Barbi ing Barbie Qreta Qerviq tərəfindən Noa Baumbaxla birlikdə yazdığı ssenari əsasında 2023 cü ildə çəkilmiş ABş fente

Barbi (ing. Barbie) — Qreta Qerviq tərəfindən Noa Baumbaxla birlikdə yazdığı ssenari əsasında 2023-cü ildə çəkilmiş ABŞ fentezi-komediya filmi.Mattel tərəfindən istehsal olunmuş Barbi kuklası əsasında çəkilmiş ilk filmdir. Film Barbinin həyatını sorğulaması və real dünyaya səfər etməsi haqqındadır.

Barbi
ing. Barbie

Janr	romantik komediya, macəra filmi, komediya filmi, fentezi filmi^[d], musiqili film, romantik film
Rejissor	Qreta Qerviq
Prodüserlər	Marqo Robbi Tom Akerli^[d] Robbi Brenner^[d] Devid Heyman^[d]
Əsərin müəllifi	Mattel tərəfindən təqdim edilmiş Barbi oyuncağına əsaslanır
Ssenari müəllifləri	Qreta Qerviq Noa Baumbax
Baş rollarda	Marqo Robbi Rayan Qoslinq Amerika Ferrera^[d] Simu Liu^[d] Keyt Makkinnon^[d] Aleksandra Şipp^[d] Emma Maki İssa Rey^[d] Maykl Sera Rea Perlman^[d] Vill Ferrell^[d] Nkuti Qatva^[d] Hari Nef^[d] Şeron Runi^[d] Konor Suindells^[d] Ritu Arya^[d] Con Sina Ariana Qrinblatt^[d] Helen Mirren Dua Lipa
Operator	Rodriqo Prieto^[d]
Bəstəkarlar	Mark Ronson^[d] Endrü Uayatt^[d]
Montajçı	Nik Hui^[d]
İstehsalçılar	Heyday Films LuckyChap Entertainment NB/GG Pictures Mattel Films
Distribütor	Warner Bros. Pictures
İlk baxış tarixi	9 iyul 2023 (Shrine Auditorium) 21 iyul 2023 (ABŞ)
Müddət	114 dəq.
Büdcə	$128–145 milyon
Gəlir	$1.419 milyard
Ölkələr	ABŞ Birləşmiş Krallıq
Dil	ingilis dili
Rəng	rəngli
Çəkiliş yeri	Los-Anceles
IMDb	ID1517268
Vikianbarda əlaqəli mediafayllar

Barbi filmi ilk dəfə 2009-cu ilin sentyabrında "Universal Pictures" tərəfindən elan edildi. "Sony Pictures" 2014-cü ilin aprelində film hüquqlarını satın aldı və filmin çəkilməyi planlaşdırılmağa başladı. Film ssenaristlər, rejissorlar və aktyor heyətində bir sıra dəyişikliklərə məruz qaldı, əvvəlcə Barbi rolunu Emi Şumer və ya Enn Heteuey ifa edəcəkdi lakin bu baş vermədi, filmin hüquqları daha sonra 2018-ci ilin oktyabrında "Warner Bros. Pictures"-a təhvil verildi. Qal Qadot həmin il roldan imtina etdikdən sonra Barbi 2019-cu ildə Marqo Robbinin üzərinə düşdü. Qerviq və Baumbax 2020-ci ildə rejissor və filmin yazarları kimi seçildilər. Aktyorların qalan hissəsi 2022-ci ilin əvvəlində məlum oldu. Filmin çəkilişləri İngiltərədəki "Warner Bros." studiyalarında və ABŞ-nin Los-Anceles şəhərindəki Venice Beach-da aparıldı.

Barbinin premyerası 9 iyul 2023-cü ildə Los-Ancelesdəki Shrine Auditorium-da baş tutdu. Film ilk dəfə iyulun 21-də ABŞ-də kinoteatrlarda nümayiş olundu. Film Universal-ın "Oppenheymer" filmi ilə birlikdə "Barbenheymer" internet fenomenini yaratdı. Film tənqidçilər tərəfindən yüksək qiymətləndirildi və qlobal miqyasda 1,28 milyard dollar qazanaraq 2023-cü ilin ikinci ən çox gəlir gətirən filmi oldu. Film eyni zamanda qadın rejissorluğu ilə ən çox gəlir gətirən film və bütün zamanların ən çox gəlir gətirən 21-ci filmidir.

Süjet

Xəbərdarlıq: Yazının davamı əsərin məzmunu haqqında məlumat ehtiva edir.

