Bakı Dövlət Universitetinin informasiya və sənəd menecmenti fakültəsi Bakı Dövlət Universitetinin fakültələrindən biri i

Bakı Dövlət Universitetinin İnformasiya və sənəd menecmenti fakültəsi — Bakı Dövlət Universitetinin fakültələrindən biri.

İnformasiya və sənəd menecmenti fakültəsi
Bakı Dövlət Universiteti
Yaradılma tarixi	1947
Dekan	Ələmdar Cabbarlı
Yerləşməsi
Ölkə	Azərbaycan
Şəhər	Bakı Bakı
Digər məlumatlar
Sayt	libinfo.bsu.edu.az

Tarixi

Bakı Dövlət Universitetində müstəqil İnformasiya və sənəd menecmenti fakültəsinin formalaşmasına gedən yol Azərbaycanda 1947/1948-ci tədris ilində təşəkkül tapmış ali kitabxanaçılıq təhsilinin yaranmasından başlayır. Həmin tədris ilində Bakı Dövlət Universitetinin Filologiya fakültəsində Kitabxanaçılıq şöbəsi yaradılmışdır. Şöbənin ilk ixtisas müəllimləri xalq yazıçısı Süleyman Rəhimov, Əliheydər Qəhrəmanov, Hüseyn Tağıyev və Məryəmxanım Səmədova olmuşlar. 1958/1959-cu tədris ilində şöbə Şərqşünaslıq fakültəsinin tərkibinə daxil edilmişdir. 1962-ci ilin avqust ayında BDU-da müstəqil Kitabxanaçılıq fakültəsinin təşkil olunması haqqında qərar qəbul olunmuşdur.

2004-cü ildə BDU-nun Elmi Şurasında fakültənin adı dəyişdirilərək Kitabxanaçılıq-informasiya fakültəsi adlandırılır.

18 yanvar 2023-cü il tarixində Bakı Dövlət Universitetinin Elmi Şurasının iclasında BDU-nun Kitabxanaçılıq-informasiya fakültəsinin adının dəyişdirilməsi müzakirəyə çıxarılıb və qərar qəbul olunub; fakültənin adı dəyişdirilərək "İnformasiya və sənəd menecmenti" adlandırılıb.

Fakültədə 3 dildə (Azərbaycan, ingilis və rus dillərində) tədris aparılır.

Bakı Dövlət Universitetinin peşəkar kadr hazırlığı sistemində bu fakültə həmişə xüsusi yeri və mövqeyi ilə seçilmişdir. Fakültənin ilk dekanı Abuzər Alı oğlu Xələfov olmuşdur. Əməkdar elm xadimi, tarix elmləri doktoru, professor, "Şöhrət" və "Şərəf" ordenli Abuzər Xələfov 1962–1970 və 1979–1993-cü illərdə fakültəyə rəhbərlik etmişdir. 1970–1979-cu illərdə Əməkdar mədəniyyət işçisi, professor Zöhrab Əliyev, 1993–2012-ci illərdə Əməkdar mədəniyyət işçisi, professor Xəlil İsmayılov, 2012–2020-ci illərdə dosent Azad Qurbanov dekan vəzifəsində çalışmışlar. 2020-ci ilin sentyabr ayından 2022-ci ilin yanvar ayınadək dekan vəzifəsini dosent Ələmdar Cabbarlı əvəz etmişdir.

Bu günə qədər fakültəni 6000-dən çox məzun bitirib. Fakültədə yüksək ixtisaslı milli kadr hazırlığında Abuzər Xələfov, Hacı Həsənov, Zöhrab Əliyev, Əşrəf Xələfov, Bayram Allahvediyev, Tacəddin Quliyev, Rasim Kazımov, Fərman Bayramov, Sahib Rzayev, Əli Rüstəmov, Zöhrab Baxşəliyev, Aşur Əliyev, Kəmalə Şeyxzamanova, Qəmzə Hacıyeva, Sənubər Mustafayeva və digər alim-pedaqoqların böyük xidmətləri olub.

