Emin Əhmədov

Emin Vidadi oğlu Əhmədov (6 oktyabr 1986, Bakı) — Azərbaycanı təmsil edən yunan-roma güləşçisi. 2002-ci ildən Azərbaycan yığmasının heyətində çıxış edən Emin Əhmədov 2012-ci ildə Birləşmiş Krallığın London şəhərində baş tutan XXX Yay Olimpiya Oyunlarında bürünc medala sahib olub.

Emin Əhmədov
Emin Əhmədov 2012-ci ildə London şəhərində baş tutan XXX Yay Olimpiya Oyunları zamanı
Şəxsi məlumatlar
Tam adı	Emin Vidadi oğlu Əhmədov
Vətəndaşlığı	Azərbaycan
Doğum tarixi	6 oktyabr 1986(37 yaş)
Doğum yeri	Bakı, Azərbaycan SSR
Boyu	170 sm. (5 ft 6 in)
İdman növü	Güləş
Karyera illəri	1997—2017
Məşqçisi
Medallar Olimpiya Oyunları Bürünc 2012 London 74 Kq. Dövlət təltifləri

Emin Əhmədov Azərbaycan idmanında xidmətlərinə görə Azərbaycan Prezidenti İlham Əliyevin 31 avqust 2012-ci il tarixli Sərəncamına əsasən ilə təltif edilib.

Həyatı

Emin Əhmədov 1986-cı il oktyabrın 6-da Bakı şəhərində zavod işçisi Vidadi Əhmədov və evdar qadın Minayə Əhmədovanın ailəsində anadan olub. 1997-ci ildən güləşlə məşğul olmağa başladı.

Emin Əhmədov 2004–2006-cı illərdə Dövlət Sərhəd Xidməti Yardımlı rayonunda sərhəd zastavasında müddətli həqiqi hərbi xidmətdə olub.

Karyerası

2002–2011-ci illər: Fərid Mansurovla rəqabət

Emin Əhmədovun beynəlxalq səviyyədə birinci turniri 2002-ci ilin iyulunda Odessa şəhərində baş tutan yeniyetmələr arasında Avropa Çempionatı oldu. Nəticədə o, bürünc medal uğrunda görüşdə məğlub oldu və çempionatı beşinci pillədə başa vurdu. Daha sonra Emin Əhmədov yunan-roma Azərbaycan yığmasının məşqçilərinin ona etimad göstərməməsinə görə uzun illər nüfuzlu turnirlərdə mübarizə apara bilməmişdi. Etimad göstərilməməsinin əsas səbəbi, həmin illərdə yunan-roma güləşi üzrə Azərbaycan yığmasının "bir nömrəli" güləşçisinin 2004-cü il Afina Olimpiadasının qalibi Fərid Mansurov hesab olunması idi. Məhz bu səbəbə görə Dünya və Avropa Çempionatlarında Azərbaycanı Fərid Mansurov təmsil edirdi. Karyerasını 2010-cu ildə başa vurandan sonra, Emin Əhmədov tədricən beynəlxalq turnirlərdə mübarizə aparmağa başladı.

Emin Əhmədov 2009-cu ilin fevralında İranın Qum şəhərində baş tutan Yadigar İmamın xatirəsinə həsr olunan beynəlxalq turnirdə mübarizə apardı. Bürünc medal uğrunda görüşdə o, Ermənistan nümayəndəsi Vahram Xatçatryanı məğlub elədi və turnirin bürünc medalına sahib oldu.

2009-cu ilin əsas turnirlərinən biri 31 mart-5 apreldə Litvanın Vilnüs şəhərində baş tutan Avropa Çempionatı idi. Həmin çempionatda Azərbaycan yığmasının məşqçiləri tərəfindən 2004-cü il Afina Olimpiadasının qalibi Fərid Mansurova şans verildi. Nəticədə Fərid Mansurov Avropa Çempionatını beşinci pillədə başa vurdu.

Emin Əhmədov aprelində Özbəistanda baş tutan Qran-Pri turnirində mübarizə apardı. Nəticədə o, final görüşündə məğlub oldu və turnirin gümüş medalına sahib oldu.

Daha sonra Emin Əhmədov 16–20 iyulda Heydər Əliyevin xatirəsinə həsr olunan Qızıl Qran-Pri turnirində çıxış elədi. Bürünc medal uğrunda görüşdə o, Serbiya təmsilçisi Alexander Maximoviça 2:0 (3:0, 3:0) hesabı ilə qalib gəldi və turnirin bürünc medalına sahib oldu. 2009-cu ilin sonralarında Emin Əhmədov Azərbaycan Çempionatında mübarizə apardı və turnirin qalibi oldu.

