (ingilis). 2014-09-25. İstifadə tarixi: 2024-12-28.
4. "IMAGO". www.imago-images.com. İstifadə tarixi: 2024-12-28.
5. "Prince Feisal marks birthday on Wednesday". Petra news agency, 10 October 2017
6. "The Official Website of HRH Princess Haya Bint Al Hussein". web.archive.org. 2012-06-26. İstifadə tarixi: 2024-12-28.
7. "WaterSmart Innovations". American Water Works Association (ingilis). İstifadə tarixi: 2024-12-28.
8. "الأميرة آية الفيصل وزوجها محمد الحلواني يُرزقان بـ "راية"". Hala.jo
9. "خطأ". www.alwakeelnews.com. İstifadə tarixi: 2024-12-28.
10. Purepeople. "Prince Faisal de Jordanie : Fraîchement divorcé et déjà remarié !". www.purepeople.com. 2014-01-06. İstifadə tarixi: 2024-12-28.
11. "الأمير فيصل والأميرة زينة يرزقان بـ "محمد"" (in Arabic). Hala. 8 April 2017