Azərbaycan Respublikası Prezidentinin 15 yanvar 2019-cu il tarixli Fərmanı ilə informasiya-kommunikasiya texnologiyalarının imkanları, habelə mövcud tələbat nəzərə alınmaqla, ölkədə kitabxana sisteminin yenidən qurulması həyata keçirilir. Dövlət proqramı əsasında yeni yaradılacaq kitabxana-informasiya sistemində müasir informasiya-kommunikasiya texnologiyalarına yiyələnmiş ixtisaslı kadrların yetişdirilməsi zərurətə çevrilmişdir. Bu mənada İnformasiya və sənəd menecmenti fakültəsinin əsas məqsədi müasir dövrün tələblərinə, informasiya əsrinin çağırışlarına uyğun kadr hazırlığını həyata keçirməkdir.

Hazırda fakültədə təlim-tədris prosesi ilə 40 nəfərdən çox professor-müəllim heyəti məşğul olur. Fakültədə tədris bakalavriatura, magistratura və doktorantura olmaqla 3 pillədə həyata keçirilir. Bakalavr pilləsində 600-ə qədər, magistr pilləsində 20-ə qədər tələbə təhsil alır. 20-dən çox doktorant isə fəlsəfə və elmlər doktorluğu proqramları üzrə elmi-tədqiqat işləri üzərində çalışır.

Rəhbərlər

1962-ci ildən bu günə kimi fakültəyə dörd dekan rəhbərlik edib: 1962–1970, 1979–1993-cü illərdə tarix elmləri doktoru, prof. Abuzər Xələfov, 1970–1979-cu illərdə prof. Zöhrab Əliyev, 1993–2012-ci illərdə prof. Xəlil İsmayılov. 2012-ci ildən 2020-ci ilin sentyabr ayınadək fakültənin dekanı dosent Azad Qurbanov olmuşdur. Hal-hazırda fakültəyə dekan, dosent Ələmdar Cabbarlı (Bayramov) rəhbərlik edir.

Məzunları

İnformasiya və sənəd menecmenti fakültəsinin məzunları sırasında professorlar, dosentlər, elmlər və fəlsəfə doktorları, görkəmli yazıçılar, şairlər, ictimai və dövlət xadimləri, jurnalistlər, hüquq-mühafizə orqanlarının əməkdaşları, ayrı-ayrı nazirliklərdə müvəffəqiyyətlə çalışan dövlət qulluqçuları və digər şəxslər vardır. Onlardan bəzilərinin adlarını qeyd etmək yerinə düşər: prof. Abuzər Xələfov, prof. Bayram Allahverdiyev, prof. Zöhrab Əliyev, prof. Xəlil İsmayılov, prof. Qara Namazov, prof. İslam Ağayev, prof. Əsədulla Qurbanov, fil.ü.e.d. Aybəniz Əliyeva-Kəngərli, fil.ü.e.d. İmaməddin Zəkiyev, dos. Elman Bədəlov, dos. Hacı Həsənov, dos. Tacəddin Quliyev, dos. Zöhrab Baxşəliyev, dos. Fərman Həsənov, dos. Əşrəf Xələfov, dos. Almaz Abbasova, dos. Əli Rüstəmov, dos. Sahib Rzayev, dos. Aşur Əliyev, dos. Nadir İsmayılov, dos. Mehmanəli Məmmədov, dos. Elçin Əhmədov, dos. Knyaz Aslan, dos. Ələmdar Bayramov (Cabbarlı), tar.ü.f.d. Eldəniz Məmmədov, dos. Rasim Süleymanov, dos. Nailə Mehrəliyeva, kitabxana işinin təşkilatçılarından Sara İbrahimova, prof. Kərim Tahirov, Tahir Sadıqov, Oruc Quliyev, şair, yazıçı və jurnalistlərdən Zəlimxan Yaqub, Əlisa Nicat, Məmməd İsmayıl, Şakir Yaqubov, Əhməd İsayev, Akif Nəsirov, filologiya üzrə fəlsəfə doktoru Şəlalə Məhyəddinqızı və digərləri.

