şərifə Dinə bint əbdülhəmid ərəb دينا بنت عبد الحميد 15 dekabr 1929 Qahirə 21 avqust 2019 Amman iordaniya kralı I Hüseyn

Şərifə Dinə bint Əbdülhəmid (ərəb. دينا بنت عبد الحميد‎; 15 dekabr 1929, Qahirə – 21 avqust 2019, Amman) — İordaniya kralı I Hüseynin ilk xanımı, III İordaniya kraliçası.

Dinə bint Əbdülhəmid
ərəb. دينا بنت عبد الحميد‎

III İordaniya kraliçası
19 aprel 1955 – 24 iyun 1957
Əvvəlki	Zeynəl-şərəf bint Cəmil
Sonrakı	Muna əl-Hüseyn
Şəxsi məlumatlar
Doğum tarixi	15 dekabr 1929(1929-12-15)
Doğum yeri	Qahirə, Misir
Vəfat tarixi	21 avqust 2019(2019-08-21)(89 yaşında)
Vəfat yeri	Amman, İordaniya
Təhsili	Qahirə Universiteti^[d], Kembric Universiteti
Fəaliyyəti	universitet müəllimi^[d]
Həyat yoldaşları	Hüseyn ibn Təlal (1955–1957)
Ailəsi	Haşimilər
Dini	islam
Vikianbarda əlaqəli mediafayllar

1929-cu ildə Qahirədə dünyaya gəldi. Atası Şərif Əbülhəmid Hicaz kralı Şərif Hüseynin əmisi Aun ər-Rafiqin soyuna mənsubdur. İngiltərədə yatılı oxuduğu məktəbin ardından Kembric Universitetində İngilis ədəbiyyatı, Bedford Kollecində isə sosial elmlər üzə təhsil aldı. Kembricdəki təhsil illəri əsnasında 1952-ci ildə gələcəkdəki əri Seyid Hüseynlə tanış oldu. Təhsilini tamamaldıqdan sonra Qahirəyə döndü və Qahirə Universitetində İngilis ədəbiyyatı və fəlsəfə dərslər verməyə başladı.

İordaniya kralı I Hüseynlə toy mərasimi, Amman 1955

1952-ci ildə İordaniya taxt-tacına sahiblənən I Hüseyn anasının da tövsiyəsilə 1954-cü ildə özündən 6 yaş böyük Dinə bint Əbdülhəmidlə nişanlandı. Üstəlik bu nigah o illərdə Misirin güclü simalarından olan Camal Əbdül Nasir tərəfindən də dəstəkləndi. Cütlüyün nigah mərasimi 19 aprel 1955-ci ildə Raqadan sarayında baş tutdu. Beləcə, Şərifə Dinə İordaniya kraliçası oldu. Toy mərasimindən qısa müddət sonra cütlükdən müsahibə alan jurnalist İsis Fəhmiyə görə, kraliçanı dövlət idarəsindən uzaq tutmağa çalışan I Hüseyn onun üzərində olduqca yüksək təsirə malik idi. Ancaq İordaniyaya qayıtdıqdan sonra cütlüyün bir-birinə uyğun olmadığı anlaşıldı. 13 fevral 1956-cı ildə yeganə övladları Aliyə bint Hüseynin dünyaya gəlişi belə, cütlüyü birləşdirə bilmədi.

1956-cı il kraliça Şərifə Dinə Misirdə istirahətdə ikən, kral I Hüseyndən göndərilən əmrlə boşanma istəyi bildirildi. Bunda kraliça Şərifə Dinə ilə anası Zeynəl-şərəf bint Cəmilin soyuq münasibətləri mühüm rol oynadı. 24 iyun 1957-ci ildə cütlük rəsmən boşandı və bir müddət qızını görməyinə icazə verilmədi.

7 oktyabr 1970-ci ildə Fələstin Azadlıq Təşkilatının partizan üzvü polkovnik leytenant Əsəd Süleyman Əbdülqadirlə evləndi. Bu evliliyindən övladı olmadı. 1982-ci ildə əri İsrail hökuməti tərəfindən həbs edildi. Ertəsi il şəxsən özünün itşriak etdiyi müzakirələrin ardından əriylə birlikdə 8 min fələstinli məhkumun azadlığa buraxılmasına nail oldu.

21 avqust 2019-cu ildə Ammanda vəfat etdi.

Mənbə

Ədəbiyyat

Rana Husseini (2021). Years of Struggle – The Women’s Movement in Jordan. Amman: Friedrich-Ebert-Stiftung. p. 19.

İstinadlar

Jordan’s former Queen dies at the age of 89 (ing.). 2019.
"QUEEN DINA". web.archive.org. 2010-09-21. İstifadə tarixi: 2024-12-28.
Shlaim, Avi. Lion of Jordan: The Life of King Hussein in War and Peace (ingilis). Knopf Doubleday Publishing Group. 2009-10-06. ISBN .
Great Britain and the East, Volume 71. 1955
Fahmy, Isis. Around the world with Isis. London : Papadakis Publisher. 2003. ISBN .
Sinai, Anne; Pollack, Allen. The Hashemite Kingdom of Jordan and the West Bank : a handbook. New York : American Academic Association for Peace in the Middle East. 1977. ISBN .
Paxton, J. The Statesman's Year-Book 1982-83 (ingilis). Springer. 2016-12-15. ISBN .
"The Hashemite Royal Family". web.archive.org. 2019-04-06. İstifadə tarixi: 2024-12-28.
Greenberg, Joel (1996). "A Victory That Nips at Arafat's Heels". Cairo Times
Kanafani, Deborah (2008). Unveiled: how an American woman found her way through politics, love and obedience in the Middle East. USA: Free Press.
"King participates in Princess Dina Abdul Hamid's funeral". Jordan Times (ingilis). 2019-08-21. İstifadə tarixi: 2024-12-28.

[_0f0399bcba4fd1f4-1] Jordan’s former Queen dies at the age of 89 (ing.). 2019.

[2] "QUEEN DINA". web.archive.org. 2010-09-21. İstifadə tarixi: 2024-12-28.

[3] Shlaim, Avi. Lion of Jordan: The Life of King Hussein in War and Peace (ingilis). Knopf Doubleday Publishing Group. 2009-10-06. ISBN .

[4] Great Britain and the East, Volume 71. 1955

[:0-5] Fahmy, Isis. Around the world with Isis. London : Papadakis Publisher. 2003. ISBN .

[6] Sinai, Anne; Pollack, Allen. The Hashemite Kingdom of Jordan and the West Bank : a handbook. New York : American Academic Association for Peace in the Middle East. 1977. ISBN .

[7] Paxton, J. The Statesman's Year-Book 1982-83 (ingilis). Springer. 2016-12-15. ISBN .

[8] "The Hashemite Royal Family". web.archive.org. 2019-04-06. İstifadə tarixi: 2024-12-28.

[9] Greenberg, Joel (1996). "A Victory That Nips at Arafat's Heels". Cairo Times

[10] Kanafani, Deborah (2008). Unveiled: how an American woman found her way through politics, love and obedience in the Middle East. USA: Free Press.

[11] "King participates in Princess Dina Abdul Hamid's funeral". Jordan Times (ingilis). 2019-08-21. İstifadə tarixi: 2024-12-28.