2010-cu ildə də Emin Əhmədov nüfuzlu turnirlərdə mübarizə aparmadı. O, əvvəlcə fevral ayında Bolqarıstanda baş tutan Dan Kolov & Nihola Petrov beynəlxalq turnirində çıxış elədi və 8-ci pillənin sahibi oldu. Daha sonra Emin Əhmədov martda İstanbulda baş tutan beynəlxalq turnirdə çıxış eləsə də, bu səfər də medal qazana bilmədi. May ayında isə Emin Əhmədov Belarusda baş tutan beynəlxalq turnirdə gümüş medala sahib oldu.

Emin Əhmədovun 2011-ci ildə birinci turniri iyunda Qazaxıstanın Astana şəhərində baş tutan Prezident Kubou oldu. Nəticədə o, turnirdə 9-cu pillənin sahibi oldu.

Daha sonra Emin Əhmədov iyunda Heydər Əliyevin xatirəsinə həsr olunan Qızıl Qran-Pri turnirində mübarizə apardı və turniri 8-ci pillədə başa vurdu. Noyabr ayında isə o, Rusiyada baş tutan "Moscow Lights" beynəlxalq turnirində çıxış elədi və gümüş medala sahib oldu.

2012-ci il: Karyeranın zirvəsi — London Olimpiadası

Emin Əhmədovun 2012-ci ildə birinci turniri 24–26 fevralda İranın Qum şəhərində baş tutan Yadigar İmamın xatirəsinə həsr olunan beynəlxalq turnir oldu. Nəticədə o, turnirin bürünc medalına sahib oldu.

Həmin ilin 20–22 aprelində Bolqarıstanın Sofiya şəhərində Avropa Olimpiya Təsnifat Turniri baş tutdu. Həmin turnirdə yunan-roma güləşi üzrə Azərbaycan yığmasının məşqçiləri və 2011-ci il Avropa Çempionatının qalibi olan Rafiq Hüseynova şans verdi, amma o, bu səfər də ümidləri doğrulda bilmədi və Olimpiya Oyunlarına lisenziyanı qazanmadı.

Bir həftə sonra isə Çinin şəhərində Dünya Olimpiya Təsnifat Turniri baş tutdu. Yunan-roma güləşi üzrə Azərbaycan yığmasının məşqçiləri bu səfər Emin Əhmədova etimad göstərdi. Nəticədə isə o, Macarıstandan Pete Balçini 2:1 (1:3, 3:2, 3:0), Yaponiyadan Suhasa Surumahini 2:1 (1:2, 3:0, 5:0), Finlandiyadan Valttor Maisionu 2:0 (2:0, 6:0) və Uraynadan Vladimir Şahxixi 2:0 (6:0, 5:1) hesabları ilə məğlub elədi turnirin final görüşünə vəsiqə qazandı. Bununla da o, 27 idmançı sırasında birinci pillənin sahibi olaraq 2012-ci il London Olimpiadasına lisenziyanın sahibi oldu. Formal final görüşündə isə o, Belarus nümayəndəsi Alexandr Kihinovu da üstələdi və turnirin qalibi də oldu.Azərbaycan Güləş Federasiyasının (AGF) Baş Katibi , idman portalına müsahibəsində Emin Əhmədovun lisenziya qazanmasını gözlənilməz olduğunu bildirmişdi.

XXX Yay Olimpiya Oyunları

Əsas məqalə: Azərbaycan 2012 Yay Olimpiya Oyunlarında

London Olimpiadasının 1/8 final mərhələsində baş tutan Emin Əhmədov (qırmızı geyimdə) və (göy geyimdə) görüşü (5 avqust 2012-ci il)

XXX Yay Olimpiya Oyunları 25 iyul-12 avqustda Birləşmiş Krallığın London şəhərinin ev sahibliyində baş tutdu. Yunan-roma güləş üzrə Azərbaycan yığmasının heyətinə beş güləşçi cəld olundu. Heyətə 2008-ci il Olimpiadasının gümüş medalçısı Rövşən Bayramov (55 Kq.), 2010-cu il Dünya Çempionatının qalibi Həsən Əliyev (60 Kq.), həmçinin Emin Əhmədov (74 Kq.), Saman Təhmasibi (84 Kq.) və Şalva Qadabadze (96 Kq.) daxil edildi.