İstinadlar

"BDU-nun bu fakültəsinin adı dəyişdirildi". 2023-01-29 tarixində . İstifadə tarixi: 2023-01-29.
"BDU-nun bu fakültəsinin adı dəyişdirildi". 2023-01-29 tarixində . İstifadə tarixi: 2023-01-29.
Mammadov, E.E. History of books and libraries in Azerbaijan 2023-02-02 at the Wayback Machine: Teaching aid for universities / Scientific editors: professor J.R.Mehrad, Ph.D. in technology E.Ch.Mammadov; reviewers: docent E.Y.Ahmadov, docent K.I.Aslan, Ph.D. in history A.T.Abdullayeva; Ministry of Science and Education of the Republic of Azerbaijan, Baku State University. - Baku: Adiloglu, 2022. - 174 p. -
"Azərbaycan Kitabxana Ensiklopediyası" (PDF). 2021-10-26 tarixində (PDF). İstifadə tarixi: 2021-02-02.
"Burada kitabxanaçılar yetişir / C.Zərbəliyev // Mədəniyyət, 2012, 19 dekabr. s. 7". 2013-02-13 tarixində . İstifadə tarixi: 2021-02-02.
(PDF). 2020-09-20 tarixində orijinalından (PDF) arxivləşdirilib. İstifadə tarixi: 2021-02-02.
"Bakı Dövlət Universitetinin Kitabxanaçılıq-informasiya fakültəsi inkişaf yollarında" (PDF). 2023-01-30 tarixində (PDF). İstifadə tarixi: 2023-01-30.
Arxivləşdirilib: 21.01.2021.
"Arxivlənmiş surət". 2022-01-12 tarixində . İstifadə tarixi: 2022-01-12.
"Arxivlənmiş surət". 2020-02-20 tarixində . İstifadə tarixi: 2019-12-03.

Həmçinin bax

BDU
Rəsmi feysbuk səhifəsi
Rəsmi instaqram səhifəsi

[:2-2] "BDU-nun bu fakültəsinin adı dəyişdirildi". 2023-01-29 tarixində . İstifadə tarixi: 2023-01-29.

[:3-3] "BDU-nun bu fakültəsinin adı dəyişdirildi". 2023-01-29 tarixində . İstifadə tarixi: 2023-01-29.

[:4-4] Mammadov, E.E. History of books and libraries in Azerbaijan 2023-02-02 at the Wayback Machine: Teaching aid for universities / Scientific editors: professor J.R.Mehrad, Ph.D. in technology E.Ch.Mammadov; reviewers: docent E.Y.Ahmadov, docent K.I.Aslan, Ph.D. in history A.T.Abdullayeva; Ministry of Science and Education of the Republic of Azerbaijan, Baku State University. - Baku: Adiloglu, 2022. - 174 p. -

[:0-5] "Azərbaycan Kitabxana Ensiklopediyası" (PDF). 2021-10-26 tarixində (PDF). İstifadə tarixi: 2021-02-02.

[6] "Burada kitabxanaçılar yetişir / C.Zərbəliyev // Mədəniyyət, 2012, 19 dekabr. s. 7". 2013-02-13 tarixində . İstifadə tarixi: 2021-02-02.

[:1-7] (PDF). 2020-09-20 tarixində orijinalından (PDF) arxivləşdirilib. İstifadə tarixi: 2021-02-02.

[8] "Bakı Dövlət Universitetinin Kitabxanaçılıq-informasiya fakültəsi inkişaf yollarında" (PDF). 2023-01-30 tarixində (PDF). İstifadə tarixi: 2023-01-30.

[9] Arxivləşdirilib: 21.01.2021.

[10] "Arxivlənmiş surət". 2022-01-12 tarixində . İstifadə tarixi: 2022-01-12.

[11] "Arxivlənmiş surət". 2020-02-20 tarixində . İstifadə tarixi: 2019-12-03.