Cozef D Boll ing Joe Ball 7 yanvar 1896 Texas San Antonio 24 sentyabr 1938 Texas Elmendorf Alliqator adam Elmendorf qəss

Cozef D. Boll (ing. Joe Ball; 7 yanvar 1896, Texas, San-Antonio – 24 sentyabr 1938, Texas, Elmendorf) — “Alliqator adam”, “Elmendorf qəssabı”, “Cənubi Texasın mavi saqqalı” olaraq adlandırılan amerikalı seriyalı qatil. O, iki nəfəri öldürməklə tanınır və 1930-cı illərdə 20-yə qədər qadını öldürdüyü deyilir. Onun varlığının çoxdan apokrif olduğuna inanılırdı, Texas folklorunda tanınmış bir fiqurdur. Onun ulu babası İllinoys ştatının Qallatin qraflığında tanınmış qanunsuz kölə alverçisi, adam oğrusu və qeyri-qanuni qul istehsalçısı Con Hart Krenşou idi.

Co Boll
ing. Joe Ball

Doğum adı	ing. Joseph D. Bal
Ləqəbləri	“Alliqator adam”, “Elmendorf qəssabı”, “Cənubi Texasın mavi saqqalı”
Doğum tarixi	7 yanvar 1896
Doğum yeri	Texas, San-Antonio
Vəfat tarixi	24 sentyabr 1938 (42 yaşında)
Vəfat yeri	Texas, Elmendorf
Vəfat səbəbi	intihar
Vətəndaşlığı	ABŞ
Qətllər
Qurbanların sayı	2–20
Qətllərin dövrü	1936 - 1938
Qətllərin yeri	Texas, Elmendorf

Arxa plan

Birinci Dünya müharibəsi illərində Avropada cəbhə bölgələrində xidmət etdikdən sonra Boll ödəyə bilənlərə qeyri-qanuni içki sataraq spirtli içki alverçisi kimi iş fəaliyyətinə başladı. Qadağa bitdikdən sonra o, Texas ştatı, Elmendorf şəhərində “Sociable Inn” adlı bir bar açdı. O, konkret dəlil terminini səhv başa düşdüyünə görə, cəsədsiz bir cinayəti ittiham etməyin mümkünsüz olacağına inandığı üçün altı alliqatordan ibarət bir gölməçə qurdu. O, insanları xüsusilə qidalanma zamanı onlara baxmağa dəvət edirdi. Yemək əsasən canlı pişik və itlərdən ibarət idi.

Cinayətlər

Bir müddət sonra bufetçi qızlar, keçmiş sevgililəri və həyat yoldaşı daxil olmaqla, ərazidəki qadınların itkin düşdüyü bildirildi. 1938-ci ildə Beksar qraflığından iki şerif nümayəndəsi onu dindirməyə gedəndə Boll kassa aparatından bir tapança götürdü və ürəyindən güllə ilə özünü öldürdü (bəzi mənbələrdə onun özünü başından vurduğu bildirilir).

Boll ilə əlbir hərəkət edən Klifford Uiler adlı usta qatilin öldürdüyü iki qadının cəsədlərindən qurtulmasına kömək etdiyini etiraf etdi. Uiler Hezel Braun və Minni Qottardın cənazələrinin harada olduğunu açıqladı. Ballın cinayətlərini təsdiqləyən dövrdən yazılı mənbələr az idi. Qəzet redaktoru Maykl Holl 2002-ci ildə baş verən hadisəni dərindən araşdırdı və “Texas Monthly” qəzeti üçün topladığı materiallar haqqında yazdı.

Popular mədəniyyətdə

Toub Huper “Ölüm tələsi” filmi Co Bolldan ilhamlanmışdır.

Həmçinin bax

Qeri Bouls

İstinadlar

Michael Hall. "Texas Monthly" (ingilis). texasmonthly.com. 4 dekabr 2013 tarixində .
"Drag Texas Dunes for Alligator Man's victims" (ingilis). google.com. 19 oktyobr 1938. 25 noyabr 2015 tarixində .
Hall, Michael (July 1, 2002). "Two Barmaids, Five Alligators, and the Butcher of Elmendorf" (ingilis). texasmonthly.com. 9 sentyabr 2015 tarixində .

[1] Michael Hall. "Texas Monthly" (ingilis). texasmonthly.com. 4 dekabr 2013 tarixində .

[:1-2] "Drag Texas Dunes for Alligator Man's victims" (ingilis). google.com. 19 oktyobr 1938. 25 noyabr 2015 tarixində .

[:0-3] Hall, Michael (July 1, 2002). "Two Barmaids, Five Alligators, and the Butcher of Elmendorf" (ingilis). texasmonthly.com. 9 sentyabr 2015 tarixində .