Emin Əhmədovun Olimpiadadan əvvəl heç bir beynəlxalq turnirdə çıxış eləməməsi, həmçinin Avropa və Dünya Çempionatlırında mübarizə aparmaması və təcrübəsiz olması onun, Olimpiada da uğursuz çıxış edəcəyinə olan gözləntiləri artırırdı.

Emin Əhmədov XXX Yay Olimpiya Oyunlarında avqustun 5-də mübarizə apardı. O, 1/8 final mərhələsi çərçivəsində baş tutan birinci görüşdə Xorvatiya nümayəndəsi ilə üz-üzə gəldi. Neven Zugaj 2011-ci ildə İstanbulda Dünya Çempionatının bürünc medalına sahib olan idmançı idi. Görüşün birinci hissədinə Emin Əhmədov inamlı mübarizə apardı və 4:0 hesabı ilə qalib gəldi. Növbəti hissədə isə ehtiyatlı güləşən Emin Əhmədov minimal hesabla qalib gəldi. Bununla da ümumi hesabda rəqibini 2:0 hesabı ilə məğlub edən Emin Əhmədov 1/4 final mərhələsinə adladı. Bu mərhələdə o, Gürcüstan təmsilçisi ilə qarşılaşdı. Görüşün birinci hissəsində Datunaşvili 2:0 hesabı ilə qalib gəldi. Növbəti hissədə Əhmədov tədricən təşəbbüsü ələ aldı və 3:0 hesabı ilə qalib gəldi. Ümumi hesab 1:1 olduğu üçün üçüncü hissə başladı. Bu hissədə isə Emin Əhmədov rəqibindən üstün mübarizə apardı və 4:0 hesabı ilə qalib gəldi. Bununla da o, London Olimpiadasının yarım-final mərhələsinə vəsiqə qazandı. Finala gedən yolda Emin Əhmədov Avropa Çempionatının qalibi və Dünya Çempionatının bürünc medalçısı olan Ermənistan nümayəndəsi ilə üz-üzə gəldi. Əhmədov təcrübəli rəqibinə görüşün birinci hissəsində 0:2, növbəti hissəsində isə 0:3 hesabları ilə məğlub oldu və mübarizəni bürünc medal uğrunda görüşdə davam elədi. Həlledici görüşdə o, Dünya Olimpiya Təsnifat Turnirinin final görüşündə qalib gəldiyi Belarus təmsilçisi Alexandr Kihinov ilə qarşılaşdı. Görüşün birinci hissəsində Kihinov 2:0 hesabı ilə qalib gəldi. Növbəti hissədə Əhmədov tədricən təşəbbüsü ələ aldı və 2:0 hesabı ilə qalib gəldi. Ümumi hesab 1:1 olduğu üçün üçüncü hissə başladı. Bu hissədə də Emin Əhmədov rəqibindən üstün mübarizə apardı və 2:0 hesabı ilə qalib gəldi. Bu minvallada Emin Əhmədov XXX Yay Olimpiya Oyunlarının bürünc medalına sahib oldu.

Emin Əhmədov Azerisport.com idman portalına müsahibəsində bunları bildirdi — "bürünc medal mənim üçün super nailiyyətdir. Bir nəfər belə mənə inanmırdı".

Azərbaycan Prezidenti İlham Əliyevin 31 sentyabr 2012-ci il tarixli 2399 nömrəli Sərəncamına əsasən XXX Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Emin Vidadi oğlu Əhmədov ilə təltif edildi.

2012-ci ilin sonunda Emin Əhmədov Azərbaycan Güləş Federasiyası (AGF) tərəfindən ilin ən yaxşı yunan-roma güləşçisi elan edildi.Gənclər və İdman Nazirliyi (GİN) tərəfindən isə o, ilin ən yaxşı 20 idmançısından biri seçildi.

2013–2017-ci illər: Karyeranın enişi

Olimpiadadan sonra Emin Əhmədovun birinci turniri 2013-cü ilin iyulunda İspaniyanın Madrid şəhərində baş tutan İspaniya Qran-Prisi oldu. Həmin turnirdə o, 8-ci pillənin sahibi oldu.

2014-cü il ərzində də Emin Əhmədov beynəlxalq turnirlərdə heç bir uğura imza ata bilmədi. İstanbul şəhərində baş tutan Vehbi Emre & Hamit Kaplan beynəlxalq turnirini 8-ci pillədə başa vuran Emin Əhmədov sentyabrda baş tutan Dünya Çempionatının 15-ci pillənin sahibi oldu.