Stereotip Barbi və onun kukla dostları Barbilərin və Kenlərin müxtəlif versiyalarının yaşadığı qadınların kişilərdən üstün olduğu bir cəmiyyətdə Barbieland-da yaşayırlar. Burada vaxtlarını çimərliklərdə dincələrək keçirir, Barbilər isə onlardan fərqli olaraq həkim, hüquqşünas və siyasətçi kimi prestij işlərlə məşğul olurlar. Çimərlikli Ken (ing. Beach Ken) Barbi ilə romantik münasibət qurmaq arzusundadı, Ken onun diqqətini çəkməyə çalışır, buna baxmayaraq Barbi onu heç vecinə də almır və öz rəfiqələri ilə bir yerdə olmağa üstünlük verir.

Rəqs şənliyində olan Barbi qəfildən ölüm haqqında düşünməyə başlayır və bu onu çox narahat edir. Həmin gün o, ağız qoxusu, selülit və düz ayaqlar inkişaf etdirir, ertəsi gün onun rutini pozulur. Eybəcərliyi səbəbindən kənarda qalan Qəribə Barbi ona real dünyaya getməsini və düzəlmək üçün onunla oynayan uşağı tapmasını məsləhət görür. Barbi maşını ilə gerçək dünyaya yollanır, bu səyahət zamanı Ken də ona qoşulur.

Venice Beach-ə çatan Barbi yolda gəzərkən bir kişi tərəfindən əllənir, ona cavab olaraq yumruq atır. Bu onun və Kenin həbs olunmasına səbəb olur. Onların gerçək dünyaya gəlməsi Mattel şirkətinin rəhbərini narahat edir. Barbi Saşa adlı onunla oynayan qızı tapır, lakin bu heç yaxşı olmur, Saşa Barbini ələ salır. Pərişan olan Barbi Saşanın anası, Mattel işçisi Qloriyanın, kukla ilə oynayarkən istəmədən ona mövcudluq krizisi yoluxdurduğunu öyrənir. Mattel Barbini aldararaq oyuncaq qutusuna salır, bunu görən Barbi, Saşa və Qloriya ilə birlikdə Barbieland-ə qaçır, Mattel-in işçiləri onların arxasınca düşür.

Bu arada Ken gerçək dünyanın kişilər tərəfindən idarə olunduğunu öyrənir və özünü hörmətli hiss edir. Barbieland-a qayıdan Ken digər Kenlərə patriarxat dünya haqqında danışır. Onlar Barbilərin beyinini yuyurlar və onları gerçək dünyada olduğu kimi itaətkar, evdar qadın və qulluqçu edirlər. Barbi gəlir və uğursuz şəkildə Ken və Barbiləri əvvəlki vəziyyətinə qayıtmağa inandırmağa çalışır. O, depressiyaya düşür, Qloriya ilhamverici bir çıxış edir və Barbinin özünə inamını bərpa edir.

Saşa, Qəribə Barbi, Allan və digərləri Qloriya ilə birlikdə Barbiləri Kenlərin əlindən azad etməyə çalışırlar. Barbilər Kenləri manipulyasiya edərək bir-biriləri ilə döyüşdürürlər, onların diqqətini yayındırıb, Barbilərə yenidən güc qazandırırlar. Barbilər Kenlərə və bütün oyuncaqlara daha yaxşı rəftar edilməsini istəyərək, əvvəlki cəmiyyətlərinin səhvlərini düzəltməyə qərar verirlər.

Barbi və Ken bir-birlərindən üzr istəyir və səhvlərindən peşman olduqlarını etiraf edirlər. Ken, Barbi olmadan bir məqsədi olmadığını hiss etdiyini ifadə edir, buna görə də Barbie onu öz müstəqil şəxsiyyətini tapmağa təşviq edir. Həyatdakı məqsədindən əmin olmayan Barbi Mattel şirkətinin təsisçisi və Barbi kuklasının yaradıcısı Rut Hendlerin ruhu ilə tanış olur. Rut izah edir ki, Barbinin hekayəsinin sonu yoxdur və o daim inkişafdadır.

Digər Barbilər, Kenlər və Mattel rəhbərləri ilə vidalaşdıqdan sonra Barbi insan olmağa və real dünyaya qayıtmağa qərar verir. Bir müddət sonra Barbara Handler adı ilə tanınan Barbi, rəfiqəsi Qloriya, onun əri və Saşa ilə birlikdə ginekoloqun müayinəsinə gedirlər.

