Corc Beyli Sensom ing George Bailey Sansom 28 noyabr 1883 London 8 mart 1965 Tuson Arizona Britaniya diplomatı tarixçisi

Corc Beyli Sensom (ing. George Bailey Sansom; 28 noyabr 1883, London – 8 mart 1965, Tuson, Arizona) – Britaniya diplomatı, tarixçisi və yaponşünası.

Corc Beyli Sensom
Doğum tarixi	28 noyabr 1883(1883-11-28)
Doğum yeri	London, İngiltərə, Böyük Britaniya və İrlandiya Birləşmiş Krallığı
Vəfat tarixi	8 mart 1965(1965-03-08)(81 yaşında)
Vəfat yeri	Tuson, Arizona, ABŞ
Təhsili	Marburq Universiteti, Gissen Universiteti
Fəaliyyəti	diplomat, tarixçi, universitet müəllimi^[d], yaponşünas^[d]
Mükafatları

Həyatı

Corc Beyli Sensom 1883-cü ildə İngiltərənin London şəhərində doğulmuşdur.Gissen və Marburq universitetlərindən məzun olmuş, 19 yaşında Britaniya konsulluğunda işləməyə başlamışdır. 1904-cü ildə tələbə tərcüməçi kimi Yaponiyanın Naqasaki şəhərinə göndərilmiş və onun Yaponiya karyerası başlamışdır.

Sensomun Yaponiya illəri həm diplomat, həm də yaponşünas kimi keçmişdir. O, Yaponiya cəmiyyəti və hökuməti ilə yaxşı əlaqələr qurmuş, eləcə də, 1920 və 1930-cu illərdə Yaponiyanın dil, mədəniyyət və tarixini öyrənən əsas Qərb mütəxəssislərindən biri olmuşdur.

Sensom 1935-ci ildə cəngavər elan olunmuşdur. 1942-ci ildə Britaniyanın Vaşinqton səfirliyində işləmiş, 1946–1947-ci illərdə isə Vaşinqtonda fəaliyyət göstərən fəaliyyət göstərmişdir. 1947-ci ildə Kolumbiya Universitetinin birinci direktoru olmuşdur. Postmüharibə dövründə ABŞ-nin akademik dünyasında Yaponiyada təhsil və yaponşünaslıq təlimlərinə yaranan təlabatda vacib rol oynamışdır. 1954-cü ilə qədər Kolumbiya Universitetində qalmışdır.

Əsərləri

1928-ci ildə "Yapon dilinin tarixi qrammatikası", 1931-ci ildə isə "Yaponiya: Qısa mədəni tarix" adlı əsəri nəşr olunmuşdur. Adıçəkilən son kitab dərslik kimi istifadə olunmuş, Sensomu alim və yazıçı kimi məşhurlaşdırmışdır. Əsər Yaponiya haqqında Qərb ədəbiyyatının klassiklərindən biri hesab olunur.

1951-ci ildə "Qərb dünyası və Yaponiya" əsərini yazmışdır. Bu əsər Yaponiya ilə Qərbin XVI əsrin ikinci yarısından XIX əsrin sonlarına qədər münasibətlərindən bəhs edir. 1958–1963-cü illərdə "Yaponiya tarixi" adlı üçcildlik əsəri nəşr olunmuşdur.

İstinadlar

Bibliothèque nationale de France BnF identifikatoru (fr.): açıq məlumat platforması. 2011.
The Fine Art Archive.
Kodansha Encyclopedia of Japan
The Japan Biographical Encyclopedia & Who's Who

Ədəbiyyat

Kodansha Encyclopedia of Japan (ingiliscə). VII cild (Sake–Temm). Tokio: Kodansha. 1983. səh. 17. ISBN . İstifadə tarixi: 21 dekabr 2022.
The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1314. İstifadə tarixi: 21 dekabr 2022.

[_b8c2938ed3fcd089-1] Bibliothèque nationale de France BnF identifikatoru (fr.): açıq məlumat platforması. 2011.

[_f18f77d4f0294c21-2] The Fine Art Archive.

[FOOTNOTEKodansha_Encyclopedia_of_Japan-3] Kodansha Encyclopedia of Japan

[FOOTNOTEThe_Japan_Biographical_Encyclopedia_&_Who's_Who-4] The Japan Biographical Encyclopedia & Who's Who