2016-cı il ərzində Qızıl Qran-Pri beynəlxalq turnirində 12-ci pillədə qərarlaşan Emin Əhmədov 2017-ci ildə idmanla vidalaşdı.

Uğurları

London Olimpiadasının 1/2 final mərhələsində baş tutan Emin Əhmədov (qırmızı geyimdə) və (göy geyimdə) görüşü (5 avqust 2012-ci il)

Sıra	İl	Yarış	Şəhər	Nəticə
1	2002	Yeniyetmələrin Avropa Çempionatı	Ukrayna	5.
2	2009	Yadigar İmam Kuboku	İran	3.
3		Qızıl Qran-Pri	Azərbaycan	3.
4	2010	Dan Kolov & Nihola Petrov turniri	Bolqarıstan	8.
5	2011	Qazaxıstan Prezidentinin Kuboku	Qazaxıstan	9.
6		Qızıl Qran-Pri	Azərbaycan	8.
7		Moscow Lights turniri	Rusiya	2.
8	2012	Dünya Olimpiya Təsnifat Turniri	Çin	1.
9		Olimpiya Oyunları	Birləşmiş Krallıq	3.
10	2013	İspaniya Qran-Prisi	İspaniya	8.
11	2014	Vehbi Emre & Hamit Kaplan turniri	Türkiyə	9.
12		Dünya Kuboku	İran	3.
13		Dünya Çempionatı	Özbəkistan	15.
14	2016	Dünya Kuboku	İran	6.
15		Qızıl Qran-Pri	Azərbaycan	12.
16	2017	Vehbi Emre & Hamit Kaplan turniri	Türkiyə	18.
17		Avropa Çempionatı	Serbiya	17.

Azərbaycan Prezidenti İlham Əliyev Emin Əhmədova təqdim edən zaman (31.08.2012-ci il)

Dövlət təltifləri

• — Azərbaycan Prezidenti İlham Əliyevin 31 avqust 2012-ci il tarixli 2399 nömrəli Sərəncamına əsasən XXX Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Emin Vidadi oğlu Əhmədov ilə təltif edildi.

Fərdi uğurları

• Azərbaycan Güləş Federasiyasının (AGF) versiyasına görə 2012-ci ilin ən yaxşı yunan-roma güləşçisi.
• Gənclər və İdman Nazirliyinin (GİN) versiyasına görə 2012-ci ilin ən yaxşı 20 idmançından biri.