Xəbərdarlığın sonu.

Rollarda

Marqo Robbi və Rayan Qoslinq.

Marqo Robbi — Barbi
Barbinin digər versiyaları:
- Kate McKinnon — Qəribə Barbi
- Issa Rae — Prezident Barbi
- Alexandra Shipp — Yazıçı Barbi
- Emma Maki — Fizikaçı Barbi
- Hari Nef — Dr. Barbi
- Sharon Rooney — Vəkil Barbi
- Ana Cruz Kayne — Hakim Barbi
- Ritu Arya — Jurnalist Barbi
- Dua Lipa — Su pərisi Barbi
- Nicola Coughlan — Diplomat Barbi
- Mette Narrative — Barbie Video Girl
- Marisa Abela — Teen Talk Barbie
- Lucy Boynton — Proust Barbie
Rayan Qoslinq — Ken
- Simu Liu — Turist Ken/Rəqib Ken
- Kingsley Ben-Adir — Basketbolçu Ken
- Scott Evans — Stereotip Ken
- Ncuti Gatwa — Rəssam Ken
- Con Sina — Su pərisi Ken
- Rob Brydon — Sugar Daddy Ken
- Tom Stourton — Earring Magic Ken
America Ferrera — Qloriya, Barbiyə kömək edən Mattel işçisi
Maykl Sera — Allan
Ariana Greenblatt — Saşa, Qloriyanın qızı
- Genvieve Toussaint — Balaca Saşa
Rhea Perlman — Mattel-in həmtəsisçisi Rut Hendlerin ruhu
Will Ferrell — Mattel şirkətinin rəhbəri

İstinadlar

D'Alessandro, Anthony. "'Barbie' Still Gorgeous With Best YTD $155M Opening; 'Oppenheimer' Ticking To $80M+ In Incredible $300M+ U.S. Box Office Weekend – Sunday AM Update". . July 23, 2023. July 21, 2023 tarixində . İstifadə tarixi: 29 iyul 2023.
Paskin, Willa. "Greta Gerwig's 'Barbie' Dream Job". . July 11, 2023. July 11, 2023 tarixində . İstifadə tarixi: 29 iyul 2023.
"Barbie". Box Office Mojo. 2023-08-09 tarixində . İstifadə tarixi: 10 avqust 2023.
Blanc J. AlloCiné (fr.). 1993.
Rubin, Rebecca. "Greta Gerwig, Margot Robbie and Ryan Gosling Bring Plastic, Fantastic 'Barbie' to CinemaCon". . April 25, 2023. April 25, 2023 tarixində . İstifadə tarixi: 29 iyul 2023.
Gyarke, Lovia. "'Barbie' Review: Margot Robbie and Ryan Gosling in Doll Comedy From Greta Gerwig That Delivers the Fun but Fudges the Politics". The Hollywood Reporter. July 18, 2023. July 20, 2023 tarixində . İstifadə tarixi: July 13, 2023.

Xarici keçidlər

barbie-themovie.com — Barbinin rəsmi saytı
Barbi — Internet Movie Database saytında.

[Deadline-Previews-1] D'Alessandro, Anthony. "'Barbie' Still Gorgeous With Best YTD $155M Opening; 'Oppenheimer' Ticking To $80M+ In Incredible $300M+ U.S. Box Office Weekend – Sunday AM Update". . July 23, 2023. July 21, 2023 tarixində . İstifadə tarixi: 29 iyul 2023.

[Paskin-2] Paskin, Willa. "Greta Gerwig's 'Barbie' Dream Job". . July 11, 2023. July 11, 2023 tarixində . İstifadə tarixi: 29 iyul 2023.

[3] "Barbie". Box Office Mojo. 2023-08-09 tarixində . İstifadə tarixi: 10 avqust 2023.

[_09c6f49e7aa91146-4] Blanc J. AlloCiné (fr.). 1993.

[Rubin-5] Rubin, Rebecca. "Greta Gerwig, Margot Robbie and Ryan Gosling Bring Plastic, Fantastic 'Barbie' to CinemaCon". . April 25, 2023. April 25, 2023 tarixində . İstifadə tarixi: 29 iyul 2023.

[thrreview-6] Gyarke, Lovia. "'Barbie' Review: Margot Robbie and Ryan Gosling in Doll Comedy From Greta Gerwig That Delivers the Fun but Fudges the Politics". The Hollywood Reporter. July 18, 2023. July 20, 2023 tarixində . İstifadə tarixi: July 13, 2023.