Həmçinin bax

• Azərbaycan 2012 Yay Olimpiya Oyunlarında

İstinadlar

1. International Wrestling Database. "Emin AHMADOV". www.iat.uni-leipzig.de ( (ing.)). 22.08.2022. 2016-03-18 tarixində . İstifadə tarixi: 22.08.2022.
2. Azerisport.com idman portalı. "В борьбе за иранскую бронзу азербайджанец победил армянина". www.azerisport.com ( (rus.)). 05.08.2020. 2022-08-05 tarixində . İstifadə tarixi: 05.08.2022.
3. Azerisport.com idman portalı. "Состав сборных Азербайджана к чемпионату Европы". www.azerisport.com ( (rus.)). 05.08.2020. 2022-05-19 tarixində . İstifadə tarixi: 05.08.2022.
4. Azerisport.com idman portalı. "Азербайджанские борцы удачно стартовали на Гран-при". www.azerisport.com ( (rus.)). 05.08.2020. 2022-08-05 tarixində . İstifadə tarixi: 05.08.2022.
5. Azerisport.com idman portalı. "Азербайджан выиграл семь медалей в первый день Гран-При (ОБНОВЛЕНО)". www.azerisport.com ( (rus.)). 05.08.2020. 2022-08-05 tarixində . İstifadə tarixi: 05.08.2022.
6. Azerisport.com idman portalı. "Газюмов стал лучшим в Азербайджане". www.azerisport.com ( (rus.)). 05.08.2020. 2022-07-23 tarixində arxivləşdirilib. İstifadə tarixi: 05.08.2022.
7. Azerisport.com idman portalı. "Против Турции и Казахстана без лидеров". www.azerisport.com ( (rus.)). 05.08.2020. 2010-03-13 tarixində . İstifadə tarixi: 05.08.2022.
8. Azerisport.com idman portalı. "12 медалей из Махачкалы и Минска". www.azerisport.com ( (rus.)). 05.08.2020. 2010-07-01 tarixində . İstifadə tarixi: 05.08.2022.
9. Azerisport.com idman portalı. "Сборные назвали составы". www.azerisport.com ( (rus.)). 05.08.2020. 2011-06-16 tarixində . İstifadə tarixi: 05.08.2022.
10. Azerisport.com idman portalı. "Фарид Мансуров назвал полный состав на Гран-при". www.azerisport.com ( (rus.)). 05.08.2020. 2022-08-05 tarixində . İstifadə tarixi: 05.08.2022.
11. Azerisport.com idman portalı. "Азербайджан – на Кубке европейских наций". www.azerisport.com ( (rus.)). 05.08.2020. 2011-11-10 tarixində . İstifadə tarixi: 05.08.2022.
12. Azerisport.com idman portalı. "Азербайджанцы поборются в Иране". www.azerisport.com ( (rus.)). 05.08.2020. 2022-08-05 tarixində . İstifadə tarixi: 05.08.2022.
13. Azerisport.com idman portalı. "Азербайджан завоевал две медали на Кубке Имама Ядигяра (ФОТО)". www.azerisport.com ( (rus.)). 05.08.2020. 2022-08-05 tarixində . İstifadə tarixi: 05.08.2022.
14. Azerisport.com idman portalı. "Венгерское дежавю". www.azerisport.com ( (rus.)). 05.08.2020. 2012-04-28 tarixində . İstifadə tarixi: 05.08.2022.
15. Azerisport.com idman portalı. "Ахмедов завоевал лицензию, Чунаев остался без нее (ОБНОВЛЕНО)". www.azerisport.com ( (rus.)). 05.08.2020. 2012-05-05 tarixində . İstifadə tarixi: 05.08.2022.
16. Azerisport.com idman portalı. "Азербайджан получил 41-ю олимпийскую лицензию". www.azerisport.com ( (rus.)). 05.08.2020. 2012-05-05 tarixində . İstifadə tarixi: 05.08.2022.
17. Azerisport.com idman portalı. "Аждар ДЖАФАРОВ: С Магомедовым поступили несправедливо, а ошибки Рагимова были непростительны". www.azerisport.com ( (rus.)). 05.08.2020. 2012-06-28 tarixində . İstifadə tarixi: 05.08.2022.
18. Azerisport.com idman portalı. "Все результаты спортсменов Азербайджана на Олимпиаде (ОБНОВЛЕНО)". www.azerisport.com ( (rus.)). 05.08.2020. 2021-11-08 tarixində . İstifadə tarixi: 05.08.2022.
19. Azerisport.com idman portalı. "Сборная Азербайджана: краткая характеристика". www.azerisport.com ( (rus.)). 05.08.2020. 2012-11-04 tarixində . İstifadə tarixi: 05.08.2022.
20. Azerisport.com idman portalı. "Определились первые соперники Байрамова и Ахмедова". www.azerisport.com ( (rus.)). 05.08.2020. 2012-08-06 tarixində . İstifadə tarixi: 05.08.2022.
21. Azerisport.com idman portalı. "Байрамов - второй, Ахмедов - третий (ОБНОВЛЕНО)". www.azerisport.com ( (rus.)). 05.08.2020. 2012-11-03 tarixində . İstifadə tarixi: 05.08.2022.
22. Azerisport.com idman portalı. "Эмин АХМЕДОВ: В меня никто не верил". www.azerisport.com ( (rus.)). 05.08.2020. 2012-11-03 tarixində . İstifadə tarixi: 05.08.2022.
23. Azerisport.com idman portalı. "Лучшим борцом года признан чемпион Олимпиады". www.azerisport.com ( (rus.)). 05.08.2020. 2022-08-05 tarixində . İstifadə tarixi: 05.08.2022.
24. Azerisport.com idman portalı. "20 лучших спортсменов Азербайджана". www.azerisport.com ( (rus.)). 05.08.2020. 2013-05-30 tarixində . İstifadə tarixi: 05.08.2022.
25. Normativ hüquqi sənədlərin vahid internet bazası. "Azərbaycan Milli Olimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 31 avqust 2012-ci il tarixli 2399 nömrəli Sərəncamı". www.e-qanun.az ( (az.)). 31.08.2012. 2022-08-05 tarixində . İstifadə tarixi: 24.07.2022.
26. Azerisport.com idman portalı. "Определился лучший тренер Азербайджана по борьбе". www.azerisport.com ( (rus.)). 05.08.2020. 2022-08-05 tarixində . İstifadə tarixi: 05.08.2022.